初心

在香港也吃得到日本極高質燒肉omakase🤤好想念日本 但冬天吃壽司魚生又感覺很冷🥶去吃一頓熱辣辣的高質日本燒肉 就是爽☺️這店讓我吃到日本的味道了😭🥺💗師傅會嚴選日本最新鮮的國産牛肉丶豬肉和魚鮮配以專業又有特色的方法烹調每一碟的味道也令我驚喜🥺💗整個omakase共有十二道菜（5💗最好吃，1💗是不推介）1.鰝堅魚配柚子醋💗💗💗💗2.日本鮮帶子配魚子醬💗💗💗3.生牛肉他他配檸檬皮和洋蔥💗💗💗💗💗4.鹽燒牛舌💗💗💗5.柚子胡椒燒蒙古牛💗💗💗💗6.鹿兒島雞扒南蠻漬💗💗💗💗7.A5和牛牛肋條配淡雪葉💗💗💗💗💗（日本菜小知識：淡雪葉是日本海水加入米漿而成，讓菜菜式有海水的清鹹味和淡淡的米香）8.柚子醬油煙鯖魚💗💗💗9.汁煮蘿蔔黑毛豬肋骨💗💗💗10.M7雪花和牛雜菌紫蘇花💗💗💗💗💗（紫蘇花為紫蘇葉花莖的部分，比紫蘇葉的味道較淡更易入口）11.鰻汁燒牛肉飯團💗💗12.和牛味噌湯💗💗💗💗餐單按季節會有所不同👅我約了很久才能吃到🥺愛肉人士gogogo(๑•ᴗ•๑)♡…查看更多

貴5代表好食，一千起一位，師傅整完講解點食，你話味道就見人見至啦，我覺得未至於話難食，但真系靠果兩口澳洲和牛就就一千起，一千起我食價錢比你平比好食噶野實在太多啦，講真味道不如出面整得出色的叉鷄飯，open rice話價錢都係400左右，我自己又無問，尼個真系自己問題，早講係一千一位，我會同朋友食自助餐好過，希望大家食前問清楚先去，環境係5錯但一千係不值的，服務一般吧，比起自己燒好了一點，值一千嗎，真不值…查看更多

