十勝牛和食料理

營業中

休息中

舊鋪喺天耀商場都幫襯左好多年見佢搬左去濕地公園今日又咁啱有揸車就過去試下點知真係大失所望嗌左鰻魚炒飯，芝麻雞翼，忌廉薯餅，牛仔骨，軟殼蟹反卷由落單到岀齊嘢唔駛10分鐘，仲快過叮叮重點嚟啦。。。冇樣係熱嘅，個炒飯仲勁，微暖得嚟係一大陣濃味唔係佢附近咩都冇得揀我真係唔會食囉雖然搬左鋪裝修靚左又冇加價，但食物質素差到咁我寧願你加價keep返啲食物質素懷念天耀舊鋪，last order前1分鐘落單，啲嘢食都係熱辣辣

三口子入濕地公園玩，未入園前就要去醫肚先。附近只有十勝牛和食料理，咁我地就去食個lunch先。可能星期日關係，加上附近又只得一間餐廳，所妁人都算多，我地等左都差唔多半個鐘先有位~ 等左咁耐，肚都好人餓了，所以就簡簡單單午餐定食啦~每個定食都會附送中華沙律同埋麵豉湯同飲品。麵豉湯有點失望，上菜時都凍凍地，感覺唔太好~除左兩杯凍檸茶之外，我就叫左杯菊花蜜，味道唔錯，夠菊花味得嚟又唔太甜~我嘅什錦魚生飯看似細細碗，但其實份量好足同新鮮~老公嘅鹽燒鯖魚好夠味~阿仔嘅蕃茄雞柳燴烏冬雖然比佢預期嘅食法有點出入，不過都酸酸甜甜蕃茄味~不過，最令我地有驚喜嘅係散點嘅個蟹籽沙律，超大碗又好足料呀~整體感覺係...味道唔錯，價錢扺食， 港式日本料理性價比高，有機會再入濕地公園玩都名可以嚟再食過！

今日同屋企人去公園玩，肚餓入黎見到裝修都新同舒服香蔥牛肉炒烏冬 4.7分夠臒氣 香味和味道都不錯壽司質量都不錯 4.5鰻魚炒飯 4.6分鰻魚夠彈夠鰻魚味炒飯都入味**食物總體都滿意， 唯一係服務人員態度比較不好，希望改善

今日好開心同屋企人去咗濕地公園嘅一間日式餐廳，呢一間餐廳真係好好食，性價比好高，價錢經濟，但係全部嘅份量都好多，味道很不錯，高水準的食物，食咗一次，真係要再嚟啊，住天水圍嘅人一定要試吓，首先佢嘅位置於天水圍濕地公園站一落車，行一至2分鐘就會到呢一間餐廳，真係好方便呀，而且環境好寧靜好舒服，全部附近都係樹木花花草草，所以環境一流，而且間餐廳是新餐廳，新開張，所有嘅裝修都好靚，地方好乾淨好舒適，而且侍應嘅服務都好好，全部好有笑容好親切咁，所以我覺得呢一間餐廳有賓至如歸的感覺，然後食物方面，都係好有特色，日式嘅食物照燒雞扒飯全部都有，炒麵炒飯都有，真係好多選擇，而且全部都係好貼心，真係好啱一家大細嚟食㗎，而且佢哋嘅飯沙律都好友吸引，好好食，好大啲份量好足夠，真係高水準啊

服務態度好差 侍應十叫九吾應 黑哂面欠左佢甘 壽司食品質好素 差過爭鮮 主食炒粉麵飯嗰啲又好咸 叫咗豬頸肉炒拉麵抄到一舊舊 三文魚孖寶 竟然可以 喺凍冰冰 蟹子沙律又出曬水 鰻魚壽司乾爭爭柴皮咁樣 羊扒又係凍既 西瓜汁又好似水甘 完全令我回想起明將壽司嘅回憶 之前食佢係因為性價比高 依家佢回曬塘 難食 出品好求其

本身天水圍天耀商場都有間十勝牛，唔知係咪因為諗住喺Wetland Season Bay開舖，所以由天水圍南搬去天水圍北。十勝牛長期有好多人等位，皆因佢嘅定價冇得輸，食物質素同價錢成正比。汁燒牛仔骨$55有少少筋，肉質算嫩，唔會煎得太熟。七味溫泉蛋雞肉炒飯$45冇乜味，只有微微炒蛋香，好在有隻溫泉蛋撈飯。忌廉汁海鮮菠菜千層麵$52滿滿嘅忌廉汁覆蓋住至少有三層嘅千層麵，海鮮還可以。蟹子沙律(小)$32每次都會叫，平靚正。唔知係咪因為成日有好多人幫襯，職員都冇乜服務質素，態度麻麻。

星期日同屋企人去左濕地公園行出黎經過一間新開既日式餐廳望落環境闊落.座位舒服睇完餐牌覺得非常抵食就入去嘗新中午有下午茶一碗面+飲品都唔洗$40湯底非常濃郁十分抵食