力寶軒

營業中

休息中

力寶軒（金鐘)一間出名潮州菜力寶軒,餐廳位於港島金鐘金鐘道89號力寶中心地下,餐廳裝修簡約以傳統中式酒樓設計,餐廳主打潮州中菜,仲有點心各式鹵水和海鮮供客人選擇,服務員招呼有禮。龍蝦孖寶金湯焗開邊龍蝦,碧綠川椒雞金湯龍蝦伊麵底,新鮮龍蝦肉食落爽口兼彈牙,伊麵軟硬適中,碧綠川椒雞微鹹,不膩,雞肉食落香口。椒鹽九肚魚椒鹽九肚魚炸醬不太厚,廚師控制火喉剛剛好,不會炸過龍,魚肉微鹹不膩,食落有咸香味。香煎蠔烙蠔烙內的蠔肉份量都不少,新鮮蠔肉肥美,入口鮮甜美味。沙爹粉絲牛肉煲沙爹牛肉食落好嘢味,牛肉入口嫩滑,有牛味,微鹹,味辛,粉絲入口軟糯。

今日Lunch 落大雨加上無皇管， 於是近近地去金鐘力寶軒飲茶食點心。 Lunch 時間都高朋滿座， 2 人行比較易搵位。蝦餃皇 - 皮薄餡靚， 蝦肉新鮮彈牙爽口， 蝦肉勁多。蟹子燒賣 - 蟹子粒粒卜卜響， 入口肉汁豐富， 豬肉味香濃。灌湯小龍包 - 小龍包內嘅湯汁好香甜， 入口時要小心， 好易燙傷個口。煎蘿蔔糕- 咁蘿蔔糕上面舖左纓花蝦， 更加惹味。 蘿蔔一絲絲， 唔太粉。翡翠帶子餃 - 帶子勁大隻， 綠色的餃子皮非常吸睛。鹵水鵝肝 - 鵝肝甘甜， 入口綿綿， 配上香濃鹵水汁， 更加提昇味道。

金鐘力寶軒開業十多年，一直受到不少長輩青睞，我自己就成日搭車番屋企亦會經過餐廳，因為地址系正地鐵站旁邊。餐廳主打潮州菜，潮州人想必更喜愛。環境簡單優雅✨適合同屋企人共聚一堂。首先叫咗份五香牛展，呢個系我覺得最好味嘅菜式，牛展醬汁夠入味，肉質軟稔。沙茶牛肉粉絲煲，牛肉牛味香濃🐮沙茶醬原來大多系粉絲度，用黎送飯一流！大大個煲兩個人都食吾曬。蟹肉燴伊麵，蟹肉有吾少🦀個人覺得海水味重，伊麵好耐冇食，食番覺得幾滋味。煎蠔餅蠔肉新鮮🦪配以蛋餅真不錯。

小編今次同老婆嚟到呢一間位於金鐘嘅傳統中菜廳力寶軒食晚飯，一入到去已經有一種相當舒服嘅感覺，店員招待相當落力有一種舊式情懷。另一方面喺食物方面每一道菜都烹調得相當美味，有一種細個跟屋企人去中菜廳食飯嗰種感覺，食物嘅味道不能擺設、油膩度、食物嘅份量、各方面都配合得相當唔錯，每一道菜都睇得出呢間中菜廳嘅廚房嘅用心，同時成餐飯嘅感覺亦都係相當好，大家嚟到金鐘嘅時候，不妨嚟呢一間傳統嘅中菜廳食晚飯體驗一下。

今日中午準備出去食飯，個天黑晒又超大雨。 近近地行去金鐘廊附近睇吓有咩食。全部餐廳都好多人，同事建議去力寶軒飲茶。力寶軒本身係一間潮州菜館，我哋就叫咗幾個點心，加一份滷水鵝肝。一間好嘅潮州菜館，就一定要試吓滷水菜式。呢度嘅滷水鵝肝好嫩滑，唔係出邊餐廳嘅粉肝，滷水味唔會死鹹。點心我哋叫咗蝦餃皇、燒賣、蘿蔔糕、小籠包同翡翠帶子餃。蝦餃皇一籠有四大粒，粒粒都好飽滿，蝦肉彈牙，每件入邊有超過一隻大蝦。 小籠包皮薄湯汁多，肉餡有少少肥，但配上黑醋中和油膩，味道剛剛好。翡翠帶子餃賣相幾好，帶子鮮甜，重大粒過入面嘅蝦肉。最後叫咗個芒果布甸做甜品，芒果肉好多，加埋花奶係絕配。依家中午有個龍蝦伊麵加一款小菜，好抵食，兩個人平平哋食呢個套餐都一定夠飽。環境唔錯，又有落地玻璃，所以都好多人幫襯。

