北海道牧場餐廳

因為喺附近返工，早餐嘅選擇其實唔多，唔係麥記就係大家樂，再唔係就去新港food Court，或者連鎖咖啡店。今日真係好想試吓新野，行去新港睇吓水牌，見到有呢間餐廳，諗住行過去睇下，見到啲相都好似幾好，價錢又平所以試吓。因為疫症關係嗌左外賣，叫咗熱狗腸、叉燒番茄湯底米粉加奶茶叉燒好鹹，似鹹豬肉，熱狗腸都麻麻哋，我寧願食返雞肉腸，唯一個蛋真係好滑係好味嘅，不過下次都係決定食返大家樂…查看更多

Was just looking for somewhere to have a drink and maybe a snack in Silvercord and as the 'tea-time' menu looked relatively reasonable we opted for here.Ordered the sandwich set with cheese and tomato filling. How hard is it to make a decent sandwich, well this place has no idea?One slice of cheese with 2 slices of tomato and because they used thick sliced bread you could hardly see the filling.To charge $38 for the set I would say it is highly overpriced.In comparison the French toast with cheese filling was $36 for the set so better value but the cheese they used is not the quick melt type so the filling wasnt oozy like it should be.Total disappointment.…查看更多

中午時間喺尖沙咀開飯話難唔難，不過如果喺廣東道海港城一帶唔想食咁貴嘅話其實選擇真係唔多，一係大X樂，一係老麥，再唔係就去新港地底，不過早幾日同事就帶咗我去新港中心樓上嘅一間茶餐廳，價錢算係平，不過成件事就有啲離譜。當然明白圖片只供參考是王道，不過真係估唔到離譜得咁緊要。話說我要咗個叉燒蛋飯，幅相都真係見到啲叉燒嘅size係正常嘅，有幾片兼厚砌，點知出到黎真係嚇死我，啲正常叉燒變晒小兒麻痹症叉燒，唯一不變就係啲白飯，真係估唔到香港都有啲咁嘅餐廳！如果大家想挑戰下自己嘅接受能力，不妨去試吓，記住一定要叉燒蛋飯，因為我其他同事嗌嗰啲嘢係正常嘅，係我中了伏。…查看更多

北海道牧場餐廳在我公司附近，每次返早班都會去食早餐。最鍾意食佢嘅滑蛋，感覺新鮮又嫩滑，牛油多士又香又脆，配埋五香肉丁通粉味道濃郁，份量多又抵食，食完就超飽肚，整日充滿力量！…查看更多

送餐後好幾分鐘，黑衫職員發現送錯餐，二話不說就將那碗麵拿給另一位的客人。我提醒她為何不問一下客人是否有吃過，她竟說：我見到你無食，咁你有無食過丫? 雖然我沒有吃，但她又不是全程看著我，怎肯定我沒有做過些甚麼。食物安全及衛生很重要，一碗在別的客人桌上放了數分鐘而又不確定衛生情況的食物，怎可問也不問一下就此端給別的客人，該店職員的衛生及安全意識很差。而且拿走桌上的東西也應交代一聲，這是基本禮貌吧。…查看更多

很久之前到訪過油塘分店，印象中是不難吃的。由於趕著看電影，貪方便選了這家的常餐。平日下午三時，現場只有小貓三四隻，落單付款後便可就座。上餐速度比澳牛更光速，坐下1-2分鐘內食物已送到枱上。多士 - 十分硬，加上沒有切皮，整體口感不佳，配上腿蛋吃會好一點點。炒蛋 - 餐廳標榜使用3.6牛奶，理應是整個餐的highlight，但不少茶記比它做得更好。叉燒通粉 - 叉燒跟menu上的圖片出入很大，看顏色便知道是什麼味道。熱檸茶 - 正常。…查看更多

今天雨雨天，由於不想天雨路滑在街外行走，所以挑選了這家有瓦遮頭的食店——北海道牧埸。感覺他們的價錢在尖沙咀區來計較便宜，而且店舖環境尚算整齊乾淨，這次點了蜜汁叉燒太陽蛋飯跟厚切午餐肉炒蛋三文治，飯的味道還可不，主要因為有甜甜的鼓油汁拌飯，而他們的太陽蛋大概5至6成熟，食用時雞蛋汁溜出米飯上形成淡淡的蛋香在米飯上，食用時更可口。而工三文治主要午餐肉比較厚切大片，味道一般，但飽肚，2個主食都包餐飲，價錢合理。…查看更多

一個人的午餐黎講呢間都算好方便， 簡簡單單食個lunch有湯飯又有通粉， 好過去同自由人去迫d茶餐廳。 試黎試去都係經典P1 最好食，炒蛋熱辣辣， 加埋兩塊toast夠晒飽啦…查看更多

This is a cute little place to grab breakfast in the morning never had any other meal from here. They do a very delicious egg sandwich the bread and the egg is so thick it's almost difficult to eat. The taste of it is delicious! very cheap to for the price love it yum yum!…查看更多

星期六朝早行過食早餐，落order果陣都覺唔妥，點知中伏，話無熱香餅，唔醒水無走人，早晨全餐上枱無蕃茄，朋友無諗過會少左，食食下發覺無蕃茄，問佢先話無，成44蚊早餐無左蕃茄唔出聲，早講我轉第二個餐，仲要問到先話俾番半塊火腿，半塊火腿同半個大蕃茄點同呀！…查看更多

