初味

營業中

休息中

{燒西班牙乳豬配黃薑飯·香茅蝦} $118 午餐首先當然要講吓主角乳豬，即叫即整熱辣辣，同中式乳豬唔同，唔會淨係食皮而大部份嘅肉都好硬，依款肉質好嫩滑有肉汁乳豬皮十分酥脆，加上皮下嘅脂肪，一啖咬落去好有滿足感乳豬份量唔好以為佢好少，其實份量啱啱好，而且仲有香茅蝦、黃姜飯同配菜好好中和咗油膩感。整個午餐仲包括沙律同一杯嘢飲，連隻杯都好精緻，成個組合係大滿足環境方面都幾舒服，想清靜咁嘆個靚午餐係唔錯嘅選擇

因為疫情關係我都有一段日子無出街食飯啦。但係真係好想食呢間餐廳嘅燒乳豬，自己係屋企整到嘅嘢好有限，燒乳豬絕對自己整唔到。所以今次決定去買個外賣返去加餸！每逢係西班牙餐廳見到一定必點燒乳豬，但係無諗到係呢間小店都有燒乳豬食。食到時都幾驚訝，皮燒得薄脆，肉質保持鬆軟多汁。本來淨係想買乳豬，但發現自己都好耐無食甜品，咁就買埋甜品拼盤返去，一共有四款甜品，我覺得提子冧酒雪糕最特別，味道唔會太甜，唔錯。呢間小店，雖然裝修不起眼，但食物質素確係幾好，會繼續支持小店！

呢度既lunch set都幾抵食上次黎食叫左個燒西班牙乳豬配黃薑飯。燒帆立貝有沙律、餐湯、飲品，都係$108再加一呢個價錢我覺得真係幾超值去D靚少少既西餐廳食個LUNCH都要百幾蚊啦, 仲要可能得一碟意粉仔, 食完肯唔會飽個種百二蚊可以食得飽之餘仲要好食, 咁點會唔抵呀?講返食物先西班牙燒乳豬皮脆肉嫩, 仲好JUICY添堅係食到豬肉既甘香味, 點埋佢地自家製既醬汁黎食, 更加惹味非常黃薑飯乾濕程度剛好, 好怕食到勁濕或者煮到爛既黃薑飯呢度整得唔錯燒帆立貝都好掂, 唔會煎得過熟或太生, 保留到帆立貝柔軟鮮甜既質感

Came to this restaurant after visiting a friend who is living near-by. My friend brought me here and she said this is one of the restaurants that she frequents. She highly recommended the place and said they serve great food and fresh oysters here.The restaurant didn’t have decoration that is too fancy but it gave a clean and welcoming feeling to me. We both started the meal with the oyster set. The set came with 3 oysters and a glass of white wine. The oysters were from 3 different areas and th

呢排日日係屋企食飯，好耐都無同老公出去食飯啦，今日我地決定嚟一場約會。出去睇戲食個西餐。呢間餐廳就我揀嘅，因為之前同朋友有嚟食過，覺得都唔錯。佢呢度細細間，裝修無咩特色，但乾淨整齊。都有西餐氛圍。我有book位，以防佢有時無開或者俾人包場。-香檳忌廉蠔湯龍蝦湯，黑松露湯果啲就飲得多，蠔湯真係少飲，見幾特別就試下佢。味道鮮甜，幾特別。-燒豬比起出名嘅西餐廳更好味，做到外脆內軟，皮薄，有肉汁，肉質又唔鞋，好滿意。-胡麻汁鮮茄意大利麵配炭燒虎蝦我好中意食虎蝦，大大隻，肉質又嫩，又有炭燒香味。醬汁調味都幾好。-法式檸檬撻最後以檸檬撻作結。

We went to this restaurant for lunch after a lazy Monday morning without any breakfast. They serve a wide range of various items on their lunch menu. Different items can be picked from salad to pasta to surf and turf. I ordered the Grilled Spanish Iberico Pork Loin and Tiger Shrimp. The portion was very good, the pork loin was quite a thick cut. It was cooked perfectly, tender in the inside. The tiger shrimp was nice as well, the meat got good texture to it and full of flavour.My partner had the

