功夫點心

營業中

休息中

午餐時間，想飲茶食點心，行過深口埗呢間野，於是入去試佢真章。一入到去，冷氣奇弱。坐低後叫左壺茶，成個茶壺身都係茶漬，明顯冇洗過。蒸排骨飯：啲飯粒勁冇營養，勁瘦，明顯係用好cheap既米；排骨肥多過瘦。講真，唐道蒸飯好食好多。流沙包：冇蛋黃味，極其量只係一個奶黃包。叉燒包：正常，冇叉燒味。咸水角：啲粉勁厚，唯一可取之處係上枱時新鮮熱辣。鵪鶉蛋燒賣：最正常既食物。只此一次，永遠blacklist !!!

偶然行過想食點心，仲有一路食一路擰頭，腐皮卷用咗幾張吸油紙都還是油淋淋⋯⋯唉！睇吓價錢164蛟價錢真係好親民，唔介意品質嘅可以試吓，個人認為真心太難食，絕對唔會有下次！

而家疫情關係，去飲茶都是高危活動，唯有叫外賣了，這間店分店越來越多，就去買個外賣試下，由於想快捷一點，所以一早致電落單，服務態度麻麻地，講完就cut線了😡👎🏼👎🏼「馬拉羔」軟熟幾好，雖然外賣也不會有倒汗水👍🏻「燒賣」彈口， 大粒👍🏻不過有點貴「雞粥」幾滑的雞粥，雞件也多☺️「牛肉腸粉，叉燒腸粉」瑋定無堂食咁好，但也可接受😉「生煎飽」好味😋😋👍🏻外層軟脆，餡料十足備註：🔺價錢有點貴，燒賣每粒計算😅🔺態度上略欠禮貌

-年初二嘅酒樓人山人海，又想同屋企人飲茶，就去咗哩家點心專門店😗 去到都好旺場，等咗幾個字先有位～-新年冇特別加價，我哋三個人叫咗幾款點心，分別有：燒賣、蝦餃、焗酥皮叉燒包、流心奶黃包、炸鹹水角同埋叉燒腸。-點心方面，我覺得不過不失☺️全部點心上菜時都好熱辣辣，真係即叫即蒸，當中我最鍾意就係燒賣，真係食到豬肉同蝦，唔會食到成口油咁👍🏻流心奶黃包原來好大個，細胃人士記住同人share，如果唔係食完一個都差唔多唔使食嘢🤣-不過餐廳嘅衛生真係一般，成地都係點心單😅可能新年人手比較緊張，如果純粹諗住輕嚐點心嘅都可以嘅👍🏻☺️

今日同屋企人去食 點知個阿姐超級冇禮貌 佢唔幫手收野之餘 仲要我地自己親自去拎茶 做埋佢地個份 成班人淨係識企係度傾計 同佢地反映返 個樓面阿姐仲要鬧返我地 大大聲甘鬧返我地 下次唔會再幫襯 不知所謂

個咖哩汁淡茂茂，魷魚完全唔入味，好明顯係灼熟咗啲土魷再淋上淡而無味嘅咖哩汁，差！山竹牛肉暖，黃金流沙飽不錯，蝦餃王可以。人手唔夠，做到個個阿姐都發癲，隔離檯個腸粉追咗3次都無，埋單都未到，你有你追，阿姐只回一句"腸粉係耐啲".整體味道：一般服務： 無乜衛生： 成地垃圾+水，鬼咩！樓面都唔夠人，邊有人清潔呀！下次可以食第二間！！！

已經幫襯好幾年，之前新開時質素唔錯，但擴充之後由食材質素到服務態度都差左好多。以蝦餃為例以前用料係新鮮蝦大大雙，咬落係彈牙嘅，宜家d蝦咬落好明顯唔新鮮，係就嚟變壞嘅味。而腐皮卷嘅腐皮係煎完都唔脆嘅。至於服務方面，試過兩次等左好耐都無上菜，叫職員幫手跟下，佢就話點心要蒸叫你等下，去check下都唔肯，等多陣再問佢先肯去睇下，跟住竟然答我無入單，連我填張點心紙都無埋，簡直浪費時間。

星期六日嚟食全院滿座，需要等位，大約等咗15分鐘先有得入座。點心款式多，其中最特別嘅就係鳳凰煎糯米雞，蒸糯米雞就食得多煎真係未試過，又OK喎，外面香香脆脆，入面都好足料。其他點心都OK～

話說街坊成日去買外賣， 有時好生意要等得耐。 今朝8:55去到落單買5樣外賣， 到9:35都未出， 當時唔算多人，問收銀阿姐咩事，佢當時冇野做， 只係好無禮貌咁答： 「係咁架喇，等多半個鐘啦！」 然後唔跟進！ 如果你態度好少少， 禮貌咁解答人地疑問， 就算係漏單或出錯，等耐少少客人都未至於咁不滿。 好少OpenRice 寫差評， 但佢個收銀好趕客！！！！！！！買個外賣都要40分鐘， 仲要買到一肚氣， 唔會再幫襯！ 趕客的服務態度

