北京樓 (MOKO新世紀廣場)

營業中

休息中

係MOKO睇完戲，同2位友人個去左北京樓食晚飯。前菜小食青瓜＆花生蠱草花炒翡翠苗$128份量好多，清清地幾好味。京城糖醋小排骨$108以為係熱盤，點知係冷盤，排骨比想像中甜，好微既酸味，食了一次就夠。揚州小意蛋蝦仁炒飯$118普通炒飯味，唔算特別出色，不過略嫌上枱一陣已經唔係好熱。片皮鴨(半隻)正常發揮，不過整體覺得是晚食既餸都唔係好熱。。。。。記得幾年前都同親戚黎過食飯。p.s.今晚3個人食，每位約$273。

食物唔評論，總之就一般到冇得再一般。個日同行五個人去呢間野食片皮鴨，打算叫個二人餐再散叫其他野一齊share，因為六人餐份量略為有點兒多怕食唔曬。落單個陣佢同我地講我地唔可以點二人餐，因為我地有五個人。我同佢講話我地仲有其他野散嗌，佢都係話唔得。我真係聽到眼都突曬出黎🤷🏻‍♀️。我問佢點解，佢講黎講去都係話五個人唔嗌得二人餐。最後迫住全部野食散嗌，最後埋單千五蚊仲貴過本身想嗌嗰個plan😅。

I never write any reviews nor give bad reviews. I simple don’t go back to the resto if the food and service are bad. But this time, I was in shocked with my experienced. I always thought Peking Garden is one of the top notch Chinese, chain of restaurants. But dim sum here was terrible. The overall taste was just so so. It’s like any other normal dim sum restaurant anywhere else. At least their food was not salty. The highlight of the meal, hair inside a beef ball! That shows how hygienic the

正所謂去得北京樓，就一定有好嘢食，今次叫了富貴餐，大家開心相聚，食好嘢。重點講我的至愛啦！片皮鴨：嘩嘩嘩，至愛……可以唔夾薄餅，就咁食，超好味，有鴨油香，肥瘦均勻，加蔥蒜芹相配，又可食多三四五六七件。香蔥麻香鷄：重點係多，蔥香肉滑，可以密密食唔停。小籠包：sorry一向愛北京樓的……皮薄料足，正。宮爆蝦球：炸得脆口，甜酸汁做到掛蝦球，一口一口，食唔停。椰汁糕：愛甜食的我，真心愛它，清甜而不膩，可惜一人得一塊。嚟呢度又增磅了。

因為想食片皮鴨，朋友帶左我去北京樓食！由於一早已經訂咗位，所以唔需要等就已經入到去！不過環境真係好嘈，連同朋友傾計都要好大聲先聽到！另外，因為本身只係想食某啲餸菜，所以就決定散叫！我地兩個人total叫左五個菜！1）賽螃蟹由於都知哩個唔係佢地既特色小菜，所以都無抱太大期望！蛋白我略嫌覺得佢煮得唔夠滑，蟹肉就一般唔算多！2）京淮葱油拌海蜇頭海蜇唔係舊舊都爽口，但葱油香味道唔夠，份量亦比較小！3）茶樹菇上湯浸小豆苗茶樹菇我覺得可以多少少，豆苗份量足夠亦爽脆新鮮，我覺得佢湯底亦係令到成個菜既鮮味出晒黎既主要原因，哩個可以再食！4）蟹粉小籠包皮薄，餡料足，入面既汁亦非常足夠，但蟹粉可以多少少！不過整體都係好好食！5）片皮鴨（一份）由於主要係因為想食片皮鴨，所以期望有啲高，唔知係咪因為咁而令到有啲失望！皮唔算脆，食個時一用筷子夾起，皮同肉係分開，肉質一般，係比起街邊燒味檔好啲！另外，配菜份量完全唔夠！

啱啱去咗旺角MOKO北京樓食嘢，同朋友揀咗二人快食片皮鴨一食，鴨殼可以拎走。呢隻鴨真係烤得好香好脆，啲皮好薄好鬆脆，啲肉又好嫩又唔會太油膩。二食先有炒鴨崧同埋生菜片，一食係冇既，不過已經夠哂飽。最後，我地埋單$439，都抵食。

北京樓除咗價錢稍貴其他都好滿意，服務無話特別好不過絕對唔差。早放工去去食晚市叫咗三個送，yuu積分1蚊兌換咗口水雞。埋單計埋加一茶水大約700。口水雞好好味不過係真辣的，鬆子魚強烈推介！！佢魚肉上面有蝦仁覆蓋做的好好，如果可以再熱小小會更加好味。茄子豆腐不過不失，不過都係辣的（多辣椒）。最後個點心拼盤好好味，裡面有個香菇餃極度推薦。

