功夫點心

營業中

休息中

今朝出面掛黑雨，想出街嘆下茶食下點心，於是嚟咗呢間位於渣華道既功夫點心，差唔多滿座。一個人揾個位唔算難，坐低就劃點心，點了山竹牛肉，北菇綿花雞同埋豉汁排骨飯。等咗十零分鐘點心就嚟到，牛肉裡有馬蹄所以口感比較豐富，蘸喼汁食十分好味，綿花雞份量比較少味道過得去，豉汁排骨飯d排骨偏淋，係個飯比較好少少。整體比較失望。口味：🥚🥚🥚原料：🥚🥚🥚性价比：🥚🥚🥚环境：🥚🥚🥚🥚

由入店開始，前後最少同4位員工講6個人，態度極差，完全無視你一樣，問佢哋要唔要拎飛，每個就答你一句“等等”就轉身走左去，等左35分鐘以上，仍然企住等無人理過，亦唔見有人幫忙安排6位枱，反而一直繼續入2-3位去6人枱嘅半邊空位坐，忍唔住問佢哋其實有無安排過，唔應你嘅唔應，扮聽唔到嘅扮聽唔到，到有個終於答你就係叫你自己望下周圍有無枱，然後同你講後面入黎啲人要自己坐落去佢都無辦法。成舖啲員工態度招呼可以全部咁差，真心覺得呢間嘢勁！

食物無味～凍～米線淋到爆員工無禮貌，問佢拎胡椒粉，態度唔願意，扮睇唔到～拎咗嚟後，無問過就擅自倒一大堆落我地既米線到～總之一句講晒，唔會再睇第2次，食大家樂仲好味d

功夫點心幾乎係我既3點3下午茶必去既地方平日2點打後點心紙上有8折，茶味唔重，只係有淡茶解下渴，點心方面不失不過，勝在下午茶有折，我最欣賞係馬拉糕同綿花雞，食晒枱面上既點心，唔會即刻趕人走，唯獨是服務有點慢，大致上尚可接受

下午茶時間一個人去飲茶食點心😏不過心諗一個人只能兩款點心😅點知入到呢間店舖，原來係可以每件叫，但係兩件起，所以我點咗燒賣兩粒，蝦餃又兩粒👏🏻可以食多一款點心😎叫咗三樣點心，蝦餃、燒賣、叉腸粉😌蝦餃係三款當中最好食嘅，餡多，蝦又鮮味，皮薄，但皮較為唔夠煙靭燒賣正正常常冇咩特別，都好大粒嘅腸粉唔好食，裏面啲叉燒餡好差，腸粉皮又厚，都算滑嘅，但係啲叉燒餡就好影響成碟腸粉👎唔推薦🤪總結嚟講都可以，但我唔會再叫腸粉囉😛但係我就留意到好多食客都會叫佢哋嘅燉湯，唔知係咪真係咁好飲呢⁉️下次咁啱經過嘅話我會試吓😋

今日去完教會同朋友去食點心，諗住上兩次食過都還可，食物老實講好一般，甚至不新鮮🙁但因為地方大有卡位，就同朋友決定不去英皇道新開果間。今次入到去，伙記阿姐叫極唔應都慣，我朋友見蘿蔔糕嚟咗，就叫店員拎辣椒醬過嚟，誰不知佢破口大罵話我哋催咗幾次，我哋只是叫個一次仲唔該一聲🤔哈佢好似食咗火藥咁🤔🤔🤔🤔之後我哋出去埋單，哈🧐個收銀阿姐直程想撩交嗌🙄我只係講一聲，唔該埋單，佢係度㯲緊計數機，－般都會話等陣先啦！ 點知個阿姐即刻鬧爆我「你見唔到我計緊數咩？」嘩，大佬呀食完嘢去櫃檯埋單，個個顧客都會㗎啦，你講一聲，唔該埋單，係俾錢你埋單，竟然鬧個客，話阻住你計數，哈哈哈哈！！真係好想講一句，香港飲食業而家搞到咁嘅田地，你哋唔好賴香港人北上深圳消費，服務咁惡劣，鬧客人，唔該反省下，完！！！

衛生麻麻，地方唔算乾淨，啲碗碟有啲油，係洗碗時落唔夠洗潔精？ 餐廳衞生可以做足d 服務正正常常，都有招呼嘅不過點心幾好食，即叫即蒸，熱辣辣，份量足。同埋佢價錢算親民，依個價錢就冇乜好投訴。

星期四，下午茶時段，客人不多，見有卡位，阿姐執緊檯，剛想坐下，阿姐以盤古惑仔語氣問：幾位？答話一位啫！阿姐即時喝住：唔坐得！我呆咗一呆，周圍望望，話有好多空位喎！阿姐語氣不善：一陣就爆滿架啦！心想：你發緊夢，個頭就爆！做食肆，講句唔好意思，帶我去另一張檯都係好基本嘅禮貌吧！不如你在門口標明：一人拒入吖！食物幾好都冇用，趕客者一律列入黑名單可也！難怪港人寧願北上消費不用受氣！他朝門堪羅雀怪不得人，失業亦怨不得人！

