十大碗粥麵專家

營業中

休息中

連續四日長假期，再加上疫情舒緩，一於出外覓食。記得早排睇YouTube，有人推介一間叫十大碗嘅麵舖。身為麵痴嘅我，立刻去試試。麵舖在太子站附近，下午去到，大排長龍。睇嚟冇揀錯。等了約半個鐘，終於輪到自己。店內面積不大，店員服務勤快。立刻叫了一碗雲吞麵及炸鯪魚球。雲吞麵先上，立刻飲一口湯，有大地魚味，並加了少量豬油。食一啖麵，不得了。麵幼，彈牙及非常爽口。水準高。雲吞包得傳統，雲吞尾呈金魚尾狀，蝦肉彈牙，有大地魚味及少量豬肉，配合得恰到好處。整碗麵水準非常高，唯一缺點是麵及雲吞份量較少。再上炸鯪魚球。鯪魚球剛剛炸起，上枱時size如乒乓球般大。急不及待，咬一啖。鯪魚球面的脆米炸得卜卜脆，魚肉咬落彈牙，並加了一點點陳皮，非常得。同垷介一齊食，非常好味。意猶未盡，叫多一碗牛腩麵。牛筋炆得非常腍，牛腩亦鬆軟，柱候醬味濃，亦得。這麵舖每樣出品都做得用心及水準高，自己食得一臉滿足。

地點就腳，新式裝修，鋪仔細細除左係麵家，仲有粥，腸粉，小食，都算係種類繁多。一坐低，服務生就會俾隻碟仔你，因為每台都會有一大盅泡椒酸蘿蔔任你食😋蘿蔔一d都唔硬身，酸度岩岩好，作為開胃菜真係一流雲吞麵小店既招牌菜，雲吞細細粒非常鮮甜，每粒都包左成隻🦐好足料。幼麵韌度控制得好好，爽👍蝦籽撈幼麵撈麵底淥得剛好，乾身爽口唔會散，蝦籽亦都好鮮味，都係主打之一，必食😎蜆介鯪魚球即叫即炸，貼心地有大細份量(4粒/6粒)，每一粒都好似乒乓波咁大😂鯪魚既肉質打得好好，唔太實亦唔太散，而且一d魚鯹味都無，唔會有小魚骨，確實係啖啖肉😋加埋痴左d米粉先一齊炸，特別脆香！蝦米炸両同樣係即叫即拉，連油條都係脆卜卜架！腸粉又薄又滑，加埋蝦米同蔥花，簡單既鼓油已經帶出香味，非常好味！

這段時間唯一令我出去食既原因，就係終於可以食到平日勁多人既小店十大碗0負評既原因，食第一啖明了麵係啱啱好的，唔會太硬or脹曬咁，又唔會太重䶨水味，湯對我來說咸左少少，但連麵一齊食都接受我地4個人叫左🐷手，魚片頭麵，鴨絲腸粉，再加左個人人話必食鯪魚球配蜆芥sauce同油菜- 真係樣樣連個油菜都好味喎！豬手又入味夠肉，片頭夠香，鴨味夠出，菜又夠甜，鯪魚球唔腥又唔會有大陣油炸味，係可以成日食都唔厭果種味道！不過對我來說sauce 又係咸左少少... 最後食埋佢個蘿蔔pickle balance 下d邪惡炸野- 連lee 個都好味喎！（真心想食晒佢成樽）見有人等走先- 希望佢可以番多幾枱啦！加油啊！撐住- 靠你做飯堂㗎！

十大碗📍.有時日日食得太豐富都想食返啲清淡既粥品🥡E.L成日都會去太子呢間粥麵鋪食除左因為鋪頭乾淨企理 坐得都幾舒服之外仲有秘製醃蘿蔔 令人回味👍🏻.🐷鮮豬膶粥（$34）豬膶新鮮無腥味 厚切幾爽口粥底綿密幼滑😋.🔥炸両（$28）外皮薄而滑 油炸鬼脆口🙈.朋友就叫左個腩筋河（$44）🐮腩筋炆得好腍 加上濃郁既腩汁同幼滑河粉🍜好食.呢到既炸蛽芥鯪魚球 炸水餃都唔錯架整體黎講啲食物都幾高質 值得試下架🤤.人均消費：$50美味指數：😋😋😋😋😋😋😋😋（8.5/10）抵食指數：💰💰💰💰💰💰💰 （8/10）打卡指數：📷📷📷📷📷📷（6.5/10）.店名：十大碗粥麵專家 (太子)地址：太子汝州街45號樂勝大廈地下.#foodies #hkfoodies #food #foodie #foodies #hkfoodblogger #hkfoodieblogger #hkfoodblog #hkfoodies #hkfood #foodlover #princeedward #congee #相機食先 #打卡熱點#香港美食推介#香港美食 #美食 #香港美食地圖 #香港打卡熱點 #打卡美食#太子#粥麵#粥麵專

