前田町壽司和食

營業中

休息中

呢間野開左好耐一開始時相當好的但愈做愈差，愈做愈少野，愈黎愈貴見咁耐無食呢間，上次走去食魚生飯唔係高級既日式店，唔用新鮮wasabi都理解賣相唔算太差，魚生大大粒唔錯，不過一食就覺得唔掂，三文魚無味，另一種唔知咩魚，偏白果種好腥。跟著啲醋飯係食唔出同白飯有咩分別。總體就係好差。

好後悔冇睇評價😫態度認真麻麻！我去買外賣，出面熱到死，佢叫我出去等⋯重點係根本就唔爆場！咁細嘅鋪啲客都係得一半都冇（仲要係食飯時間！）。用壽桃牌烏冬好差，成日餐要成$60！真心唔建議食！我嗌咗個炸蝦雞翼烏冬，烏冬個湯我唔知佢想扮豆乳定咩，麻麻地，啲雞翼係豉油雞翼😑嘩，大佬，好kam，浸味完全唔夾囉！行前小小都有間食烏冬嘅，叫鍋嚐，價錢差唔多，就算唔加錢轉手打/靚烏冬，人哋嗰間都好食好多！料又足！呢間嘢真係冇下次！

店舖本身已經非常之窄，坐得勁唔舒服和食物都好一般都算，但店員（應該系老闆娘）態度真的非常惡劣，叫錯野食問佢可唔可以幫忙轉一轉，佢就即刻嚟一句話你叫咗依個喎，搞到好似個客人係錯咁樣，咁我就問佢可唔可以幫我轉一轉呢如果唔得都冇所謂嘅，佢就話廚房好忙唔好搞咁多嘢啦，仲要係咁同啲熟客傾偈，其實你真係有諗過去處理呢件事我都可以接受，但唔係搞到好似我錯咗抵死咁囉，想食餐飯都可以食到咁不爽我相信都冇邊幾個客人接受到，可能係個老闆娘賺夠，覺得你嗰幾十蚊根本就唔自在，咁你當初都係靠嗰幾十蚊開始慢慢賺起嚟㗎啦，但如果佢係啲咁嘅服務態度咁嘅狀態咁不如早啲退休啦⋯⋯講真果句，就算你煮得幾好食都唔會有人想去食第二次。真係俾錢買難受！

老闆娘自己冇講清楚就話人點錯野，完全係將啲責任推卸比個客人，仲要一直喺啲熟客面前，一直講我壞話，話係我自己點錯餐，本身我係叫湯飯，佢落單嗰陣時一直問我係咪要飯，飯同湯飯都係飯啊，根本係佢自己冇講清楚，連一碗湯都唔可以拎出嚟，明明價錢都一樣其實解決呢件事有咁難咩？點解食個晚餐要受你氣

今日午餐想食日本餐, 所以同同學去到這間前田町食, 一開始沒有坐位, 所以要等, 之後有位員工在走廊開了一張枱, 坐得比較擠逼, 但總算可以坐下叫餐, 我是要了一碗地獄拉麵, 味道不過不失, 但食到最後的時候(還未食完,飲品都未飲 )就有一位大嬸(不確定是員工還是老闆娘) 在店內大叫:「食完未呀? 出面仲有好多人等緊架!!!」我相信除了這間食店外不會有一間會催食的, 這一次的經驗非常非常的差, 價錢並不是特別平的, 比市面上略高, 但態度上根本不能接受

