利豐打冷小廚

營業中

休息中

星期日去黃大仙拜太歲，拜完神屋企人想食一盅兩件，係商場度等左成個鐘位都未有枱，上Openrice搵到呢間點心/小菜大排檔，下午有即蒸點心食，點心價錢由$19起，由於係大排檔關係，真係主要係食野，環境就欠奉了點。.一行3人叫左幾個點心，菜芥就每位$5，食物方面，我地點左蝦餃皇$22、蟹籽燒賣王$21、豉汁蒸排骨$20、南乳豬手$22、豉汁蒸鳳爪$20、山竹牛肉球$19、春卷鹹水角$20。可能係街坊點心既關係，食物比我想像中有驚喜，講緊大約$20/籠點心，蝦餃燒賣都有4大粒，蝦肉比例多得黎個皮薄，另外蒸野方面好似鳳爪同排骨每碟個份量都唔惹少，墊底仲係大量芋頭🤣 春卷鹹水角岩岩好即炸起，仲可以一碟裡面mix埋，鹹水角個皮好煙韌👌🏻.3人埋單唔使$180😅 平到有d懷疑人生，當然啦呢個價錢係真係食飯，唔好預會坐係度嘆茶幾粒鐘咁疏乎，食物質素絕對值得返兜😏

< 利豐打冷小廚 > 📍黃大仙今朝同母親大人去咗黃大仙祠 之後去咗呢間喺冬菇亭舊式街坊小店飲茶🤣❣️$5位茶芥❣️🦐利豐蝦餃皇 $22蝦餃大大隻 皮薄饀靚 入面有幾隻蝦肉🦐 都幾足料😋😋🦐鮮蝦腸粉 $22好耐冇食蝦腸😍😍 一碟有三條 腸粉皮唔算好厚 幾滑溜😋 一條蝦腸大約有三四隻鮮蝦🦐 蝦肉爽口彈牙 唔錯👍🏻 🐮山竹牛肉球 $19呢個都好抵食❣️牛肉球大大粒 牛肉新鮮 肉質軟淋 點埋喼汁食一流😋 山竹索晒牛肉同喼汁嘅味好好食😛🧡蟹籽燒賣皇 $21燒賣有四粒 比較多肥豬肉 入面都有好多豬肉同蝦肉 同一般酒樓食嘅差唔多😋💛四寶滑雞札 $22雞扎好大舊 腐皮包住芋頭、厚切火腿條、豬皮同雞柳😛 芋頭大大條 好粉好香芋頭味😍 豬皮索晒汁 好入味👍🏻

行山前去黃大仙冬菇亭飲個早茶～原來唔一定要早起身，因為呢度嘅點心做到下午😯。今次試咗七款：利豐蝦餃王$22🥢蟹籽燒賣王$21潮式糯米卷$20🥢雞絲滑粉卷$19叉燒腸$24🥢鮮蝦韭菜餃$22蠔王鮮竹卷$19當中最推介蟹籽燒賣王。大粒而且彈牙鮮甜，食得出蝦肉嘅比例頗多。腸粉都好有驚喜，腸粉皮夠薄而且口感夠軟滑。叉燒肥瘦適中，一啲都唔嚡。雞絲滑粉卷平日比較少見，以腸粉皮包住雞絲、蘿蔔絲、冬菇絲，再加入少量芫茜梗💚。腸粉皮滑溜，但餡料仍然保持爽脆，味道亦好豐富。

平時去飲茶多數都幫襯酒樓，今次就去左係黃大仙地道啲舊式啲既東菇亭飲茶。呢間利豐打冷小廚，地方都幾大，有室內外，係舊式大排檔風味。呢度好多街坊幫襯，個個都同呢度姐姐打招呼，好親切。呢度點心都算多選擇，成廿幾款點心，直接去蒸爐揀點心。我地越食越開胃，兩個人食左，蝦餃、燒賣、蝦腸粉、鳳爪、鮮蝦韭菜餃、牛肉球同鮮竹卷。款款點心都好足料，自己特別鐘意鳳爪及韭菜餃，鳳爪好入味有好香濃，碟底芋頭索哂啲汁好味。而韭菜餃做到皮薄多料，蝦肉鮮甜，調味適中，正。

