別府駅前料理 (已結業)

原本已經返到屋企休息架喇，見小惠咁有興緻想一齊晚飯，無問題，好 ﹗走去一品雞煲排長龍，再去築地都排長龍，最後決定去試拉麵啦，闊別多年的別府居現大埔出現 ﹗中學時代別府拉麵已由日本進駐香港，係銅鑼灣、尖沙咀專門只做拉麵既時候係最最最最好食既時侯。但約十幾年前轉埋做壽司、刺生、料理後，就越來越差喇 ﹗對上一次幫襯，應該係六七年前旺角雅蘭咯。大埔分店只開左幾個月，之前既元祿已頂唔住要摺埋。熱辣辣企係門口等左十幾分鐘先有位，我想食鹽燒三文魚頭，點知只有魚腩供應，唔要啦 ﹗有新野喎，萬聖節限定 ﹗但張相麻麻地，見隔離檯叫黎食，外觀亦都相當麻麻地，雖然朋友仔小雲大讚話好好食，我都係唔試喇。燒牛舌，何解唔係厚燒呢？薄衣衣始終肉汁同口感都差少少。薄燒還可以，牛味濃、口感微爽，不太腍，陣陣鹽香，夠熱幾香口，合格。燒鯖魚，無燒三文魚頭，唯有轉食其他。鯖魚本身魚味非常濃郁，魚油豐富，所以簡單烹調已經好好味。魚肉結實多汁，魚皮微脆帶燋香，唧上鮮檸汁加添清新味道，滿意。海膽軍艦，海膽那裡鄉下啊？軟棉棉略帶腥味，連埋青瓜同吃還好，唔理咁多吞落肚算數，飯粒黏濕而淡口，試一次便夠。活赤貝刺身，無得頂，好甜啊 ﹗顏色鮮紅立立令，即叫即開，新鮮無比，非常吸引 ﹗跟普通赤貝那有得比，爽嫩滑滑黏黏，真係有自私食既衝動 ﹗九州叉燒拉麵，肥叉非常鬆化不乾鞋，肥膏滑滑，愛五花腩的食家們必愛，加上清爽豬骨湯底都不錯。海鮮地獄拉麵走蔥 4 條椒辣，叫左 3 次走蔥，都係要加蔥既，您地咁聞塞架 ﹗辣度最多只有 6 條椒乍，等我先挑戰 4 條先 ﹗食拉麵當然先試湯底，輕嚐幾口，好濃郁豬骨地獄味道，依家諗起都有點冒汗 ﹗飲落直頭感覺到辣椒粉仲未完全溶晒架，黏在每顆味蕾之上，包得緊緊，而且越食越辣啊 ﹗熱由胃內散發到外，再運行全身，額頭開始濕濕地添 ﹗麵質好好，雖然未到初開業時等級，嚥韌滑滑，好滿意。青口、帆立貝、大蝦，雪藏海鮮還可以接受，無雪味亦無鮮味。府所以出名就係因為獨門地獄湯底同拉麵喇，期待質數回復當年水準啊。…查看更多

收左工唔知食乜本來諗住去食日本放題，點知兩個位walkin唔得，要訂位……咁就去左對面食啦！入到去得2 3台 ，以為好難食啦， 點知有驚喜呀！簡簡單單已在一個牛骨鍋，一個咖哩豬扒飯！牛骨鍋D湯好濃，好好味，仲有套餐呀！menu 見到平時一鍋個都要$70仲未包飯，依家都係 $76, 仲要有汽水飲超值另外咖哩豬扒飯, 好味過其他拉麵店好多! 尤其是味x拉麵！ 豬扒個皮做得啱啱好友唔太厚，豬扒ok厚，有少少肉汁唔太乾！ 仲包一一個麵豉湯可能地點問題唔係太多人, 但係都好味呀,可以試下啦…查看更多

中午1:30唔使等位，叫了兩個午餐，一個滑蛋雞柳飯$38，雞柳有雪藏味，另一個是等了足足30分鐘的䐁肉生薑玉子丼$40，呢個味道ok，但漏單⋯⋯眼看周圍新入座都食緊，而自己的⋯⋯唉，每個午餐都可以加$10換小食，我叫了餃子同吉列南瓜餅，味道不錯，到埋單時，仕應舉手表示知道我埋時，但居然無一個行去收銀打單，我再叫一次埋單，另一個先比單我收錢(加一總數$110)！整體上食物ok的，但員工就個個黑面，沒笑容，沒禮貌！…查看更多

24/5/2014 Sat星期六晚同男友撐檯腳，見有cash coupon $200就食別府啦~7點左右拎飛，等左10分鐘有位。店舖唔大，一眼睇晒，整齊企理。order左個二人餐 $298五品刺身盛 :三文魚、吞拿魚、北寄貝、玻璃蝦、八爪魚都幾新鮮~豆腐胡麻沙律個日式芝麻汁唔錯，菜亦爽脆~鹿兒島黑豚肉鍋紙鍋賣相吸引~豚肉切成薄片，肉質鬆軟松葉蟹膏海鮮炒飯好香口，飯炒得幾乾身，蟹膏惹味~吉列廣島生蠔趁熱食，蠔香皮脆東柚子牌蜜梳打 + 抹茶紅豆冰用完現金卷HKD200 埋單百零蚊好抵食 …查看更多

