北園酒家

我經熊貓平台 18:30落單 北園酒家 預訂20:30自取訂單20:35到店 20:50查問一位帶眼鏡女員工 佢竟然叫我入廚房問之後我經熊貓平台搵客服安排退款 佢話可以 等20分鍾後再次退款 咁我話OK之後就走 之後過左30分鍾左右再搵客服處理 訂單顯示已提取(但我無提取過 因為為已經走左)但客服好堅持我要落番北園酒家跟員工查詢 然後我直接打電話到北園酒家查詢 接聽電話係男員工 仲話有人已取餐所以按已提取我同佢講無攞過餐 咁我問佢係咪需要第2日搵人再落去查詢CCTV?跟住佢就好似D CUT台咁難咁不斷張個電話射黎射去/或者HOLD起條線係到商討緊最搞笑既係 去到等完第3次左右既接駁零聲之後 有個女員工又問我有咩幫到我第4次接駁之後 傾左一陣 佢又叫我搵熊貓客服退款 咁我都係話 需要你地餐廳去跟熊貓安排 因為佢唔比我退最後佢話佢會打去 叫我等一陣再打番去北園酒家到確認26/9 訂單號749…查看更多

众多小朋友反馈，又贵又难吃但亲身体验之后呢，觉得还行，当成个喝茶的地方是不错的，不过坐着不是很敞亮，因为并没有窗户，也许是没坐到高档的位置的缘故。上汤什锦吉列大虾伊面，不错的一道菜，下是很大，肉质也很q弹。菠萝咕噜海斑球，甜口的，有点吃不到鱼原本的味道。当红炸子鸡，不看菜名我会以为是烤鸡，很酥脆。海鲜瑶柱福建炒饭，很鲜美，但像是泡饭，并没有炒饭的干爽感觉。精美冻糕，非常好，凉爽，q弹，甜味适中，饭后很适合。…查看更多

平時淨係去開樓下海港酒家，今次就一於上去試，入到去環境唔大，食客都唔算多，大約坐咗三分之一，對比起海港的確細咗啲。兩個人食，叫咗蝦醬牛肉炒通菜，龍蝦伊麵 ，椒鹽鮮魷。前兩道餸中上，重點係椒鹽鮮魷，完全有晒傳統味道，值得再一次。🤤…查看更多

假期去文武廟拜神， 原來而家嗰度都成為咗旅遊景點。 搞掂之後，本身諗住去蓮香樓飲茶， 原來而家又變咗小紅書網紅店😂😂。 輾轉之下終於行返出大街， 近馬會附近有兩間酒樓， 隨便選擇了這間北園， 重點係好多位， 有位就隨便一間都冇所謂。首先講咗最需要避雷的食物， 油炸食物可以完全避開，可以的話不要選。。。蝦多士非常油、超級油、 食完成後都係油， 完全係 吸滿油嘅麵包， 蝦肉極少。避風塘魷魚鬚又係非常之油， 好多油， 唔夠爽脆。手指粗腐皮卷外皮炸唔起， 唔脆 有啲韌， 質感奇怪， 個餡都麻麻地。其他點心，鮮蝦菠菜餃、手剁鮮牛肉球、明爐叉燒腸、蟹柳肚皇扎， 呢幾個都幾好食。 特別係 蟹柳肚皇扎， 腐皮彈得嚟夠淋滑， 而且有魚肚吸收咗醬汁好好食。 菠菜餃大大隻， 但最奇怪裏面係會有蒜蓉。富豪炒飯， 都算炒得爽口而且足料。鮑汁鳳爪、酥皮蛋撻仔、脆皮叉燒包， 呢幾款冇食所以唔知道。但整體服務差，明明有位都要喺出面等，唔知打乜， 都算啦 咁咪等囉。 問佢新春有冇加二加三， 個職員話唔知我講乜。 終於搵到經禮問係話加一。 但係點心紙唔同咗價格，新年專用點心紙 ，後來係openrice睇到😂😂平時不用甘貴， 新年點心紙最貴嗰個 要差不多60蚊， 最衰唔記得影低點心紙。還有我們不是熟客，沒有派利是。店員對有派利是的客人，很熱情。…查看更多

