十二味 (如心廣場二期)

營業中

休息中

有朋友生日 事前已提早15分鐘去到 放底個蛋糕 俾個驚喜朋友 到門口等齊人先入座 入座後 有個侍應行過黎話(個蛋糕放左入雪櫃 如要切餅要另外+$50) 個一刻 我地幾個呆左 我忍唔住話 其實我哋知道 我地係想俾個驚喜壽星女 但而家你講哂出嚟 個侍應立刻話（sorry) 跟住就行開左 個刻真係好失望 點解可以咁唔識做 到食蛋糕櫃一刻 個侍應將個原盒蛋糕拎出嚟 碟碗匙羹叉乜都冇俾 咩服務都冇 我哋用我哋自己方法食咗切餅費？ 還是蛋糕暫存雪櫃費？最後埋單嗰陣 仲要將張單劈喺枱面俾我哋 只此一次 絕無下次

呢間酸菜魚lunch好抵食酸菜魚（$78）魚肉雪白，食落嫩滑鮮美，冇腥味又冇骨。有唔同辣度選擇，我地叫左小辣，唔係好食到辣味同麻嘅感覺，中意食辣既可以叫中辣以上。配菜有萵筍、雞脾菇同酸菜，配埋白飯一起食都正雞翼麻辣香鍋 （$54）：雞翼係切開一半，分量都唔少。配菜有蓮藕、薯仔片、木耳、大荳芽，炒得好淋，味道有d淡，好多油口水雞（ $54）我地叫左小辣，唔係好辣都接受到。雞肉好嫩，但部分肉入面仲係紅色既，果d唔係好夠膽食，整體來講都ok有配一碗白飯、小菜(雲耳和土豆絲)同野飲（部分要額外加錢$5-8）

假日難得無落雨 出去荃灣行街自從開左donki 如心就變得好熱鬧仲多左好多食店 一向係酸菜愛好者既我 見到十二味 當然要試下😚一般出面食既酸菜魚 都係一大鍋 呢到可以叫一人酸菜魚 同朋友食 可以叫多幾款菜試 好唔錯 酸菜魚餐本身包小菜同一碗飯跟飲品酸菜魚本身份量都大 又可以揀辣度 小辣味道剛好適合我 魚夠滑無骨 酸菜夠酸 整體味道幾唔錯 推介 之後試埋朋友既雞翼麻辣香鍋 比想像中足料 因為係出面食既香鍋 通常都好多乾椒 但好小肉佢呢到蓮藕 薯仔 都好多 雞翼都好惹味 $54蚊黎講係幾抵食 中午一點黎到又唔洗等位 值得再encore 😋😋😋

呢間係位於荃灣如心廣場食川味菜既店，本身我都好中意食酸菜魚、麻辣香鍋🤣咁岩朋友係會員有折扣優惠，睇下質素又如何，決定試一試佢！自選經典麻辣香鍋(肥腸+ 牛柏葉+ 田雞 +金針菇 + 枝竹)個人覺得中辣都不算太辣太麻，好味送飯一流牛柏葉好入味，肥腸惹味但有點乾身，田雞肉都算肥美有少少偏鹹，香鍋肯定不能少就是枝竹及金菇✌️ 下次可以再試下午餐肉及花菜🥦應該都好惹味人見人愛酸菜魚 呢碟酸菜魚真心人見人愛，我叫左中辣，入面有好多配菜，萵筍啦、雞脾菇、仲有一堆酸菜，魚既份量都唔少，魚片都鮮美滑溜，又唔多骨！配每人一碗白飯 ，夠晒正! 酸菜好吃😋乾煸四季豆係屋企好難煮到，以大火快炒，四季豆燒至表皮略帶焦黃😋又是一款好惹味的菜式。整體總評食物味道都唔錯，份量都好多，價錢合理，唔怪知得咁受歡迎👏🏻下次會再來😆

