勁回味

營業中

休息中

呢間手喺一個唔係好起眼的手卷店，但係光顧的人數都唔少。呢度啲海膽都幾出名，而且仲有其他平常好少就咁喺手卷店點到的手卷，例如係鵝肝手卷咁。我地點左個喺餐牌上無寫到明的，就係鵝肝軟殼蟹手卷($83)，其實都好貴下架🙈 成碗拉麵的價錢，所以都係2個人食一個多滋味。呢個手卷勁喇，就勁在成件又厚又大件的香煎鵝肝，加岩岩炸起的軟殼蟹，加少少沙律醬，用紫菜包住。一咬落去鵝肝度，充滿油脂香，今日略嫌煎熟左少少，質感實左啲，而軟殼蟹就脆香，啲油脂流汁哂落飯，每一口都好邪惡😈 勁回味

4年先1次嘅 29.02.2020 ... 去完旺角要充充飢...梗係嚟到宵夜飯堂跟住又點少得去最愛嘅 勁回味 呢❤️❤️❤️📍勁回味 (尖沙咀)尖沙咀科學館道14號新文華中心商場地下21B號舖..真係永遠都係小店先keep得住水準，大大話話都幫襯咗好耐‼️.今日老闆娘話 #海膽 靚🤩 即刻唔食蔥吞嚟返年 #海膽手卷，即叫即整即食，手卷嘅紫用之前仲怕焗一焗💕咬入口紫菜脆卜卜，海膽肥美又鮮甜👯‍♂️👯‍♂️好幸福啊....吃貨嘅又點會咁易收手，老闆話先食 #馬刀貝 再食 #帶子.... 🦪馬刀貝（大蟶子）➰Vienn都係第1次食，好厚身，咬落去係「嗦嗦聲」，好爽口唔un ，好特別‼️🦪 帶子➰每次去都必叫，夠厚身，入口會有清甜嘅味道....好滿足....🥰..食完都好夜啦...冇糖水食，但人生就係咁架啦⋯⋯有d缺陷美💕先叫人生......

有幾耐冇食呢⁉️都唔記得啦⋯⋯😭😭😭今日係老闆推介既油甘魚+蔥吞🐟好好味～性價比高😍油甘魚入口充滿油份，而且好甘，厚度1d都唔輸蝕，咁既貨錢，簡直抵啦⋯⋯蔥吞每次去都必點，因為真係勁中意，2者超夾，中意蔥既人必定要試試啊⋯⋯即買即食才是王道，每張紫菜整手卷前都見到係烘機拎出，呢份執著已經係值得每月出尖東食你幾次啦！紫菜超脆，外賣🥡會好快淋咗，堂食✌🏽✌🏽地址：勁回味 (尖沙咀)尖沙咀科學館道14號新文華中心商場地下21B號舖#TR90達人 #減肥達人

做學生嘅時候，每到交coursework同考試嘅日子，係圖書館留到夜一夜都好常見🐼。尼間手卷店就係我當時嘅晚餐 or 宵夜🤤最近行經都去買番當時最鐘意嘅手卷回味下！尼個加州三文魚卷可以話係一次過滿足晒所有需要🤩！一黎夠多材料，俾到飽肚感，二黎又有三文魚，可以滿足到想食魚生！簡單講下入面有青瓜絲🥒、玉子🥚、蟹棒🦀同三文魚🐟。其實我個人鐘意走沙律醬，但太耐無食唔記得左講🙈 總之尼個係我嘅首選啦！至於宵夜首選就係三文魚帆立貝手卷啦！始終辛辛苦苦係圖書館做左咁耐野，點都要對自己好啲嘅，所以加埋帆立貝就岩岩好😋價錢又抵，quality 又唔錯，而且老闆娘好nice，加埋開到咁夜，好懷念學生時期可以成日食🤤🤤

