凱日宴會廳

一心想試吓呢個場嘅food court 6同8樓，行咗個圈,見無乜位又無乜心水食物，再加上冷氣唔夠，都係睇吓食「壽司」定飲茶，落咗一層見到呢間～『凱日』～入去試吓。叫咗～榴槤焗奶王飽脆皮豆腐粒(小食)椒鹽雞軟骨(小食)鮮蝦菜苗餃醬皇蒸鳳爪香煎蘿蔔糕瑞士汁安格斯乾牛河孖寶黄金豆腐粒同炸雞軟骨～$88，豆腐大粒咗啲，漿厚咗啲，但脆口，食落口感都唔錯，雞軟骨口感差少少，不過真係幾扺食。瑞士汁安格斯乾牛河～由於瑞士汁所以入口微甜，鑊氣好好，意外的好食，最利害嘅係～夾上手感覺佢牛肉多過河粉，唔知呢句會唔會令佢俾老闆閙😂。，其他點心無乜特別唔講，想講呢個～雪山榴槤焗奶王飽，雪山差唔多等於酥皮，咁入面嘅榴槤奶黃得唔得？此終二樣都係濃味，亦相信唔會真係落好多榴槤「味」嘅嘢，所以第一口係奶黄味多啲，到後尾有小小榴連味接上，都係做得不錯嘅飽點。整體點心，水準之上，可以一試。回頭度～6/10本人純粹分享食後感受，並沒有收取該食肆「任何利益或任何優惠」，以此聲明。…查看更多

位於深水埗的凱日宴會廳，地道的廣東菜而聞名，進入店內，濃厚的美食氛圍，感到愉悅。高湯小籠包，皮薄餡多，輕輕一咬，湯汁便瞬間迸發，搭配鮮美的肉餡。陳皮牛肉球，香氣四溢，牛肉的鮮味與陳皮的獨特香氣相互交融，新舊交融的完美表現。蟹籽燒賣皇則是不容錯過，燒賣的餡料豐富，蟹籽的鮮美讓整道菜更加分。蘆筍蝦餃皇外形精緻，蝦肉鮮甜，搭配脆嫩的蘆筍，口感層次分明，回味無窮。蔥花炸兩腸外軟內脆，香氣撲鼻，口感極佳。鳳爪排骨煲仔飯的米飯吸收了肉汁的鮮香，一口接一口，滿足感十足。…查看更多

新年去飲茶🫖有抵食3寶餐，呢個套餐價錢係$238，包括3款點心、1款小食同1款粉麵。首先講講3款自選點心。第一款係蟹籽燒賣王新鮮蒸熱辣辣。第二款係鮮蝦菜苗餃，餃皮夠薄，鮮蝦菜苗餡料新鮮，味道唔會太鹹。第三款係香麻煎堆仔，呢個真係必試！炸到金黃色，外脆內軟，香麻味道爆棚，食咗一個，真係想再食一個！講完點心，嚟到小食XO醬炒腸粉。腸粉滑溜，XO醬味道濃郁，炒得恰到好處。最後係粉麵星洲咖喱炒米，咖喱味道夠香，米粉炒得乾溜，配料十足。呢個抵食3寶餐，食物質量同份量都係超抵！…查看更多

📍凱日宴會廳😍深水埗高質素酒家👍～餐廳環境靚😍食物質素高🥳店員服務態度好👍～上湯焗美國龍蝦伊麵😍龍蝦非常新鮮😍大份又多肉👍伊麵質感亦都好好☺️上湯調味非常香濃😍食到停唔到口👍～極品脆皮燒鵝（例牌）😍好耐冇食過咁正嘅燒鵝😍估唔到例牌都可以咁大份👍有燒鵝髀☺️肉質嫩滑新鮮🤤🤪👍～順帶一提 餐廳有得打麻雀😍😍環境非常靚👍📍凱日宴會廳 (深水埗)深水埗欽州街37K號西九龍中心7樓701號舖…查看更多

