十二味 (赫德道)

營業中

休息中

間唔中都會想食下辣嘢，如果咁啱附近有十二味，多數都會去～人見人愛酸菜魚（$248)加寬粉($28)🌶️🐟佢另外都有比較大份嘅版本俾3-4個人share🙆🏻‍♀️就算係正常size，魚嘅份量都好多，魚肉滑嫩。我哋嗌咗中辣，湯汁好香嘅蒜同花椒味，飲落都唔會話好油膩，麻酸辣嘅味道都配合得好好。配料都有萵筍、菇，樣樣都吸滿酸菜湯汁，而寬粉都好煙韌！川式口水雞($73)雞肉偏瘦，而且都多骨，份量正常。口水汁夠辣夠麻，但有少少蓋過雞嘅味道，但都可以接受😊蔥油拌麵($38)上到枱聞到蔥油嘅味道好香，但食落唔係好夠味同有少少乾，有少少失望。食到一半要用口水雞汁撈🙈自己好怕食到太淋嘅麵，呢個麵嘅口感係我鍾意嘅😙男朋友話十二味嘅lunch set抵食好多，價錢會平好多~下次可以考慮lunch嚟食😋

唔想返大陸但又想食麻辣小龍蝦,「十二味」幫到我,我好似去左四川咁。小龍蝦完美吸收左香料既味道,所以我食到豐富既香辣味。聽聞小龍蝦含有豐富既蛋白質,所以好有營養價值。一個人食左咁多隻,真心滿足。另外叫左一籠包,細細件,自家製既肉包,帶點辣,味道幾特別。最後叫左杯熱情果梳打,唔太甜,岩我口味,大大杯,好飲又清新。唔洗300蚊就食到咁多野,真係好抵食。同埋呢度仲有ktv,聽住歌食野,好有feel.呢度環境唔錯!

今晚與太太去到位於尖沙咀赫德道的「十二味」吃晚飯。這餐廳帶著古典中國風格的裝修設計，讓人仿佛置身於古代宮殿之中，燈光柔和，我們坐在卡位上，座位寬闊舒適，讓人倍感舒適愉悅。 除了美味的食物和優美的環境外，服務人員亦招呼周到，殷勤服侍，而且上載速度非常快，讓我們感受到賓至如歸。 首先，我們點算了這裡的招牌菜，人見人愛酸菜魚加寬粉必定是魚，這道菜份量非常充足，魚肉鮮嫩，搭配了特製的酸菜，酸酸辣辣，非常開胃，伴隨米飯或蔥油拌麵去吃，實在一絕。另外，惹味跳跳蛙亦是一道不錯的小食，色香味俱全，田雞肉及韭菜花配料新鮮，炒得香辣惹味。我們喜歡。酸辣無骨鳳爪酸辣到恰到好處。大盆花菜炒得好有鑊氣，椰菜花鮮嫩入味，非常吸引。 飲品我們則選擇了熱情果蘇打，清新怡人，是用餐時的最佳搭配。 總而言之，尖沙咀赫德道上的「十二味」絕對是一個非常值得一試的餐廳，下次定會再來。

近年港人經常北上搵好野食，其實香港本地都已經有，要諗川菜，一定唔少得十二味，啱晒一班鐘意食辣既朋友仔🤩。今次揀左尖沙咀分店，樓梯上一樓，店面大位置多，而且唔會有好逼既感覺😌。  聽朋友介紹，力推香鍋，黎到點都要試試！呢個係用香鍋做基底，然後再自己揀唔同配料，配料最少要由5款食材組成。肉食揀左田雞，之後再配上牛百葉，蓮藕片，金針菇同娃娃菜，再加上寬粉打底😎香鍋既辣味同香料味滲晒入蔬菜入面，用黎用飯一流！  食完重味野，真係要叫野飲，選擇唔算多，但勝在大杯抵飲，CP值搭夠。叫左熱情果梳打同芒果梳打，飯後清爽解渴👍🏻。  整體黎講都算幾滿意，調味方面係可以輕手番啲，唔想北上又想食川菜，揀十二味實冇死，真心要試試個香鍋😌。  