這天來到尖東，人流未算高，但離遠就看到有間小店排滿人龍，原來是專賣手卷，小編當然要試一試啦。看到鋪面貼了不同的海膽手卷選擇，就叫了份加拿大海膽手卷。加拿大海膽一向是比較肥厚的品種，這隻手卷的海膽確是很大隻，一件海膽就鋪滿了整個海膽，吃下去淡淡的海膽香味就充斥著整個口腔，海膽未算很甜，但很香很新鮮，且肉質鮮嫩爽滑，十分滿足！飯和紫菜就中規中矩，紫菜算是爽口，白飯有欠醋味，不過這價錢可吃到新鮮大隻的海膽，真係勁回味！

我諗如果讀過poly既都會食過勁回味呢間賣手卷小店。呢類型既手卷專門店，但係好多都係濫竽充數，又偷工減料。但係我食過咁多間，呢間都真係算真材實料。我叫左一個油甘魚金帶子手卷，都係40蚊。手卷一黎到，見到大大舊油甘魚同帶子，佢最正係食到底唔會得飯，一樣有刺身，夠哂足料！d飯唔會好酸，紫菜亦無好淋，overall黎講真係無得頂架。平時餓餓地我都會黎食個手卷醫下肚。我諗佢唯一唔好既地方就係佢好晏先開，星期六日又好似唔係成日開，要食既話真係要睇清楚佢幾點開鋪

三文魚蟹子手卷 和 炸蝦天婦羅玉子手卷。尖沙咀半夜三更凌晨的確冇咩好食，但呢間手卷好多人會飲完酒過嚟買，開到咁野的確好專業，但可能夜晚凌晨嘅關係比較差啦夜晚，刺身質素還好，但紫菜完全係林嘅，真係頂唔順，最基本嘅紫菜好咁林，個口感真係好差，七仔手卷啲紫菜仲反而脆仆仆，以前讀書中午落嚟食非常好味！又平又抵食刺身雜錦飯！

來到尖東唔肚餓又好口痕痕想食野？來勁回味食番個手卷就fit曬啦！佢地既手卷平既話20蚊就有交易，係尖沙咀le啲旺區，價錢算唔錯架啦今次我試嘅係軟殼蟹手卷，隻蟹係新鮮炸架，香酥可口，加上個紫菜皮都幾脆，下次可以encore!!

印象中呢間壽司店開好晏，今日下午兩點令鐘來到，見到竟然有開門，就諗住買舊手卷食。如果未來過嘅人，其實好難搵到間舖嘅位置，一來個招牌已經甩哂色，二來門面好窄，好易擦身而過。餐牌選擇好多，基本上咩選擇同配塔都有。宜家啲壽司舖開到周圍都係，同埋好多都係十令蚊有找，對比之下勁回味唔算平。我並非第一次前來，之前食過知道佢夠新鮮同足料，所以就算覺得少少貴都想買來食。（今午實在太想食壽司！）三文魚帶子手卷 （$25）唔知幾時開始習慣左食壽司唔點醬汁，咁先食到啲食材嘅鮮味。呢個手卷份量同新鮮度仲keep到，帶子鮮甜，都大件厚身，一路咬一路唔捨得食哂。三文魚切條，食到最尾都仲有，味道都唔錯。失望嘅係啲紫菜仲係淋身，要咬住先扯開到。我用左個‘仲’字，因為好耐之前食幾次都淋嘅。雖然紫菜係配角，啲料新鮮較重要，不過就令手卷整體口態失色左少少喇。希望下次去會有改善啦。

