勝興潮州打冷

呢間潮州店好幾年前都成日嚟食，以前覺得佢啲嘢好味又大碟，唔知從幾時開始，份量越來越縮水，加上又加價，嚟食嘅次數減少又減少。今年年頭幾個月，睇新聞好似話佢畀人罰停牌，之後又聽講佢大裝修。九月某日夜晚，親戚約嚟呢度打冷，先至覺得原來真係好耐冇食過。親戚先到一早霸定枱，人齊後不久，店員就送上角色潮州醬料，呢餐由親戚拍板，直接出去櫃位落單，原來而家唔再比手寫單，全部嘢電腦化。⭐韭菜花蜆肉鹹菜鹹鹹地辣辣地，呢個送白粥一流。⭐滷水墨魚併大腸&紅腸墨魚嘅比例出奇地少，正常嘅墨魚貴呀嘛😅滷得入味，豬大腸係中間仲有肥膏留低嗰種，我個人就唔介意嘅，不過其中一位親戚就係鍾意食清得非常乾淨嗰種大腸。下層嘅大豆芽吸咗滷水汁好好味，啲豆芽好爽口。⭐韭菜豬紅唔會一夾就散，質感同味道都好嘅豬紅，韭菜亦唔算太老身，唔會食到一口渣😋⭐潮州滷水鵝點少得潮州嘢名物滷水鵝，皮下唔肥，肉質鮮味，連啲骨都入哂味，仲墊咗啲鹵水豆腐都好正，花生就略嫌硬身咗。⭐炸蠔餅粉太多蠔太大隻，食落都唔似炸蠔餅，兼且真係好油😅⭐蠔仔粥蠔仔粥嘅蠔同樣係太大隻，煲熟咗都有半隻手掌size，點都唔係蠔仔嚟啦。入面仲有大大隻花菇，個蠔仔粥都幾鮮味嘅，唔落胡椒粉都唔會腥，但我覺得可以落返少少鹹雜，佢味道偏淡。呢餐食咗五百幾蚊，人均一舊水又唔係貴嘅，食物味道都keep到，但真係sorry講句唔會再黎，至少夏天唔黎😅間舖裝修後換咗個金碧輝煌嘅招牌，店內牆身掛咗好多寫簡體字有潮州特色嘅掛畫，餐具用上迷你膠碗筷，好有玩具嘅感覺，而檯面亦換上仿木嘅膠長枱，成間舖入面都充滿淘x嘅感覺。呢個都唔係最重要，係重新裝修完之後，店入面雖然開大冷氣同風扇，但都仲係熱到hi hi，全餐飯冇停過流汗，真係貼錢買難受。如果有機會，搵日冬天天氣涼啲先再嚟食啦😅…查看更多

小時候家人很喜歡食的一間潮州打冷~雖然很久沒來了，看看能不能重回兒時的味道:)坐下後，熟練的點下「男子漢的溫柔」四大食物：豬紅、鹵水大腸、鵝片、蠔餅和飽肚巨作：蠔仔粥最先來的是豬紅，無渣不腥入味，已經足夠證明味道不曾改變，韭菜吸收豬紅的汁後十分好食，豬紅和韭菜份量是一樣的多然後是鹵水大腸，這個年份，大腸已經沒有以前小時候的肥美，入口很乾沒有脂肪:(墊底的芽菜半生，不過大豆芽菜的大豆少了一點:(再來是鵝片，鵝片偏瘦，皮下脂肪少，可能潮流興健康飲食，肥鵝片已經絕跡江湖不過鹵水入味，肉質軟而實，配上一開始跟上的辣椒油，味道和小時候一樣:)墊底的鹵水豆腐亦十分入味，不過如果像以前是花生和豆腐一起墊底多一點便更好了接著是蠔餅，即叫即整，材料足，每一啖都有蠔的存在，而且十分香脆，最重要的是跟碟上的魚露香脆的蠔餅配上魚露，那是甚麼那是一種回憶，也是一種感動:)不過蠔餅十分上火，我們五位公子決定用大啤對抗熱氣最後來的是：蠔仔粥這是全晚的精彩位~蠔仔粥大大窩，材料多，熱辣辣，味道好每一啖都有蠔仔的存在，飯、湯、肉碎的比例配合得天衣無縫潮州粥那介乎泡飯和粥之間的口感，肉碎和香菜的味道互補長短，那蠔仔和香菜在飯、湯、肉碎的混合中~那是「令可人無慾，不可食無粥」的奇異境界不過男子漢的溫柔最重要的都是朋友們在食東西的時候，你一言我一語的氣氛:)那種食粥時突然爆肚，然後笑到噴飯的歡樂；那種食豬紅時的霎時感動，然後朋友們的安慰；那種食鵝片時沾上太多辣椒油而咳到流眼淚時，被朋友們的恥笑；那種食大腸時豪情壯語，朋友們的鵬程大志；那種食蠔餅怕熱氣飲大啤，然後大家互訴心中的屈結~~~那種在打冷時才能拼發的氣氛感覺~這其實就是兄弟相挺，手足相依，不計較食物貴賤，不計較地方粗鄙~這一份情誼...就是潮州打冷....只有男子漢才明白的溫柔…查看更多