我阿姨之前食左北京樓嘅午市北京填鴨餐之後，一直向我強烈推介，所以我都決定帶屋企人黎試下⋯-正常飲茶地方，人流都比較多，剛好星期日，都真係需要等耐啲時間先有位。-叫左我阿姨推介嘅$398震撼午市套餐，有胡麻醬什菜蘋果沙律、時菜鮮魚羹、北京宮爆蝦球、烤北京填鴨半隻、北京人家小蔥伴麵、蟹粉小籠包同香滑椰汁糕，好似幾抵食又豐富！-🍴胡麻醬什菜蘋果沙律沙律菜款式算多，種類豐富，加左少許煙肉同蘋果，松子似乎無烘過，汁醬剛好，多彩但略為失色。-🍴時菜鮮魚羹整體很碎嘅羹，有菜有蛋有魚，口感上可以更好。好似仲加左啲莞茜定蔥，最初食唔到都還好，一食到就怕怕了。-🍴北京宮爆蝦球蝦球大大隻，甜中帶辣，味道出色，配佢較為素淡嘅小蔥拌麵最好。-🍴烤北京填鴨半隻半隻烤鴨份量豐富，上枱又體面，的確幾開心。烤餅薄而不透，鴨香有油，但包嘅配菜不太合我胃口，淨包住鴨肉食都開心😆-🍴北京人家小蔥伴麵唔好誤會佢汁醬少，撈一撈，食落都香，夠味，簡單得黎啲麵唔會一餅野。-🍴蟹粉小籠包小籠包都幾爆汁，但似乎可以再香啲。-🍴香滑椰汁糕食完咁多野食返個椰汁糕真係好清爽。-整體黎講未算超好食，但會覺得幾抵食又體面，菜式又豐富，一個下午食到

話說喺新世紀睇完早場同老婆、外母飲茶，然後去咗北京樓排隊等位。等左大約半個鐘頭就有位，坐低之後見到有個片皮鴨二人餐幾抵食就試下。第一道先上個沙律，好似有啲格格不入，但係食鴨咁肥膩嘅食物之前黎啲素食都唔錯。第二道係個時菜鮮魚𡙡，略有啲鹹，但係個人偏好稍為重味啲都可以接受。第三道係宮爆蝦球，蝦球炸漿好脆，肉質爽口，配上咕嚕汁，好開胃。第四道係主菜片皮鴨，皮脆肉嫩，雖然片得偏薄，略為凍左啲啲，但係作為二人餐份量絕對足夠，若然要挑的話，反而覺得塊粉皮唔夠熱同太薄。第五道係蟹粉小籠包，中規中矩，係好味，必須趁熱食。第六道再黎碗拌麵，呢個面唔係難食，但基本上唔洗食，因為已經好飽。最後一道甜品係椰汁糕。作為二人餐黎講，係非常抵食，其實四位都夠食，而且上菜速度好快。你未食完一道，下一道已經送到上枱。特別一讚係，旺角店嘅侍應都好有禮貌，令食客有賓至如歸嘅感覺。想食片皮鴨的話，可以放假早啲去試吓。

首先講講，唔係話「北京樓」的出品唔好食，而係佢嘅水準真係比以前差咗好多，係差好多 .... 而且開始有點不倫不類 , 菜式上已經不再專注於 "京川滬" 菜式 , 就連粵菜都有 .... 不是話種類多就叫好，倒不如專注於某種菜色還更實際 ~話梅骨：骨多個肉，味道上甜甜酸酸都不錯，可惜肉質又硬又實，好難咬 ~海蜇頭： 海蜇爽口，有麻油香，味道正常，但份量就比較細 ~煙燻魚 : 唔知係乜嘢魚類 , 味道比較腥，勁多細骨，味道正正常常，不是我杯茶 ~鴨絲生菜包 : 味道平平無奇，用生菜包起來吃，有風味的，但就是好一般 ~瑤柱扒豆苗 : 是這晚宴之中最出色的一道菜，這道菜煮得頗有水準的，但就偏向油量多了點 ~北京填鴨 : 正常來說 , 這個是「北京樓」的招牌菜，應該不會走樣的，奈何鴨肉竟然又乾又嚡口，皮也不脆，真失望 , 唉~砂窩花膠雲吞雞煲 : 湯頭味道鮮甜濃香， 花膠滑捋捋 , 雞肉入味亦有鮮味，但雲吞就不甚好吃 ~蒸沙巴龍躉 : 蒸魚是菜嗎，不是！擺明就是粵菜，在京菜館有粵式菜，我覺得好有問題，正常來說我不會在京菜館點粵菜，但因為有老人家在場，所以就遷就他； 話雖如此，這條蒸魚還算過得去，