一間超級唔得既酒樓，花膠五蛇羹完全無花膠，蛇肉都無，菊花絲同檸檬葉都冇，問高級職員就話啲花膠溶晒，再問有無菊花絲，最後就俾咗碟爛既菊花絲，職員態度勁差。燒味拼盤得兩款燒味，其他根本就係前菜，唔係燒味，而且啲燒肉皮冧晒，雞又肥，一啲都唔好食。最過分係辣椒油要$20一碟，再問有冇唔使加錢嘅，就俾咗碟辣椒豉油就當係辣椒油，完全唔想服務啲顧客。啲職員完全唔肯做野，落單果陣已經問咩都話唔知，連高級職員都態度差，係呢度食飯絕對係受氣，啲野食又唔好食，完全唔會再黎！…查看更多

今天經過上環北園樓第一次上去幫襯中午茶, 坐落叫咗的點心, 先來點心上枱, 見到义燒腸只見上面有粉但番轉一看下面冇粉只見义燒, 只得一層腸粉, 飲咗幾十年茶都未過, 真偷工減料, 燒味偏咸, 其他都幾好. …查看更多

每年都會同屋企人去北園慶祝中秋節今年一樣，嗌左半圍餐牌乳豬半隻，勁長一塊，片連肉一齊，溫度唔夠熱，係暖既，而且唔夠脆，味道可以帶子珊瑚蚌炒西芹翠玉瓜6粒帶子，翠肉瓜生既，一樣唔熱，味道ok雀巢蝦球🦐🦐炸得好脆，不過肉眼見到炸得唔多均勻食落蝦味都唔重，都係唔熱蟹肉蛋白娃娃菜賣相扣曬分，似嘔吐物，味道好淡鮑魚生菜鵝掌鮑魚好大隻，彈牙，鵝掌炆得都夠入味有咬口，成碟菜汁都夠多夠味半隻炸子雞味道幾好，外皮都炸得好脆，但係一樣唔熱，同埋大部分都係雞胸石班細條係全日最熱最好食既一碟，不過唔記得影相，蒸得好好，好滑👍🏻👍🏻👍🏻…查看更多

公司食飯，叫團餐啦等咗1.5 小時，只有上咗3個點心。真心痴線，都唔那係做生意。追極都無，垃圾酒樓，經理態度極衰，黑晒面咁，又唔處理，成件事唔知做乜。浪費時間，垃圾。…查看更多

中式酒樓，離不開喜慶事。一圍一圍，大家坐到一起，一起慶祝。今晚嚟到上環北圍酒家，一定要讚吓佢嗰至專燒鵝皇。去到晚宴後半段，通常都飽咗七成。但係呢隻燒鵝一上到枱瞬間俾人吃光光。食得出係即場燒烤，皮脆肉嫩多汁，燒鵝脂肪分布，非常平均淡淡香味。無論你食到幾飽，都會想再食多一件。…查看更多

星期六拜年豆利是，去北園睇下有冇進步先：我係地道街坊，上環區大把酒樓揀，呢間好耐之前去過幾次都唔好，所以一向都唔like 去呢間，但既然咁多人 Open Rice 猛讚，即管又去叫咗以下 5 樣。。真係，唉唉唉，又貴又唔好食！1. 虾多士 ～好油，好少蝦，冇番炸吸哂 d 油2. 京式义包～ 原來唔係生煎，唔夠醬較乾身，只係用北方菜肉包嘅皮，港式义包好食得多3. 咸水角～ 酥皮，OK4. 灌湯餃～ 根本係大 dd嘅 小籠包？以小籠包角度，都唔係好食5. 班頭腩煎米粉～ 算多料，OK(原來 1.30PM 就下午茶，全日下午茶計😹😹😹）…查看更多

