冰極餐廳

營業中

休息中

最開心係睇企鵝吉列豬扒飯配秘製咖喱汁或鮮茄汁西班牙火腿、火箭菜、莫扎瑞拉乳酪芝士及薯茄汁 pizza好薄柚子蜜糖雞亦、炸魚塊 芝士焗薯條烤澳洲肉眼扒配牛肉燒汁 同小朋友去玩太肚餓要叫塊扒嚟食

今日同小朋友第一次嚟海洋公園嘅**冰極餐廳**，意外發現原來可以隔住玻璃同企鵝一齊食飯！雖然冇預約，但11:15到竟然坐到玻璃旁嘅位，超近距離睇到企鵝游水同跳水，我興奮到唔捨得食飯😆 🍽️ **食物水準超出預期** 我哋叫咗$400幾蚊嘅套餐（前菜+主菜+甜品+飲品），老公揀咗**五成熟牛扒**，切開仲係粉嫩多汁，配菜居然有烤迷你紅蘿蔔同長西蘭花，擺盤精緻完全唔似樂園快餐！我嘅**香煎豬扒**配莎莎醬更係亮點，酸甜開胃得嚟唔會搶味，連平時嘴刁嘅老公都大讚👍 甜品**紐約芝士蛋糕**濃郁滑溜，絕對唔係求其貨色～ 🐧 **企鵝景觀值回票價** 雖然價錢同出面西餐廳差唔多（埋單$700左右，用信用卡有9折免加一），但呢度可以一路食一路睇企鵝跳水、游水，小朋友仲可以學到極地動物知識，**親子體驗滿分**！建議早少少到或者非繁忙時間去，容易坐到玻璃位～ 💡 **小貼士** ✔️ 必試豬扒莎莎醬，開胃醒神 ✔️ 用信用卡有折扣，性價比更高 ✔️ 記得帶外套，餐廳冷氣好勁❄️

好耐冇去”企鵝餐廳”,之前去海洋公園差唔多次次都會黎,然後食厭左咁😂因為佢餐牌同野食冇乜點變,主要入黎都係想近望啲企鵝🐧🐧不過今次都見唔到好多游水🐧今次一行十人,但叫嘅都係帶子意粉(家庭）,植物肉蕃茄意粉（一人份量）,西班牙火腿pizza🍕,炸魚柳🍟（呢個好味喎), impossible meat cheese burger🍔, 冰極沙律,叫埋企鵝tango特飲,kiwi juice ok,apple crumble...個人覺得比較抵食的主食係家庭size份量的吉列豬扒飯/帶子意粉😆

魔堡盛宴$208食完🐰只想講：打卡完畢只限打卡！好處係有冷氣又可以好舒服甘安坐係餐廳欣賞到企鵝🐧「絞盡腦汁」田園蔬菜沙律拌胡麻醬沙律切成一條條幾得意～「紅魔藥」蕃茄海鮮湯有一條好大條魚，湯濃郁又有口感「暗黑魔堡」整個包好乾完全冇醬汁（🐰自己加左好多茄汁先搞得掂），🐰食野不能沒有醬汁！煙肉好干好柴、魷魚鬚好靭（🐰冇能力咬）成件事真係好健康「單眼小魔怪」朱古力撻，對🐰黎講甜度可以接受，算好食既甜品檸籤$88哈囉喂無酒精雞尾酒，甘特別既飲品🐰梗係要試下呢～冇乜味道既梳打水豆腐蛋糕$68不過不失

🐧 冰極餐廳Tuxedos Restaurant黃竹坑海洋公園冰極天地高峰樂園餐廳幾乎每一個角落都可以透過玻璃見到企鵝. 電視亦都播住卡通片, 啱晒帶住小朋友嘅家長. 環境闊落, 坐得好舒服, 玩到攰坐低唞吓就啱晒啦. 餐廳內冷氣偏強, 記得帶件薄外套啊.大致服務都算好唔錯, 除咗經理大力揼張收據喺枱, 催人埋單 (while無咩人排隊), 態度實在唔太禮貌.𓌉◯𓇋 Spaghetti w/ Bacon & Scallops in Creamy Sauce 忌廉汁煙肉帶子意粉 $228忌廉汁好creamy, 入口好滿足, 煙肉嘅份量都唔少. 標準一人份量嚟講都好足夠. 𓌉◯𓇋 Citrus Honey Glazed Chicken Wings 柚子蜜糖雞翼 $88味道一般正正常常, 柚子同蜜糖味都無好重, 所以唔會好甜.approx. $180/ppl食物🤰 ♥ ♥ ♥ ♥ ♡環境🤰 ♥ ♥ ♥ ♥ ♡性價比🤰 ♥ ♥ ♥ ♡ ♡