十二昧試過青衣啦荃灣啦非常鍾意食酸菜魚服務態度就麻麻哋囉冇乜服務囉只係啲嘢食好食囉最愛食糍粑特別係啲嘢飲好大杯囉鍾意食酸菜魚嘅朋友就一定會喜歡呀整體食物嘅味道真係唔錯本人非常喜歡大家不妨去試吓可以入會入會仲有酸菜魚餸

喺其他分店食過酸菜魚兩次都覺得唔錯，今次嚟到荃灣分店，諗住試吓其他款式，點知好失望叫咗套餐干鍋田雞前菜係雲耳，味道幾好，酸酸辣辣咁，雲耳都幾爽，唯一就係份量有啲少飯份量正常飲品係道地檸紅茶，一般般來啦，等左好耐終於有主菜！一望落去就覺得好失望，賣相唔得，食落去更加唔得！田雞食落去好硬好乾好柴，近乎燶燶哋嘅狀態，份量勁少，配菜得幾條芽菜，真係五隻手指數得晒，大部份都係蓮藕，幾粒雲耳，啲配菜都係近乎燶燶哋嘅狀態，啲配菜表面好似有層粉漿咁好濕，淋既，味道完全唔覺食緊乾鍋，我都唔知食緊咩味道，好似個新手煮嘅一樣😥阿姐態度一般般，抹枱求求其其😑

最近經過附近就去試去十二味既酸菜魚，結果好好食。入到去環境都幾乾淨，坐低之後諗住叫人寫野點解完來要用qr code落單 首先叫左個前菜酸辣土豆絲 不過不失 。之後叫左一個豪華版既酸菜魚 一黎到既時候大到好誇張 d魚又多 酸菜又多。同埋d魚又滑又大。個湯唔算系好辣果種。酸酸地愈飲愈想飲。叫左個魚之後再叫口水雞，呢隻雞d醬叫少辣都已經好辣。d肉好嫩 配合埋d醬一齊食簡直一流。最後叫左個甜品 埋單都系5百幾蚊。下次經過會再食👍👍

講左好耐都未食到既十二味酸菜魚～Lunch 路過見佢有set 就入左去食🥰果然不負眾望 又真係幾好食😋佢d魚勁大件又冇骨好多大大塊既酸菜Lunch 都只係幾十蚊一個餐有前菜又有包紙包好抵食❣️

想食抵食既酸菜魚，一定要早早在openrice book定下午茶時份，因為全張單6折😉😉正呀！可以點更加多野食朋友將會嫁去台灣啦，台灣無感地道既酸菜魚食，所以帶佢黎一試！因為我食左幾次都覺得好好味，所以都不斷推薦身邊既朋友試下！！由於疫程關係，無得反大陸食酸菜魚，唯有在香港一解相思之愁啦😎我地其中一到餸一定係酸菜魚，走唔luck架啦！！佢可以額外加不同配料落去，我地加左寛粉，係無錯既，d粉索曬d魚汁，OMG😱😱好味道到不得之了，佢d酸菜唔會太酸太甜，魚又新鮮多肉，兩個食完都會飽曬🤩之後再點左個酸🌶️土豆絲，依個就有d失望，唔夠濃味。。同埋十二味d凍檸茶勁大杯，兩個人都飲唔曬，可能佢地預左d客食唔到🌶️，要飲感大杯先止到🌶️🤣🤣

其實講唔好食已經客氣左，我想講係好難食…不過朋友請食飯就廢事係佢面前講啦。事原係想食間餐廳爆多人排，咁就轉場睇下附近有咩啱啦，朋友鍾意食辣就入左十二味，完全唔使等位入面又有吉枱，諗住自己入去座，店員叫等陣，唔知要等咩，最後都係坐左門口張吉枱。叫左兩個午餐一人一份，午餐送涼菜一碟，今日係土豆絲，酸酸地幾開胃嘅。餐飲要檸茶，原來係meko牌紙包飲品…無睇清係我錯。朋友叫左武隆尖椒雞，好多椒，雞切到細粒到雞丁都稱唔上，仲細粒過雞軟骨，仲要有骨，食落一口碎骨外無咩其實感想，椒同雞比例大概係5:1，數到有幾粒雞丁。我就揀左牛肉麻辣香鍋，比起上黎呢個就抵食好多，只少好大碟先，有牛肉，薯仔片，蓮藕，大荳芽，雜菇咁，要左小辣加麻，但完全唔辣，高估左佢辣度，早知要中辣，啲料炒得好淋，個感覺係一早炒定一大盤，叫到就筆出黎咁樣，焗到出晒水，除左好多水又好多油，成碟野無味又無口感，唔講真係唔知食緊咩…最好味係碗白飯，完。