見十二味係我平時既飯堂就俾個正評佢啦我平時lunch幫襯多，因為lunch真係仲平而家又開到成香港都係分店，建議自取可能仲平又大大份，d豆呢真係食極都仲有 大滿足呢間分店，真係勁多人呀今日食夜市，所以叫左d平時無食到既野炸串套餐呢幾串邪惡既野…好好食只係食完要返屋面壁蔥油拌麵欣賞佢既麵質有d咬口，完全係合我口味撈飯一流，完全食唔停魚肉嫩滑，撈汁又開胃豆…最鍾意就係佢大大碟但價錢係好抵食！飯都送到三碗裝修算係咁啦，一望就知大陸野，唔洗返大陸食

呢間已經成為咗我嘅家常便飯食堂好耐每一款川菜都超級惹味🤤🥢呢度嘅酸菜魚係必點嘅菜式超嫩滑嘅魚片湯底又辣又酸又麻本人覺得係數一數二嘅好食👍🏻入邊仲有好多唔同嘅配菜包括金菇、萵筍鍾意寬粉嘅仲可以加錢加埋 索埋啲湯汁一齊食真係一流😍食十碗飯都冇問題😆🥢另外試咗佢哋嘅招牌香鍋選擇五款菜起我地揀左金錢肚、牛肉、雞翼、田雞同肥腸所有食材用佢哋招牌嘅辣醬炒埋一齊 香氣同鑊氣都十足！佢哋入邊仲有本身嘅配菜蓮藕、土豆、芽菜等等又係一個超好餸飯嘅菜式喺OpenRice或者網上訂座平台book枱會有折扣添🫶🏻-推薦指數: 🌟🌟🌟🌟🌟/ 5 (教分‼️)鍾意食川菜嘅一定要試吓👍🏻-📍十二味 (赫德道) (尖沙咀)🔎尖沙咀赫德道1-3A號利威商業大廈地下6號舖及1樓(西環、旺角、荃灣、尖沙咀、青衣、荔枝角、大圍、大角咀、黃大仙、土瓜灣、九龍城、沙田、中環、元朗、銅鑼灣、北角、觀塘、香港仔、屯門、筲箕灣、將軍澳，都有分店‼️)

和朋友在尖沙咀吃個午餐，今天下雨人流不多，我們決定吃點辣的直接過來12味了，這一間好像是本店？客座在一樓，空間很大，一進去就聞到一股麻辣味😁午市套餐的選擇很多，我們點了四個套餐，除了主菜，每個餐有白飯丶前菜和飲料。每次都點的麻婆豆腐，點的中辣，豆腐很嫩，和白飯一起吃一流。酸菜魚，品質很穩定出色的酸菜魚，魚肉多，滑嫩無骨，點的小辣所以基本上是不辣的。口水雞，不太辣反而面鼓的咸香味很突出，雞肉很嫩。素菜乾鍋，大部分是土豆和油墨菜，不過不失，用手機下單有少油的選擇。

由於我同同行朋友都中意食麻辣菜，無辣不歡，試過好多間四川菜館，今次再次食幫襯開的十二味，都算係我地的心水餐廳。餐廳環境不錯，門口擺著很多紅燈籠，十分有氣氛。座位亦都很寬闊，適合一家大細或者三五知己飯聚。一如既往的菜單選擇很多，我地雖然二個人，但叫的菜式都大大碟。水煮牛肉：可以自己選辣度，辣椒香料夠晒味，牛肉唔會鞋口，連湯都好濃味，用黎撈飯一流！忍唔住叫左二碗白飯。水煮牛肉的底下仲有寬粉添，索晒湯汁，又是非常入味！辣炒肥腸：中意食肥腸既朋友真係唔好錯過，肥腸炸到脆卜卜，仲保留入面既油脂，非常之惹味！乾炒四季豆：四季豆新鮮，炒的火候足夠。是日晚餐非常滿足，如果喜歡四川菜的朋友一定要幫襯下，一定會食過返尋味！

一直是十二味愛好者的我，今次來到了尖沙咀分店，仍然是熟悉的味道，麻辣香鍋的味道，味濃香醇的酸菜魚；回味無窮的酥脆炸串；腰圓肚滿的鮮甜小龍蝦😍 雖然今次只是買外賣，但服務還是那麼熱情親切，在等外賣期間跟店員閑談，發現了原來不同門店，還有限定的隱藏菜單和派對大包房～菜式推介麻辣乾鍋: 可選大中小辣不同程度還有少鹽少油可選，滿足現代人想吃辣又稍為健康點的方法～這裏的乾鍋採用10幾種不同香料製作，在還原最道地的干鍋；每樣餸都能吸附辛香料的精華，不會很油膩、很刺激，是很溫順的辣度，吃完也不會嚴重的口乾舌燥。比較淡口味的話，這裏的蒜蓉或清炒萵筍絲也很清甜好吃😋

