利苑酒家 (新城市廣場一期)

營業中

休息中

同屋企人飲茶，今次佢地揀咗利苑，點心雖然比較細件，但每款都食得出心機，蘿蔔絲酥鬆脆唔油，野菌餃皮簿口感好，叉燒腸個腸粉又滑又Q，叫左個二人臘肉排骨煲仔飯，上枱好大煲好多料，又有冬菇同菜心，臘肉唔太肥排骨冇雪味，最出色都係呢個炒麵，麵底炸過加埋汁撈埋又脆又軟身兩種口感重疊，帶子好鮮甜，有俾佢兩個主食驚喜到

好鍾意食沙田利苑，裝修完之後環境靚咗好多，服務都幾好，但唯一最唔好嘅就係限時！不過利苑嘅點心出名樣樣精，樣樣都好味😋最鍾意食嘅就係佢嘅煎堆，超有驚喜！當然佢嘅蘿蔔絲酥餅都係好好味😋

裝修後店舖面積縮小了不少，但風格未有太大不同。座位真的不算多，用餐前記緊訂座。少不了的冰燒三層肉，保持水準，皮脆不硬且有焦香，肉不肥膩，每次吃都覺得很驚艷。就是份量少價錢不算便宜，所以每一口都慢慢品嚐。另一每次來都必吃的。始創西施泡飯侍應先幫我們每人分一碗，我們自行加脆米。口感味道香氣視覺都是上乘。兩個人吃一鍋份量有點多，吃完已經超撐。上一次吃有點久遠，但印象中以前吃時湯底更濃郁。原本是想點節瓜蝦乾粉絲煲，但似乎落錯單變了另一款大蝦粉絲煲。我們也不介意就沒特意跟侍應說要更改，想不到有驚喜。蝦爽彈有蝦味，大蔥和粉絲很入味。吃完侍應會推薦甜品，由於太飽就沒吃了，但看到侍應在鄰桌很仔細的講解甜品杯每一層，覺得價錢確實有反映在服務上。兩個人$551

好耐冇飲茶，聽講利苑裝修重開所以同同事一齊lunch飲茶。點心整體感覺到精緻左（份量細咗）不過價錢都冇上調維持同以前差唔多。味道尚算不錯👍🏻加上訂位比較容易🤪不過沙田有好多中餐廳，所以都唔算特別吸引。魚湯海鮮泡飯係我最喜歡嘅。上湯配上炸米層次分明，好好味，每次去都會食呢個😋另外佢有個雲腿卷（好似係呢個名）都幾特別，都推介㗎係蜜餞金華火腿配中式夾餅都幾好食😋其他點心味道都唔錯但普通咗少少，唔逐個介紹啦

嗌嘅嘢食其實同平時差唔多，今次試吓豬手，但係發現唔好食！啲豬手我哋全部都覺得好so味， 唔知係舊豬手今次有問題品質，定係佢哋不嬲都麻麻哋？蛋撻同燒肉到香脆可口，燒肉$138有12正方粒燒賣覺得肥肉太多，蝦同菇唔算太多，口味冇豐富牛展同海蜇今次整得比平時好！記得上次食牛展係好甜，而且切嘅博快一片非常之薄，變相份量細咗，今次比足$68嘅料同埋功夫，好過上次好多！希望以後都維持到呢個穩定嘅質素！海蜇唔會比以前咁多油，唔會過分油膩唔錯服務質素OK，不過整體來講都係唔算高上呢度最好嘅就係廁所比一般酒樓乾淨，始終係高價位啲

今日來利苑飲茶，本身諗住小人啲等，試下呢間，入到去見到枱與枱之間好逼，當刻真係想立即走。之後照坐低，點左幾個點心，點心都係不過不失，唔係話特別好味，最好味都係魷魚鬚，我自己唔鍾意啲枱咁逼，所以一般推介。