有陣時真係好掛住麻辣嘅味道, 依間平時日頭晚上都好多人黎, 因為外面都聞到佢撲鼻嘅麻辣味道!但正因佢好多人嚟食所以排隊都需要一段時間, 我用app拎位唔需要現場等位😁(精明)等左接近一個鐘終於可以入去坐喇, 叫咗個辣子雞同酸菜魚1/ 辣子雞 - 雞肉細份量不算好多, 而且好多雞皮, 但有惹味既味道, 撈飯一流2/ 酸菜魚 - 魚有着給濃嘅雪藏味, 我哋只係食咗一半就冇食喇總結：一試無妨, 始終都好多人鍾意食, 但我哋就覺得麻麻啦😅😅

講起食酸菜魚 真係無理由未食過十二味其實已經食過好多次 不過今次第一次打食評入到餐廳揀左個卡位坐底 用手機掃枱角個QR code就可以自己落單二話不說 諗都唔洗諗 當然點左份酸菜魚先啦另外一個餐就點左麻辣香鍋呢頭發送菜單 個頭姐姐就拎左前菜-----土豆絲上枱效率極高土豆絲酸酸地 好開胃 但我嫌份量唔夠🙈食食下 主菜就紛紛上枱呢到既酸菜魚真係唔會令人失望如果鍾意食酸菜既就更加要食呢間 酸菜既份量係食極都食唔哂 當然魚既份量亦都好夠 可以餸完成碗飯都仲有魚剩平時唔多鍾意食米既我 每次食呢間都可以食得哂成碗飯👍🏻另一主菜---麻辣香鍋唔係講笑既大碟....有薯仔 芽菜 木耳 蓮藕 .....一大堆每一款菜都好入味 好香口好好餸飯 如果再辣多少少應該會更正又係啲食下食下 唔小心又食哂成碗飯既餸😂

掃碼落單我十分受落，國內已經好流行，無奈店內訊號好差，load唔到，叫店員比wifi pw又唔比，食物質素不致於差，但好普通。叫個乾鍋，原本係濕鍋。從未食過金針菇差到咁！點上得枱。唔會有下次。

在商場內找吃的時候，無意中找到了這一家，用電子下單，若加貳佰圓可變成VIP，有一定的優惠。我們叫了酸菜魚，乾煸肥腸，炒椰菜花，口水雞等。每一菜式的水準平均都很高。炒椰菜花，椰菜花很甜，咬下去軟硬適中，很美味。酸菜魚我們叫的是微辣的，配上了薯粉，魚肉鮮甜，酸辣程度剛好，配上了薯粉，很好吃。出乎意料好吃的是乾煸肥腸，肥腸被炸得香脆，已經去掉了中間多餘的油脂，一點也不肥膩，配上了辣椒的香味，簡直是絕配。

完全無服務可言 店員態度又差 （但係有收加一）水杯好似有啲污糟咁 8點拎飛8點半入去已經無水煮魚 干鍋要左5樣餸 勁hae 唔夠味又唔夠辣 萵荀是厚切完全無味 牛舌有腥味 雞軟骨同牛肉茶記水平 唯一好食係入面既炸鷹咀豆 口水雞賣相幾好 味道偏點唔香唔辣 食食下發現半碟都見血 土豆絲見到辣椒但唔辣得酸味同好油 本身想再叫其他野但係黎左3碟都唔好食 咁既水平都係不了三個人食除返開人均百幾蚊唔算貴但係唔知食左乜 我就無下次 唔明點解間野咁多人食