今天快手快腳收工去，皆因約左姊妹們飯局。大家都同住在新界區，為免收工後又出去同人逼，仲要等巴士小巴回家，於是我們選了大埔做飯局地點。而吃什麼東東就尚未有方案，即興是我們的共通點，見到咩就食咩亦係我們的宗旨(￣∇￣)。等齊人後我們到8號花園一帶食肆逛逛，周圍都人山人海又要等位，看到"別府"只有小猫三四隻，我從未試過這間，不用等的心態下就進去了。我們點了個二人餐，再來一些軍艦，秋刀鱼，天婦羅等等。二人餐之蟹子沙律不夠沙律醬。拌勻吃到底的時候，似在生啃一堆青瓜絲不過這是前菜不能要求太高啦..二人餐之刺身食物普普通通，沒有驚喜絕對是預料中事。原本對這個鍋也有些少期望的但一吃。。。打邊爐都起碼可以點下鼓油這個沒有什麼味道難道要點wasabi?不得不提這個燒法 它是燃點著一個類似化學包的膠包 一邊燒一邊釋放著膠味令我們感覺在聞一些有毒氣體似的。二人餐當然不夠四人吃慳家的我們看到三文魚腩第二碟有半價立即追加，但侍應跟我們說這個優惠沒有了。那為什麼還放那優惠menu出來呢?我們再加點了海膽卷。。到後期已經完全沒有照相的意欲了。總括來說，環境地點不錯，又不用等位。如不是有要求，連鎖式的質素價錢，偶有一次也是ok的。不過服務就要改善一下了，在沒有什麼客人的情況下，每次都要提出要求才會加茶，不會自動自覺的。收拾桌面亦如是。…查看更多

今天六點半鐘就吃晚飯了, 從大埔中心一直行, 行過別府, 媽咪話未試過, 就陪佢試一試啦! 其實我不嬲對別府冇乜好感, 不過媽咪叫到, 就奉陪一下... 2個人叫左4樣野, 同埋2杯野飲(飲品買一送一)D牛油帶子乾曾曾煎到樣衰衰咁, 唔期求會食到咩鮮味, 但入口食落都OK, 唔靱同埋冇渣.我叫了泡菜豚肉拉麵, 其實自己响屋企煮個豬骨拉麵加D 泡菜都係差唔多味, 係多左几塊燒豚肉囉.媽咪要了 吉列豬扒拉麵, 湯底太淡, 但吉列豬扒炸得几好, 外層脆口, 裡面有肉汁, 唔錯!鹽燒秋刀魚OK 啦, 熱辣辣上枱, 冇鯹味, 合格!  荔枝梳打只是糖漿加梳打水加罐頭荔枝粒, 冇特別, 但都唔飲. 作為只是填肚的一餐是還可以的, 連鎖店的質素就是這樣!…查看更多

最新大埔開了幾間拉麵店， 其中一間就是這一店。不知是不是因為新開既關係， 中午時間都無咩大， 小猫三四隻。但我係一個不會因為人多人少，而去平論好壞既人，一定會去試過，才知道好與壞！如果唔係好唔公平。我生平最討嚴那試只會討好那些讓他們試食既大商戶， 因為試食同背景去判斷食評好壞，利字當頭 。有些更加離譜，根本不懂吃，扮懂。其實這店既拉麵同食物真我好一些， 大路。講明係「駅前」即係「速食」啦！ 所以不可以用FINE DINNING 既標準來評論。跳不出連鎖店既框框是合情合理。老實說，這個價錢，這個地段來說，真的不太差。【豬骨叉燒拉麵】其實，麵質要改善一下， 湯底味道不太差，不過可以再濃些會更加好。 叉燒同配菜分量都叫OK，糖心蛋仍有進步空間。 【地獄拉麵】湯底不夠辣，肉不夠淋身也不夠入味。【日式煎餃子】， 包既肉不夠，及不夠多汁。…查看更多

晚市6點先開始，早左到要等它開門。雖然未夠鐘，但已有3，4家人等派飛。2個人order左2碗拉麵一個小食同1杯飲品。上菜時間一般，15分鐘先有杯飲品來，拉麵份量偏少，男仔會唔夠食，但拉麵一碗都around$6x，相對味千會抵食D，味道無咩特別，豬軟骨夠軟，但咸左D。炸雞拉麵D雞分開上唔會淋BeBe。不知係唔係對它D拉麵敏感，當晚2人食完都覺得肚脹脹。(純粹個人反應）。小食不過不失，個花枝餅味道似一般食到的墨魚丸。而那杯所謂人気no. 1的巨峰提子都係一般，有D似藥水味。可能新開張，有好大陣傢俬味。要等位可能唔會揀它。…查看更多

點解我等咁耐先有得食？全因技術問題。新店店員緊係生手啦，看門口條女嗌得細聲，飛仔號碼又㩒得超快，一唔見有人應就即飛落下一張飛，我行左轉旁邊既屈人寺啫，響門口聽住佢快速嗌過左我張飛號之後仲極速嗌多3張（果3張都係冇人應），我行到埋去問佢係咪到定排過啦，佢話岩岩過左3張要排過之後直接嗌第4張，擺明趕客想快啲嗌晒返去休息啦！入到去坐窗口位，我好似金魚缸入面啲金魚咁，一路食一路俾出面等候既食客啤住，仲有搭完k巴落車既乘客都會8掛望吓你，真係好大壓力，食得唔安樂。叫佢加水嗌左3個人都仲未加到，啲侍應明明係企埋一邊吹水唔係忙緊。大家要注意，佢地會問你啲野黎齊未，如果齊晒佢地係唔會再加水俾你飲既！講返野食，叫左個長方形pizza,個底係麵包舖果啲pizza包味，唔係正宗pizza果隻味，上面冇乜醬，乾爭爭既。拉麵跟味千同級，豬骨湯底甜甜地冇乜驚喜，佢地啲拉麵全部都冇荀既，岩晒我，我最憎啲荀味。但我唔食辣，所以可選擇的款式較少。…查看更多