加太賀

營業中

休息中

食物難食，好hea。炒拉麵炒都無炒，烚完個麵求其撈埋味精配料就上，夾起係有湯汁；刺食一d都唔新鮮；壽司飯應該連台灣米都唔係，又硬又無米香，一d醋味都無。服務方面，呢間野係好支持新來港人仕，而大部份既姐姐都算勤力，但培訓方面真係奇差。姐姐上菜擺檯邊就算；揸住個私伙水杯周圍行；而且衣衫亦算爛褸。一間餐廳衛唔衛生，我個人認為好看重個廁所，試諗下個服務員廚師都唔介意個廁所污糟，甘佢又點睇d食物同個廚房？而佢地個廁所就係又臭又爛，同中式酒樓無乜分別，但廚師煮既就好唔同，接唔接受到就大家自己決定。我就食左豚肉拉面；牛肉炒拉麵；刺身盛松；壽司十九本；燒三文魚腩；北海道帶子沙律。總計11xx，四大人兩個幼童 (兩歲)，我當五大人每人230。呢個價，去食日式放題、日式火鍋甚至迴轉壽司店都都得，而我就一定唔會再去(差到我要獻出第一次打幾百字)

抽獎中左現金券，霖住同老公去撐檯腳。但原來開係工業區中間，都幾唔容易搵。如果係附近做野，過黎食個set lunch都係一個唔錯噶選擇。我地叫噶大部分都係刺身，最中意係距噶象拔蚌刺身同埋活赤貝刺身！我老公中意食間八刺身，距覺得幾有咬勁！可惜我想第二round叫個日本和牛刺身噶時候，師傅已經落左場，距噶日本和牛真係非常好食！入口即融！兩個人食左1200左右！全部用現金券，無任何額外收費。使用現金券又唔會有正價特價之分，唔錯！

咁事源我同女朋友有一日唔知食咩嘅時候, 行行下見到間加太賀, 所以忍唔住入咗去食。咁一入到去嘅時候,個環境都幾大幾舒服, 正正適合我同女朋友二人世界, 咁我哋一打開餐牌嘅時候, 就見到好多唔同種類嘅日本食物。 但因為我哋係學生嘅緣故,所以有好多食物都比唔起, 最後我哋揀咗幾款平平哋嘅食物( 鰻魚炒麵、芒果海鮮炒飯、天婦羅、 炸芝士波)咁我哋叫呢幾樣嘅嘢食都幾好食嘅, 起初我對芒果海鮮炒飯冇咁大好感, 因為我覺得芒果同炒飯唔夾, 但當我試咗第一啖嘅時候, 就已經停唔到手。所以我推薦大家嚟加太賀

作為老牌的平民版日式餐廳，加太賀門口一早已經冇咗人龍試咗幾樣大路既選擇1 吞拿魚腩600蚊5片，相比起其他小店，價錢未算貴。但質素令人失望。冇咗吞拿魚腩既香味甜，當然冇可能入口即化啦。冇辦法形容個味道，只可以話我從來未食過咁既味道既吞拿腩2 土佐豆腐外脆內嫩，完全係驚喜之作。激贊!3 蒜香魚刺海膽炒飯好耐冇見過咁認真，真係擺兩片海膽既“海膽炒飯”😅anyway, 落單既姐姐好好心咁提我可以嗌半份，一於試下。失望而回。飯粒試落好似粒粒皆清楚。但實情上菜時已經唔夠熱度；另外成碟飯唔入味，饂到口淡淡最後一定要提係喺我半碗飯入邊，神奇地搵到四坨未炒開既小飯團，實在係最大敗筆。其他既三文魚子軍艦，醋鯖魚、油甘魚腩、池魚王壽司就正正常常，兩件一客大概50蚊左右價位，叫做可接受吧如冇意外，我自己唔會再嚟亦都唔會帶人嚟

