十二味 (卓爾廣場)

營業中

休息中

同樣的價錢，份量比一年前少一半。同加價一倍無分別。唔止係咩所有12味分店都係咁嘅份量/價格政策呢？外賣5樣野200幾十：之前質數性價比都無錯，會有一大盒同一個細盒裝滿。宜家同相同價錢都係五樣嘢食。。。一個盒都裝唔滿。商家只顧節省食材成本，就不顧常客都會流失。大家對於麻辣香鍋又係點睇呢？？？有無同我遇到相同嘅食物問題不防評價留言一下。因為哩間嘢之前幾年我都幫襯得佢好多年。係咩轉咗其他老闆去經營或者廚師都換曬新嘅師傅？

Who doesn’t like spicy and sour boiled fish? I went there a few years ago and Twelve Flavors is one of my favorite spots in HK. The portions are amazing. One boiled fish dish is enough for the three of us. It includes a lot of fish slices, pickles, veggies and sweet potato noodles. The broth was very flavorful. We ordered the mild spicy and it was perfect. The longer you eat, the spicier it gets. 🥵 So, we got the Sichuan-style jelly and glutinous brown sugar rice cake to cool us down. The glutin

環境闊落乾淨, 地理位置方便, 喺屯門站隔離5分鐘路程, 好方便食物出品夠新鮮又夠熱，主食酸菜魚魚片夠滑唔會過度調味, 梳打類飲品大大杯夠2個人分, 凉拌薯仔絲都夠凍好清爽

最近返工最鍾意嘅外賣午餐 價錢都唔錯十二味這間店 在很多不同的地方都已經食過每間的味道 質素都係正正常常酸菜魚都好入味 份量都幾多牛肉麻辣香鍋 午餐來說份量都唔少 揀左最少嘅辣度 都唔算好辣全素麻辣香鍋 全素香鍋 薯仔、蓮藕、芽菜、黑木耳 好惹味午餐 全部都有跟飯 飯都幾大碗

成飯都勁難食，叫左三樣野:1.人見人愛酸菜魚（寬粉）X1$246(唔辣)2.川香回鍋肉 X1$98(唔辣)3.藍妹啤酒（330ml）X1$26除左藍妹啤酒唔係餐廳加工之外，剩低個兩樣野勁難食，酸菜魚腥嘅，要叫返啲阿姐幫我再加酸味先冚到嗰陣腥味。蒜香回鍋肉就咸到黐線。之前都食過幾次冇估到依家變得咁差咁難食。真係好失望。難怪個場七點幾都係冇人九成枱都係空嘅。十二味 (卓爾廣場) (屯門)屯門石排頭徑1號卓爾廣場地下G1B號舖📝評分味道 1/5環境 2/5服務 2/5衛生 2/5抵食 1/5

好耐冇嚟到「十二味」食嘢啦，今次一試，真係一啖正！🤤 酸菜魚嘅湯頭，酸酸地帶點香辣，魚片咬落去係滑溜得嚟，湯頭飲落暖笠笠，啱晒涼天熱辣辣嘅心情。嗰啲酸菜同紅辣椒個配搭，真係夾得好，酸辣過癮，飲得我心滿意足！武隆尖椒雞，呢個真係我心水！雞肉香噴噴，尖椒爽口，兩樣齊齊咬，嗰個麻辣鑊氣，簡直係爆燈💡好食至極！再配杯桂花冰釀，清涼解辣，喺口裡嗰個微微甜味，亦都係醒神得嚟舒服極了。最後嘅甜品——紅糖糍粑，真係非一般啊！糍粑嘅口感QQ彈牙，啖啖香甜，滾熱嘅紅糖咁澆落去，好吖嘛！我食到停唔到口，真係越嚼越有味道，一啖接一啖，嬌滑香軟直頂👍！總括嚟講，「十二味」嘅午市套餐真係超值，味道、環境、服務都唔錯，好啱同朋友、家人一齊嚟正！吓，食完啲辣嘢，抹抹汗，感覺好生痛快！下次又要再嚟試吓。

已經第二次呢，第一次下午茶時間有折仲扺，今次雖然正價接近3佰，但份量多，兩個人係食唔晒，所以建議最好有3款2人鍋餐。個鍋够鑊氣，肥腸同蝦都炸過好香口，花菜入味，我會再幫襯！

早排去咗呢間十二味食lunch叫咗個牛肉麻辣香鍋(小辣加麻)包埋嘢飲 $56.份量都幾多，白飯係大大碗，牛肉都好大碟，我自問大食都食唔晒。不過成碟餸最多係蓮藕，牛肉就得幾嚿，有啲失望！.我叫咗小辣加麻，所以成碟餸嘅麻香比較重，送飯都幾好！.總括嚟講，我覺得不過不失啦，始終係連鎖嘢，都唔會話期望佢超級好食，呢個價錢，份量有咁多又包埋嘢飲，都算係咁。不過十二味主打好似係酸菜魚，如果真係幫襯試酸菜魚可能會好啲。