今次冇影相，齋用文字分享。事緣小弟會成日喺度轉車返屋企，所以通常喺度食埋夜晚飯。其實一早知角落頭有間「日本料理」，但總係感覺奇奇怪怪，因為餐牌上嘅嘢食半日不中，似係啲港式日本餐仔，所謂日本料理都係得個名。今日真係唔知食乜，就鼓起最大嘅勇氣，行入去，攞自己個胃做個實驗。天氣仲係有啲熱，所以就諗住叫個冷麵食。一路以來我認識嘅冷麵有兩種，第一就係中華冷面，賣相好似撈麵一樣；第二就真係一碗拉麵，只不過唔係熱辣辣，而係冰涼版。當我見到有樣嘢叫「叉燒拉麵」，我就以為係後者。點知，見廚房出菜嘅時候，點解會有一個大湯碗+1隻碟呢？原來湯碗係用冷麵汁加冷麵，中間灑上一些芝麻，而個碟就裝住大約6塊嘅厚切叉燒，論份量來講，有6塊厚切來講份量真係絕對唔少。帶賣相就真係好中式，似乜呢？就好似阿媽屋企嚿煲湯豬肉，厚切完之後用一啲照燒汁撈返佢，未到來講，就係啲照燒汁嘅味道再加一夠煮熟嘅豬肉囉！同我心目中一碗冰凍版嘅叉燒拉麵，完全係爭一哩路咁遠！好啦，試吓個麵汁，甜到一個點，根本就係原裝麵汁，完全冇其他嘅調味調配！我印象中食中華拉麵嘅時候，麵汁唔會死甜，只會微甜帶一點酸，亦帶一點鰹魚汁嘅味道。至於個拉麵，事實上好彈牙

我係新搬黎住既人，星期六夜晚吾想煮飯就決定出街過對面美景花園食晚飯，其實美景呢度真係好多餐廳選擇，我地睇左好多間都吾知食咩好，行入少少見到轉角位有間日本料理既鋪頭又幾有特色，甘就打算幫襯下，結果又真係吾錯，我地叫左份牛肉炒野菜，魚柳冷麵，魚生飯，個牛肉炒野菜炒得夠香而且真係好食，魚柳好有魚味👍🏻至於魚生飯 三文魚亦都好新鮮，雖然吾係話特別高水準但不過真係值得一試，吾係話好好食，但至少呢個價錢食到呢個味道，係值得令到我地再去幫襯，呢間鋪吾算大但店內都有少量嘅日本餐廳嘅佈置。本身食完打算坐多陣但不知是否因為禮拜六的關係，門外也有很多人在等位，所以我們食完就急急腳埋單。

因為番學既緣故，又唔想食學校CANTEEN，就去左附近既前田町壽司和食。因為係LUNCH TIME時段，人很多，等左5分鐘有位了。食碗麵都要受氣，呼喝我地，小店員都係咁，超無禮貌同連基本尊重都無，好快快點食完就走。我諗應該唔會搵到態度更差嘅食肆，係嬲嬲地既情況下叫左個E 餐，叉燒雞肉串拉麵+ 一杯凍奶茶。(凍飲加HKD3)嗯，我諗大家睇相都知有幾CURSORY RICE FEEL，叉燒根本就係劣食，食左一啖都唔想再食呀。食得落既得好似7-11有得叮既雞肉串，起碼有D味道同埋有汁。至於個拉面，唉，用垃圾黎形容都唔過份，我都唔想浪費食物，成個面既面質比較林身。你睇下隻蛋，唔係流心真係好FELL呀!!!

老闆娘態度極差事原是這樣的，剛下班打算和家人一起去吃晚餐，看了看四周好想吃一下日式料理，然後就去了這間餐廳。進店後，店內只有2個人，那我們4人就行去角落坐，由於店內真的只有2位客人，他們坐在好遠，而我們又拿著一個好重的袋子，那麼就拉張椅子放著，等有人要用時才拿走。等餐來了部分時，一名年紀算大的大嬸在廚房走出來就指著我們的袋命令式的說:，然後我們就問他能不能拿圓椅子放(圓椅子摺著放在墻邊的)，然後那女人說:然後我們當時呆了。就快吃完晚餐時，我們聽到那女人在廚房一直超大聲的駡著，不知在駡誰，反正外面的食客都聽到她在大駡粗口(不包括我們4位應該還有5位)，之後不會再來這間吃了呵呵。