今日喺午市尾聲嘅時間懷着戰戰兢兢嘅心情入嚟力寶軒試吓，因為睇食評見到都有唔少人話啲員工態度差，驚呢個時間阻住人收工。叫咗幾樣嘢，包括滷水拼盤，咖喱魷魚，小籠包，潮州粿肉。滷水拼盤嘅份量係我近嚟食同類點菜最巨量，鵝片唔係薄切，夠曬份量，鮮有可以食滷水拼盤可以大口大口食，唔使驚好快食晒 lol咖喱魷魚中規中矩，魷魚口感還好，係個汁可以再濃一啲。小籠包都唔錯，雖然得三粒，但都叫做鄙薄餡靚，又唔會一夾就散，可以保留到裏面好味嘅湯汁。第一次食潮州粿肉，初頭以為係咕嚕肉，因為無論配菜、用色、查法都好似咕嚕肉，搞掂第一下入口嘅鬆脆感覺都同一樣，整體嚟講，食落後都好鬆脆好味，但如果唔鍾意食䓤味嘅人就要留意一下喇～最緊要係，服務態度都幾好吖，臨落場之前入嚟都冇俾人西面不特止，全程都幾好招呼。

力寶軒 (金鐘).今日去左金鐘做野，心血來潮想食中菜，於是搵左呢間係地鐵站一出轉左行2分鐘就到嘅力寶軒.沙嗲粉絲牛肉煲.兩個人唔知食咩好，天氣凍叫個煲就暖下身沙嗲粉絲出面普遍會處理得好鹹，但佢又無，調味適中，味道啱啱好！牛肉同粉絲果然係一流嘅配搭！.魚湯泡時蔬.時蔬有白菜仔，娃娃菜，菜心等選擇，店員話今日白菜仔靚所以就揀左佢，魚湯味道唔算濃，但勝在有魚味，食完粉絲肥牛煲配翻個清淡嘅菜就岩岩好！.力寶軒 (金鐘)金鐘金鐘道89號力寶中心地舖

呢日同好友來到嘆中菜，就係金鐘地鐵站旁好方便，地方闊落仲有落地玻璃，有植物擺設感覺舒服🌳.本身一心諗住飲菜嘆點心，見到menu上的龍蝦孖寶太吸引🤩點了一份兩人食剛剛好🥰金湯焗開邊龍蝦🦞好大隻，超厚肉彈牙，加埋伊麵底吸哂汁，又煮得爽口，真係好好味😋.仲可以揀款小菜，選了紅燒豆腐肉碎煲，上枱湯仲滾緊，熱辣辣超正👍🏻豆腐大大件淋身入味，好多肉碎相當足料，撈麵一流🤤.再叫多一籠點心，潮州粉果港式口味，皮煙韌餡料又多夠足料，有水準👍🏻.兩人食一定夠哂飽，舒舒服服嘆番個下午😌

力寶軒在金鐘應該也有段日子, 經歷經濟及疫情也仍生意滔滔,總有它的理由, 今次就由我朋友帶領下去一試龍與鳳, 首先平日晚市門面也算穩閉, 但都竟有八成滿, 一於試試它正在造緊特價的地道美食, 第一個是稻草米鸭, 嘩上枱時的煙熏味極濃香味撲鼻, 肉質肥而不漏；另一主菜荳醬雞, 砂鍋上熱騰騰, 肉質滑嫩, 當然至愛的煎蠔烙也不令人失望, 超多蠔仔, 主食點了方魚肉碎粥, 潮式煮法配上方魚絕配, 之後店員更奉上功夫茶為這頓美味潮食劃上完美句號 。

位處核心商業區, 但又保留相當私隱度的食肆不多, 而這所潮菜館屹立在此多年總有它成功之道, 疫情前在附近上班常來光顧商務午餐, 一向水準有保證, 轉工多年後今次即興來棒夜市又別有一番味道, 除了窗外有金鐘燈效景緻外, 原來晚市也高朋滿座, 當中遊客佔多, 以現今智慧消費的自由行客, 証明餐廳的實力保持, 叫了幾個地道潮菜包括潮汕稻草鴨、砂鍋豆醬雞和香煎蠔烙, 全部清枱, 再加個方魚肉碎粥, 這頓晚飯超級滿意, 最重要是這裝修這地標而價錢是這麼貼地,每人平均消費也不過300多, 難怪坐無虛設, 下次要試它的龍蝦孖寶。