目前為止，體驗最差的一間餐廳，因此決定作出超詳盡報告，以免其他人跟我一樣，錢花了，美食吃不到，還一整晚被教育指摘！我們訂了7:00四位，由於負責訂位的朋友忘記帶電話，因此準時到達的她一進店，便慘被經理埋怨聯絡不上，但其實朋友的WhatsApp當天仍是如常運作。之後經理再問我們是否知道晚餐收費$1000/位，語氣彷佛這是我們第一次光顧人均消費四位數字的餐廳，深怕收到賬單後的我們會心臟病發，後來再被告知原來卡機壞了，只收現金，所以立即吩咐我們去附近的ATM提款。當然大家沒想太多，只是覺得經理表達能力有問題，不善言辭，所以也就算了，乖乖地去提款就好了，不過之後發生的事令我徹底明白，一切都源於餐廳格局低！由於是Omakase，那位「所謂師傅」都有循例地問我們有沒有戒口，第一道菜是牛肉他他，但我們四位當中有三位都不吃生牛肉，「所謂師傅」得知後表示難以置信，並一再盤問不吃的原因，在我們堅決表示不吃生牛肉後，才勉為其難地改為半熟，他的語氣態度差點讓我以為不吃生牛肉是犯法。後來再想想，「所謂師傅」是問我們有沒有食物敏感，意思是只有吃了會死的才能拒絕，要不然他煮什麼你就吃什麼，不得異議。吃完非常普通的牛肉他他，「所謂師傅」就開啓教授模式，先問大家覺得味道怎樣，出於禮貌，大家都稍為有一點點正面回應，不過可憐了唯一吃生牛肉的朋友，因為吃生牛肉這個識時務的舉動，得到「所謂師傅」青睞，指定她找出這𥚃的牛肉他他跟外面吃到的有什麼分別呢？嘩，這問題一出，我看到了朋友頭上的冷汗如大雨一樣滴下，因為做得那麼普通的一道菜，要我們這些凡人如何找出特別之處來稱讃呢，「所謂師傅」大概感覺到高估了朋友的悟性，以自問自答方式公佈答案，答案就是他做的生牛肉他他吃起來不像牛肉之餘卻像極了魚生，最後朋友唯有以流於表面的演技表示讚嘆去完結這個話題！之後陸續地吃了些海鮮，和牛，黑毛豬之類的，之後會再逐一介紹，當然，吃完每一道菜，「所謂師傅」都會預備問題考考大家，大致都是要我們猜猜他到底用了什麼自以為特別的食材，以及表面詢問意見，實際等待讚美這個經典環節，老實說，食物不過不失，沒有那一道菜讓人驚豔，卻又不難吃，所以大部分時間我們都有配合「所謂師傅」的虛榮心，直至燒粟米的出現，「所謂師傅」再次以浮跨的手法包装非常普通的食材，本來打算如之前一樣以演技帶過，但燒粟米實在太韌，燒的時間過長，以致表面燒得非常硬且乾，內𥚃又過韌，我吃了一口就沒辦法再吃，而「所謂師傅」表示他特地採用了糯米栗帶出咬口，而糯米粟這些在街市隨處可見的食材，在「所謂師傅」口中再次成為稀勢珍品，再加上火焰牛油，簡直是此品只應天上有，而不食抬舉的我竟然建議「所謂師傅」下次可改用普通粟米，此舉應該徹底打擊到他的自信心，「所謂師傅」立即當面訓斥我，他首先以權威口吻問我「廚師發板」是什麼意思，再配上自信滿滿的眼神闡述「廚師發板」的精粹就是吃廚師喜歡的味道，客人只可以配合，不可以有意見，當然更不可以不喜歡，上面提到「所謂師傅」表面詢問意見，實際等待讚美這個經典環節，我是到這一刻才弄明白的。被「所謂師傅」狠狠地教訓完後，也就默默地自己消化掉了心中的憤怒，不過「所謂師傅」堅持不放過我，整晚共提醒了我三次Omakase的真正意義，到第三次，我內心的恕火已經控制不住，而剛好上甜品，所以我一口都沒吃，「所謂師傅」見狀，竟然膽敢問我為什麼不吃，我只好真接說：「你嘅口味唔啱我呀，唔食唔得呀，又要比你教訓呀。」，「所謂師傅」的氣陷似乎瞬間瓦解，見他啞口無言的表情，內心的怒火也只是撲熄了一半😡😡😡😡我知道$1000/位的Omakase一定不會是很高級的，所以食物新鮮度及味道，我是可以接受的，但此店服務態度之差真的讓人難以忘懷，以$1000/位的價錢吃了一肚氣，還要配合演出，究竟做錯了什麼，才會遇到這樣低水準的餐廳及廚師😡😡😡如果大家希望測試下自己的EQ，不防去這家店試試，相信「所謂師傅」不會令你失望！…查看更多