貼錢買爛受食碗麵都要受氣呼喝客人嘢又唔係特別好食連啲小店員都係咁以為自己係邊位, 可以咁無禮貌同人講嘢連基本尊重都唔識無乜競爭以為自己好巴閉應該唔會搵到態度更差嘅食肆

店鋪坐位十分淺窄，坐得擠逼唔舒適，樓面1:30左右趕收工清潔，逼客人坐曬一邊，有吉位都唔安排坐。我叫左份lunch,靖魚雜菜定食，凍綠茶少冰，靖魚偏油，炒雜菜，淨係得一款椰菜，份量少得幾片菜，凍綠茶叫左少冰，冰份量都占左半杯！1:40pm左右，樓面就開始要拖地半場，一路食野，都聞到一陣清潔劑味，影響食慾。老板娘亦係1:50左右出店面趕時間收工趕客，服務態度差，係店面聲量大加帶粗口教d樓面如何趕客，劣評！

中午1點左右我一個大肚婆入店進餐，樓面安排我坐單人走廊最出面個位，坐低無耐，我起身讓坐入面的客出黎買埋，我再坐返低，樓面又叫我調位走廚房個邊最出位坐，我再坐低無耐，又叫我起身讓位比入面客人行出黎，我問樓面可以坐返入面d個位嗎？佢話要做清潔，我再問佢甘最入個個吉位可以嗎？佢答：好好！我以為最終可以好好坐下食野。無幾耐，有個類似老板娘，短髮50幾歲既女人出黎，大聲兼加粗口同個樓面講：唔使理d客架，又唔係幫襯中晚兩餐，唔好阻我地收工打掃，我係趕客架，我係甘X衰架，就算街坊我都係甘話，我地唔憂做架！！聽完我真係好嬲，為左唔好影響我肚入面聽到哩d無品既燥音，我買單走人！老板娘開門做生意，基本禮貌要有，問清楚你伙計安排坐位有冇問題你再出大聲講野！要個大肚婆調3次位就你地清潔，仲要出黎大聲話人！好心你甘大年紀積下囗德！21/05/18，1:20pm左右，你自己睇下店內CCTV，就算睇唔出我個肚有幾大，都睇下食餐飯調左個客3次位，係咩待客之道！我係住係附近既街坊，哩一世我同全家人都唔會再幫襯你！你繼續每日出黎大大聲話自己好x衰，唔憂做既待客之道做到老！祝生意興隆！！！

附近幫櫬開嘅日本野無開，打算試試呢間。一入去叫野食，個侍應似乎對個餐單完全吾熟，態度又差，問非所答。我叫左個滑蛋吉列豬排飯，翻到去一開，果然真係只有一pat似蛋花多果滑蛋嘅滑蛋，吉列豬排，同飯，菜都無一條。食落口，未至於難食，但只能話非常普通，吾值呢個價錢。我以後都吾會再幫櫬。

經開美景商場，見角落位有間日式餐店，諗住支持下，但真係支持一次咁多囉，佢地食物還可以，價錢亦可接受，但今時今日仲咁嘅服務態度。。。 真係頂唔順店內嗰個老大嬸，有人幫襯自己坐咗埋邊好窄嘅位，佢見到就話其他員工做咩唔叫佢坐單邊位，嗰個窄位喺三人位嘅，大大聲聲咁講，把聲仲好煩，嗰個人唔食走咗，個大嬸竟然講唔食就把，真係好服務囉

點左呢個滑蛋雞扒+餃子拉麵+沙律我記得是$32沙律好凍ok;但系勁酸拉麵恰到剛剛好.湯好好味;不算太棒果隻.滑蛋雞扒+餃子雞扒好食.餃子裡的餡好少整體黎講好食~大食既我,當日我食得好飽!!