好耐冇食川菜，朋友話一定要去十二味，正宗又大份🤭川式口水雞🐥辣椒紅油做醬料，食落有層次感，又麻又辣。而且雞肉嫩滑，啖啖肉，食到我地流口水，好滋味。人見人愛酸菜魚(寬粉)🐟魚湯味道好平衡，酸度、鹹味同辣味都恰到好處。魚片份量好多，食落爽滑，加埋寬粉，吸晒湯底嘅精華👍🏻經典香辣鍋鐘意食香辣川菜嘅朋友必食！我地叫咗美國肥牛、蓮藕片、土豆、金針菇同娃娃菜，好多配料，食落口感爽脆，又惹味。好啱一大班人點黎食，揀自己鐘意嘅配料~檸檬梳打&熱情果梳打🍋🍹食辣野當然要叫啲清爽嘅飲品，解渴又解膩😆

人見人愛酸菜魚（寬粉）我哋兩個人所以叫咗個regular size，辣度我哋就揀咗小辣，我見佢另外仲有個土豪版for 3-4個人，但呢個份量係足夠兩個人食有餘，魚肉同寬粉嘅份量都好多，而且魚肉鮮嫩，寬粉又有口感同索咗啲酸辣湯汁特別好食，如果再多啲酸菜就更加好。經典香辣鍋好耐冇食過麻辣香鍋，見應該係呢度嘅招牌菜，我哋都唔執輸~ 最少要自選5款配料，我哋叫咗肥牛、蓮藕片、土豆、金針菇同埋娃娃菜，一樣都係叫咗小辣，一上菜就見到好足料好大兜，啲配料索曬啲麻辣汁，食落好惹味！川式口水雞川菜經典中嘅經典緊係要try try佢，雞肉夠嫩仲要啖啖肉，配埋辣椒油同各種香料，食到停唔到口。檸檬蘇打 & 熱情果蘇打食辣野緊係要叫返杯野飲，夠fresh同解辣，唔會特別甜不錯！

尖沙咀川菜唔多，比較平，又坐得舒服嘅得佢😋平時都會來試下，今次試食酸豆角肉末飯，包買嘢飲是日午餐🍱酸豆角炒肉末 $78會送嘢飲同小食，小食份量唔多，不過都入口開胃，有跟飯🍚，一個人食唔晒😂有跟嘢飲，但選擇唔多

好耐都冇食過酸菜魚啦，今日叫咗外賣同朋友一齊食，喺香港食過最好食嘅酸菜魚非十二味莫屬❤️我已經食過好多次😋啱啱好等到佢5:00開門，叫個外賣自取先～見到一五點啲客人就陸陸續續咁上嚟嚕，仲見到有幾多唔同國家嘅人都黎呢間店😯-人見人愛酸菜魚 $248呢個酸菜嘅份量兩個人食都夠～外賣自取佢咁啱幫我分開咗兩碗咁就可以同我朋友一人一碗啦😆叫左小辣湯夠香夠麻裏面仲有魚、菇片、萵筍、酸菜魚好滑又入味萵筍厚薄度啱啱好又爽脆同埋啲酸菜都好好食👍🏻連湯都忍唔住飲左好多🫣-涼拌土豆絲 $43土豆絲好爽脆調味都啱啱好唔會太辣非常適合撈飯食😋

After a hard day's work, my buddy and I headed to Twelve Flavors for an epic food adventure. We ordered their mind-blowing mala dried hot pot, filled with juicy beef omasum, chewy rice cakes, and silky white starch vermicelli. Every bite transported us to flavor heaven! The waiters were awesome—helpful and attentive. The place was roomy and cozy, enhancing the overall experience. It left us impressed and craving for more.

以前多年都有食佢十二味,今次已經驚佢人多所以特登book五點半,座位係坐得舒服但係今次食佢以後唔會再返轉頭難食好鹹份量少,啲雞切到畀手指頭仲要細炸到乾曬太細粒啲雞骨好容易拮親,其實佢收咁嘅價錢唔應該主出咁嘅水準兩餸飯都好過佢已經唔係以前嘅十二味 拜！拜！