前座飯堂

前座飯堂係大坑一間好有性格嘅雲南／川菜小店，細細間但氣氛超熱鬧，hipster vibe 好重。門口霓虹燈、牆上貼滿手寫menu同貼紙，相機隨便舉起都好出相，啱晒打卡一族。招牌米線可以自選酸辣程度，由微辣到重口味都有。我嗌咗酸辣米線加炸雞翼，湯底香料味同酸味都幾突出，辣勁係後勁先出，但仍然食到湯底層次；米線滑溜唔易斷，配料份量足，食完幾飽肚。另加咗涼拌木耳同口水雞，花椒香同麻味好到位，唔會只係死辣，幾啱三五知己share 住慢慢食。店入面開放式廚房，播住獨立歌、客人坐得密密麻麻，好有大坑小社區感。店員雖然忙，但都幾有禮貌，又會主動收碟、幫手安排位。以大坑區嚟講，價錢算合理，CP值唔錯。想食重口味粉麵，又想感受吓大坑文青／hipster 氣氛，前座飯堂可以收錄喺大坑必去清單。…查看更多

有好多人都說大坑已經無乜好食但今日經過附近都想入去行返轉依邊真係多咗好多吉舖行行下見到有間個門口幾特別嘅麵檔入面又有晒音樂咁就入去試下餐廳主打手撕雞,無味精雞湯諗住通常話自己無味精都呃呃地秤但個麵到咗之後係有驚艷到我嘅感覺勁有呀媽落足料煲嘅感覺飲得出嘅collegen~
手撕雞都唔係機整 係用幾多就整幾多(見佢哋每次都整少少咁)
所以都無乜雪藏味~
如果經開大坑嘅朋友我覺得真係可以黎試下啲店員好似都幾輕鬆又玩得~😂…查看更多

勁耐冇黎大坑朋友BOOKMARK左呢間餐廳想一齊試咁就緊係奉陪啦😆餐廳走懐舊香港風, 有disco 燈 ,電影海報, 連餐廳門口既鐵閘都好有年代感✨特色手撕雞湯米線 $110米線可以揀幾麻同幾辣唔太食得辣既小星星揀左唔麻唔辣手撕雞份量足料, 雞肉超級嫩滑米線好出色, 爽滑煙靱湯底酸酸MAYMAY好開胃同手撕雞好夾成個感覺好夏天叫拌麵可能會再夾d星星推薦度：⭐️⭐️⭐️⭐️/5🍀朋友叫左米線加薯粉都唔錯, 薯粉煙靭, 同米線一齊食雙重口感😋📍前座飯堂大坑新村街39號地舖…查看更多

Bookmark左好耐既米線 ，價錢係貴但比想像更出色既湯底，原本大杭都多餐廳選擇次次黎都食其他野食到飽左食唔到正餐，今次終於試到泰式手撕雞米線 $88酸味濃郁同手撕雞好夾食落好香，加埋檸檬好清新果然係招牌米線！麻辣牛肉麵 $105牛展 3大舊 麻辣味一樣好香濃惹味比坊間食開啲麻辣小小唔同！泡椒鴨舌 $58份量似前菜多過似小食，味道真係唔錯👍🏻泡椒味十足，建議真係好鍾意食泡椒同鴨舌先叫！花枝蝦餅 $48味道唔錯 正常發揮…查看更多

今次同朋友黎大坑一試呢間手撕雞米線，睇完MM條片覺得間店好有style，雖然價錢頗貴，平時食開$4x-5x一碗米線，不過黎到大坑決定一於try try佢。店內裝潢好有懷舊特色，有80年代電影海報，天花有disco 燈，仲播住經典舊歌，感覺到店主係一個本土vintage 迷，係呢個環境底下食麵都特別有feel D。手撕雞米線好足料，湯底好濃，手撕雞好嫩滑，值得一試。…查看更多