大家到尖東可以到海旁走走逛逛亦可以到酒店吃高水準的自助餐和蛋糕，不過如果想來一點小吃就不防去呢間日式手卷小店試一試。小店真係「真細小小小」，同行晚朋友吃過呢度手卷都非常驚喜大讚手卷「抵食不離地」。🔹三文魚帶子手卷 第一次試吃又有選擇困難的就可以點三文魚帶子這個配搭一定肥美甜美。🔹海膽手卷 最怕就是吃手卷時紫菜變軟又難咬開！不過這裡的手卷紫菜乾身脆口，絕無問題。而且唔洗怕手卷只有「頭啖香」因為普通的手卷只有頂頭有刺身，相反這店的手卷不只是放在最頂我可以由第一口吃到最後一口都「啖啖」海膽。有時這裡會賣不同地方來的海膽，當然要吃「靚」膽就要早點來嚕。小店經常「排長龍」可能店內只有一兩個店員吧，拿了手卷後就要自行自助倒醬油啦。日式手卷終於一嚐，又真係幾地道、貼地又抵食既。

呢日餓住個肚去尖沙咀東，因為時間關係只可以快食。喺尖沙咀東既食街望左陣就喺呢間日式手卷店前停低。其實每次經過我都想試下佢既海膽手卷，但每次都要忍住留肚去食其他店。今次終於試到嘞，因為目的明確係為海膽而嚟，我喺加拿大海膽同馬糞海膽中揀左馬糞海膽。等左5分鐘左右，拎到手卷時已忍唔住一口咬落去，好多海膽好鮮味，少少甜。呢個價錢滿足到我食海膽想法既都幾抵。

尖東呢一間手卷店，開業初期係大排長龍，好多嘅報紙雜誌又係有提及嘅。果陣時要食呢度嘅手卷唔排返半粒鐘都食唔到去到今日，當日長長嘅人龍已經不見蹤影，但門口仍然經常有少量食客喺度等待。賣大件夾抵食嘅手卷鋪頭 呢一間都可以叫做始祖。而家好多地方都抄襲呢一個模式去開手卷鋪今次咁岩嚟到點都要食返個手卷呢個係加拿大海膽三文魚腩手卷睇個樣就知道海膽份量非常之多，多到差不多跌出嚟，多到遮住曬個三文魚腩 真係算抵食！ 而且佢個海膽都算係新鮮 雖然唔算太肥美亦唔算甜，但咁嘅份量係收貨嘅，而三文魚腩就好香口 雖然一食就成口海膽但係都食到三文魚肥美嘅油脂

尖東手卷🤗係朋友話佢食過心思思成日都掛住🤤就帶我黎check this out🧐🧐🤔🤔🤔選擇勁多😍 前面有約有7個人左右啦！佢地會比一張藍色小紙仔，野食黎會叫你既號碼去拎☺️都係等左一陣😆就有得食了☺️左： 帶子手卷右：三文魚腩手卷都有3粒幾既帶子係手卷入面！☝🏻☝🏻唔會話食到後期冇晒料到👍🏻👍🏻👍🏻👍🏻三文魚腩亦都好肥美呀🤤🤤🤤鋪滿晒係個手卷內外👍🏻抵食！份量足😆 正！

次次見到排長龍都無食到，今次終於試到喇。當然要試下呢個加拿大海膽手卷。滿滿的海膽，好甘甜好新鮮，yummy。食嘅時候要小心，會有點論盡。會有下次呀(如果人龍唔太長)，試埋其他款。

這家手卷外賣店，在紅磡一帶都很有名，作為紅磚大學的學生，這裡的手卷陪過我很多溫習的晚上。今天又很口痕，從Hall 跑來"勁回味"，希望回味一下。這個海膽三文魚手卷一定是我最愛！這裡的三文魚造到魚脂魚肉分佈平均，令魚香揮發出來。店主把新鮮三文魚切至厚身，occupy 一半的手卷面積，啖啖肉！海膽厚身且色澤圓潤，味道鮮甜，肉質也入口即溶，佔據埋另一半的面積，足料！總括來說，兩款食材也是高質，可見店主在採購用料上的態度都十分認真。如果是純海膽，我個人會覺得很滯，三文魚的淡然有效平衝海膽的濃郁，加上wasabi 豉油，再鯨吞一口手卷，這刻是人生最滿足的一刻。