酒樓地方寬敞，裝修華麗，適合作為婚宴及宴會場地，更備有多個廂房可以打麻雀。座位空間十足，沒有侷促感。門前餐牌上的晚市優惠菜色十分吸引，特別是龍躉。“清蒸沙巴龍躉”大大條沙巴龍躉蒸起上碟，火候剛好，魚肉熟透而仍保持嫩滑，十分難得。肉質鮮美可口，是必食之選。雖然是特惠菜式，水準卻令人驚喜。“啫啫鮑魚雞煲”原煲熱騰騰滾住上，香氣四溢。材料豐富，有四大隻新鮮鮑魚，雞件亦不少。鮑魚鮮甜彈牙，雞肉入味，加上惹味醬汁，味道更上一層樓。“欖菜肉崧四季豆”炒得香噴噴，夠鑊氣，四季豆爽脆，伴飯一流。“五香牛𦟌”牛𦟌醃得入味，甘香爽口，加上甜醬油，味道更佳。飯後還有紅豆沙糖水贈送，替這頓豐富晚餐畫上完美句號。這裏的菜式水準高，服務好，而價錢大眾化，下次再約朋友來雀局。…查看更多

真係好耐無踏足西九龍中心😝😝如果唔係是晚屋企人訂咗枱呢度酒樓聚餐～真係估唔到呢個商場入面竟然有間咁四正嘅酒樓！環境光亮整潔又寬敞～店員都好親切有禮～係適合嚟同親朋好友聚首一堂嘅好選擇👍🏻👍🏻.✨清蒸沙巴龍躉仔 $88為精選晚飯優惠～真係勁抵食😍😍原條沙巴龍躉仔夠哂新鮮～肉質非常細嫩～簡單加上葱絲豉油清蒸已經好出色🫰🏻.✨片皮鴨 (半隻) $88即燒港式片皮鴨果然係廚師推介😚😚外皮色澤油亮～皮肉比例均勻平衡～以蒸薄皮連同京葱、青瓜條及烤鴨醬包住同食過足口癮🫶🏻雖然唔可以話勁出色～但呢個價格亦算性價比高之選呢～.✨生啫鮑魚雞煲 $148以砂煲上枱熱辣辣🔥足足有四隻鮑魚仔誠意十足！雞件亦入味且嫩滑🐔香噴噴非常唔錯！！.✨欖菜肉崧四季豆 $88煮後嘅四季豆爽脆唔老～加分!!配搭上欖菜肉崧增添咸香味道😉😉滋味無比！！.✨加一服務費✨茶芥 $12@位✨小食 $12@碟.…查看更多

四道菜連茶芥都係500有找價錢尚算公道高質✨生啫鮑魚雞煲.4隻✨清蒸沙巴仔.特✨港式片皮鴨（半隻）✨欖菜肉崧四季豆（例）先講生啫鮑魚雞煲上台仲係咋咋聲夠晒熱份量算係咁有雞有4隻鮑魚👏🏻😋同人分啱啱好唔失禮雞都幾滑溜 唔錯清蒸沙巴仔好食魚蒸得啱啱好夠滑 唔鞋不過有啲多骨港式片皮鴨就一般般不過呢個價位算係好好過一下口癮都夠不過不失啦欖菜肉崧四季豆就真係好好食唔會太多油凍左都好食😋2個人食勁飽唔洗另外叫白飯…查看更多

打電話嚟book就叫你兩點先好嚟，去到明明好多吉房但係又唔比你要你坐大廳D間房，D阿叔係隔離食煙就係咁攻D煙味埋黎，下次再問點樣先有房嘅時候又叫你早啲嚟。於是下次早啲黎啦（1：30）都係好多吉房都係唔會畀房你。職員態度仲要勁差話一係你就坐呢邊聽，一係就坐另一邊聽，總之就冇房。小菜已經冇得揀（話做酒席系統一菜單），連唯一賣點獨立房都冇，咁不如booking嘅時候直接話啲房畀曬熟客，唔會有房㗎喇…查看更多

打電話預約雀局，同員工確實11點，人齊去到話1:30-2點先比枱，阿姐坐地起價話補鐘可提早打（即係有房啦）我哋唔願意，又話打比經理，之後阿姐話等得就等，唔等得就取消。比你哋聽到會點？…查看更多

行過深水埗西九龍中心凱日宴會廳，即管走去試一試佢嘅下午茶，望到特價點心紙感覺一般，見其他老人家多數揀$17.8嘅選擇，煎蘿蔔糕好靚，蔥油餅可以，上湯韭菜餃就真係麻麻，喺出邊街邊一包好多隻嗰種，但係我唔啱食，所以揀咗其他嘢⋯⋯蜜汁叉燒瀨粉$32.8見人哋燒味脆皮燒肉係分開上，所以嗌，但係叉燒就唔分開上，一上到嚟就見到浸住，就知道味道大打折扣，夾起一舊，見到佢用咗一個好特別嘅切法就係由中間劏開，賣相好靚，但係原來係少左一半嘅⋯⋯味道就真係一般般勝在夠熱鮮淮山棉花雞$33.8好少見用鮮淮山嚟做棉花雞材料有冬菇，沙爆魚肚，蟹柳，雞件⋯⋯味道不錯，份量十足，略嫌佢貴了點最後連茶位加一 埋單$82…查看更多