北京樓比我感覺，價錢貴，食物質數一流嘅食市，但今晚太令人失望，完全無諗過呢間北京樓啲嘢會咁難食，買相唔得，食物味道唔得，比唔上一間普通嘅上海菜館，以後都唔會再幫襯。

今晚想食雞，于是就揀咗個風沙雞，聽人講呢度啲雞都唔錯，對此期望都唔低。😋有肉梗係要有菜，又揀咗個香菇小棠菜，兩個餸一葷一素，健康配搭。 風沙雞都幾大份，個賣相好靚，炸到金黃色，食起來皮脆肉嫩，蒜香味十足，最緊要係大大碟。😘😘 香菇小棠菜比平時細碟咗，味道依然咁好， 香菇好香好滑，小棠菜又好嫩，我食到炒菜嗰啲油係特別香，同我平時食開嗰啲有啲唔同。🤗🤗喺度食飯仲有個好處就係可以用yuu儲分，食咗嘅嘢就可以計分藜買嘢，一舉兩得。呢度又冇小食嘅收費，價錢實惠，想食得好，食得清淡又得，而且小菜選擇好多，係我哋晚飯的首選。👍

老細突然嗌食開年飯，佢話好想食片皮鴨，所以揀咗去北京樓。由於即興冇訂枱，6pm去到已經7成滿座，因為未齊人，所以等咗15分鐘先拎枱，結果7點先有枱可以入座。😩本來想嗌餐，但因為有人想食水煮魚，又驚單點多一個會食唔晒，所以最後全部嘢散嗌。叫咗一隻片皮鴨兩食，水煮魚，奶油津白，小籠包，素鴨同醉雞，味道只可以話係不過不失，比星光行嗰間差（星光行嗰間其實已經差咗好很多），其中個醉雞酒味好淡，奶油津白就個菜ok，鋪面啲金華火腿勁難食，而且小籠包唔夠熱，咬落冇乜汁，失敗！☹️☹️主打嘅片皮鴨算係比較ok，送嚟時個皮都仲脆，唔太油，但配菜嘅京蔥絲同青瓜絲就少得可憐，尤其係京蔥絲只係得青瓜嘅一半，可惜，而個炒鴨鬆相對就更一般，包鴨鬆嘅生菜得4、5片，完全不成比例。而水煮魚完全唔夠辣，啲魚仲少得可憐，大部分都係薯粉同萵笋絲。食完主菜有人提議食甜品，嗌咗一個拔絲香蕉，豆沙鍋餅同雪糕芒果楊枝金露（個楊枝金露等到食完其他嘢都未嚟取消咗）。個豆沙鍋餅唔似傳統豆沙鍋餅，感覺有啲似夾咗豆沙餡嘅薄餅，而個拔絲香蕉則有驚喜，唔會太甜，做到外脆內軟，外皮唔算太厚，鋪面嘅麥芽糖絲好脆口，係成餐最好食嘅嘢。之前睇食評，啲人話有畀

21/12三人共進晚餐，點了糖醋小排骨、醉雞、松子魚、茄子豆腐煲。排骨肉質太靭，一點也不好吃，茄子豆腐味道太濃烈，只有醉雞和松子魚叫可以合格，作為一間中上級食肆，食物水準令人十分失禮，加上樓面侍應戴著口罩也感到他們西口西面，說話態度亦無禮，請他們下單時，男侍應舉起手上拿着的餐牌及水壺，即是表示無手招乎我，為什麼不可以用說話說「請等等 」？而是好像要給面色你看？當晚朋友生日，到達時帶了蛋糕，想請侍應幫忙放在雪櫃，他的回答是無耐煩地答「等陣先啦」，最後請侍應取回蛋糕，以及碟和叉，送上時回應你一句「你哋夠鐘啦」🙄，其實當時仲有10分鐘先交枱，我哋係知道要準時，但咁樣對人說話太差，整晚感覺十分差，連對人基本禮貌都冇絕對不會再幫襯北京樓。絕對。

舊同學們見面選了吃北京填鴨，去到新世紀廣場5樓的北京樓， 預約了第二輪8點， 一直談話到10時打烊， 真暢快。吃了個二人套餐（$598），十分豐富。當然主角是北京填鴨半隻， 偏肥， 夠香可惜皮不脆，配青瓜, 可惜沒有山楂條， 醬汁都比較甜， 烤餅皮也比較厚身，有點失色。雞絲粉皮， 麻醬份量多， 粉皮通透， 雞絲夠細夠滑， 青瓜絲爽口。鮑魚拼花膠：鮑魚未止於溏心， 但夠軟， 火喉剛好， 鮑汁好香， 花膠厚身大片卻欠膠質。酒釀丸子：酒釀很濃帶酸味，但有點放涼了， 丸子彈牙。