原來生命真係好化學，無人預算你份劇本下一埸戲係點寫，每一秒鐘，世界依然會繼續運轉，唔會為你停落黎。所以有陣時會諗，最緊要學識呢四個字「活在當下」，想做就做；想講就講。係熄燈果日前確保唔會帶埋遺憾、後悔、愧疚離開。而今晚我好好享受以Omakase主題日式燒肉店「初 心 日 式 燒 肉 店」，佢地以備長炭而打響頭炮，絕對岩哂識飲識食既朋友呀！👇📌初 心 お 任 せ –♦️先 付 -▪ 北海道根室水產 · 紫海膽▫ Omakase既好處就係唔洗自己煩惱，由師傅安排當日最時令既食物，咁就最岩啦。呢款前菜由紫海膽打頭炮，配上牛膀、蒜頭、蟹膏醬、小菊花花瓣。底層用左豆腐，一啖過入口非常鮮甜滑溜，清新開胃。▪ 帆立貝 · 醬油漬▫ 另一款前菜就係用上帆立貝配上醬油漬，配搭海草、蟹籽，整體口感爽彈無比，加埋黑松露醬突出成個香味，相當好食。♦️牛 肉 の 韃 靼 -▪ 和牛 · 他他▫ 能夠食到生和牛既真係好少有，呢個和牛他他用左洋蔥粒、京蔥絲、小菊花瓣、柚子皮混合一齊。而食落和牛口感相當滑溜，配上自家製燒肉汁，份外惹味；底層連埋鱈魚乾一齊食，仲食多一份魚香，認真唔錯。♦️牛 タ ン -▪ 澳洲厚薄 · 和牛牛舌▫ 以厚薄兩種口感唔同既和牛牛舌為味蕾更上一層樓，睇住師傅係席前將新鮮山葵刨碎，再鋪上牛舌上面，視覺非常治癒。而加左洋蔥、芽蔥，口感大增，而且師傅佢佢燒得岩岩好，油份到位，又夠咬口，好食！♦️薄 い や け ど -▪ M7和牛 · 薄燒牛扒▫ 輪到期待已久既M7出埸，師傅將佢薄燒後再切件上，每件和牛經過醬油漬後變得相當濃郁，再配搭柚子胡椒，份外惹味；而且和牛質感食落軟腍多汁，完全唔乾身，幾有驚喜！♦️醋 物 -▪ 石川縣 · 能登半島 · BB海參▫ 一個好特別既小食，清洗一下味蕾既醋物。以BB海參為主角，師傅加上好多海草做底，加強爽甜感；再混合土佐醋令海參既味道變得酸酸甜甜，特別解膩。♦️く ろ げ わ し ゅ -▪ A5佐賀黑和牛 · 扁胛肉▫ 輪到A5出埸，師傅今次用上既部位係扁胛肉，同平時食開既燒肉店有少少唔同。雖然油花一樣好重，但呢個份外多左煙韌，特別有"趙"口，比我想像中更加好食。♦️し ら こ -▪ 三文魚 · 白子▫ 其實白子亦姐係魚既精巢，真係人生第一試到。原來入口好似奶油果種好creamy既感覺，而師傅將會淋上辣椒羅白蓉、柚子檸檬醋，所以無我想像中果種腥味，反而相當清甜。♦️ア グ ー -▪ 熊本縣 · 黑毛豬▫ 食左咁多件，係時侯試下黑毛豬啦，師傅用左我地平時食叉燒既梅頭肉位置，所以口感特別腍滑；配上自家製酸辣汁，味道酸辣得黎，好易入口。而呢呢個就係呢到既賣點，以獨家自製既汁頭，幾有意思。♦️冷 凍 和 牛 -▪ M7千層 · 凍和牛▫ 好似個千層塔既賣相，睇落非常好靚仔；食落質感冰凍涼快，配搭柚子醋，味道更加突出。和牛既質感鮮甜爽口，油香豐富，呢個一定要試！♦️和 食 -▪ 蟹肉 · 烏冬 -▫ 師傅用左大量青瓜絲、蟹籽、洋蔥絲鋪上，而用左好特別既紫蘇花做配襯，而佢既花芯同花莖都可以食用，多左一份清新花香，好特別；另外加左蕃茄沙律汁，清甜得黎烏冬又夠爽口彈牙！♦️熱 う ど ん -▪ 和牛 · 味噌湯▫ 熱湯就有呢個和牛味噌湯啦，新鮮滾熱辣，每啖湯入口非常濃烈入味，味道又唔會太鹹，仲可以refill多一碗，認真抵飲。♦️デ ザ ー ト -▪ 冰燒菠蘿 · 宇治抹茶布旬▫ 最後既甜品為今餐席前燒肉Omakase做一個完美既結幕，呢個菠蘿先燒熟再冰凍，口感層次更加豐富；而抹茶布旬由師傅親自自製，茶味十足而且加左紅豆同埋忌廉，甜得黎又唔會太膩，好食！…查看更多