从來沒有試過係度寫評論。 因為太嬲啦！ 店食物ok. 但食到一肚子氣出門口、正確來講畀人趕。一開始坐底個位高高的男店員仲好健談同我哋吹水。 吃吃下坐到差唔多我哋懷疑佢好不滿我哋叫得野食少？ 定冇叫貴野？ 我們兩個女人叫左蠔仔粥、 椒鹽鮮魷、九菜猪紅、啤酒。 吃到中途差唔多清哂我哋倆傾計💬期間佢唔知發咩神經講野勁大聲係我哋隔離行來行去！ 又爆哂粗！ 把聲响到𢸍耳！ 明明個舖頭未爆場！ 我哋吃左個半鐘已頂唔順走人！ 走時仲要催我畀錢（係我摷緊銀包拎緊够數既紙幣出來）其實佢根本係有意趕客！ 妖！ 吃龍肉都冇味！一肚氣！ …查看更多

由老闆至夥記,超級冇禮貌,食到一肚氣,點了四個食品,每隔20分鐘來一個,每次催促,都極之不禮貌敷衍,負責人態度最惡劣：（你可以取消即刻埋單走,仲講埋結帳費用）！現在我明白香港飲食界為何會一潭死水,真係香港飲食戒嘅害群之馬…查看更多

都食過好多次，但都係外賣平台叫餐。電話App 話餐廳6點會開，但打電話去問，佢地話6半先開機，最後6點40分都未開再打電話去問，就終於可以落到單了。一開app 就落單，都要8點先有得食，睇黎餐廳都好好生意。3 個人叫左6樣野： 椒鹽鮮蝦 ($138) 味道唔錯，但有一兩隻蝦食到有少少淋，又會冇左個頭潮州煎蠔餅 ($75)之前食過大大份，外賣嚟到都保持脆口，蠔多，但今次食蠔唔多，粉漿又太杰同厚韭菜豬紅 ($55)豬紅太熱，外賣膠盒都扁左，入面d 汁流晒出個袋蠔仔肉碎粥 (大） ($75)份量都唔少，味道唔錯自選滷水三拼 [豆腐底/墨魚/生腸/五花腩 ]($125) 同堂食比較，見到d 相又好似外賣細好多招牌滷水鵝片 [大豆芽底] ($125)價錢黎講一定比堂食/外賣自取貴，但見佢食過幾次外賣都可以保持熱辣辣，餐廳又唔近地鐵，所以外賣平台app 叫都係一個選擇。但如果趕時間或者唔習慣晏食飯就要留意餐廳準備時間同送餐時間都比較長。…查看更多

想食宵夜打冷第一串燒第二，今次同班朋友去咗元朗「勝興潮州打冷」食宵夜🥘滷水拼盤 $120🪿招牌滷水鵝片 $120🐷韭菜豬紅 $50呢度個辣椒醬係好無敵🔥🔥🔥好香口，辣度啱啱好🌶️🌶️之前正到買左一罐返屋企食😋😋侍應哥哥好搞笑🤣坐喺度食就可以無限refill🦪馳名潮州煎蠔餅 $70環境就一般大排檔咁，唔好有期望🙊🙊不過侍應姐姐都好nice，有講有笑🤣🤣🤣勝興潮州打冷📍元朗建業街65號地舖…查看更多

