十二味 (搵食市集)

營業中

休息中

5月尾，星期六晚去咗呢間係大圍地鐵站出口對面的十二味，位置方便但需要行上一樓。當晚7點到，都9成滿坐，我有book 枱。二人叫咗一份酸菜魚加薯粉，大盆花菜，清炒萵荀絲，霸王辣子雞。酸菜魚好大份，都幾辣，酸味唔太明顯，魚肉好滑食極都有，酸菜味道食唔太出被麻辣遮咗。萵荀絲青青地好好味，大盆花菜係特別野味嘅炒菜，用煙肉曝香，椰菜花滿有豬油味😋。辣子雞對我嚟講好辣，食唔到，我哋都食剩幾多下。座位間距離都幾近，呢到埋單都係出門口埋，環境同茶餐廳冇異，不過好食就多人幫襯。

想食酸菜魚幾個星期啦，今日終於食到啦，去左屋企附近既大圍十二味去食，網上book，仲有正價產品6拆優優，抵呀！不過唔包括小龍蝦🦞，大圍呢間十二味新開無耐，食過佢既lunch set，今次食晚餐，質素都幾好。有6折，下次會再食。叫左兩個餸，酸菜魚必須的，仲有紅糖糍粑，亦係我最愛，自己一個人都食的曬，好正。大圍呢間分店選址非常好，一出地鐵站，對面馬路就係啦，坐的都好舒服，可能我食下午5:30呢段時間，有5-6台客，食物上的快。

見到係open rice 的食評及圖片吸引了來試試，用open rice 訂座有折扣優惠，一到店就安排入座，上菜速度很快，可能因為只有1個半小時用餐時間。食物味道不如食評中講到一定要試，味道一般，價錢又不算便宜，用了6折優惠之後的價錢就比較合理，特別是飲品，正常一個罐裝飲品都要成20蚊。。。酸菜魚太多酸菜，令到有點苦味，皮蛋只食到椒的怪味，沒有皮蛋味。口水雞份量太少，四季豆同糍都可以一試。Btw,下次不會再幫襯！

很久沒回港，回來不久，便遇上香港放寬晚上可以堂食，即刻上Openrice看看附近有甚麼好吃的？原來搵食市集那邊很多店都變曬，家陣多咗間十二味。 突然想吃水煮魚、酸菜魚，以前食開的漁品，因租約問題已結束（用Whatsapp跟他們訂位才知道），那..就試吓十二味吧！ 到達後，已行上樓梯，對我而言沒有甚麼大不了，但、我老媽要拿拐杖，則有點不便。 我們一行三人，叫了酸菜魚、水煮魚、口水雞、辣子雞（唔知有冇記錯個名😅）、一個唔記得甚麼蝦（忘記影單，食物名就唔記得了）。 食物可加「麻」，我加了，瀨曬嘢，因加麻就是加花椒粒，習慣用辣汁撈飯食的我，要慢慢撥走花椒粒🙈。這兒的魚片很滑、辣汁也不會油膩膩的，幾款小菜，都做得很好【除了那個辣子雞冇乜肉食外】。 整體上，呢間食肆的食物、服務都是水準之上，可放在開飯List，等女兒放暑假回港，會再帶她來吃。

服務員有禮貌。。我自己叫左佢埋黎問左三次做會員的問題。。佢都很有禮貌解答。。食物又好食。。地方又舒服。。一定會再去。。👍👍👍所以都加了200做升級會員...

原來唔辣同辣嘅味道爭咁遠十二味lunch time 都幾抵食，基本上唔使咩點等枱，而且可以枱空間距離都好大，坐得都舒服。今日約咗媽咪一齊嚟食，佢唔食得辣所以第一次嗌唔辣，原來同辣嘅味道爭咁遠😂!雞翼香鍋直情變咗第二隻味，平時辣味有好多辣椒🌶️，而且好香孜然味，唔辣直情變咗麵豉醬咁，雞翼亦都冇炸過。反而酸菜魚味道辣唔辣都冇咩差別，魚肉一樣滑，湯底帶酸味，都一人好食。另外再嗌左個尖椒炒雞肉，第一次食估唔到小辣都咁辣😂,雞肉帶有骨頭，唔算太好入口，不過蓮藕炒得爽脆，味道都OK。總體來講覺得辣係好食好多😆

🤩 大围｜十二味 HKD130 #丁丁香港探店地址：大圍村南道45-47號搵食市集1樓11號舖-先说重点openrice上预约下午17.00/17.30打六折算是在香港吃过很不错的川菜了而且有折扣的话人均也不高-「酸菜魚」这个酸菜鱼真的很太二！酸度刚好有一点麻麻的超下饭！「乾煸肥腸」肥肠稍微有一点点奇怪不过也是好吃的「干煸四季豆」这个是我的最爱！和肉碎一起炒的超香！「麻婆豆腐」下饭神器！一定要拌饭吃！「干锅花菜」稍微有一点点咸「辣子鸡」辣子鸡里面腰果还挺多的！很香！