今天專程來到黃大仙廟拜個神，祈求今年順順利利，身體健康，心想事成，願疫症快完，大家都可以過回正常生活！拜完神時間尚早，我朋友就建議不如去黃大仙最出名嘅冬菇亭飲早茶🍵我們來到利豐打冷小廚坐低，姐姐已經好熱情招呼我們，點個茶，真水滾茶靚，飲過靚茶，休息一下，姐姐就教我們到點心車自己揀喜歡食嘅點心，熱辣辣一籠籠點心放在眼前，聽姐姐講，好多移民國外嘅舊街坊都會返小店光顧，見到店內夥計同食客都好熟絡，經營出一份少有嘅人情味💪除蝦餃、燒賣，大大粒，真材實料之外，四寶雞扎、山竹牛肉球都好有水準👍另外，一定要提提豬肚燒賣，豬肚爽脆大大件，雞絲粉卷，用料十足👍

利豐打冷小廚難得禮拜六日放假當然就係想喺附近搵啲好食嘅嘢費事又去到咁遠啦而今次就去咗黃大仙最出名嘅冬菇亭以前阿爸推介利豐打冷小廚佢哋嘅點心出咗名即蒸即有特別新鮮馬拉糕入口鬆化又好味，真材實料， 大大份好足料豬肚燒賣大大件豬肚放咗喺上面，下面係燒賣食落口非常之有層次又好味燒賣蒸起熱辣辣，燒賣大大隻呢度雖然唔係一啲大嘅店但係佢哋充滿咗黃大仙舊街坊嘅風味，最緊要佢係保留左黃大仙有嘅氣質，如果喜歡懷舊老香港風味嘅朋友同埋愛點心嘅朋友絕對係一個好嘅選擇

黃大仙熟食亭有幾間食市，其中一間就係打冷。 身為潮洲妹既一份子，緊係要去試下啦！有出面同入面揀，當然打冷坐出面會多一些伯父，喜愛邊飲返兩杯，邊呼吸空氣，所以我地就揀左入面坐。Order 了一份滷水拼盤。 滷水拼盤包括了生腸，墨魚，大腸，豬耳，豬腩肉，紅腸，鵝片等等，份量很大，絕不馬虎。 滷水拼盤很入味，而且生腸同墨魚很爽口。另外， order 了韭菜豬紅，如果不吃韭菜的人士，可選擇轉芽菜。 豬紅份量也很大，適合多人享用。

係荷你活商場睇完戲十點鐘，大部份商場食肆差不多收，知道黃大仙區有美食亭又收得夜，就過左去食嘢，好耐之前有朋友帶過我黎呢間食過，記得D味道吳錯，所以就係到食————————————————————@生炒排骨——-夠獲氣，熱辣辣，脆卜卜，酸甜昧道又適中👍————————————————————@涼瓜炒鵝腸——-又係夠曬獲氣，香噴噴，熱辣辣，鵝腸爽脆又夠滑，涼瓜又不會炒得過熟，又夠味，好食😋————————————————————@三蔬魚尹煲———幾特式，通常D魚尹煲，多數用薑蔥，呢度用蔬菜🥬，🐟尹夠香口，又夠味，三種蔬菜🥬係———尖椒，玉豆，涼瓜，認真吳錯，食多D蔬菜身體都好D，又足料，大大煲，又夠味⋯⋯👍👍👍👍👍———————————————————-平日好小去大排檔食嘢，但之前去過記得呢間有兩邊，一邊係冷氣房，一邊係室外，所以天氣熱去食到無有怕，食物款式多，廚師煮嘢又好食，招呼又好✌️✌️✌️

是日和2位大哥食飯，本來諗住去黃大仙中心，但行到這裡，人山人海，應該無死錯人。味道方面正常但比較重口味，但份量超級足，當中有個呏豬肚蜆湯十分野味，果D蜆食極都有。但這裡煙味太多，下次再來的話，應該坐入面。

近日天氣轉冷，朋友忽然話想食羊腩煲，要有火爐的那款，我馬上記起，去黃大仙冬菇亭有火鍋爐的羊腩煲，店員說$328一煲，跟一碟生菜，嘩在想大排檔價錢都唔係平啊，不過算吧已經來到了，誰知原來上到來都幾大鍋，2 個人真係食唔晒，不過真的超正，好味道，羊腩很多，枝竹好味，還有冬菇，馬蹄，竹筍，真係物有所值，我下次再會想去食的

