十二味 (將軍澳中心)

營業中

休息中

見OpenRice 有訂坐優惠，下午茶時段，所有散叫的食品半價。試咗酸菜魚，皮蛋，口水雞，一碗白飯，同埋冇半價嘅啤酒。皮蛋係我鍾意嗰種黃色皮蛋，唔係黑色嗰種，我覺得比較清新酸菜魚份量好多全部嘢食嘅味道都唔錯，賣相亦都幾好，不過坐嘅位置就唔係太舒適，地方係類似街坊小店風格，唔算企理。雖然係自助落單，店員做嘢都幾爽手。睇餐牌見到佢啲午餐好抵食，而且都好多人叫外賣，應該係區內都好多街坊捧場客。如果有興趣試都唔使特登等佢半價，因為午餐嘅份量都同散叫差唔多咁大，而且仲抵食。因為呢個食評係補返上個月嘅，已經唔記得咗詳細價錢。淨係記得啲啤酒唔凍。結論：有機會會再嚟食set lunch

和同事外出午餐，剛好我們幾個都吃辣，所以就來到主打川菜的十二味試試！12點9來到，不用等位就能入座。入座後，用手機scan QR code落單！午市套餐包一份主食﹑一小碟涼菜及一碗白飯，我選了酸菜魚。我們另點了一份紅糖糍粑share來吃！涼菜是酸辣木耳，味道普普通通。酸菜魚 (中辣)，酸菜夠多，酸度十足，中辣的辣度亦不算太辣。魚肉幾大塊，又嫩滑無骨，份量尚可！還有其他配料如萵筍﹑雞髀菇及粉條，再加上大大碗白飯，好飽肚！！但個人認為這裡的酸菜魚的薑味偏重，略略扣減一點分數！紅糖糍粑為飯後甜品，糍粑熱烘烘的送上桌，外層香脆，內裡軟糯！灑上黃豆粉，增添香氣，蘸紅糖漿來吃，更為滋味！！好食甜品比正餐好吃啊～～～這頓午餐的價錢都不算便宜呢！

天氣太熱啦，又唔想周圍去又唔想煮飯又冇乜胃口🥲求其搵間餐廳食啲嘢就算🤣來到將軍澳中心的十二味食川式口水雞～叫咗小辣，呢個好味，雞好滑入味😋川香回鍋肉～叫咗唔辣，九菜好老，痴晒牙😤回鍋肉又硬到死，所以呢道菜唔得蔥油拌麵～幾好👌麵都彈牙的👍紅糖糍粑～超好食，熱辣辣，本身糍粑係冇味的，但食時點些附上的紅糖漿就唔同晒啦👍👍呢個大家一定要試😋😋

吃過尖沙嘴的，覺得還好，加上半價，所以再試下新店，但酸菜魚太酸太咸，太重手、不會再去環境較擠迫，如吃飯時間去，必定人貼人坐，啲枱凳放到密密麻麻，唔放過任何掙錢機會

第一次去將軍澳黎間舖頭，地點方便，容易搵，我哋兩點左右食，人不太多，自己掃碼點餐，方便，我地分別叫了酸菜水套餐，大大碟跟飯，抵食，另外叫了肥牛湯麵，有些少辣，感覺不錯，再加乾撈，大家可以每樣有試吓，價錢非常合理

見將軍澳新開左間食辣既餐廳 就約埋都食辣既朋友平日中午嚟呢度試吓午餐當日大概1:00左右嚟到都好旺喎大概等咗四個字先有位都見到好多人買外賣自取我哋叫咗兩份午餐係酸菜魚 中辣麻辣干鍋（牛肉） 揀大辣 兩份午餐都包左一份小食 當日係雲耳同埋包左一碗白飯。+$8 有埋嘢飲 仲好大杯嘅添酸菜魚 - 個湯好飲 夠酸夠熱 好醒胃 我地兩個人飲晒d湯用嚟送白飯一流 魚都幾滑 唔錯但我哋揀咗中辣就嫌唔夠辣下次要再試吓大辣麻辣干鍋 - 我哋就覺得太鹹 都唔辣而且冇乜牛肉 啲蓮藕 芽菜就好多午市來講都幾抵食 會再返嚟幫襯酸菜魚😋

將軍澳嘅新店越開越多，今次經過將軍澳中心見到呢間食四川野嘅餐廳，同朋友各自叫左一個lunch set。分別係口水雞、水煮牛肉同埋炒回鍋肉，人均價錢大概60幾蚊再加多$8至$10嘅飲品，價格來講不過不失啦。不過比較令我驚喜嘅係水煮牛肉，辣得好過癮，而且味道唔錯，不過牛肉份量就少啲。回鍋肉就比較肥膩，每片嘅豬肉都係用腩肉，但係脂肪就比較多，比較少肉，但配菜就幾香口。口水雞就不過不失，感覺似白切雞加上辣汁，冇乜特別。不過三個套餐都有送上一小碟前菜，就係涼拌木耳，味道都唔錯。

開左咁耐都未食過，一於試吓，午餐有飯同維他奶包埋，價錢完全唔貴，味道出奇地幾好食！由於第一次食，所有嘢我都係叫小辣，試完覺得小辣其實唔係太辣，下次可以食辣d！叫左一個口水雞，底有啲青瓜薦底，非常入味，雞都幾滑，唔會鞋口，另一個水煮牛，入面會有好多大豆芽，2個都好食😋