在灣仔的初心燒肉，是少數香港有專人服侍的烤肉店，自己唔使動手，不用擔心生熟，有師傅出手永遠剛剛好。此店特色是沒有菜單，全部由師傅發板的牛肉套餐，套餐會有不同的牛肉菜式料理，有前菜，山牛肉及熟烤牛肉，係牛魔王的首選。裝修有日式味道，炭爐就放在你的前面，不過不用擔心此店抽風十分良好，吃後不會全新肉味。前菜的生牛肉放在鱈魚的脆片上，加上調味的蔥花，少少菊花及芝麻調味得宜，前茶仲有生蠔，加上日式的酸甜汁挺開胃。主菜有日式備長炭烤牛肉，牛肉有牛舌有肩及其他牛的位置。除了烤肉仲有現代版的壽喜燒，壽喜燒汁加上燒肉，仲有少少魚子醬及滑蛋，口感與傳統的與別不同。仲會有西式的燉牛肉湯牛加飯團，肉味濃而不膩。每種菜式都有各自味道，不會很寡，就算全牛宴都會食得很開心。師傅亦會很細心，講解每一道菜的調味及配料以及牛的位置，食完呢一餐好像上了一堂牛的烹飪課。如果不夠飽，還可以追加不同地區的牛，店長推介他們引入的蒙古牛，口感十分柔軟，味道不是很濃亦可以一試。…查看更多

大熱天時岀去食餐晏都唔易架。經過試下燒肉啦！無訂位差d冇位，間舖只有大約20個位。裝修幾骨緻，日式簡約風。吧枱已坐滿，老闆帶我地上閣樓。多人包場幾好嘅，否則因為閣樓好應聲，隔離大枱笑嗰時好嘈冇訂位，冇留食物，上到閣樓先知只有和牛丼同黑毛豬丼⋯我地每樣一份試下個麵豉湯幾好味～前菜就普通啦，不過不失主菜來了！黑毛豬丼到先老闆好有原則咁要我地先食豬肉，唔夠味可以點少少汁，豬軟骨唔洗點汁，但好強調豬肉一定要即刻食！豬肉夠林，見到粉紅色其實有少少驚，味道都幾好～ 豬軟骨就肉好好好韌！純血和牛大盛來了！見到個名都期待架！可惜真身就⋯⋯老闆話唔夠味先點汁，但我覺得塊塊都唔夠味⋯⋯點汁又咸，唔點又冇味唔算韌，牛肉份量幾多，但無味真係唔知點食唔想浪費食晒，但唔覺自己食緊和牛…查看更多

朋友介紹這間在小巷裏的師傅發板燒肉店非常有驚喜店舖分為兩層，下層全是吧枱，有師傅在你面前即燒燒肉晚市套餐只有一個價錢每人$780 +10%有調味後的生蠔作前菜，10分新鮮之後上的生牛肉他他有柚子及菊花片作調味十分清新之後的燒牛脷有分厚切及薄切，同樣美味之後的牛肉有用炭火燒，有壽喜燒不同方式最後還有燒飯團及牛骨湯十分滿足師傅會一邊燒一邊介紹牛肉及產地，而師傅亦十分風趣及健談還可以加錢追加特別燒肉部位，但我們那天晚上已吃得十分飽，所以沒有追加過了一個愉快的晚上…查看更多