是日和男友晚上外出用餐，想起很久沒有食打冷，所以來了這店，第一次是小學同學聚會，第二和第三次都是帶男友來~~~門面擺放的食材已經令人好想快D入去食~~~小店不想有太多成本，所以堅持傳統手寫單～～～當食物來齊時見到每款都大大份就唔敢叫太多食物~~~馳名潮州煎蠔餅($65)，個人覺得即叫即整夠曬香脆可口，蠔仔食落都不錯~~~招牌鹵水鵝片($110)，鵝片切得厚薄適中，底下的豆腐實得來又好食~~~韮菜豬紅($50)，一上枱超熱，我冇留意就立即食，點知熱力係沿著口入食道，我就唯有飲啤酒和吃其他餸後再繼續吃~~~暖暖的入口就感覺不錯，韮菜浸在底，我不吃，所以讓男友代我吃個夠~~~到這種店晚餐最理想 多兩、三人，因為可以品嚐更多餸菜，之前跟小學同學品嚐過烏頭魚，個人覺得真的好食，元朗烏頭一向馳名，下次再找機會品嚐。…查看更多

今晚家人想食打冷，而我地通常都係用外賣平台點餐外送 (除非餐廳位於Yoho Mall, 咁就可能會自取)。我同家人認知的元朗打冷店只有幾間，而過去有幫襯過的就只有2間，勝興係其中一間。招牌鹵水鵝片 (大豆芽底) - 鵝片入味，份量亦算OK。韭菜豬紅 - 雖然係外賣，仲熱辣辣，好味。蒜蓉豆苗 - 份量並唔算多，不過炒得適中。另外叫咗一個飯及一個粥。飯就太多食唔晒，而粥就勉強清晒。整體食物的味道及質素都OK 會繼續幫襯及試下其他食品。…查看更多

d野難食不特止，外面長期放個餿水桶臭到想嘔，服務員的態度當然預期差，我已列永不幫襯之店，如想試下有幾臭，或想試下d 野有多難食，行去門口就聞到，真係極品，沒得頂呀。…查看更多

當日去到得2枱客，上菜速度都算快，員工態度唔錯，食物質素有待改善，整體食物偏鹹，食完呢4個餸，我都飲左1罐野，4杯水。再幫襯程度： 1/10韭菜豬紅 7.5/10正常一般野，豬紅唔會有腥臭味。炸蠔餅 8.5/10炸得好好，就算凍左味道都唔會變，蠔仔非常多。啫啫雞煲 3/10完全唔個呢煲係咩黎，個味道同平時食既勁好大分別，啫出黎既雞係濕。4個人每人食左1舊就無再有人食過。滷水拼盤 6/10不過不失，有小小咸。…查看更多

食過兩次，食物麻麻都算，服務太差都算…竟然比我發現衛生先係重大問題！行過見到佢哋D食材就咁放係門口，大熱天時 D食物會唔會變壞架，有冇老鼠行過嚟架⋯⋯好恐怖呀！以後都唔敢去！大家小心！…查看更多

衛生差到無人有，態度惡劣！！！D伙記落單又慢！鵝片又少又唔好食！ｄ野食完全唔值！張台已經痴立立！成個地下油立立差D仆親！呢間野無下次，我下次去元朗廣場果邊食仲正！…查看更多

難得外賣平台有優惠先試下 百幾蚊既鵝片得唔到10片 連豆腐都冇幾塊 竟係好多花生。。。椒鹽鮮魷都勁少 仲要濕地地。。唔知想點 因為外賣就甘呃人 實在太過分以後都唔會再幫襯 希望大家都小心…查看更多

之前是在舖頭食過，覺得分量及味道也ok，因為疫情叫動物送遞，打開看到鵝片併盤，價值144蚊居然只有4片鵝片，可能因為外賣真係做得過分，與堂食分量完全不同，希望店主可以多加留意，現送上劣評👎🏻👎🏻👎🏻☹️…查看更多

菜牌改了，很多廚房小菜都刪除 包括我喜歡的胡椒豬肚，伙記稱現時主打舖前鹵水食物，又誠意向我推薦潮州凍蟹，之後就點了兩隻蟹、一些鹵水食物和小菜 ，等了一會，食物陸續上桌，碟頭適中，出品還可接受，但最失望就是主打的凍蟹，淡而無味，肉質帶霉😔…查看更多