勝記滷味專家

營業中

休息中

大埔食店林立，但係近來疫情肆虐，唔敢出街。我哋一家都少咗出街食飯，今日諗住斬料加餸。見到呢間新開嘅滷味鋪，遠處已經見到有人大排長龍，遠處，已經聞到震震嘅滷水香味，好食嘅唔怕排耐少少，點都要一試啊！叫咗滷水乳鴿，嘩！佢有鴨舌梗係要叫啦！另外在配做鴨腎，一大盒真係好期待啊！返到屋企，急不及待每樣都試吓！乳鴿非常之香，佢都好大隻，師傅斬左一件件食都好襟食，而且好多肉！佢嘅鴨臀真係極之好味，有咬口得來又唔會太硬。我個女都食到舔舔脷，佢有咬口得來都算軟林，比起一般買到偏硬質地唔同！真心強力推介！最後要講佢最好味嘅鴨舌，滷水味又香又濃！鴨舌又林又滑，食完一個又一個，真係食到停唔到口呀！下次要再試吓佢其他嘢先！

這天因為工作的關係前往了大埔，從朋友口中得知大埔最近新開了一家老字號的鹵水店，他本來紮根於西環，已有多年的歷史 ，這次我有很多到達大埔，當然買點回家吃。但沒想到居然這麼多人， 我五點左右到達，居然拿到的籌號已經是700左右，但他叫號還停留於550， 也就是代表在我前面居然還有150人左右， 真的叫我情何以堪。時間一分一秒的過去 ，終於是我點餐的機會了 ，我點選了四份一隻鹵水鵝，作為一家人的晚餐，剛剛好分量合理，味道方面， 鹹淡適中，最重要不會因為鹵水的鹹味，蓋了本身的口感和鮮味。

見咁多人排隊，又聞到好香嘅滷水味，點都要試吓嘅，攞左飛開始排，頭30分鐘都還可以，去到45分鐘開始唔耐煩😤，心諗邊有可能咁多人買走呀？最後用左足足一個鐘先完成交易😔，買左滷水鵝下莊(大約150蚊)、鵝腸(15蚊兩)、鴨舌(14蚊兩)、鵝亦(記住一定要買特大，33蚊一隻都照買)，跟住返屋企大拆一餐，配以威士忌加冰🥃，將鵝肉🦢嘅鮮味充分咁帶出唻🤤。終於明白點解咁多人排隊，因為出面好多店都用大量滷水去浸，令每啖鵝肉都太鹹唔好食😥，勝記就完全冇依個問題，至於鵝亦就更加無得頂🤤，真係隻隻都食到渣都冇方肯停止😝。你哋又試吓我有冇講錯！

經過大埔 見到門口人頭湧湧，當然八卦走去睇下係咩事啦，見到一間滷味店 ，好吸引，見到佢選擇都比較多，自己都三心兩意，因為人數唔喺好多，都唔敢買太多，排隊買滷味返家加餸，會有個姐姐幫我哋落單，到我哋嘅時候，見到師傅都有兩個，唔會話要等好耐，跟住另外有個姐姐會幫我哋收錢做包裝。叫咗個滷味乳鴿兩隻，當然唔少得要叫紅腸同鵝腸。啲乳鴿好入味啲滷水汁，食唔停口，紅腸厚度剛剛好唔會話好薄，好多舊，鵝腸食落好爽口。。

一直都很喜歡食鵝，依家唔可以堂食燒味，大約收工時間都有好多人喺餐廳等外賣，我就索性買餸返去再煮飯食。家人話食滷味冇咁熱氣，就叫我一間潮州打冷店買幾款食物返去。我就最鍾意食鵝片，見到個個都買滷水鵝，即刻落單買半隻、再加魷魚、紅腸、豆腐及滷水蛋。攞到返屋企首先就好想食魷魚，見到咁大件，咬落去估唔到係極其爽口，真係好少會食到魷魚咁爽，真係好新鮮，倒埋啲醬汁一齊食仲好食。滷水鵝賣相已經好吸引，我就比較喜歡吃鵝背，鵝肉會比較滑身，配以鵝皮食簡直一級享受，一盒滷水鵝已經可以送幾碗白飯，媲美係打冷店食嘅滷水鵝片一樣咁好味。