Eating is a necessity but cooking is an art今次同朋友去到灣仔食Omakase不過今次呢個Omakase同平時有小小唔同佢係燒肉既Omakase每一個位都會有塊木板 而木板上有三種唔同的漬物 等你安頓好後 師父就會上啲開胃既前菜小小既總結:宮崎蠔: 中等Size生蠔 蠔味重 但無咩鐵銹味 海水味淡 少少Creamy牛肉他他: 全生既牛肉 但佢完全無腥味 一入口就係一陣檸香味 同埋佢既肉係好軟嫩M5和牛迷你壽喜燒: 由一人小銅鍋放上 入面放得好精緻 紫蘇花要浸入湯汁而塊牛肉可以俾你自己浸到你想幾成熟(因為每個人想食既熟度不同) 我就浸到六至七成左右 塊牛勁滑魚籽醬溫泉蛋和牛卷: 我撈勻蛋 魚子醬 蔥同牛一齊食 食落又滑又香口 食完仲有陣陣既魚子醬餘香係口腔內Overall:初心的食物賣相精緻可口 Omakase最好係你可以見到廚師準備既過程 聞住香味 滿心期待上菜既一刻初心日式燒肉Location: Wan ChaiPrice (10 is expensive): 7/10Yummy (10 is delicious): 8/10…查看更多

今日難得約咗好姊妹出嚟食大餐，呢排香港嘅環境搞到個人好多負能量，不過食完呢一餐之後真係充滿正能量。麗燒肉店一定要食嘅就係燒肉，肉質好靚，唔肥唔瘦，燒完之後火候啱啱好，入口即溶，食完會再想食，另外值得一提嘅係個燒菠蘿，食完燒肉之後覺得好飽，食返個燒菠蘿，真係即刻可以order多兩碟，一定會再嚟嘅一間餐廳。…查看更多

為了慶祝生日， 但又擔心衛生安全風險， 朋友竟然包起了整間餐廳，以滿足新的法律與衛生要求，用心良苦呢。每一碟菜的分量不多，但很精緻而且味道好。非常感謝朋友用心安排餐廳款待，讓我們過了愉快的一晚。…查看更多

肺炎疫情下，相信侄兒一歲前都不可外出，需要長期留在家中。為了令他不苦悶，我特意去玩具街挑選玩具給他玩。買完戰利品後獨自去覓食，直行數步，看見初心日式燒肉店的宣傳架，它的日式燒肉好像挺不錯，一於試試看。初心日式燒肉店分為兩層，下層是日系開放式吧枱，食客可透過此觀看大廚烹調的過程，邊看邊食。至於上層則走和風木系，清雅幽靜，與樓下熱鬧非常的氣氛形成對比。原想吃自家製鰻魚丼，可是數量有限，已極速售罄，唯有轉吃純血和牛大盛。丼飯均附送味噌牛肉湯一碗，味噌湯濃郁不死鹹，還帶牛肉的鮮，用料豐富，餐前來一碗真的不賴。純血和牛大盛密鋪兩大層純血和牛，份量實在不少，為了讓食客品嚐到肉本身的品質，和牛沒有作任何調味，高溫瞬間鎖住肉汁，油花均勻，肉質柔嫩細緻。這碗丼飯配有酸薑片，青蔥和菊花，讓整體口感豐富及增添清爽度。除了肉品之外，白飯亦是丼飯的靈魂，飯粒粒粒分明，是我喜愛的咬感。淋上大廚特製鹹鹹甜甜的燒汁，忍不住多扒上幾口。…查看更多

星期五黎到一間隱蔽的日本餐廳，位置於麥加力歌街（即近太原街尾）的初心 ，平時比較少經過呢一個地方，原來臥虎藏龍樓上閣樓環境唔錯，私隱度極高，如果傾生意或者同親友聚會，就啱晒啦！叫咗個純血和牛大盛，和牛薄切，粉嫩顏色，牛肉肉質柔嫩，帶點肥油，正！ 下面嘅日本米飯仲軟綿綿，加上佢獨立嘅秘製汁醬，酸甜適中，能夠帶出和牛本身的牛味。除咗牛之外呢度仲有鰻魚同埋黑毛豬可以選擇。我就另外叫咗岩鹽燒熊本黑毛豬丼，黑毛豬肉的肥瘦比例剛剛好，但有些豬油香，加上另外的辣汁，更為開胃。隨丼飯附送的，還有蒜頭海帶小食，另外還有用和牛熬製成的麵豉湯。好有風味，回頭指數有75分，值得一讚。…查看更多