本身只係Openrice做開CD-ROM, 但今日食完呢間野要上黎俾番個負皮先得。今天本打算食附近一間Cafe, 點知到步才知道冇開門, 經過條加太賀街就行一下, 立下眼睇個menu覺得佢D價標得奇奇怪怪咁, 價錢參差。有個著曬和服既姐姐係度拉客, 當下因為肚餓同諗唔到食咩, 所以在冇睇Openrice既情況下就朦住面入左閘了。入到去已經感覺到同出面截然不同既氣式, D waiter 姐姐不論作風同語氣基本上同茶記落單既姐姐冇咩分別, 好坦白份MENU D相, 好舊, 又唔清, 唔緊要啦, 都係食野嗜唔係睇攝影展。最過癮係落單時我叫玉子壽司, 姐姐覆我: 即係蛋壽司啦..ok you win....(P.s. menu上係真係寫蛋壽司既, 但作為一間日本餐廳, 至小都扮下野將個名轉下吧? 咁XX牛肉鍋你唔叫佢做肥牛粉絲煲)最後Order 左一碟玉子壽司, 一碟芝鰻卷, 4隻唔記得左咩餃雞翼(有D似入面釀左野既名太子雞翼), 同埋一個類似牛肉鍋既菜。首先個唔知咩餃雞翼, 賣相同卤水雞翼個樣差唔多, 不過脹小小咁解, 隻雞翼烚/滾到非常淋, 個感覺好似放左係鑊度烚左好耐咁, 入面脹卜卜既釀

好耐無食過，材料像一切用剩的食材，2隻蝦，一塊牛利，幾條硬年糕，有鴨胸片，有尤魚，好多片荀，超咸湯底，服務ok，環境非常舒服地方乾淨，2大1細食完考慮左再叫唔叫小食，但驚再中伏，決定賣單走250多元，好食就唔算貴，不過超唔好食，有加一，匯豐咭9折。

每隔一段時間，加太賀就會轉一轉 Lunch Set，今次轉完之后，有d失望，因為今次個餐牌唔係咁啱自己口味....今次點咗個海鮮炒拉麵，一客浦燒饅魚鴨胸定食。海鮮炒拉麵極速上枱，但我略嫌凍咗少少，唔夠熱，但味道算唔錯，份量亦足夠。浦燒饅魚同鴨胸份量少咗d，多番d更理想。最失敗係個飯後甜品，俾個粒雪米糍，好鬼無誠意囉.....最後，如果唔係叫 Lunch set, 夜晚去幫襯的話，水準仍然不變，味道唔錯，當然。一份錢一份貨啦。

今日經過崇潔街，就幫襯呢間以前好好食既日本餐廳，餐廳裝修幾好，坐得好舒服，但就真係伏得好恐怖，從未食過咁難食既午餐，真係想像唔到呢間以前咁風光既餐廳落得如此下場。

廿年前氣勢磅礴的加太賀一道花之戀弄得人氣急升，一時無兩！但時至今日，此情不再。依間日本食店都開左十年有多喇，除左花之戀係當年風魔一時外，依家質素一年比一年差，如果係有選擇情況下，都會食其他。壽司併盤既 menu，最貴可以去到 $860 喎，估您唔到。依度燈光全部係紅色，想扮街市漁檔？睇咩影咩都係紅色，討厭。銀紙蒜蓉牛油焗蝦，色香味都還可以，大大隻蝦無失禮，蝦肉焗得剛好，鮮爽帶牛油香味，陣陣惹味蒜蓉，可以添食。炸蝦天婦羅，又係蝦！功夫真係做得幾好，天婦羅漿鬆化香脆，唔會刮嘴硬掘掘，再薄少少如雲霧一樣就更好啦。蝦肉彈牙，鮮甜非常。仲有雜菜天婦羅伴碟，南瓜、茄子、蕃薯，難得好食喎，讚﹗雜錦刺生併盤松，價錢合理多謝 $288 蚊，依個價錢都好豐富喇﹗三文魚平庸、油甘魚甘甜、池魚清淡、赤貝半腍半爽味淡。牡丹蝦黏爽甜美但細隻、吞拿魚赤身麻麻、薄薄帶子微甜軟滑、墨魚黏而嚥韌、八瓜魚咸香爽脆、三文魚籽香甜可口脆卜卜。鐵板串燒併盤，又懶又貪心梗係叫併盤啦！鴨舌，最正常，無咩肉食，幸好爽彈。雞腎，薄薄乾爭爭，硬韌。雞軟骨，香口脆卜卜，可口有脆。雞棒，甜笠笠又腍劈劈，不喜歡。牛丸、墨魚丸，好搞笑，港燒？外購

今日約左幾個朋友一齊睇演唱會，一早就係加太賀book左間房仔，印象都有十年冇黎過，印象細個跟屋企人黎既時候感覺呢度好熱鬧好有去左日本咁既感覺，冇誇張到，因為成條街好多日本旗仔，太鼓呢類既裝飾同埋D侍應都係著晒和服招呼你，不過到左宜家大個自己同D朋友黎食就冇左以前果種感覺，講返食物既質素其實都不過不失，熟食比較出色，壽司好似唔夠新鮮，刺身既三文魚幾好食幾香，如果只以食物味道，呢個價錢似乎略嫌貴，但去一間餐廳除左食物之外環境﹑服務態度都包括在內，整體黎計都物有所值。

