十八座狗仔粉

十八座狗仔粉有好多分店今日去咗牛頭角分店其實呢間分店喺響牛頭角同觀塘地鐵站之間我今日就響牛頭角地鐵站嗰邊行過去都要行成10幾分鐘今日我11:30左右就到咗嗰個時間冇乜人咁就可以坐低慢慢嘆啦店舖入邊兩邊嘅牆壁全部都係鏡而鏡上邊就貼滿晒好多明星名人嘅相一坐低店員就好熱情咁嚟招呼佢話可以自己掃碼落單又得直接叫佢幫我落單都得嚟得呢度當然係食狗仔粉啦另外我仲叫咗個細嘅雜燴同埋佢哋舖頭自家製嘅五花茶首先，講吓狗仔粉果然好好味湯底望落好似好清原來好好味㗎粉嘅份量都幾好夠食第二樣就係細嘅雜薈有得揀辣同唔辣有唔同嘅醬汁因為我自己唔食得辣，所以就揀咗唔要辣汁有四樣餸 大腸 豬肚 豬皮 蘿蔔全部都好入味，又夠腍不過個汁就鹹得滯啦我冇撈勻佢食，只係點咗少少至於個自家製五花茶細細支大約300毫升左右味道真係好似涼茶舖嘅五花茶但係就有啲貴啦…查看更多

琴日同阿娘去試下呢間十八座狗仔粉 點左個期間限定嘅 好澎湃嘅 芫荽狗仔粉😂😂個粉都ok唔會太杰 不過啲粉嘅長度有啲尷尬用竹簽夾有啲難度 用匙羹 又太長🫠湯頭唔太咸 加埋辣菜脯剛剛好鴨肉碗仔翅加魚肉湯底好鮮甜鴨味 鴨肉好多 稀杰適中 魚肉好彈牙 細雜燴 入面有豬肚大腸豬皮蘿蔔第一啖入口個醬汁竟然有驚喜帶有磨豉的咸香同海鮮醬個種甜甜地再睇返餐牌介紹 原來係餐廳自製千味醬好惹味👍🏻 再黎枝自家五花茶一共$139 佢仲可以外賣$7一小包豬油渣返屋企炒菜加落去應該幾好味…查看更多

咁啱有嘢做要去牛頭角，做完嘢想食少少嘢，見到「十八座狗仔粉」，聽人講過話佢啲嘢食唔錯，就入去睇下有咩食。原本我係想叫佢嘅「狗仔粉」，但夜啲又要食飯，就點咗「火鴨翅」同「黑白炸丸」兩樣嘢唔使咁飽。第一次食「火鴨翅」佢個味道同質感都覺得好新鮮同有驚喜，佢有鴨肉絲同帶有好香嘅鴨味，同食開嘅碗仔翅係完全兩樣野嚟，不論味覺同質感都唔同，對我嚟講，可以話係一個新嘅湯羮，唔應該用碗仔翅做比較。另外嘅「黑白炸丸」，豬肉丸同墨魚丸各兩粒，雖然只係得4粒，但4粒丸都係大大粒，仲要做到係皮脆肉彈，豬肉丸帶有香濃嘅豬肉鮮香；墨魚丸帶豐富嘅鮮味，拿捏得啱啱好，我好少可會讚啲丸好食，佢算係難得可以比我讚嘅丸。真係覺得要試佢個狗仔粉，下次再嚟比食評。…查看更多

十八座狗仔粉十八座狗仔粉出品相信大家都試過見到居然有芫荽咁過癮，海報上面仲要好足料咁，望見都彷彿聞到一陣獨特嘅清香，作為荽人簡直沒有不試的奶油！🦆 十八座莞荽火鴨翅（＄44）莞荽同海報一樣咁足！如果唔夠喉甚至可以加錢ENCORE多一份！絕對係荽人夢想！莞荽清潔乾淨，食落有爽脆口感，味道層次豐富且獨特，陣陣清香撈埋火鴨翅，將香氣提升到一個極致，增添清爽風味🐶 馳名狗仔粉（＄37）狗仔粉軟滑，湯汁咸香，撈埋豬油渣仲有靈魂菜脯，雖然係有丁點油膩，但絕對係收工後對身體舒暢嘅COMFORD FOOD！間唔時挑起舖癮就會好想食！🐟 鮮味魚皮餃 （$18）4粒魚皮餃，呢個價錢不過不失啦，重點係佢個秘製千味醬真係出面食唔到！我揀辣味醬，比原味更香更味道豐富！下次可以挑戰大辣！🥘 秘製千味細雜燴（＄34）雖然係細但兩個人當小食咁食都好足夠！乜都食少少好開心！材料有大腸、豬肚、豬皮、蘿蔔，每一樣都洗得好乾淨，煮得夠腍又入味！其實主要都係食秘製千味醬㗎啦！樣樣嘢蘸佢都好食！…查看更多

第一次食十八座狗仔粉。之前有係其他地方食過狗仔粉。門口同入面都好多明星相成個環境係旅客打卡feel仲同有一種舊式既感覺。今次叫左個狗仔粉加油渣同大雜燴。本身比佢個火鴨翅吸引但諗住叫得十八座狗仔粉就點都試下個狗仔粉。本人係堂食既。整黎餐速度快，紙碗紙羹，但問佢拎對筷子都冇得竹籤。狗仔粉係一啲淋一啲實啲。淋係真係好淋個隻。狗仔粉都大條。整體黎講唔會叫得上好食。菜脯有辣有唔辣，唔辣係正常菜脯味，辣既係死辣既感覺。油渣係得一包仔，可能有4-5粒。但有陣唔新鮮油淋淋既既感覺。大雜燴有蘿蔔豬肚豬大腸豬皮。面頭淋左咖哩汁。叫左大份份量都正常大大份咁。但蘿蔔唔入味，咖哩汁冇咩咖哩味仲有陣味，唔識形容但唔係陣好食既味。整體：唔知食左乜X落肚。P.S.希望紙羹唔好溶左落個湯到…查看更多