十二味 (卑路乍街)

營業中

休息中

呢排都係wfh 所以專登下晏走去屋企樓下呢間新開十二味試下～ 因為我見佢地啲lunch set好平，最平一款竟然$40有找 仲要包個前菜同野飲，仲要唔加一！大佬喺邊到搵？咁我地一點去，餐廳係八成滿！啲姐姐都應唔切忙到～ 我地叫左3個set 1.酸菜魚 $73酸菜魚份量多，而且魚身夠滑，配埋配料一齊食超級惹味～～2. 乾煸四季豆 $55 四季豆爆到好香，加埋肉碎用黎餸飯一流～～3. 蔥油拌麵 $38 唔係平時我食既幼麵，佢好似啲上海粗炒咁，上面再加乾蔥 好味道～～每個set再配一個涼拌青瓜，仲有一包野飲，如果唔想要紙包飲品可以加錢要其他野架仲～

最近天氣凍更加會想食辣野，食完真係會暖笠笠! 雖然禁堂食，不過買外賣都一樣咁開心，最近見到十二味開到去西環啦! 店內既空間感大，今次同朋友都叫咗啲招牌菜，味道都唔錯架!以家外賣自取仲有9折優惠經典香辣鍋 $38叫咗中辣雞翼 $38雞軟骨 $48萵荀 $28蓮藕 $28油麥菜 $28今次都有叫到招牌香辣鍋試吓，香辣鍋最少叫5款配料，自己最鐘意雞軟骨，細鈿粒食落去幾香口有咬口，另外蓮藕食落爽脆，值得一試水煮牛肉 $158唔好以為外賣既份量會少咗，原來佢地分咗2盤，牛肉嫩滑，入面仲有啲薯粉完美吸湯好惹味蒜泥青瓜 $43青瓜份量唔少味道偏酸，食完辣野食番幾粒有助解膩另外仲叫咗可樂 $18怕辣既朋友仔佢地仲有冰粉果啲，整體用餐體驗不錯

有冇朋友仔同小編一樣都鐘意食辣呢? 之前有朋友話呢間十二味既CP值都好高，原來佢地最近係堅尼地城都開咗新分店，冇堂食都同朋友去試吓，店員好好招呼，今次都叫咗幾款野食，味道唔錯有驚喜!經典香辣鍋 $38雞翼 $38雞軟骨 $48萵荀 $28蓮藕 $28油麥菜 $28講到川菜不得不提香辣鍋，今次叫咗中辣已經好辣好惹味! 小編同朋友最愛雞軟骨，份量多食落好有口慼，配上清新既萵荀同蓮藕，真係一口接一口，配飯一流水煮牛肉 $158朋友唔係太鐘意食酸菜魚所以就叫咗水煮牛，入面都有好多配料包括薯粉、芽菜等等，食落都好好味蒜泥青瓜 $43食完油膩野當然要食番啲fresh野，呢個青瓜細細粒入口剛剛好，酸酸地好開胃另外仲叫咗可樂 $18佢地仲有好多共他飲品，食住辣飲可樂正!

今日黎到堅尼地城探店 見到呢間新開張既鋪頭 雖然呢間係周圍都有既連鎖店 但鍾意新鮮同川辣既我都忍不住入去品嚐午餐😆#水煮牛肉川辣味非常十足 依然係好多辣椒配料 濃郁湯底配搭著嫩口牛肉 件件牛肉都算大塊 搭配刺激辣感真係垂涎三尺 午餐跟埋白飯 送飯一流#燒椒皮蛋麻油花椒油辣椒浸住既皮蛋非常吸味 皮蛋嫩滑香口 飯前小食真係好讚#桂花冰釀一款桂花既野飲 連埋個樽都係冰架😆 口感帶甜 食辣野飲桂花非常解辣#紅糖糍粑最鍾意糯米粉甜品 開油煎得外皮勁脆口 即上熱烘烘既口感 再沾少少紅糖醬真係甜到漏😆 呢款甜品完美解除之前辣既痛覺

適逢在家工作，諗住中午出去快快趣食個午餐。見佢搬咗新鋪，諗住去試吓同之前有冇分別，點知出晒事。首先個QR code落單指示同介面非常唔清晰，再等職員confirm都等成十幾分鐘。最搞笑係追咗單幾次，最後等成四十五分鐘啲食物都冇黎到，簡直浪費時間！以前舊鋪幫襯時都覺得服務質素普普通通，經過今次之後覺得簡直冇任何服務可言，啲食物質素又唔係特別好。真心，成個西環大把好嘢食，搬咗舖後似乎又加咗價，無謂幫襯。