你又去好耐冇去嘅利苑飲茶，試吓佢啲質素係咪同之前一樣！一踏入門口，就覺得嘈同埋迫為以前好多好多可能為咗做多啲生意？呢幾碟嘅質素正正常常，不過我覺得白灼時菜可以唔好落油整海蜇走芝麻好大碟，因為佢嘅density好高,所以非常之come食非常彈牙爽口，新鮮芝麻又唔會太重未，我記得之前係太強點麻油味蝦餃晶瑩剔透，鄙薄餡靚雖然細細粒，但係入面都蘊藏好多蝦肉！非常之足了滷水牛展切薄片入邊，調味OK嘅，不過我覺得甜咗啲燒賣覺得麻麻地，因為佢都溝幾多豬油粒 乾燒伊麵好友鑊氣！而且有少少芽菜同埋冬菇絲唔錯環境頭先講咗，減咗分！不過好乾淨嘅侍應嘅服務態度好似都唔同以前，有啲向下變差嘅感覺！好多時都會唔記得你嘅要求或者唔係太大反應到你想要嘅嘢

難得放假，就同媽咪飲茶😆自從佢裝修完重開之後都冇嚟過～入嚟第一個印象係啲枱迫咗，冇之前咁舒服😖茶錢$13位，我諗依家酒樓都差唔多喇～點咗啲嚟利苑通常都會食嘅嘢🤤雪頂餐包 ($42)😆我記得之前食係叉燒包，但今次係奶黃包😳但呢個都好好食，個皮超級鬆脆，就算內餡係奶黃都唔會過甜👍🏻燈影煎堆 ($38)係我最愛🤣好多地方都整得唔夠脆，又勁厚，呢度真係炸得好好，好脆身，又唔會油膩，名符其實燈影🤤蜂巢芋盒 ($39)又係啲考功夫嘅點心，我覺得佢一啲都冇退步，做到酥脆口感😌鮑汁鳳爪 ($55)又係每次都必點🤣呢度個汁調得好好味，鳳爪亦隻隻都好飽滿，只係凍咗啲汁會好快變杰，要快啲食😂之後就係相對大路嘅點心～北菇滑燒賣 ($42)唔小心比我食咗兩粒先影相😂幾有驚喜，食到蝦喺入面，而且好彈牙👍🏻韮皇鮮蝦腸 ($48) 嘅皮非常滑～入面嘅蝦都好彈牙，呢個都係水準之上👍🏻最後一個冇影到相係奶皇流沙包 ($42)～呢個都好食架，但比同佢好似嘅雪頂餐包搶咗風頭😂食物保持到水準，樣樣都幾好食，12:45前離座仲有85折添，但我覺得環境差咗，同埋午市滿座嘅時候都真係幾嘈😖呢個位就扣少少分喇～

與老人家慶祝生日，想找粵菜餐廳吃，最後選了這間。食物選擇多，除了海鮮類，同時也有不同的套餐及小菜組合優惠。有些沒有在餐牌注明的菜式，如比較大眾化的菜式比也可以落單時問點。最後叫了前菜 、小菜組合及伊麵。食物質素不錯。服務好，這段時間帶蛋糕來切，可免切餅費。

第一個放寬嘅星期日夜晚，兩個人來到,之前無訂枱，5:30嚟到利苑留咗電話號碼， 6:00就可以食啦，用餐時間到7:30。368$幾吸引下次可以考慮試吓七味粉炸豆腐雖是前菜小食，是第三碟上枱的。豬爽肉炒蓮藕片，正常。爽肉薄切，不錯乳鴿一般，無乜特別！是中size. 東坡肉配饅頭東坡肉夠稔，但肥係唔夠，瘦肉太多上枱時出煙的，但好快就變凍汁亦變為醬必食甜點落完單好快就上枱上枱時熱辣辣連蜜糖都係熱㗎必食呀！口味，不厚粉整體都可以的唯一是可能冷氣大，食物好快凍叫煲類可能好d⭕️座位間有距離感, 有透明膠板相隔