“冬茹亭，這三字相信對大家都不陌生，即使未去過都總會聽過！今次夜遊車河天寒地凍，尋食尋到黃大仙！這間利豐小廚24小時營業，宵夜有小炒,打冷,火鍋,炒麵飯,點心等等，大排檔的氣氛，蠻熱鬧！冬天，打邊爐絕對是不二之選！•皮蛋莞茜湯：莞茜量多，奉上時陣陣香味撲鼻，湯料還有些豆腐。大雜錦（走牛類版）,但感覺只屬約二人份量，有蝦,魚腩,魚雲,蜆,魷魚,豬潤,雞件,豬肉片,貢丸,豬肉丸,魚蛋,魚皮餃,炸枝竹,芝士腸,芽菜...食物方面不過不失，反而最正是最後食到差不多時的湯底，呈奶白色，超濃郁，不過其實飲打邊爐的湯底很燥熱的，但實在令人忍受不住，照飲也吧！

香港地一堆潮洲打冷，之前喺屋企附近食左個好出名嘅潮洲打冷，亦都有好多人食，但食落啲招牌菜，例如鵝片，都強差人意。以後去親潮洲打冷，都帶點兒戒心。今次去食就叫返啲正正常常嘅菜式，嚟一個肉: 椒鹽鮮魷，同炸大腸，再喊多一個菜，腐乳通菜，喊多兩碗飯，差唔多應該夠我地三條友食。椒鹽鮮魷配炸大腸，基本上冇死，正正常常，大家都知道咩味，香脆可口，好處係炸大腸難得食到唔係好咸，感覺唔錯。腐乳通菜炒得略嫌鑊氣唔夠，好在有條菜夠新鮮搭救，不過不失。

路經黃大仙工作 久未嘗大排檔風味 決定跟拍檔回味一下兒時味道。大排檔點心 唔好妄想有精緻 但確實有街坊味道。見到旁邊的街坊飲個茶食個包 吹下水 特別溫馨。牛肉球 大大粒 沒有成口粉團的感覺。唔會太咸。芋頭排骨 芋頭好粉 排骨好多肉 少肥膏。雞扎 火腿豬皮雞芋頭 如果有豬肚更好。菜苗餃 餃皮一夾就爛 餡料多菜少量蝦 不過不失吧。鵪鶉蛋燒賣 依家好難搵 見到好開心。燒賣唔會太多肥肉。岩我。最後仲叫了鳳爪排骨蒸飯 飯就比較硬 但熱辣辣都算幾不錯了。街坊風味 閒時回味一下。

家母今日到黃大仙利豐打冷小廚外賣自取一份$89一份滷水拼盤回家加餸豈料回家後發現內有一半是芽菜!!!!如圖所示, 只有四片紅腸, 三片魷魚, 小量其他滷味! 滷味味道不是特別好吃，只屬下等，不夠鹹味也不夠香。不是因為感到被騙而故意說成食物不好吃，若然我吃到$89的質素，本人絕對樂意付出$89去再光顧。但家母付出$89換來半盒芽菜和味道淡淡而且份量少的滷水，實在不能接受。黃大仙利豐打冷小廚實在很可恥收取家母$89, 但竟有半盒芽菜在內! 已經與家人達成共識永遠不會再幫襯利豐!

突然想食鹵水,但自從彩雲村大排檔執左之後就好少食,今次search下附近邊度有鹵水,見到呢間打冷就近近地黎試下先 餐廳有分冷氣區同無冷氣區,依加天時暑熱,無冷氣真係滴晒汗! 即刻叫左個鹵水拼盤$88,有鵝腸,豬耳,紅腸,豆腐卜,豬腸,珊瑚蚌(唔肯定)，仲有芽菜墊底。豬耳好多都係肥既部分,好少骨位,有d失望 鵝腸好爽口,豬腸都幾肥,紅腸豆卜都無特別。其實成碟都ok既,但鹵水味偏淡... 干炒牛河$43,一望落去就知唔夠味,因為顏色已經唔夠,不過牛肉整得幾好。最後叫左尤魚肉餅$70(好貴),呢個最好味,因為蒸得好嫩,夠味,不過尤魚切得唔夠細,成日都一塊塊