6:30 黎到諗住要燒味外賣，遠遠已經見到有十幾人聚係到等買外賣，聽到有食客話已經等左45分鐘！嘩好捧場見到一條長長既飛，我自自然然就去排，雖然無職員疏導，但好彩有前面排隊嘅人提醒我要拎飛先，無飛嘅話排隊都係白排，咁我就去拎飛，職員話：「要等好耐，你鐘意等就等。」咁我鐘意所以就等啦😊，6點半等到7點3，不過7點3之後既人又唔洗拎飛，又變左就咁排隊就得😂今晚食嘅係：墨魚，鴨舌，鵝下莊。重鵝下庄：肉嫩滑，滷得入味唔會太濃👍🏻 墨魚爽口，鴨舌都好食，好易𦧲骨👍🏻

大埔廣福道的人氣滷水店，門外有長長排隊人龍。好奇心作祟，就去望下係咩嘢啦，原來有滷水鵝、腎、蛋等等。外賣左滷水乳鴿（$50/隻）、鵝腎（$25/隻）、鵝腸（$15/兩）及滷水蛋（$4/隻），價錢合理，而且排隊時聞到香噴噴嘅滷水味，食慾大增。滷水蛋好入味，鵝腎及鵝腸更加好味，特別係鵝腎，爽口彈牙，充滿滷水香，基本上唔洗點滷水汁都好好食。至於滷水乳鴿，有肉有骨，送酒一流，點少少醋汁，更加提鮮，飯前小食或宵夜食最正！

近排多咗在家吃飯，所以不時都會買外賣回家或者斬料加餸。但吃得多燒味都會覺得有點悶，滷味其實都是一個不錯的選擇。原來這家小店在西環已開業三十多年，現進駐大埔，自開業已來，每天都大排長龍。滷味店的選擇很多，有滷水鵝、滷水鴨、鵝肝、鵝腎鵝腸、鴨舌、墨魚、豬耳、五花肉⋯⋯滷水鴨 （$75/半隻）👍👍👍👍滷水鴨全隻 $148，半隻$75，如果一家四口買半隻加配其他滷味，份量都很足夠。滷水鴨的肉很嫩滑，入口帶有絲絲的滷水香氣，鴨肉入味之餘但又不會過鹹。鵝肝（$25/隻）👍👍👍👍👍原隻鵝肝切片，味道渗出淡淡的滷香，口感綿嫩，甘膩的肝香在口中散發餘香，齒頰留香。鴨舌（$14/両）👍👍👍👍👍一啖一口的鴨舌除了可以作為小食外，更是佐酒的佳品。鴨舌入口爽彈，吮指滋味不禁一口接一口。門面餐牌

疫情肆虐，放假都冇碇好去，唯有去大埔踩下單車。踩完單車行經呢間舖頭，見到人頭湧湧排晒隊咁，望真啲原來係呢間馳名西環嘅老字號潮州滷鵝專門，而家開到嚟大埔，唔怪得之吸引到咁多人排隊。滷味不嬲都係港人至愛之一，睇嚟疫情嘅恐懼都敵唔過滷味嘅誘惑。加上呢排大家都少咗出街食飯，斬料返屋企都係唔錯嘅選擇。既然咁啱經過，離遠都聞到果浸滷水味又真係幾吸引，不妨一試。我揀咗滷水鴨，鴨舌同豬耳。豬耳爽口彈牙，好入味。鴨舌味道適中，而且越嚼越香，如果配埋啤酒就一流啦。至於滷水鴨，皮一啲都唔肥膩，肉質亦都唔鞋，但味道偏淡啲，迎合番香港人越來越追求健康嘅飲食習慣。

巴士洛車見到好多人排緊隊 原來係新開係西環紅極一時既滷水店 見到錦多人排就知好野啦 我又排埋一份先買左一隻乳鴿 件件都大大件好厚肉 滷水味好濃 佢另外有比滷水汁 比重口味人士點 係屋企張佢番熱就一流 超級好送飯豬大腸好肥美 脂肪分布均勻 洗得好乾淨 最怕一陣臭腸味 佢既滷汁令到佢好上色 令黎炸應該仲好味最後係豬耳 超爽口彈呀 老闆一d都無吝嗇件件都超長超大件 家人食過都話最好味係佢總結：-排隊時間唔長 員工好快手-老闆唔吝嗇件件大件-地理位置好 當眼處