一家大細去食飯 諗住酒樓會坐得舒服啲 入到去見到晚市都好多吉枱 都冇諗咁多 照落單嗌左個套餐 套餐跟左6罐汽水 咁就嗌左3種汽水每款2罐 食左3分1野食都仲未有 就叫人過黎問一問 第一個阿姐講唔夠兩句就話唔係佢落單 都未講到要咩汽水 第二個阿姐再衝埋黎又話都唔係佢落單 本身只係想嗌佢地攞汽水過黎 仲惡返轉頭問我要咩汽水 本身都唔係要追究佢地點解咁耐都冇上汽水 只係想再嗌佢地攞汽水過嚟都要推黎推去 全程態度都好差 好聲好氣問仲要惡返食客 難怪呢間野愈來愈無人食 唔會再有下次…查看更多

走過來，感覺一下深水埗嘅平民美食風光！呢家凱日宴會廳，讓我有咗一段港式既享受時間😋。首先，欖菜海皇炒飯嘅每一粒飯都爽口彈牙，鮮蝦同帶子交織出一股鮮甜海味，再夾雜欖菜嘅微咸，完美！別有洞天脆皮腸，簡直就係口感嘅大爆炸🎇，外皮嘅酥脆，鮮蝦嘅爽彈，完美結合。黑椒燒鵝檬粉真係賣相勁吸引，燒鵝皮脆肉嫩，當黑椒香撲鼻，實在係過癮！湯頭的鮮魚湯雲吞雞細細粒嘅，但鮮美得黎無得輸，雞肉同餛飩嘅組合溫暖曬心窩🤗。燒賣同蟹籽就係絕配，每啖都充滿驚喜嘅味道。蘆筍蝦餃，皮薄餡靚嘅標準，食落口感分明，真心推介！姐係今次食評嘅大結局，乳鴿香烤得剛剛好，皮脆肉嫩，唔多唔少，激旨過人。依家食完，拍拍肚，滿足嘅笑容滿面😊。…查看更多

服務態度非常差，一開始俾咗張麻雀枱俾我哋坐，張枱都唔穩，然後我話要換張枱佢叫我自己換，自己搬啲嘢走，然後我話+3個位，然後個服務員直接抌啲嘢俾我叫我自己整，而且佢俾我啲碗筷全部都係黐立立全部都係未洗嘅，我叫佢搵返個俾我，然後佢又抌一個過嚟，後我就唔想食啦話要埋單，佢就話唔緊要…查看更多

個個說深水埗街頭巷尾都係小食天堂，但你又知唔知，其實呢度仲有間裝潢得好優雅嘅海逸宴會廳，食物又正又有驚喜架！入到去，一眼見到美極煎虎蝦拼燒乳鴿嘅套餐，呢個選擇真係好正！煎得啱啱好嘅虎蝦外皮微脆，夠晒彈牙而且香味四溢，好正！至於燒乳鴿就更加唔使講，皮脆肉嫩，啖啖肉汁滿溢而且入口即溶，正到彈啊🍤！再嚟就係傳統靚靚嘅文昌雞，每件雞肉都好滑好嫩，啲雞皮薄得嚟透哂光，一啖落去，噴香就係噴香，滿足晒我對嘅期望😋！湯水方面，西洋菜燉陳腎湯冇得輸，湯頭濃而唔膩，喝落去涼心又健康。落嚟篇幅有限，但依家講緊嘅桂花糕，都一定要提一提！椰汁同桂花嘅組合，清新得黎味道層次豐富，收尾就係咁perfect！咬一口，桂花香氣透心涼，真係令人回味無窮🍰。正所謂，大店唔一定只係大氣，呢度嘅食物質素同價錢比例，真係做到民之所好。下次再來深水埗，又要留個肚俾海逸宴會廳啦！…查看更多

我今早去左西九龍中心飲早茶，凱日宴會廳環境寬敞舒適。我點左No802的抵食孖寶，每份$34.8。計有皮蛋瘦肉粥、三絲炒米、蜜汁义燒腸及健康粗糧糕。材料新鮮，樣樣都好好食。…查看更多