深水埗功夫點心 喺香港有十幾間分店 遍佈港九新界 第一次 自費光顧 試食佢哋嘅點心 整體質素滿意 兩個人五六碟 有腸粉蝦條 排骨飯 流沙包 叉燒包 金錢肚 埋單124蚊冇加一 呢度嘅流沙包係爆汁 入面好多汁 得推介 另外呢度嘅蝦腸同中環蓮香樓蝦腸 質素水準都係一樣 當然喺呢度食會平好多 其實佢哋點心紙入面都有好多嘢好想食 不過始終兩個人 如果多啲人可以享用唔同嘅點心 傳統嘅酒樓逐漸變成這樣餐廳佈局的點心餐廳 相信是未來的大趨勢 如何去深水埗唔使再食 車仔麵 豬潤麵 其實呢條福榮街都有好多嘢食 大家可以發掘一下

試咗兩款點心，山竹牛肉值得推介！好味道，裡面有好多馬蹄！腸粉就麻麻，唔夠滑。不過佢出點心速度就真係堅慢，足足等咗成廿幾分鐘！服務方面，嗰幾位阿姐...... 算把啦！

生煎鮮蝦豬肉鍋貼，食咗一舊，發覺好似爭啲嘢，拆下一舊睇睇，生蝦變成一pat嘅蝦肉，信相拼返埋半隻都無，說好的豬肉呢？只係見一堆菜占了少許蝦肉，為何不改做蝦滑菜肉鍋貼？

收工相約老公去行佢既至愛地區～深水埗，點解我都會去呢（人多車多我最唔鍾意）係因為美食多今晚食咩好，就食我好耐無食過既點心啦見到呢間～功夫點心，門面都幾企理，就入去嘆返個夜茶先，咁進入店前都要糧體溫既，而檯與檯之間都有板隔住，包你食得安心我地2個人都幾大食叫左8樣野，點完仲要等一陣架，因為係即叫即蒸，夠曬新鮮熱辣👍🏻。介紹一下食物質素先～功夫蝦餃皇2隻（每隻$9）大🦐大🦐真係又多又好大隻、蟹籽香菇燒賣皇（每隻$9）不過不失啦、遠年陳皮牛肉球（$19）加左喼汁勁牛肉好彈、鮮蝦腐皮卷（$22）熱辣辣勁脆，內裡又係好多🦐、酥皮焗叉燒包（$20）呢個有少少失望，似叮返熱咁、韭黃原隻鮮🦐腸粉（$27）腸粉皮好薄，每條腸粉都有2隻大🦐，最難得係保持傳統咁灑左d韭黃係面，成件事即刻完美曬💯、豉汁排骨飯（$26）飽肚之選2個人夜茶都係$160（已包括每人$5茶錢）而家外賣返屋企介有8折架，唔想同人迫，外賣返屋企又有平，咁都幾好吖👍🏻今晚食左好多🦐😂😂真係大滿足

一向喜歡食點心，在深水埗原來有間點心店！.個蒸雞飯抵食，份量多，雞有雞味食得飽其他點心都ok，正正常常，燒賣要逐粒叫感覺有少少貴不過足料，有原隻蝦，留有肉汁。腸粉不是想像中那麼滑，不過整體味道也可以。潮州粉果就好足料，食完一個已經好飽。.菜位$5 一個，無加一服務費，算喺咁啦地方大，有兩邊，我晚上去入座率不高。

咁啱行開深水埗電腦中心， 就喺附近隨便搵地方食嘢。 當時大概下晝五點， 我哋兩個人行到入店舖， 雖然冇乜人理會我哋， 但都理解嘅， 事關見到啲員工坐低食緊飯。 坐低之後， 店員攞咗一壺茶同一壺水畀我哋， 其中一個茶壺上面係有啲食物殘漬，唉…… 我心諗: 算啦， 又唔係話去啲極高級嘅食肆， 比一百幾十蚊， 唔能夠太高要求。 細看檯面上嘅 墊枱紙， 原來先發現呢間點心店係有好多間分店， 所以雖然我對店舖環境及服務員質素唔會有太大期望， 反而對食物質素覺得會有啲保證。 第一碟餸上嚟嘅點心係腐皮卷， 雖然有啲油， 但味道總算中規中矩。 第二碟輪到蝦餃， 蝦餃皮望落幾薄， 脹卜卜望落去好多蝦， 我咬咗一啖， 奇怪見到有少少黑色嘢， 用筷子撩開…… 入面竟然有隻曱甴， 我即時頭暈兼反胃！ 實在太過份！ 唯有即時叫埋單， 店員見狀同我講咗幾句對唔住， 跟住叫咗經理過嚟， 經理過嚟講咗兩句對唔住就行開咗。 疫情底下， 好多有質素嘅食店都捱唔住要結業， 一間連鎖式經營嘅食店，竟然咁唔注重食物嘅衛生， 實在太過份