고집

哩間店開左幾個月，環境整潔，有部大電視播kpop.個年輕男店員過份內斂，講野細聲，整體冇energy咁。食物還可以，叫左燉牛鍋set, 湯味道都岩撈飯，有d油香，肉質算嫩，配菜就較一般，腐皮果碟唔好食，其他配菜過多辣醬，價錢都唔平。…查看更多

由韓國人主理的固執主打一人也能享用撫慰心靈的韓國經典菜。甫入店閃爍中的Discoball、牆身腰胡桃木的修飾線和刻意營造斑駁褪色的松木綠油漆，營造出Roly poly MV中摩登復古的氣氛。餐牌左上角都以韓文標示菜式的發源地，一切佈置和用心都令人期待感拉滿，對正宗韓式料理不虞有詐。—————————————————————辣豆腐湯✨$98簡單又最能展現到餐廳基本功的經典。但入口鮮明的辣度過後便是一個字鹹，豆腐在滾湯的過程中已全數爛開之餘亦磨滅了豆香，也沒有加雞蛋去讓味道溫潤同時令湯汁稍為濃稠。再直白一點感覺就是即食麵湯粉打開沖水的程度，連蔥花也吝嗇得好像走個形式串場，實在大失所望。辣豬骨湯✨$118餐廳另一自傲的招牌菜，上枱的視覺效果滿分但上嘴便又露出馬腳，大骨本來已甚少肉，偏偏部位還最乾柴、最少骨膠原，像湯渣般的肉絲味如嚼蠟，和又是偏鹹的辣湯毫無關係，唯獨一讚是豪爽的紫蘇籽粉。煎餅✨加配$54全晚唯一合格，當中韮菜煎餅最出色，但考慮到原材料成本之低，加配$54卻只有三口完事是和搶錢無異。韓式大豆奶✨加配$28甚少於香港韓餐出現的飲品，在鹹得近乎洗腎邊緣中的一口清泉，麥芽的香氣帶走了負擔感。—————————————————————建基於對韓國文化的熱愛，這頓晚餐終歸是因愛成恨，恨鐵不成鋼的感覺實在不吐不快。韓國菜於港普遍已是定價過高，執行力和當初設想的美好願景大相逕庭，實在難以展現韓國菜的細緻和深度。調味偏鹹不是死罪，亦是本來醒酒湯的特色，而是敗在食材之間割裂，沒有應有的融和，其實只要確實使用멸치和다시마去熬製高湯便不會叫人感覺如此廉價。餐廳成敗第一印象尤為重要，餐牌和點餐系統皆以韓文為主已令人感覺門檻高，空有形式更叫人意難平，希望餐廳審視一下備料的環節，比起減省必要步驟，精簡菜單才是正道。…查看更多

我哋嗌咗兩個餐，兩個嘢飲，一個小食埋單三百幾我個湯係凍嘅，凍嘅意思係佢完全一啲都唔熱啲肉係喺鐵板上面，我唔明點解可以完全唔係熱？即係個鐵板係裝飾？啲肉又係凍嘅，好似煮完出嚟擺咗一個鐘咁飯，勁，入口即溶，黐立立完全係粥咁樣嘅口感！麻煩大家再望吓個煎餅黑到咩情況？朋友叫嘅牛肉湯底其實熱辣辣，所以我要將我啲肉擺喺佢度浸一下先食。不過放心，啲牛肉都係好難食嘅，唯一好彩嘅就係佢嗰份係熱嘅我不嬲都係留港消費，但係呢類型嘅餐廳真係完全令我明白點解啲人要返大陸食嘢。反正香港比三百幾蚊食垃圾，連最基本熱都做唔到，周圍污糟邋遢啲蚊周圍飛，入邊幾個韓國人都勁冇禮貌，咁都可以有人讚？仲有咩唔可以？…查看更多

呢間餐廳係一間新嘅餐廳，係韓國人開嘅，韓國菜好正宗好好味，高峰期係兩點到三點，六點到七點，成間舖嘅氛圍好熱鬧，好開心，到咗夜晚，仲可以嘆燒烤（有員工專門幫手燒），老顧客，上次見到有小朋友哭或者有人慶祝生日，員工仲特登送嘢飲，員工好有愛心都好有耐心，好開心可以喺香港見到一間咁好嘅韓國餐廳…查看更多

8pm行過油街見倒，不停有客人入內，看似對辦，即管入去試吓。叫了薯仔豬骨湯飯及牛尾湯麵餐。 湯嘅味道前者惹味後煮香濃，係好飲好送飯麵嘅味道，而兩個湯骨都又淋又入味，係少有嘅淋，可用筷子輕輕夾開咁淋。附在豬骨，牛尾嘅肉嘅份量，比同期開很多店嘅sxxxl nxxdle多幾倍，味道亦比SN佳。值得一提，泡菜也很惹味，不是只一味酸，吃得出加了醃製海產如鹹魚鹹蝦之類，極好下飯。今次雞湯售馨，下次要試。Gozip. 油街…查看更多