近排疫情關係，少咗出街食飯，但係返工嘅日子有時都要出外抖抖氣。近排唔知大家有冇睇龍珠呢？聽說睇龍珠有助抗疫😆仲話要食多尐牛喎！！！！🐮🐮🐮🐮🐮🐮牛我一定支持啦😆數數手指應該係第四次嚟初心食😋由皇后大道嗰邊入呢條行，差不多行去尾嘅左手邊提醒自己「勿忘初心」之前過年期間勁抵做八折，依家做九折！試過牛舌、豚肉、試過韃靼牛，今次揀咗純血和牛大盛。今次多咗有鰻魚揀呢。樓下是吧座，可以見到師傅製作，可惜人多關係被安排坐閣樓這個茶壺好有份量呢好鍾意依個竹筒製成嘅杯子，仲刻上店名👍🏻影咗一陣睇，我嘅純血和牛大盛就出現我眼前純血和牛大盛$238頂層用咗生洋蔥，香蔥和花瓣裝飾；牛塊舖滿在熱騰騰的白米飯上🤤此款牛不是勁濃牛味那種，但肉質是軟嫰那種，大約燒至5成生熟度，完全保持肉汁👍🏻米飯也吸收了部份牛的肉汁，更加好吃😋如果可以被安排坐在吧檯前品嚐，應該感覺會更好⋯⋯⋯下次訂座要問下可否安排坐在吧檯先⋯⋯⋯👉🏻👈🏻…查看更多

初心是不能忘掉的作為一個資深宅男，經常溜逛有香港秋葉原之稱的太源街，是很合情合理的聽說日本出了一套新的扭蛋，馬上約宅男二號去太源街走一轉幸運的，給我買了最後一套馬上告知同好開心Share，邊溜手機，一直沿太源街走忽然之間，抬頭一看，看見了一頭牛在牆上好奇心驅使下走過去看看原來是一家名為初心的日式燒肉店進店一看，是吧枱式設計，而且是用炭火燒的一直都很喜歡這種日系風的餐廳設計坐下來看一看餐牌，有一個初心午之選，想都不用想就點了一份熊本黑毛豬丼大盛，宅男二號就點了一份純血和牛大盛這丼飯號大盛，份量之多真的不能小覷，簡直就是地盤佬飯的份量丼飯上枱的時候，心真的怯了一下豬是有兩款，有豬肋肉和豬頸肉，配合上餐廳特制的甜酸醬真的不得了手多多夾了一片宅男二號的純血和牛嘗嘗，生熟程度適中，不會熟到變韌，亦不會生到出血，要做到這個境界，經驗和技術少一點都做不到…查看更多

呢日返公司拎完之前訂落既貨之後，就搵埋同事一齊食野之後先返歸~~同事係呢區做左好耐，係呢區既地頭蟲，呢次佢就帶左我黎呢間位於小巷入面既小店到開餐xpp呢度分為上、下兩層，下層主要係for食omakase既客人，而上層就for返食丼飯定食既人客既~~睇完meun之後，我地各自揀左一款丼：）丼飯未黎之前，先有湯品同漬物~~前者暖胃，後者開胃；）特別喜愛呢款蒜漬，咸酸帶甜，正好喚醒味蕾，為之後既牛丼盡開胃口xpp我揀左店員推薦既 純血和牛大盛$238~~係半熟粉嫩既肉片上蓋滿洋蔥絲，倒至醬汁調味後又係另一種風味：）挺欣賞呢度既米飯粒粒分明，口感軟糯，配以嫩肉確為合拍！同事所點選既係黑毛豬豚肉$188既丼物，賣相亦覺吸引~~既有三大件豬肋軟骨、數片脂肉雙間既豚肉片、三根健康既秋葵同車厘茄，感覺好豐富！！同事更讚賞當中既豚肉肥嫩，係配飯既良品xppp呢度既丼物份量不少，食完整碗真係好滿足！！！…查看更多