記得小時候住灣仔，屋企附近有鐡皮屋檔嘅漁蛋粉，永華麵家，灣仔舊街市嘅茶檔⋯通通已經變成回憶looo⋯好食嘅粥麵店，隨咗麵要彈牙爽口，湯底都好重要；細個嘅時候好喜歡食炸醬撈麵，因為辣辣哋，又有一碗湯，自從老舖結業，要食到兒時嘅味道真係少之又少。其實呢間舖已經幫襯咗N咁多次，佢嘅雲吞、水餃、牛腩湯麵係好好食，而我嘅最愛就係炸醬撈麵😋，同小時候嘅味道一様，絕對唔差得過老牌麵店，後來知道廚師曾經喺兩間出名麵店學廚，唔怪之得食落有老店嘅味道⋯PS: 順帶一提.…以前嘅麵店通常會有開胃菜(酸蘿蔔)比客人，而呢間亦都有👍🏻

帶貓貓睇醫生等報告期間在附近盪，就見到哩間鋪外面放了很多大地魚乾，直覺話俾我知這間鋪的湯底不會差到去邊，入去坐低就叫了一碗雲吞麵，麵爽，雲吞好香d蝦又彈牙。好食👍🏼👍🏼之後每次經開哩頭都會過嚟食今次食撈麵！都依然好正同埋佢d甜酸蘿蔔都好食！仲係無限添加食過咁多次都依然好好食，剔起心肝寫返篇推介

食飯時間碰巧下午茶時間，有時都會因為選擇多，而出現選擇困難症🤣呢間之前去食過，今次再去也是一心要點這個炸蜆芥鯪魚球，唔知點解，之前第一次食已愛上，所以今次再來都要點，因為真係好食，好足料，而且仲要即叫即炸，所以好香口。至於及弟粥配料都好足，而且大大件，粥底又夠棉，雖然咁樣食一餐有啲貴，不過就好滿足🤣

又一次證明Google Map對於厨娘嘅幫助實在極甚，一條甚少摸上汝州街、一機在手無有可怕很快便摸都上址，由於是剛開門不久所以人流不太多反而對於我(清靜)絕對是甚為喜歡。。。裝修設計較為時摩登兩幅大大的卡通壁畫就放在入門的左右兩旁，簡約而帶出港式風味~這些有雲吞麵亦有艇仔粥/拉腸粉的店舖從前就好像(彩虹邨)舊區一般所以童年味道頓然回首~簡單的要上一個水餃麵加牛腩汁Hk$34.水餃雖然只得三隻，但是飽滿內涵豐富荀絲/ 木耳/ 蝦肉包扎鬆散恰好、更為最最最了得便是麵條沒有坊間一般吃著有鹼性味道，抵讚！至於另一個抵讚的當選為眼前這一個蝦腸粉Hk$32.首先要讚當然是他的腸粉質感、細滑而沒有粉粒嚡口，一碟三件硬要挑剔可能便是他的蝦肉味道、質感雖然沒有雪藏般的霉身，但就講不出鮮味可言~★總結整餐個人覺得由食物水準到價錢都算抵讚，最可惜是位置較為吊腳、不然應該更為大紅大紫｡★

今日來到太子十大碗粥麵店食野，幾個朋友叫左幾碗出名的粉麵，呢幾樣野都係十大碗出名的1. 白灼豬雜，呢個好食，不油膩，好新鮮的豬肉，好正👍🏻👍🏻👍🏻👍🏻值得食2. 蝦籽撈麵，好香好多蝦籽，好好味👍🏻👍🏻👍🏻👍🏻3.傳統炸醬撈麵，好香的秘制醬，有叉燒，味道夠也好好吃👍🏻👍🏻👍🏻4. 蔥花蝦米腸，這個蔥花配的好，腸粉夠滑也香👍🏻👍🏻👍🏻5. 炸雲吞，夠脆夠香，也是必點之選👍🏻👍🏻👍🏻👍🏻6. 招牌雲吞麵，雲吞夠皮薄夠大粒，都係好食的👍🏻👍🏻👍🏻價錢方面都係十分實惠的，平時經過太子想食碗麵醫肚，可以揀十大碗😊😊😊