之前同同事出左去天后見客, 見完客覺得肚餓就係呢附近食埋Lunch先返公司啦去左呢間叫初味BISTRO既餐廳食飯, 見佢SET LUNCH都唔算太貴, 啲款式又幾啱心水一見到其中一款係西班牙乳豬配黃薑飯同燒帆立貝就決定左一定要叫佢啦雖然其他款式都好吸引我, 但因為西班牙乳豬好少有機會食到, 所以就決定食佢啦價錢仲要唔貴, 都係$108再加一有沙律、餐湯同飲品, 算係咁啦當然呢個價錢就唔好期望佢份量會好多不過對於女仔都會夠食既, 乳豬有好似三四件左右, 都幾大件乳豬皮脆肉嫩, 豬肉部份真係無誇張, 勁滑勁淋帶少少咸香味同唔會過多既脂肪, 真係堅正架黃薑飯都好香, 煮得夠乾身, 粒粒分明, 試過係第二間餐廳食過黃薑飯係煮到爛哂, 真係無言...燒帆立貝都幾大粒, 唔會燒得過熟而令口感變鞋佢燒得甘香之餘仲保留住肉汁,係正既呢度環境都坐得幾舒服, 冷氣都夠哂涼, 可以好好ENJOY LUNCH

呢排疫情關係，少咗好多人出街食飯。大集團就話勉強經營到，但啲細餐廳都真係經營困難。呢間餐廳我就算係老顧客啦，所以都要支持下，唔約朋友，一個人都要嚟幫襯！自己就叫咗一款餸配一個甜品，食得幾enjoy。慢煮橙香紅酒牛尾：紅酒牛肉食得多，紅酒牛尾配搭橙香味道又幾清新，牛味煮得軟熟，好香嫩。玉桂香蕉萍果酥餅：呢個酥餅我就Takeout 返屋企比啲小朋友食啦，佢地好快就清完。呢間餐廳特色之處就係會Updatemenu ，讓我每次嚟食都會有新嘢可以試，有種私房菜嘅感覺。

呢間餐廳口味都幾創新除左西餐之外仲有日本食材可以品嚐到今日同表妹黎左食生日飯我地叫左燒牛舌粒沙律、明太子日本帶子海膽燒、生蠔、波士頓龍蝦意粉同埋西班牙燒乳豬每一道菜都係預期中既美味特別係牛舌粒沙律同個燒乳豬牛舌粒唔會韌到咬唔開, 仍然保持爽口彈牙, 勁正西班牙燒乳豬皮脆肉滑, 當中既油脂甘香雖然好邪惡, 但會好食到令你將呢啲邪惡感覺拋諸腦後搞到我地忍唔住一件接一件咁食, 我相信就算叫半隻我地都會食得哂順帶一提, 餐廳環境氣氛都相當唔錯慶祝飯黎呢度食都係一個唔錯既選擇

餐廳地點位處內街，對唔熟路嘅朋友會比較難搵，好彩我哋喺港島區都時常出沒，所以都唔太難就到啦。餐廳裝修唔係好奢華，應該係走實力派路線~前菜點咗4隻生蠔打開序幕，South Pacific都好大隻飽滿，有少少海水味但係又唔會好鹹，食落口感好creamy，蠔味都幾夠。新鮮夠凍，唔錯。主菜係食焗羊架，選用比較細嘅羊架，肉質超級嫩，生熟程度啱啱好，唔會太生，如果好多血水會太過嚇人。夾埋個mint jelly一齊食味道一流。另一個主菜係肉眼扒，我無試食，不過賣相望落就相當唔錯啦。

好耐無食西餐，就上網搵下資料，就發現呢間餐廳啦。見評語都係話食材優質，性價比高等等，就打電話去book位啦。睇餐牌已經即刻鎖定主菜，西班牙燒乳豬 + 炭燒加拿大豬鞍，嚟個全豬宴。其實都想食安格斯斧頭扒，不過2個人怕食唔晒，留返下次多幾個人一齊食先叫嚟食啦。西班牙燒乳豬真係要等一段時間先有得食，應該係即叫即燒，外皮脆卜卜之餘，入面D肉都好滑，有好多肉汁，真係好好食，好食過有D酒樓嘅凍冰冰乳豬。食過乳豬本來以為加拿大豬鞍肉質會比較硬，但係豬鞍肉食落依然係嫩滑有肉汁，一D都唔輸蝕畀乳豬，肉味比乳豬更加濃。

