十三姨酸菜魚 (置富都會)

「幾時適合食酸菜魚🐟？」Anytime！為食🐑最近去咗紅磡置富都會覓食，商場入面真係多嘢食到眼花撩亂，今次專登試咗呢間人氣酸菜魚，價錢合理得嚟份量十足，抵讚！🥒 小食蒜茸手拍青瓜 $18青瓜拍得夠入味，蒜香十足之餘仲帶啲爽辣感覺，食落清新又解膩，係醒胃前菜首選！🍚 主食招牌十三姨酸菜魚飯 $79招牌一定要叫！🔥魚肉份量多到驚喜，肉質滑溜又無骨，湯底酸辣度調得啱啱好，飲落唔會油膩，仲有芽菜、酸菜、寬粉同萵筍做配料，撈飯食真係一啖接一啖停唔到口！🍜 三鮮組合米線 $58如果唔食辣，可以叫呢個：呢個米線真係材料大滿足！湯底鮮甜，配料豐富到呢～有爽口螺片、彈牙火膠、入味豬肚，仲有索哂湯汁嘅鮮腐竹同霸芝菇。最正係連小酥肉都有，浸咗湯之後更加軟腍入味，成碗食落層次感十足，絕對係心機之作！🍡 甜品紅糖糍粑（4件） $38每次見到 menu 有都必點！外層煙靭軟糯，黃豆粉香氣撲鼻，紅糖甜度適中，食完一舊就想encore！🥤 飲品加$3就有特飲，真心抵！凍柚子蜜同凍檸檬薏米水都只係$3，清爽解辣，配濃味菜一流～…查看更多

十三姨酸菜魚 @ 紅磡演唱會黎過快食🐟 酸菜魚米線 呢度用既係鱸魚🤩🤩…肉質好嫩滑…再加上冇骨啱晒我呢啲懶人…配料仲有大豆芽同萵筍…米線質感煙韌…唔錯…湯夠熱…酸辣度啱啱好🐔 口水雞 用上去骨既雞脾肉👍🏻👍🏻…肉質嫩滑。佢地個汁又調得好惹味…帶少少豆板醬味道…麻麻辣辣好開胃…送飯一流！🥚 擂椒皮蛋 要讚下皮蛋呢個醬汁又另外做 ( 好多地方都一個醬汁走天涯)…微辣加上醋之後配皮蛋幾好味。皮蛋有溏心👍🏻。環境都幾乾淨…價錢都合理。唯一地方就唔太方便…除非去睇下演唱會…快食好啱#相機先食 #cameraeatfirst #foodporn #foodlover #yum #eating #instagood #foodgram #foods #foodstagram #foodies #foodphotography #fooddiary #food #foodblogger #hkfoodie #香港好去處 #香港美食 #紅磡美食 #十三姨酸菜魚 #酸菜魚 #香港食評 #川菜…查看更多

如果一個人食飯想快快手醫肚，又突然想食川菜，可以試下十三姨酸菜魚❗️餐廳提供一人至四人套餐，晚市一人餐大概$60–80，CP值高😆🐟 招牌十三姨酸菜魚飯 使用海鱸魚，魚肉滑嫩無骨，湯底酸香開胃，辣度適中，送飯一流☺️ $79嚟講魚片份量足料，仲有萵筍、芽菜等配料。跟餐送一碗白飯，男士都應該夠飽👍🏻🌶️ 番茄麻辣組合米線 湯底融合番茄甜香同麻辣刺激，入口先甜後辣。配料豐富，以肉類為主，有午餐肉、香菇貢丸、滑牛、螺片、豆卜同萵筍片，食肉獸之選🫢🥚 擂椒松花皮蛋 / 🍬 紅糖糍粑 小食/甜品價錢實惠，十零廿蚊有交易，叫多兩款都唔心痛😂👍🏻…查看更多

是晚同朋友黎左十三姨食個便飯，貪佢出品快價錢合理，地點又夠近鐵路站😆餐牌有飯有麵同多款小食，快快掃碼落單先，好肚餓呀😋⭐招牌十三姨酸菜魚飯黎得十三姨，梗係要食佢個招牌酸菜魚啦，酸酸辣辣幾啱口味😋魚片嫩滑鮮味，美中不足有少少碎骨，扣分……不過攞個湯頭撈飯真係幾正，直頭想添飯😆⭐啖啖無骨雞口水汁水晶粉另外點左口水雞，可選飯、拉麵、米線同水晶粉，揀左後者，水晶粉咬落煙煙韌韌但又好滑溜，一碗看似唔多但其實勁飽肚😆講返啲雞，雞件已去骨啖啖肉，個口水汁幾啱口味，辣辣地正呀。⭐擂椒松花皮蛋 & ⭐雞絲涼粉跟餐加小食有優惠，叫左皮蛋同雞絲涼粉，皮蛋加埋擂椒又香又辣正喎🤤雞絲涼粉則有少少失望，個涼粉太淋一夾就散，好在味道唔差。⭐檸檬薏米水 & ⭐凍奶茶跟餐轉凍飲加三蚊，合理吖😋冰冰涼涼啱晒食辣之後飲。加埋晒啱啱好齊頭$200😆幾抵食吖。…查看更多

今日介紹吓我喺紅磡嘅食堂😄呢度嘅招牌酸菜魚真係好好食👍🏻🐟招牌十三姨酸菜魚飯 $79唔好以為$79既酸菜魚飯份量會好少，其實佢嘅魚片量好多，全部都冇骨，非常嫩滑👍🏻 酸菜開胃但唔會好酸，湯底辣度適中，真係送飯一流❤️🍅蕃茄麻辣組合米線 $58呢個蕃茄麻辣比我想像中辣，不過麻得過癮，食得辣既朋友值得一試！配料非常之多，有午餐肉，螺片，貢丸，滑牛，豆卜，呢個價錢咁多野食性價比真係高😍🪺擂椒松花皮蛋 $18加$18就有小食，我哋揀咗松花皮蛋，皮蛋軟糯可口，加埋青椒嘅清香，完美配搭👍🏻🍡紅糖糍粑 $28口感非常軟糯，最特別嘅係佢啲紅糖原來係喺個糍粑入面，一咬落去係流心，好好食✨⋆…查看更多