十二味新派川菜

營業中

休息中

為食姊妹話好耐冇去食辣野、於是相約放工後一齊去擦餐飽八點鐘入座、人不是太多，可以靜靜地邊食邊傾點了酸菜魚、魚肉大大片、入口嫩滑啖啖肉 、酸菜爽口、呷一口湯、濃淡適中，材料還有萵筍、加埋吸收湯汁的寬粉，十分美味水煮牛肉、面層鋪滿滿滿的辣椒、點的是小辣，所以入口不太刺激，微微的辣味更令食物更惹味、牛肉入口軟熟、辣辣的寬粉令人更開胃老麵小籠包、包點外皮包住微辣的肉碎，咬來有口感炒萵筍、放蒜蓉炒香的萵筍，爽口美味辣子雞，炒得乾身脆口，連雞肉都醃得惹味可口份量實在太大，最後要捧住大肚皮離開餐廳

朋友無辣不歡，今晚揀左旺角十二味過下辣癮， 三個人點了7樣餸，大飽口福惹味跳跳蛙點了大辣 韭菜做配菜 肉嫩鮮甜果然惹味清炒萵筍絲加了蒜蓉 顏色鮮綠 口感清新爽脆， 平衡一下吃辣味蕾酸菜魚輪到主菜，寬粉簡直是酸菜魚嘅最佳配搭，魚肉夠滑夠嫩無骨，湯底我地點左少辣剛剛好，帶點酸辣清甜，亦不會太油膩水煮牛點了小辣，肉質新鮮無筋唔韌，菜底夠健康霸王辣子雞雞肉炸成金黃色， 酥脆香口乾煸四季豆鑊氣十足，肉碎送飯一流老麵小籠包軟綿包皮配上微辣肉碎餡 配搭特別整體店舖環境乾淨舒適，座位闊落，食物有水準， 價錢合理，經濟川菜推介首選

同朋友過黎試食 兩個都唔食得辣 叫左個水煮牛同酸菜魚 視覺加味覺既衝激 紅色既水煮牛 睇落已經好有食慾 辣辣地 但係都接受到酸菜魚聞落好香 食落又好鮮好滑覺得辣個陣再整啖熱情果梳打同埋冰粉 即時解辣好爽然後講下個環境 一眼望落去十分整齊 感覺好乾淨 環境真心唔錯服務員都好有禮貌 做野爽手 招呼周到 服務態度唔錯交通好方便 旺角地鐵站出黎雅蘭中心對面上電梯就到個場都裝左好多部冷氣 想要凍啲即刻同職員講就得 我好怕熱 整體比人感覺好放鬆 唔會趕住趕住咁 可以坐低慢慢嘆

今日黎試食，交通方便，環境都唔錯，位置闊落，睇得出店家用心佈置，菜品好多種類，新鮮上菜速度都好快，酸菜魚同水煮牛好食，沒有踩雷，分量都好多，。價格適中性價比都好高。推薦同朋友小聚會，服務員態度好。下次仲可以黎試埋其它菜款

我人生第二次食嘅川菜，之前嗰次亦都係呢一間，同朋友食過尖沙咀店，好好食嘅川菜，所以我一直記住呢間嘢，今日同同事收咗工，佢話想食啲特別嘅嘢，我就決定帶佢嚟呢度食😆餐廳用QR code落單，十分方便；落單之後上菜速度亦都好快，唔使等好耐就有嘢食啦🥳食物選擇嘅種類亦都好多，我繼續選擇困難症上身，所以交俾朋友order🙊，而我哋就order咗以下食物👇💁‍♀️紅糖糍粑 $48-係我第一次食，朋友話好好食㗎一定要order，新鮮熱辣嘅紅糖糍粑，外脆內軟，點埋紅糖醬，同埋大量嘅黃豆粉，簡直係一流！😋💁‍♀️酸辣無骨鳳爪 $53-味道酸酸地咁，少少辣，好開胃👍💁‍♀️經典香辣鍋 $198份量真係多好大鍋！而且好貼心，有得揀辣度同埋走芫荽蔥/少油等等🫶。呢個鍋需要揀五份或以上嘅餸，我哋就叫左雞翼+鹵水肥腸+蓮藕片+萵筍+寬粉 （小辣+走芫荽+少油），真係即叫即做，上枱時出煙㗎😂，味道好濃，有少少重口味，但係好食的☺️🩷溫馨提示：餐廳需要加一服務費呢一間係新嘅分店，環境好闊落，燈光好光猛，亦都好乾淨嘅感覺，座位坐得好舒服，店舖嘅所有👫職員們亦都好Nice🥰唔係好食得辣嘅我，今次第二次食，依然覺得可以再encor

係朗豪坊睇完戲諗住周圍行下睇下食咩 見好耐無食過十二味就決定食佢啦 平時多數都係同同事食佢地嘅午市 食晚餐真係第一次 本身不嬲都係食開酸菜魚 今日就決定試下其他野 秘制醬香鍋 (唔辣) (走芫荽)香鍋最少要揀5樣配料 呢度有好多款配料可以選擇 我地就揀咗雞翼 牛柏葉 美國肥牛 萵荀同寬粉 上枱個陣真係一大鍋咁上 牛柏葉同肥牛嘅份量都好多 寬粉口感煙韌彈牙而且吸收哂醬汁嘅精華 仲灑上咗芝麻同黃豆 朋友仲另外加咗個白飯 撈埋香鍋嘅汁真係愈食愈惹味阿酸辣土豆絲 (小辣)土豆絲切得好工整 夠哂酸辣爽脆 好開胃! 如果唔想食太酸同唔食得辣嘅話仲有得自己揀少酸或者唔辣添熱情果梳打 (少甜少冰)好大杯嘅熱情果梳打 食完辣野最啱就係飲呢d酸酸甜甜嘅野 解辣又解渴!

朋友推薦嚟食川菜嚟講呢間性價比都ok 份量足 唔會太多或者太少 午市套餐跟飯同野飲 啱啱好食得曬 上菜速度都快 最重要係味道超讚 同埋一望就好有食慾餐廳環境唔錯 衛生同服務態度都好好 會再幫襯!