最近太子係揾食新寵點解我咁遲先發現咁好既地方😩呢間餐廳裝潢比較新穎座位都闊綽又有冷氣估唔到用咁足料又傳統既方法煮麵😯🍜招牌雲呑麵🍜(下午茶$40 配凍飲/油菜)一上枱通透既湯底吸引到不得了✨飲一啖就食到用大地魚熬出黎既鮮甜係鹼水味重左少少再食啖麵🥢個種彈牙口感真係出面少有比得上秘方聽講係每斤麵都重本咁落多啲鴨蛋🥚🤫雲呑以原隻蝦做餡，正👍🏼價錢絕對值回票價餐廳有樣好特別每枱都放左一罐醃蘿蔔俾客人任食試左幾塊，酸酸地幾好中和鹼水既味道

2019年6月22號，一個星期日的中午去樓下搵野食，行過見到呢間，見佢裝修唔錯，入面人都幾多下，出面門口貼曬廣告咁，就決定試下佢係咪真係咁勁。入去睇完個Menu，叫左碗招牌狀元及第粥同埋鮮蝦腸，呢兩樣野都係我好鍾意嘅嘢食首先睇下狀元及第粥d料好大份，好新鮮。豬潤好滑，豬肚非常爽口。個粥的味道剛剛好，不需要任何額外的調味。一個字，好味。跟住仲有個鮮蝦腸。個腸粉皮非常薄，但咬落好煙韌，d蝦好大隻，好彈牙。令人停唔到口。

星期六中午約左去朋友屋企，諗住附近食完野就去，就喺呢個時候朋友就提議仲強烈推介食粥，以為佢講笑，原來係認真，就半信半疑咁行去十大粥麵專家。去到都幾爆，好彩啱啱好有位，一睇都只係覺得係間裝修比較靚既粥麵店，以為會貴原來一碗粥都係$35左右，咁就叫左碗皮蛋瘦肉粥加支豆漿都係四十幾蚊。碗粥黎到，一試，我終於明白點解朋友強烈推介，皮蛋同瘦肉互相配合、唔會遮蓋左大家既味道，粥入味之餘亦唔覺有味精既味道，食過咁多皮蛋瘦肉粥，我唔敢講係最好食，大過我心目中既十大一定有佢份！超抵食！

真係好好味，價錢小小偏高，但絕對值得。服務一流。叫咗一碗牛腩麵，豬手撈麵，炸鯪魚球四粒，炸水餃五隻，炸兩一碟。炸兩應該即叫即整，塊皮係熱嘅，油炸鬼超脆。辣椒醬好味。面爽彈有咬口！！豬手夠林，南乳味唔會好搶。大地魚湯夠味！ ！鯪魚球果皮足夠，蜆介鮮鹹味！ ！牛腩麵，夠香濃，牛腩汁好夠味，最後加咗個炸水餃🥟，香脆餃子味濃！環境好乾淨，醬汁夠齊！仲有自家製淹制酸蘿蔔任食。一定會再食過，因為個餐牌我未食晒！！

There are many Chinese soup noodle restaurants around but I always love to try different ones. So far I have a favourite one but each noodle shop have their own specialty. Location is a bit out of the way and I really liked how they got a local artist to do some paintings on the walls and menu. It reflects they have given some thoughts. Cleanliness 👍🏻👍🏻👍🏻👍🏻Taste 👍🏻👍🏻👍🏻👍🏻Service 👍🏻👍🏻👍🏻Ambiance 👍🏻👍🏻👍🏻👍🏻

陪朋友去完太子買水晶 順便食個tea 經過新年大家都食得清淡啲 咁就不如食粥餐廳裝修新淨 唔似舊式粥麵鋪油淋淋檯面有一樽醃蘿白同青瓜 可以配粥或者麵 朋友試南乳豬手粗麵 豬手夠大舊 有骨有肉有豬皮 入晒南乳味 仲可以吸收豐富骨膠原 粗麵煙韌有彈性 麵底厚 唔會食兩啖就無晒 湯底有蝦味 特別鮮甜 我就試咗北菇滑雞粥 平時食盅頭飯就試得多 粥就真係第一次 目測大概十件雞件 雞翼 雞胸 雞脾肉 雖然部短各有不同 但肉質一致地嫩滑 可能因為係生滾粥 雞嘅油份仍然鎖於雞肉內 粥底絲毫未發現雞油 菇香滲入粥內 口感清香綿密個人覺得必試炸两 外層腸粉皮薄滑溜 好似食緊啫喱咁 一下就𠽌入口內層炸大鬼熱辣辣兼脆口 兩者配合簡直係完美炸兩如果想試高質粥麵 不妨黎呢間 肯定唔會失望！