劉老太手工餃子

營業中

休息中

懷疑小時侯食飯過量，大個左正餐唔太愛吃飯反而麵食麵包餃子成為我主食。由某時侯開始興自家手包餃後，就開始買新鮮生餃唔食急凍。美孚開左間新餃子店，店子小小，家庭式，即場包製餃子，呢度有幾點幾吸引我：自製餃皮/ 每日親自購買新鮮材料/ 有幾款特色餃款/ 冬菇水大地魚粉瑤柱調味/ 多菜少肉今次外賣生餃木耳雞肉餃同芫荽豚肉餃。餃子比較細，皮薄食材新鮮，2款調味得宜，係媽媽的味道。芫荽豚肉餃水準唔錯，芫荽新鮮處理得好唔會有澀味，豬肉部份肥瘦比例唔會有過多肥羔而引致油膩感。但木耳雞肉餃比較鬆散可能因為食材關係唔太令到餡料黏合，但味道不錯，而且這款冬菇水味道好出好香菇味。下次有機會都想試試櫻花韮菜，味道應該會有驚喜吧！

美孚不嬲都欠缺有heart有質素嘅小店，其實美孚有好多街坊都異口同聲區內好多食肆都粗製濫造，無奈區內大集團又好，其他小店又好，水準每況愈下，好多街坊都情願搭車去深水埗或者荃灣食；直到最近難得打破「美孚美食沙漠嘅宿命」非常高興二期平台開咗間有heart有驚喜小店，知道主打係自家製餃子當然想試多啲唔同口味嘅餃子，今次試了湯餃和煎餃，黑松露餃比較罕見，芫荽餃好足料味道好突出，手打牛肉餅好香口，湯餃啲湯好鮮甜！值得一提佢哋嘅辣菜脯粒好惹味，配餃子一流！如果佢哋呢款菜脯粒撈面都一定好食！配埋佢哋嘅羅漢果飲品真正係味蕾嘅享受😋😋

今日熱屎辣辣肥C9真係好懶去街市買餸煮飯🥵竟然俾我係🈶️「美食沙漠」之稱既舊區搵到好野食😋一向對味精敏感既我，食左味精會周身痕，呢個真係萬試靈😮‍💨所以大部分食肆都會乃野，特別酒樓更無一倖免！我今日晏晝食完到深夜都竟然冇痕過😱，所以決定分享下！證明佢d野應該真係🙅🏻‍♀️味精，而且仲要新鮮好味！今日星期五午飯市，其實都幾多人幫襯下!店舖姐姐話d🥟即叫即煎所以要等下！等等下就見到隔離枱 入黎即刻有🉐️食，真係遲來先上岸🥲原來佢哋早15分鐘打電話去叫定😮‍💨而且🈶️幾款🥟已經沽清左，店姐姐話如果早d打電話去🉑️以留定心儀口味，唔使即點即包,可以減少等候時間！最後無端端又買咗兩打生🥟返屋企放冰格，求其淥兩淥又1餐，乾手淨腳🤭另外,舖入面🈶️辣菜甫🉑️以自己加，食🉐️辣既我當然冇蝕底即刻試吓😆，辣度對我黎講係剛剛好,爽脆🉐️黎都幾惹味，原來又🈶️🉐️外賣🫨真係唔知遲d會唔變左我既偷懶飯堂

呢間新開🥟🥟店，餃子皮薄好食，好多款式。我個人最喜歡韭菜櫻花蝦、木耳雞肉、同埋芹菜豚肉餃🥟，要讚吓佢個湯底🍲，紅蘿蔔粟米蟲草花雞湯，好似飲緊住家湯咁完全冇味精👍🏻👍🏻。另外每枱都放左辣菜脯作配菜，非常惹味。除左餃子，每日都會有幾款客飯供應，屋企人試過佢既肉餅飯都讚好食😋。

首先要讚吓個老火湯底好足料，有粟米同紅蘿蔔，飲落味道濃郁，飲完喉嚨乾。餃子方面，就好有進步空間。。。首先$44得六粒煎餃，預期佢會同坊間其他餃子店一樣大大隻，點知size 仲細過超級市場d 講灣X碼頭。。。味道方面，我食木耳雞肉，內餡料比較鬆散冇咩肉汁味道都唔突出。。。煎功方面，餃子六粒有兩粒甩底有待改善。。。另外都要讚吓辣菜脯幾好食，送麵唔錯👍🏽最後最後想講吓佢跟餐嘅花茶，唔係預先浸/冲定，就咁茶包加熱水俾客，咩味都冇。。。