作為一個四川人，十二味的川菜絕對是幫我解決了我對四川味道的相思之苦。他們家的酸菜魚是招牌菜，看起來上面有很多辣椒和花椒，但是不要被它的表面所嚇倒。其實沒有想象中的那麼辣， 還沒有三哥米線的小辣厲害。而且他們也分小辣，中辣，加辣的。我覺得一般人是可以接受中辣的。另外酸菜魚還可以選擇在裡面加紅薯粉，我覺得值得一試，紅薯粉也是四川的特產。而我最喜歡的是酸菜魚裡面的配菜， 有萵筍，雞腿菇，還有牙菜。另外最喜歡的就是武隆尖椒雞，超級好吃，裡面有蓮藕和青椒。不過這個是比較辣一點喔。紅糖粑粑是很特別的飯後甜點，配有紅糖，口感很特別。

每次黎大圍做嘢食午飯時間每間餐廳都好多人排晒隊，但呢度通常唔使等位，可能唔係太多人知道呢間餐廳，個入口比較低調😂基本上食完之後可以慢慢坐傾下計都得，加上佢個lunch set 真係好抵食。夜晚唔會食到呢個價錢。牛肉香鍋 - 呢度嘅香鍋好好味😋，好多配料，有蓮藕木耳同薯仔，牛肉好香口，份量都唔少，好似怕你唔夠食咁😂。酸菜魚 - 魚肉非常滑，而且份量好多👍🏻 好抵食😋午餐已經包埋一盒紙包凍檸茶，或者可以加$8轉超大杯嘅飲品(熱情果梳打)。個餐已經包咗一碗白飯同埋前菜，都係$50至$70到，真心抵食。

第一次寫食評，超級難食，酸菜魚太酸，冇魚味，粉皮多到嘔，漲嗮!!乾辣香鍋，好似師傅失戀，唔記得落鹽甘。唯一的好，就系白飯唔錯，冇去過的人，唔使去。小次唔會幫襯!!

餐廳位置寬躺乾淨，QR code 落單方便快捷，職員解釋OpenRice訂枱優惠非常清晰，食物味度不錯份量適中，食物價錢合理只係汽水單叫有少少貴，酸菜魚味道非常好！

性價比高午餐中午時間大圍每間餐廳🍴都好多人，但十二味通常唔使等位😂，可能佢哋好多位又或者學生唔係太食辣。食完lunch可以慢慢坐喺度吹吓水，所以成日都嚟依一間食，加上佢個lunch性價比高。平時夜晚就食唔到呢個價錢。牛肉香鍋佢個香鍋真係好好味😋，而且好多配料，有菜蓮藕木耳薯仔🥔，牛肉好惹味，份量非常足夠。酸菜魚我覺得偏酸，但魚肉非常滑，而且份量好多👍🏻午餐送紙包凍檸茶，或者可以加$8轉大大杯嘅飲品.配白飯一碗及前菜，都係$50至$70埋單，抵食。唯一最唔好係個廁所🚽，每次去都覺得好污糟😂

昨天訂左位，食6：30的晚市。門面比較不起眼，經過左都唔覺。因為訂左枱就直接入得去。叫左豪華板酸菜魚，即係3-4人份。味道不錯，湯底吸引到我飲完再飲。另外叫左個辣子雞，雞量適中唔會得辣椒。蔥油拌麵就唔太夠蔥油味。萵筍絲很不錯，值得叫下，可以中和下啲辣未又好味。

#十二味 | #大圍 | #川菜 |.#午市套餐 算CP值高，大概七款小菜等你選擇，也可以選擇干鍋。兩人或以上選擇午餐套餐再share小菜就最正👍🏻.#酸菜魚，魚片嫩，份量也多，是次三人share每人也有五片起跳。.#口水雞，雞件擺放精緻，起初以為件數不多，但其實份量足，估計有四分之一隻雞，小辣味道略嫌淡。建議選中辣起跳⬆️.#乾煸四季豆，味道👍🏻不會太油，也可以選擇全素.午餐套餐一個小菜包白飯一碗，紙包檸紅茶一包，也可以加錢選擇其他飲品。.值得再去指數🌕🌕🌕🌕🌕 (5🌕為滿分).人均消費 HK$63 | 自助下單，上菜快 | 無限時.

第二次去食十二味喇上次去旺角分店 位置好迫好多人今次係去大圍分店地方寬敞闊落 舒服好多！原來5pm到5:30pm入座食個半鐘 全單六折 真係抵好多💬💬💬💬我哋叫咗💟人見人愛酸菜魚呢個係咁多個餸入邊最好食既酸菜分量多 魚亦都好滑冇骨湯底有少少油 但係飲落味道都好飲💟飄香毛血旺原來毛血旺係樣樣都有d 加辣椒炒入面有午餐肉 牛柏葉 蓮藕 肥腸等食落味道又普通 唔算惹味💟乾扁肥腸呢個好難食，肥腸炒過龍超級硬，而且配料剩係得辣椒所以我哋成碟都冇食到💟清炒萵筍絲呢個好好食 萵筍絲好翠綠爽口清甜 味道啱啱好💟酸辣土豆絲好大碟 土豆絲份量好多酸辣都好開胃💟酸辣木耳好好食 有好大碟木耳好爽口 推介💟蒜拍青瓜味道正常 但比起木耳好食好多💟飲品冇半價但係嗌左個熱情果$28好大杯都幾抵飲另外叫咗個慾望酸梅$28一樣咁大杯 但係就太酸四個人去食半價左埋單大約$500