記得以前返工嗰陣，啲同事好鍾意嚟呢度食嘢，一嚟貪佢夠近二來呢度靜靜地，唔多人，重點係唔使排隊唔使等位（只限下午茶時間）其他時間唔知道使唔使等位呢。呢一間餐廳其實好多地方都有分店，但係我只係嚟過尖沙咀呢一間分店食，佢啲食物有港式有日式。港式嘅有例如通心粉，日式嘅就咖喱之類你一個係咖喱飯，咖喱炸完唔會好硬，係好脆，裡面好滑，唔鞋。蛋好大份....... 呢一度可以話係半自助式，去到counter買左嘢食先，拎住張單搵位坐，佢哋就會送餐過嚟。…查看更多

放工喺尖咀拎完送禮佳品就又攰又肚餓又窮咁去咗依間餐廳食。因為食飯時間成間嘢都無乜人食。叫咗個常餐。有常餐嘅嘢食。多士轉咗牛角包。所有嘢都正常。其實都難話超好食嘅依啲嘢。最好食係個炒蛋。夠滑。驚唔夠飽就叫咗個飯吔。都係無乜特別。粉同豬排比例都可以。係個炸皮有啲怪味。似係啲粉變咗嘅味。以為炸咗Mingor就食唔出?!咁真係好傻。upgrade加返個奶油多士。都係一般。加多個薯角。ok嘅。飲品係華田同檸水。完。總括嚟講。正常。…查看更多

周圍都係牧場餐廳 成日都好想去試吓有日發現 原來尖沙咀新港中心開咗一間新嘅北海道牧場餐廳 有日食lunch即時去試試啦Menu同一般牧場餐廳差唔多 都係有番茄湯陪雞扒豬扒牛扒之類 亦都有all day breakfast 首先要落左單再搵位坐 今日第一次食叫左個豬扒拼番茄湯通粉賣相一般但豬扒好好味得好脆好香口番茄湯亦有好濃番茄味 雖然味道唔錯 但抱住食牧場餐廳嘅心態黎食最後食物同好食啲嘅茶記差唔多所以有啲失望☹️☹️…查看更多

吉列豬扒太陽蛋飯配黑椒汁 $47望落都幾別緻又有點頹既一個午餐❗️但味道十分唔錯 豬扒炸到好香口又唔鞋口 如果黑椒汁多返d就好啦但好彩仲有蛋黃汁呢 飯既份量都幾多下 而且仲包杯熱飲❗️我覺得哩個地區哩個價錢都算係咁但都幾熱氣 我食完就喉嚨痛😂…查看更多

好老實，openrice開咁耐我都係齋睇，一篇食評都冇打過，但今次真係要出聲。因為我本身都叫北海道牧場餐廳 fans，一個星期食幾次（但唔係呢間，係喺同一條街唔夠5分鐘腳程嘅流尚坊嗰間）。今次呢邊順路少少就諗住冇所謂，反正都一樣，點知隔5分鐘嘅路質素係爭咁遠。廢話少說，簡單描述，一個五香肉丁套餐分別包含:1.蛋: 唔滑，硬淨2.火腿:呢個係第二嬲，凍嘅，唔係放得耐嗰種凍，係未解得透凍嗰種凍,仲有水架頂3.多士:呢個係最嬲，初頭我對北海道牧場係冇乜好感，原因係我覺得50蚊食個常餐唔值，係直到一次係流尚坊我食過佢個多士，我就覺得值，因為真係好食。但今日唔知做乜神推鬼x走左過黎，我想講，個包（我直情唔想叫佢做多士）係一黎我已經嬲左，我女人都奇怪點解我未食已經咁大反應，好簡單，係難食到一個點我望到已經知難食，咁當然，已經黎左，唔好浪費食物，我都照食哂（事實亦證明真係好難食）,簡單描述，硬過石頭，冇味，完。4.五香肉丁: 感謝上帝呢個世界有樣發明叫罐頭，點整都唔難食，最多好似今日咁，係凍姐5.通粉:唯一做到同樣水準，只係份量唔知點解少左一半。6.飲品:平時我係願意加8蚊要杯熱鮮奶，今日我都想叫，但佢同我講換左新機，冇熱嘅，得室溫，開頭我唔明點解會係咁，第一，你換部新機 function仲揸過舊?第二，冇機，係咪可以用熱水座熱？有幾難？我唔係話我肯俾8蚊就大乜哂，只係第一，可唔可以轉下彎?第二，你叫"牧場餐廳"，但冇奶？真係唔覺有問題？咁後來我明，我唔想講到人身攻擊，但員工們嘅服飾+年齡+工作態度就解釋一切好，鬧完，我想講，我本身只係諗住 send個 email俾佢地，但我上網搵完，真係搵唔到，希望管理人員可以留意下，改善下，事關我覺得同一地區，同一品牌，流尚坊嗰邊咁俾心機做嘢，做到我肯成日去食，係唔應該俾其他鋪求其做嘢嘅員工累，做臭個名。…查看更多