見到公司附近開咗餃子店，餃控梗係要去試吓！舖頭有點難搵，行咗兩三轉至搵到。weekend lunchtime係爆滿人，好彩我一個人老闆(聲稱義工😆）俾我入去等位。舖頭係家庭式經營，所以氣氛好輕鬆，”義工們”都會好隨心咁同客吹水，親切友善。响舖入面坐咗10分鐘左右(?)就有位坐，好可惜好多口味嘅餃已經缺貨，叫唔到最想試嘅芝士+菜莆雙拼。”義工”見我有啲失望又有啲選擇困難，就提議我叫8拼😆咩都有仲特登搵粒菜莆俾我，另外等煎餃時又拎菜莆我試。菜莆味道好夠，唔會太鹹有麻辣感，直情feel到啲麻辣會打開你啲味蕾，惹味又刺激！等咗幾分鐘煎餃拼盤都到，懷住拆盲盒嘅心情咁一隻一隻咬開。印象中有椰菜、素菜、粟米、木耳雞、菜莆、芹菜、另外兩隻唔記得咗🙈真心每隻都唔錯，調味啱啱好，隻隻都有性格。你會feel到啲配搭好有心思，除咗係味道嘅配合仲有口感上嘅配合。皮係薄身嘅但仍然好有咬口，料係爆多隻隻餃都包到好貼邊又漲卜卜，咬落juicy。煎得啱啱好皮唔會過硬，入口啲皮軟同脆加埋充滿汁料嘅饀係好好質感。如果唔係一入舖時太熱忍唔住叫咗汽水，仲會想試埋個花茶，唯有下次試🩵Btw點解咁好食、客又無停過咁入去、食完現場又

今日試左韮菜餃、粟米芝士餃、木耳鉸都好味，但個人較喜歡韭菜餃同木耳餃，可能今日三點多先去到店舖其他味道已售罄。下次會再去試埋其他味道既餃子同其他小食，同埋今日見到其他客人食嘅手撕雞沙律。問過店員湯底係蟲草花煲雞👍應該無味精但個人較喜歡煎餃，餃子皮好薄👍煎得好香口，份量其實好夠但又饞嘴，仲試左牛肉餅米粉，店家的辣菜普也非常出色。喜歡辣的一定要試試。 進餐時見到很多人買外賣生餃，結果自己都忍唔住買了兩盒回家俾屋企人試吓！連菜普多買埋。

美孚新開一間小店，店內位置不多，眼見職員密密包餃子。見到佢地有唔同款式的餃子，就揀左兩款黎雙拼。一款是甘荀栗米豚肉餃，唔知同甘荀有無關，食落口粟米味唔夠香甜。另一款就揀左芫茜豚肉餃，味道較為香濃，入面仲夾雜住甘荀同木耳絲，口感一流。佢地既餃子皮夠晒薄，襯托起非常足的餡。另外可配上米線米粉等，完全係飽肚的FEEL

美孚新開既小店舖頭細細 大約得十個座位門口有員工即場包餃子🥟員工話佢地最出名係櫻花蝦韮菜餃咁我就嗌左櫻花蝦韮菜餃+菜甫餃煎餃雙拼$50 再加+$6米線底另外嗌多份粟米+木耳雞肉湯餃雙拼$49加菜底+$6佢啲餃子偏細粒 一咬啲涵就散櫻花蝦韮菜餃唔係好食到櫻花蝦味 不過味道都ok菜甫餃反而幾好味 辣辣地👍🏼另加$6嘅米線好淋 完全無咬口 岩無牙嘅婆婆食至於碗湯餃既湯底係木瓜粟米湯味道唔算濃粟米餃唔多好味 唔建議嗌木耳雞肉餃就味道正常 不過不失另加$6嘅菜底少得可憐 仲以為廚房俾漏咗 我專登問聲先知係得5條咁多最後要批評下個餐廳設計餐廳門口擺左個雪櫃 入面放左啲餃子專登show俾櫥窗外路過既客人望但個雪櫃正正係我張枱隔離每逢有人落單 個店員就要去呢個雪櫃拎啲餃子入廚房煮如是者 我進餐嗰一個鐘入面 個店員就來來回回係我同我隔離個雪櫃穿插咗5，6次有啲騷擾 同埋出餐時間非常之慢 我當日等左20分鐘或以上 店員話因為每隻餃都係即刻煎

新開左間餃子店，作為美孚友緊係即刻試下啦，今日試左煎9菜餃，老闆話係招牌菜，果然名不虛傳，外脆內軟，調味啱啱好，見咁好食我仲外賣左一盒生餃返屋企慢慢嘆，老闆好有心機教我點煎先好食💕💕返到屋企再試下煎比個女食，呀女都話好好味呀，下次想再試埋個沙律，睇相賣相唔錯好啱夏天，可惜果日太飽無試到