好多年沒去加太賀，想不到變得如此差勁，首先，我們的刺身(竹)不新鮮，出晒水，羊架over cook 蟹粥無味，赤貝壽司也都食得出不新鮮，因為咬落是稔，不是赤貝應有的爽脆，嗰杯士多啤梨飲先可怕，賣相好肉酸，恕我得罪，真有點像嘔吐物其他的食物不致於難吃，但就像二百多元的放題質素最令人失望的是待應的服務態度，甫坐下，我問有沒有生蠔，待應說有，但得兩隻，一隻是$52、另一隻是$53，後來生蠔吧的師傅更正兩款都是$52，問待應拿隻杯，她的表情好像好為難？像是怪我為何問她拿杯，埋單後問都唔問便把髒碟放落另一隻還有兩件鰻魚煎餅的碟，其實我還打算食，全店得兩桌客，為何咁趕？

去紅磡開會，中午一起去食午餐，同事提議去呢間好多年嘅日本菜餐廳！去到一條橫巷，呢間餐廳已經佔咗半條，放咗好多日本風嘅裝飾！我哋坐一間和式房間，要脫鞋，不過不用屈腳坐，只需坐落去！不過去到間房未開冷氣，仲有啲霉味，桌椅唔迫！午餐餐牌選擇多！落單之後食物好快到！雲丹刺身飯定食（$59）賣相一般，尤其前菜連碗放埋落刺身飯上，呢樣真係幾囧，就算真係一齊雪都唔使比我知！刺身有三文魚、吞拿魚赤身，白身魚，魚肉正常唔腥，蝦肉冰冷唔腥，螺肉彈牙，海膽細碎放在膠葉上，所有海鮮都無鮮味，感覺切好晒放晒飯面一齊雪！所以無鮮味！白飯好實，灑上蛋絲同芝麻都只係一般！前菜：醃黃瓜加青瓜，雪到好凍！味道好鹹！一般餐湯：夠熱，麵豉味唔太香，海帶夠多正常！甜品：抹茶雪榚糯米糍，獨立包裝，唔太甜好味！蕃薯天婦羅（跟餐加$12）一客2件，蕃薯大塊幾甜，炸漿唔脆，沾汁微鹹清涼！ok三文魚刺身（跟餐$12）同事食燒三文魚骨（$12）同事食食物好一般，店員爽手幾勤快，態度幾好！港式日本菜

抱著興奮嘅心情來試吃， 點知食到平生最難食既壽司， 價錢貴到飛起 一啲水準都冇。 板長壽司都好食過佢多多聲！ 隔夜壽司飯， 魚生一啲鮮味都冇， 去超級市場 買盒 壽司 水準都好過佢。

今日約了很久沒見的朋友一起食飯 我們選了加太賀 加太賀係我以前工作時常去的,對我來說,係一個 滿有回憶的地方。第一次進來,餐廳很有日本之感,周圍都有日本的佈置,裝修很華麗,感覺很舒適,我們一行十多人,為了方便傾計,我們入房,最低消費$2500。我叫了三文魚手卷,好好味,夠大件,和很新鮮。還有炒雜菜,有腰果,芽菜,椰菜好大碟,很足料健康入味。我們還叫左鯖魚,條魚很新鮮和皮嫩好味。至於服務員很有禮貌很有笑容, 很貼心。我會下次再光臨。大大件的手卷燒鯖魚炒雜菜

朋友話book左枱係紅磡食日本野，又一直都唔話比我知食邊間跟住佢穿過大廈行入細巷，見到成條街掛左滿滿日式紅燈籠😍🏮🎌🏮🎌對上一次嚟加太賀記憶中已是10年前😊先嚟小吃炸軟殼蟹，皮咁脆內熱，但份量多d就更好了再嚟小吃雞軟骨，有小小辣味，送酒一流油甘魚刺身，厚身，新鮮，魚油濃生招牌 花之戀😍😍真係好大舊~~食左一舊以經覺得飽了~~日式蠔餅， 唔會有腥味，但多左少少粉漿同唔夠脆身燒牛肉，最個真係好食 真係真係好食！！熟度剛剛好！好滿足嘅一餐，細個成日睇獎門人都見到佢，所以周不身都嚟食。相隔10年再嚟到呢度，有點懷念~~之後再嚟密啲先