呢排同朋友唔敢去人多嘅地方，專程去發掘一啲偏僻啲嘅地方去。今次就嚟到天后區。紫蘇醬嫩菠菜牛腹肉沙律 ：紫蘇醬有種特殊風味，配上菠菜和牛肉一齊食幾夾！一碟沙律份量幾多，如果On diet，食一碟都已經夠。慢煮橙香紅酒牛尾：牛尾煮得軟熟入味，仲有陣陣橙香味。西班牙黑毛豬溫泉蛋煲仔飯：黑毛豬肉汁豐富，口感熟嫩。煲仔飯都整得有水準，飯好香口。呢度雖然細細間小店，但係氛圍都營造得幾好，從餐巾，再到服務，環境都安排得非常好。最重要係食物質素都做得有水準，而且又有特色。

因為正日因為工作關係我地見唔到，所以提早一個禮拜食飯。我地揀咗元宵食飯，慶祝中國嘅情人節。我地叫店員推介菜式比我地，店員就推介咗幾款餐廳嘅新菜式。首先有蒲燒鰻魚薄餅：鰻魚薄餅，呢個組合都幾特別，西日合璧！Pizza口感幾好。不過如果有多啲配菜會更好，例如加啲無花果，口感會更清新。金箔牛肝菌忌廉莧菜，有啲金箔灑係面，令到道菜變得Grand咗好多。西式嘅煮法味道都唔錯。京燒比目魚，賣相好靚，配著大蔥食，口感豐富，燒得幾好，外面焦脆，內裡Juicy。

天后食肆小店都算頗多, 要突圍而出都算唔易. 而位於天后木星街初味呢間BISTRO都算得上係間高質既西餐小店! 週末放工後約朋友於天后區小聚同食野,而朋友介紹既呢間西餐小店令我印象深刻! 我同朋友都唔算大食. 我地2個share一份 燒西班牙黑毛豬柳 同 63°C溫泉蛋 · 黑松露牛肝菌意大利麵. 簡簡單單2道主菜令人一試難忘!店家採用高質西班牙黑毛豬柳,有木燒香味. 豬扒肉質鬆軟多汁, 唔會太乾蒸蒸. 易切易入口. 配上蜜糖芥末醬, 整道燒豬柳味道香濃帶甜, 令人食慾大增!而63°C溫泉蛋 · 黑松露牛肝菌意大利麵, 溫泉蛋質地嫩滑. 意粉整體令人滿意, 爽口彈牙又唔會太淋啱啱好! 而黑松露忌廉牛肝菌汁亦做得相當出色. 牛肝菌菇味濃, 又帶到黑松露香味出來. 忌廉汁都好creamy. 整體來講都好好食!

最近唔太適宜打邊爐...所以同好朋友既一月一次飯局要放棄我最愛既打邊爐....今個月就改左食西餐, 真係好難得~我同朋友一齊食西餐既次數應該5隻手指數得哂無計啦~平時鐘意打邊爐大魚大肉架嘛呢間初味就係朋友公司附近, 佢話之前Lunch食過兩三次覺得幾唔錯, 就話帶我黎試下鋪頭唔算好大, 不過氣氛都幾RELAX, 裝修唔會太花巧食物都幾多選擇, 價格適中, 唔會係離地價質素幾唔錯~最印象深刻係芒果軟殼蟹沙律同鰻魚PIZZA隻軟殼蟹都算大隻, 食落仲係脆卜卜, 勁正!芒果沙律非常醒胃, 作為前菜我地都好滿意至於鰻魚PIZZA出面好少見到呢道菜, 所以我地就叫左呢個PIZZA啦鰻魚肉質軟滑, 估唔到同PIZZA都幾夾喎, 感覺幾新鮮有少少甜味, 加上有紫菜, 香味同味道都幾足其他菜式都幾出色, 真心估唔到