近排無咩胃口，突然好想食辣野開一開下胃，就近近地去左十二味。環境都寬落，本身商場唔多人流，所以餐廳晚市都唔算多人，兩個人都可以安排卡位坐。入到去叫左幾多餸…..麻辣香鍋🌶️🌶️，一定要最少叫5個餸，為起上嚟都$2xx-$3xx，點再肥腸，豬肉片，窩筍，蓮藕等，炒得好惹味，份量好多，次次去十二味食飯都有淨打包聽日食，今次都一樣有淨。👍🏻👍🏻另外再叫左個黃金皮蛋🥚，都一樣好食，不過少少甜，但還可以。

九唔搭八嘅餐廳，火都黎，搶咩優惠結果食完話呢樣唔可以用戈樣唔可以用，一早唔講清楚，又唔係特別好食，飲品好似水咁難飲到死，極度垃圾，無得食都唔好食呢間垃圾，口水雞又難食

下午突然想食辣，然後就走左去卓爾廣場食十二味😋😋之前食十二味多數都係夜晚，今次第一次食佢既午市套餐😍又真係幾抵食wo！-酸菜魚午市套餐：大大盤酸菜魚！仲有埋飯同野飲，加埋唔洗$70，好抵食😋同埋好多魚，配料都多！-麻辣香鍋（牛肉) ：超級大碟，連d配料都好入味😍😋d薯仔同蓮藕都好有口感，爽脆又入味-口水雞：好夠味，但有d太鹹！下次仍然會叫口水雞，雖然偏鹹，不過係我中意既口味🙈-酸辣肥牛麵：尼個好好食，刀削麵黎😋但太大碗，食唔哂😂😂😂

一直都好想試這間酸菜魚，話自己係正宗川味， 今日終於嚟到啦，仲有2:30-5:30訂座7折優惠㖭而家咩都電子化，點餐用手機點基本上7折只限主餐牌，不計酒水加一都抵左好多啦～ 我和媽媽二人點左一個酸菜魚（唔辣）+粉絲及蒜青瓜涼菜一碟，夠了。點餐後，青瓜應該三分鐘內已上枱，都好大碟，蒜味不太重，涼涼的開胃來到看份量，我們兩個人食係有啲多既，成個面盤咁評論下啦：魚塊：量是足夠3-4人食，夠滑唔鯹，間唔中有少量碎魚骨酸菜： 這個有啲失望，得個酸字，份量唔算多粉條：寛粉條，夠煙靭配埋湯汁一齊食，好好味不過略嫌少材料，平時外間的酸菜魚會有芽菜、豆卜咁；但這邊得萵筍薄片.. 難道這就是正宗埋單折後$248， 試過就好了

Lunch都有一人酸菜魚套餐配凍飲一百蚊唔使勁抵食！魚肉既鮮嫩程道可接受起碼冇泥味唔會太薄太軟份量都夠酸菜清爽可以讓人選擇辣度又麻又辣，讓人胃口大開不過個難度未必好穩定小辣有時冇味，有時又會要狂飲水唔食得辣嘅朋友都係唔好亂咁挑戰

午餐既套餐都算抵，份量充足，吃到飽飽前菜係送既，一小碟酸辣爽口的木耳，加上我哋點咗酸脆爽口既涼拌土豆絲，好開胃。午市套餐有主菜、配一碗飯加飲品。酸菜魚，魚夠鮮基本上冇骨，湯底酸度剛好，味道剛好。大盤花菜，花菜爽口，炒五花肉，爽口惹味回鍋肉，回鍋肉配蓮藕炒，好爽脆，肉都嫩彈，好香紅糖糍粑，外面脆裡面軟，黏糯綿密，甜度適中3個人點咗三個套餐、一個涼菜、一個甜食，大約300元，價錢合理～

經Openrice 訂位有6折，同朋友一齊嚟食個late lunch～ 因為過左午餐時間，所以都係單點為主 酸菜魚 ( 折後～$120 ) 酸菜魚間唔時都會食，貪佢健康得嚟又好味，十二味嘅酸菜魚都血係好食，但係間間分店都有少少唔同，暫時食過最好食係屯門呢間！好多魚片，而且夠酸夠麻夠辣！毛血旺 ( 折後 ～ $95 ） 有牛肚、牛栢葉、午餐肉，大碗到應該可以三個女仔Share食都會飽！超大盆超抵食，勁足料，兩個人都唔會食得哂！ 總結：抵食又好味👍🏼