正式移居HK，前后仅用了一个月的时间。这是我们全家第一次hK过年😝，今天就邀请了先生的同学们一起过节🙋这个菜单是先生提前到店里定制的，店里套餐的话，总体性价比更高一些。.🧚‍♂️环境方面：有大堂，有包房，我们订的这个包房最多可以放3桌。环境方面就是港式酒楼的那种“复古”风格……🧚‍♂️服务方面：可能是过年，客人都爆满的原因，服务方面相对“匆忙”一些。🧚‍♂️关于出品：不得不说，老式酒楼对出品的把握，还是很ok的。🐷|烤乳猪^这道菜的技术含量还是相当高的皮脆肉嫩，相当到位🐟|鱼翅^等我们都吃完了，服务员才把红醋上上来只有豆芽，没有香菜……教育先生，以后要环保，最好不要点鱼翅了🤣🦐|蒜蓉开边西澳龙虾^都是现捞现做的，相当生猛调味恰到好处，老少皆宜🐚|酥炸美国桶蚝^这个蚝的个头相当的巨大且肥硕包着底下的生菜一起吃，能起到解腻的作用🐠|清蒸东星斑^东星斑的个头相当的大，童叟无欺啊海鲜类的出品，主要是食材新鲜，味道方面就不会走远.总体OK，家庭聚会，商务宴请也都相当适合…查看更多

等枱30分鐘！無論部長經理侍應全部懶理，服務態度非常非常差🤬🤬🤬問咗好多次要等幾耐，一句都唔答！咁做生意真係搵鬼幫襯你🥵🤬🤬🤬🤬🤬🤬🤬🤬🤬…查看更多

早兩個月老人家生日，當然都係想食中菜！近近地又方便大家放工到達，就揀了港島區的北園酒家！上去第二層，可以搭LIFT，不用老人家走樓梯。就近就可以食早一點，不太多人，疫情之下，枱與枱都隔得遠，場地大，6點幾有好多位。去到點菜，就叫個套餐，比散叫平一點。叫了套餐有龍蝦伊麵，半隻鵝，魚兩食（2碟），冬瓜盅一鍋及佛跳牆一鍋真是飽到食唔落，湯水都有2款。魚就是忘記是什麼魚，但仍記得魚肉好滑身，好食！龍蝦不用多說，大碟，多龍蝦，比伊麵還要多，抵食之選！ 好味彈牙多肉！無得輸！冬瓜盅清熱，飲落好舒服，材料見圖，亦不少！佛跳牆足料，不會太濃味，味道適中！脆皮雞肉嫩皮脆，有水準！👍鵝是正正常常的一味。總的來說，海鮮唔錯，服務都很好，最尾還有壽包！真是飽到上心口！😂…查看更多

之前辛苦搶到旅發局優惠，特選25折優惠享用晚飯絶配 (原價 HK$500, 優惠價 HK$125)，包蒜茸或上湯開邊澳洲龍蝦1隻(約12兩)伊麵底 + 2份蠔皇8頭鮑魚伴花膠(各1件)，於是黎試試啦。公眾假期同周日唔可以用。地下搭lift上一樓，地方都光猛乾淨。蒜茸或上湯開邊澳洲龍蝦1隻(約12兩)伊麵底我地揀左上湯龍蝦。龍蝦都好大隻，啖啖肉，龍蝦肉好新鮮爽口鮮甜，正野！下底既伊麵明顯質素好過一般酒樓好多，條條分明，唔會一pat野，份量都多。仲加左少少蔥花調味。蠔皇8頭鮑魚伴花膠花膠就普通料，唔厚。鮑魚都彈牙，味道唔會過鹹，算啱啱好，伴有一棵西蘭花。食完唔係好飽，無糖水送。收番原價加一，茶錢$15一位，酸菜雲耳無要。最後埋單每位$104，抵食。…查看更多

有旅發局津貼晚市套餐 ，龍蝦伊麵加鮑魚花膠。另外自己加咗個陳醋一字骨。 埋單$365。雖有旅發局津貼，但要收番原價加一， 茶錢，餐前小食(雲耳)。龍蝦比想像中大隻，亦都好味 。 花膠就麻麻地 ，不過有津貼都唔計較太多。…查看更多