中午同朋友喺金鐘食飯，專登嚟到開業17年嘅力寶軒。 一出地鐵站旁邊就見到，都幾方便！ 餐廳樓底高空間感大，加上華麗嘅裝飾，感覺好有氣派！ 中午去到座無虛席，好熱鬧！ 原本想食點心飲茶，但係見到龍蝦孖寶套餐 $388 好抵食，我哋都雙眼發光✨ 原隻金湯開邊龍蝦🦞，好大隻又多肉，色澤鮮艷，醬汁濃稠，龍蝦肉勁爽彈，仲好鮮甜！ 加$48 就可以配埋伊麵底，軟硬適中，吸引哂醬汁好入味！套餐仲有三選一小菜，紅燒豆腐煲，熱騰騰上枱，香氣撲鼻，份量十足，豆腐嫩滑，醬汁濃郁，鹹香微甜，拌飯或麵都正！

喺香港真係好好食嘅潮州菜餐廳並唔多，今次lunch黎呢度試下先~~午市點心黎講係金鐘地段嘅價錢 可能兩點零黎到 過左繁忙時段， 啲野上得幾快點左小籠包又幾有驚喜喎！ 皮簿得黎都帶點彈性，而且多汁 肉鮮甜滷水鵝雙拼 （海蜇+豆腐）滷水鵝基本上係潮菜signature 鵝肉都幾香濃， 肉質嫰 海蜇彈牙 豆腐厚切 份量黎講 好足料糖醋粿肉～「粿肉」係潮州經典家鄉小食外皮酥脆，裏面香嫩可口， 有鮮豬肉、馬蹄、腐皮、五香粉等⋯ 咕嚕肉嘅做法 呢個配搭又幾match wor 配菜有洋蔥 青椒 蕃茄仔 菠蘿～ 酸甜開胃 主食點左家鄉麵線哇！ 超大碟 潮洲麵線又係經典家鄉必食啲麵線條條分明， 彈牙的 ，配料有芽菜、 五花腩等 味道剛好 唔會好咸如果可以少油啲就perfect 已經好飽⋯ 搵次再黎試下佢個煎麵、蠔餅同同芋泥先 服務方面， 啲姨姨好勤力沖茶， 態度有禮～ 加分

一時興起同朋友入左金鐘站附近呢間中菜，聽到大廳有公司包場氣氛好好，環境有氣派，內心都有啲期待。孖寶好吸引，龍蝦以外揀左川椒雞。 雞肉煎到表面焦香，乾爽唔油，好入味好香。龍蝦比想像中細隻啲，不過好好肉，有龍蝦鮮甜，仲有啲膏，好滿足。 金湯調得幾好味，清清地唔會太咸，如果伊面可以炒下會再香啲。香煎蠔烙好好咁做到正宗潮式同港式改良版之間嘅平衡，蠔烙煎得香口但仲食到蛋嘅軟滑。 蠔仔好多，飽滿鮮甜，完全唔會腥，點少少魚露有提鮮作用。

朋友在外地回港，很久沒有食中菜，所以相約食中餐，見酒店附近有此店，門口有龍蝦孖寶餐推介，價錢又吸引，所以來嚐一嚐😆店內裝潢不錯，座位闊落，但正值中午飯時間，環境有點嘈吵。我哋點了龍蝦孖寶餐，此餐可選1款小菜，有碧綠川椒雞、紅燒豆腐肉碎煲和黃金花枝卷，我哋喜歡香口小菜，所以點了黃金花枝卷，另加配伊麵底。黃金花枝卷剛剛炸起，熱辣辣，香脆厚肉彈牙金湯焗開邊龍蝦龍蝦新鮮，配上金湯，味道香香甜甜，無芝士焗咁膩，亦無清湯咁寡，配搭不錯，我哋用汁撈伊麵，竟然在不知不覺中吃清了整碟。飯後，唔少得甜品，味道不太甜，正合我意整體食物質素不錯，水滾茶香，我哋相約，朋友臨離港前會再來

香港市道低迷，當多數人北上食好西的時候，我Anna Pao 當然是留港消費，支持香港飲食業，振興香港經濟🤗喺香港做嘢出名辛苦，老细永遠惡晒，打工仔做到成隻狗咁，星期五中午梗係約好友食大餐，慶賀星期六、日终於放假😆🎉🎉🎉之前聽朋友講力寶軒有個龍蝦餐幾好食，於是中午食晏過嚟一試😻😋 餐廳環境不錯，樓底夠高，感覺舒服😻 。龍蝦孖寳$388 包括金湯焗開邊龍蝦一隻及3選1 （碧綠川椒雞、红燒豆腐肉碎煲及黄金花枝卷）。我同好友都喜歡吃香口食物，所以，選了黃金花枝卷。這個黃金花枝卷，配有鲜美醬汁，味道調校恰當，美味可口。龍蝦肉質彈牙爽滑，味道鲜甜。我同好友另加$48配伊麵底，吃得满足😻 在星期五的中午能夠和好友吃一顿美味的龍蝦午餐，確是樂事😻 最後，我們還吃了香滑的蛋白杏仁茶作結😻🤗👏🏻👏🏻👏🏻