今日朋友約我去食功夫點心，話說呢間鋪頭我之前經過無數次，但係就未有幸試過。初次踏入，真係一股家庭式餐廳嘅感覺，環境潔淨又舒服。我們雙雙揀咗經典嘅咸魚雞粒煲仔飯啦，等糙米飯緩緩吸收咸香雞粒嘅滋味，簡直係完美！再嚟一碟芝麻蒸排骨，外層略帶酥脆嘅口感，配上牙齒凍喳喳嘅鮮嫩豬肉，一口咬落去真係話不得咁正！要形容佢嘅話...嗰種鮮美同 Q 彈，啱啱好融合埋一齊！食得我連哂指👍！另一樣必試嘅係佢哋嘅韭黃鮮竹牛肉卷，啖啖肉嘅滋味，加上韭黃嘅提味，真喺香口有勁，滾熱蒸汽之下，所有食材嘅精華都凝聚喺嗰一卷之間，真係食到停唔到口🤤。總結，果然名不虛傳！勁正嘅美食，加上平易近人嘅價錢同親切嘅服務態度，真係令我哋兩個食得開開心心，攞餐巾紙抹咀嗰一刻，已經心諗下次再嚟一定要試吓其他款！最後飽到哇塞，走出嚟嘅時候，心情就似今日嘅天色咁，開朗得嚟又暖笠笠😌。

看着点心品种多来的，但是进门付钱就后悔踏进来一步！前台点单阿姨盛气凌人，从头到尾一副嫌弃样子，问她怎么点也不搭理人，然后假装不会说普通话，看人的眼神吧，可以去演tvb了，那就算了，我看她手语自己拿单子打勾，过了一会叫我们换位就开始说普通话：小姐你起来一下，呵呵，歧视非常明显。上餐快一小时了还没好，也不愿意催，在我们前面的人都要吃好了，然后自己看，没有地方可以投诉。建议大家绕路走。就点了三个点心，堂食都要吃好了，我建议这里老板好好培训一下自己的员工，开门做生意不要求你笑脸迎人，至少要保持个人基本的礼貌和素质！其他服务员也一样，买个外卖=受一小时罪。

北角算是數一數二平價有質數的點心食店，少味精，不油膩，各樣點心蒸飯和米線有質數而且飽肚，其中燉湯是濃味有質數，十分不錯，晚市60元3寶算是抵食和有質數，早市和下午茶有8折是吸引，以前2次進入店內沒人理，現在服務態度已有改善，總結是北角區飲茶之選。

功夫雖然係連鎖點心鋪，但味道則長期保持中上水準，價錢都好抵，可以話係街坊的熱愛點心之一。平日早市/下午茶時段黎，會再有八折，的確好平，抵過自己買點心返屋企蒸🤣雖然環境衛生情況不及酒樓/中菜廳般乾淨、舒適。而且店員有時匆匆忙忙，未能顧及客人需要。但呢到高質貼地嘅點心，都可以彌補到以上不足。自己食過最鍾意嘅點心就係，蝦餃、菠蘿叉燒包、灌湯餃同埋籠仔蒸飯，Ok出色。加上，不定時會轉換點心款式，食得冇咁悶～可謂糧尾飲茶精選♨️🤭🤭

同朋友行行下肚餓唔知食咩好，我朋友又話佢自己一個好鍾意食點心嘅人，咁我哋就去咗食點心。😀去到見到都好多選擇、點心同埋蒸飯等等。我朋友話好耐未食過春卷同埋糯米雞，於是我就叫咗一份俾佢試一試。在多一份點心、同埋蝦餃。其實咁嘅份量都已經非常之夠、糯米雞其實好飽肚、同食左碗飯既份量都冇咩分別。🤣春卷好正，非常之好味，配埋喼汁，簡直一流。👍蝦餃水準一流，啲蝦大大粒，嚟到嗰陣時攤凍咗一陣食會更加好味。👍👍👍

等了40分鐘嘅點心都仲未到，仲同我講即叫即蒸係咁耐㗎喇，你真係當我第一次食點心飲茶🫖！完全冇品極度冇禮貌！這間點心職員仲要同我喺度駁嘴丨！從來未食過咁垃圾嘅點心店！

我和朋友光顧北角分店晚市，店員服務週到，一坐下已詢問要什麽茶，並即遞上水盆供洗碗筷。我們見到點菜纸上有一個吸睛的$58晚市套餐，有6款蒸飯、3款燉湯及數十款點心可算(每套餐可各款算一)，我們點了北菇滑雞及咸魚肉餅蒸飯、五指毛桃燉土雞湯及粉葛章魚燉豬湯、煎釀茄子尖椒及馬拉沙嗲蒸鳳抓，即叫即蒸熱腾腾，調味適中，沒感覺味精，全部都有水準，健康抵食過好多集團快餐！因我們6時入座，時間較晚市早，2人可坐4人卡位，所以也頗舒適，分店裝修也算高檔，整體環境也不錯！我們吃得很開心又滿意，最後付款是兩份套餐連茶錢$128，今時今日這樣價錢及這樣質素的晚餐，在港島區還有那裏可找到？性價比真的很高呢！