大埔一向好多美食，不過最近社會疫情影響，各人都心驚驚買外賣返屋企食，我都唔例外。一落巴士喺大埔墟見到一間門口好多人等緊排隊嘅燒味店，我都唔執輸去望下，見到佢啲滷味咁新鮮，而且又多人幫襯，都買返兩盒先。呢度嘅招牌梗係要買滷水鵝，半隻都只係$75，可以買返去屋企加料，師傅隨即揀選一隻非常肥美的滷水鵝，即叫即切，大起刀落切法純熟，睇到半肥瘦嘅鵝肉好想即刻食。另外再加多幾隻蛋同埋紅腸俾屋企嘅小朋友食，佢哋都食得好開心，大贊好食！返到屋企已經急不及待大食一餐，估唔到鵝肉肉質很鮮嫩，半肥瘦正合我心意，簡直係送飯一流，點小小醬汁仲好食。相信之後我會繼續幫襯，難怪經常咁多人排隊！

今日去大埔行超級城，唔行唔知原來大埔咁大，我哋行到去一間滷味店，見到人山人海人頭湧湧，以為咁啱黃昏時段做特價，咁我哋就過去睇吓，細問之下，原來唔係做緊特價，只係佢啲滷水味好香，吸引左不少街坊前來光顧。我哋羊群心理嘅關係，所以都走咗去買返屋企加餸🤣🤣滷水鵝 $128斤雖然價錢唔算平，但久不久都要吃得矜貴外觀看似不俗，鵝肉肉質幾嫩滑，而且滷水色澤深濃，所以味道都幾濃郁，果然真材實料。滷水鴨舌，同樣食到好香滷水味，食都係有層次香料味嘅混合。入口軟香柔滑。滷水蛋，每次去開滷水店，我都一定會加隻蛋買黎送飯。小店經濟又實惠，滷水味又夠正宗

幾次經過都見到好多人排隊，好奇心的驅使下，今日一於加入做排隊黨。唔知係咪新舖開張，安排有啲混亂，由攞飛到排隊至付錢花了40分鐘，終於買到滿滿2盒，快快回家抗疫慢慢品嘗。鹵水鵝，啲鵝肉好嫩滑，鹵水味唔太濃，味道偏淡，點埋個汁就好味得多。大墨魚，好厚身，好爽口一啲都唔韌。鴨舌，鹵得入味又夠腍，好易就將啲骨吐出來，一隻接一隻食唔停，送啤酒一流👍潮州鹵水的另一名物⋯⋯掌翼，可惜早早就沽清了，未有機會品賞，唯有下次早啲去排隊。？

屋企人同我一樣都好鍾意食滷味見到呢間大埔新開同屋企附近有，好近自己就梗係要過去試下好唔好味啦！成日遠距離見到都要排隊，今日終於有時間俾我排到啦！滷汁好唔好味直接影響整個滷味的口感，想要滷味好味，我覺得要味濃香軟先可以有口感飽滿嘅感覺，呢度就真係做到地道嘅味道！呢間鋪頭專門做滷味選擇都比較多，鵝翅、鵝胗、鵝腸、鵝肉，全部都係屋企人嘅最愛啊！ 一定要讚下呢度嘅鵝肉緊實有韌性，而且份量十足！師傅都係即刻切俾我帶返屋企慢慢嘆！真係好多街坊都喺度排隊支持呢間鋪頭！食完先發現原來真係食完又想再食，一試難忘好好味😋

呢間由西環踩到入黎大埔既滷味專門店係放工時間勁多人買外賣返屋企加料，有新野又一於試下！😆滷水鵝每斤($128)鵝肉滷得好入味， 有滷汁既香但又唔會好咸😆，肉質比較瘦～鵝腸(每兩$15)呢個幾好味！好爽脆😋 滷水蛋($10×3隻) 佢地呢度仲有好多唔同既滷味食品，好似鵝掌(大隻$25,細隻$15)、鵝肝(每隻$25)、鴨舌(每兩$14)、墨魚(每兩$14)等等，有時買返去加餸或者飲住啤酒嘆下滷味都幾爽