去前先係openrice訂位所以好快就入座啦，星期日下午果然好多人幫櫬，店員都相當忙同混亂🧐，真係要加返d人手！/入座後會提供口罩袋相當細心📩同薯仔絲前菜🥔，點餐方式係掃描枱上qr code自助落單十分方便🔍，估唔到星期日都有Lunch menu ，價錢抵食勁多！/酸菜魚（午） $68有得揀辣度，中辣都唔會話太辣🌶，雖然係午餐但用料都唔馬虎，魚肉份量都非常多，最開心係唔會食到骨👍🏻，酸菜湯底夠曬酸，勁開胃，有少量雞髀菇同萵筍，整體係唔錯！/水煮牛肉（午） $58呢個真係不得不講！份量真係少得驚人，成碗大概只有7-8片牛肉同幾條芽菜，個感覺似係人哋食淨咁😓，但味道其實幾好味，可惜真係太少最慘連配料都冇，呢個價錢我寧願食返麻辣香鍋😩！/兩個set都會送維他奶一包，不過我都係+$8要椰青水，下火😢！

呢間舖頭越來越多分店，佢主打唔同嘅川菜，但今次我哋就試咗酸菜魚，仲特登揀午市時間去平好多🥳❣️酸菜魚（辣/唔辣$68 + $5配可樂 +$8配熱情果梳打)午市酸菜魚套餐配飯一碗，可以揀辣或者唔辣，於是我同朋友各自揀一個試吓，魚算新鮮冇腥味，而且冇咩骨大塊有肉，配料有大量酸菜，湯底酸度十足，加飯食一流，我同朋友都推介加小辣，比起原味更好食😋，推介野飲熱情果梳打，大大杯好抵飲❣️燒椒皮蛋 $48皮蛋唔係譚仔食黑色嗰隻，而係金黃色嘅皮蛋，雖然食唔出有咩特別，但影相呃like之選好味度：9（10分滿分）如果鍾意食酸菜魚嘅朋友真係唔好錯過，同埋午市時間去食真係抵好多

餐廳裝修有中式風格。要使用QR code下單的，清楚簡單。午餐套餐選擇有很多，價錢實惠。午餐附有前菜，涼拌小土豆絲。蒜味重，土豆絲爽口，十分開胃。點了酸菜魚，小辣。雖然是午餐，但份量亦十分之多，有很多件魚塊。酸菜魚香氣撲鼻，魚肉滑嫩，沒有骨的。酸菜爽口新鮮。配的杏菇片，入口滑。酸菜魚湯香甜但偏油。亦點了田雞麻辣香鍋，小辣。辣味幾香。不是很多餐廳有田雞選擇。田雞肉入味，肉很薄，件數不多。蓮藕片爽口，配了雲耳豆芽一起炒。配白飯不錯。套裝送維他奶。

十二味嘅午市套餐👍🏻唔只係味道好，份量仲係好足嗰隻囉🤗🤗🤗真係好鬼抵食🥢🥄！之前食過佢哋嘅皮脆、香嫩川式口水雞、滑爽酸菜魚、惹味麻婆豆腐💯😋今次要Encore兼加多款「水煮牛」麻麻辣辣牛肉嫩滑👍🏻仲有大大堆吸曬汁嘅大豆芽，正到爆，每碟嘅醬汁又或係湯汁，都一樣超好送飯！

第二次黎十二味食酸菜魚，點了一個酸菜魚午餐，但食到最後發現十片魚都無，大部分都係萵筍與類似魚白色的菇類，酸菜也好多，味道不及銅鑼灣分店的水準，唔頂癮。失望，希望可以改善。

以前食酸菜魚都係返深圳食宜家無得去深圳唯有係香港搵下邊到有得食上openrice見到呢間十二味開左好多分店於是揀左係將軍澳分店試試佢到底有幾好食我哋揀左係午餐時段去食午餐加8蚊有杯柚子茶飲杯野飲黎到嚇左一跳大杯到隻手都拎唔住杯野飲川式口水雞 (小辣)唔好睇佢細細碟入面原來好多雞凍冰冰 雞肉又大大舊浸滿哂汁 勁入味但呢個辣度 食唔到辣既人應該會覺得辣酸菜魚 (小辣)呢個又唔算辣 食唔到辣既人會接受到呢個辣度食完口水雞食酸菜魚會覺得酸菜魚無味酸味唔夠 入面既酸菜都無乜味魚夠滑 無骨但味道同深圳食既真係爭太遠☹️

朋友好喜歡吃四川菜，特別喜歡吃有唔同香料做嘅酸菜魚。今次喺寶琳站附近，發現到呢間10意味，是酸菜魚專門店，見到環境光猛企理，而且午市套餐價錢便宜，就一於入去試吓。午市套餐都有酸菜魚揀，配埋白飯一碗，以及飲品，如果想飲特飲都只係加$10左右，相當抵食。酸菜魚68元湯底味道香濃，食到有唔同嘅香料味，而且魚嘅份量相當之多，魚肉嫩滑，而且所有魚片都已去骨，啖啖肉非常之正。酸菜味道也剛好，唔會太鹹或太酸，我好滿意呢個湯。干炒四季豆42元份量非常之多，而且四季豆大大條，用重慶嘅辣椒炒出嚟非常好味呢，送飯一流。蔥油拌麵好香蔥油味，而且面夠滑而且彈牙爽口，都係一個很好嘅主食。