幫襯了利苑多年的年糕，感覺不錯。各款年糕的味道口感很好，賣相不俗，而包裝既衞生又美觀，送禮大方得體。～蘿蔔糕蘿蔔糕雖然蘿蔔配料不算很多，但亦適中。整體味道不錯，不會過鹹。質感軟滑幼細，煎了來吃，外微焦內軟，非常好吃。若再沾上XO 醬或茄醬來吃，味道便更濃郁。～芋頭糕糕內的粒粒芋頭既有口感又是綿綿的，芋頭味道突出。喜歡吃芋頭的話，一定不會令人失望。整體味道很好，蒸或煎來吃也適宜。～馬蹄糕片片清爽馬蹄藏在糕內，吃起來非常爽口，味道清甜。蒸或煎來吃也同樣適宜。～紅棗糕我的至愛紅棗糕賣相討人，兩層啡紅色的紅棗糕夾著中間的白色椰汁糕，顏色鮮明。蒸熱來吃，糯軟中有些咬口，味道又不會過甜，還散發著紅棗獨突的香味。

沙田利苑重開後,第一次去，但係D點心跟以前差太遠！只係叫5樣點心，蜂巢芊盒&鮑汁炆鳳爪兩樣都係凍的，芋盒重比較鹹，只有蝦餃，燒賣同咸水角都只係ok! 真係非常失望😮‍💨

裝修完之後第一次嚟食，感覺環境唔會差好遠，即係唔會靚好多～不過服務就差好多啦！好多嘢造瘻，又跌嘢又乘不過唔會怪佢嘅～😅灼菜有少少油，唔應該係咁的…胡椒豬肚幾入味！夠火喉海蜇同埋牛展都好味😋不過其實牛展一片好薄，同埋明顯偏甜！不過裝修之前好似都係咁嘅😅蘿蔔糕幾香口不過竉咗少少🤏蝦餃足料不過細細粒，走開精緻路線我自己鍾意食大粒啲，滷水豆腐好痛啦，因為太薄啦！啲肉都食唔得幾多皮同埋豆腐嘅比例唔好整體來講不過不失，係服務有啲特別，因為落錯單會影響到我哋時間安排！

見沙田重開利苑，又撞正做冬緊係要幫襯下啦，book左位都要等一段時間，可能我係4個人既關係啦，佢地都招呼哂d大台先😅裝修痳痳，一眼望哂d坐位格局細，而招呼就一般，可能大時大節都唔夠人手既關係，但係上菜好快，落完單唔洗15分鐘就上齊🔆冬瑤海中寶湯味道濃，料足，叫左半煲但都分到4碗，唔錯🔅鹽水菜心菜心都算嫩口🔅燒雞味道出色，香脆🔅咕嚕肉不過不失，味道普通，話好好食又唔係話難食都唔係🔅荷葉飯比想像中好食，畢左一碗都唔夠喉要食多碗

作為我最喜愛嘅中餐廳一聽到裝修完即刻九秒九衝過嚟試唉～我失望了並唔係唔好食只係比裝修前跌watt了蜂巢芋盒以前明明好酥脆而家有啲靭 完全唔係果回事生拆魚茸粥仍然都重果皮味但跟粥嘅油炸鬼又係唔夠脆沙薑鳳爪正常嘅 好味小籠包係最差嘅 個皮嘅頂部超厚裡面嘅肉散開 肉汁嘅味道亦都唔同晒絕對唔會再嗌流沙奶黃包流心夠熱好味蔥花蝦米煎腸粉keep到好脆好好味黃金豆腐粒係以前冇嘅重重嘅咸蛋黃味 好味酥炸魷魚鬚基本上同食炸粉冇分別真係太多炸粉喇燈影煎堆味道可以 又係唔夠脆蛋白杏仁茶仍然好味嘅裡面嘅蛋白仍然好有質感蘿蔔糕煎得好脆 好味不過食完好口渴XO醬龍鳳腸粉以前weekend先有今日weekday都有 淡咗少少 但都好味以上唔係我要求特別高而冇嘢搵嘢嚟講而係作為一個常客同裝修前嘅對比沒有比較沒有傷害唔係以前去慣嘅人應該感覺唔大啲嘢仍然好食嘅只係我未必會一得閒就揸車過去食咁囉我曾經懷疑過個點心師傅可以轉咗不過點講都仍然算係一間好食嘅餐廳