11月屋企小公主生日，當然大大小小一齊慶祝啦。我哋去咗海洋公園，中午去咗冰極餐廳食午餐，當日係平日，冇乜人，餐廳枱與枱之間有一定距離，環境舒服，燈光亦都好柔和，我哋叫咗幾個主菜大家一齊食，有黑毛豬扒，好厚身但係仍然滑嫩，食得出豬新鮮。忌廉汁煙肉帶子意粉，叫咗大份，夠3人食，忌廉汁多又濃，帶子都大大隻。燒排骨一份，普通，多啲 肉同煮冧啲更加好。招牌海鮮企鵝薄餅，真係企鵝型狀，打卡一流，一睇就知好唔好食⋯⋯。餅底太薄，似係超級薄而乾的餅乾，難食，冇下次。呢餐食咗2千蚊，以前我哋細個係帶食物入公園野餐，依家有能力就試下餐廳食飯，仲有就最緊要小公主開心🥳。

今次嚟到這間餐廳，真係有啲驚喜。先講下呢個炸植物魚塊，外皮炸得金黃酥脆，入面嘅「魚肉」竟然同真魚唔分上下，好得意之餘，食落無負擔，正！湯品方面，呢個雜菜湯清新爽口，入面嘅薏米又豐富咗口感，冇話咁滋潤。😇主菜嘅未來漢堡實在係重磅推介，漢堡扒肉味濃郁，咬落去好似得啲汁都流哂出嚟，滋味十足。而家夾嘅紅菜頭漢堡扒，更係得意到突咁！得我心水，新穎之餘仲要健康。最後個威威司令布丁，唔單止外形得意，食落去香滑得滯，令人心花怒放。🥰坐喺玻璃邊望住企鵝游黎游去，真係一個字 - 歎！食飯之餘，又有視覺享受，落喺度嘅每一嚿嘢食都變得更加美味。整體嚟講，個體驗好值得，食物味道限喇，環境又好，我保證你一試難忘！😍🐧💫

為左係海洋公園近距離親近企鵝，我準時係一個月前打電話book，本身職員話不可以request 近企鵝位置的枱。當日去到好好彩都比左我地！我地叫左2 個set，食物價錢不平，但食物都有質素，份量都多。最欣賞係個pizza,整得超好食，餅底夠薄夠脆，加上大量芝士，刺激味蕾~其他食物都不錯。最不特別因爲係跟餐甜品，無驚喜同比較hea~買單信用卡有9折，性價比高左。而且呢個體驗真係無價~BB成餐飯都好開心，不斷望住企鵝游來游去呢間係一定會再訪的餐廳♥

Didn’t bring any food with us as it was a last minute decision to go to Ocean Park. Most of the snack shacks were closed so with little options, we decided to go sit down for a meal.There was a menu outside the restaurant so I was prepared how much it was going to cost. My husband’s snack platter arrived within minutes. The chicken wings were very blend, not even marinated properly.My veggie hash brown arrived next. It was oily but ok.We waited for over 40 minutes for my son’s salmon and had to

從小時候已經很喜歡海洋公園,忘記了入園多少次了！😂😎😅今年未到萬聖節已經率先入園，又去「冰極餐廳」探望我的小企鵝們，一如既往的坐在最美、最近牠們的𥦬邊位置！吃了午餐set ，和企鵝薄餅，另外再叫了餐廳的哈囉喂特色甜點 ！這個甜點很搞笑，是給醫療人員嗎？朱古力造型很可愛！有鉸剪、繃帶瑞士卷、棉花棒同埋藥棉棉花糖配芒果醬藥水都可以食！又可以幫人止血！食完急救四寶，即時藥到病除😂😂😂🤣萬聖節期間記得來冰極餐廳，看看企鵝和吃這個特色的甜品！另外還有其他鬼校飯堂，有其他恐怖又攪鬼既萬聖節食物！eg: 魔刷、魔筆！怨靈鬼校遊學團便當等等……Ps: 由2001年起，每年10月萬聖節夜期間，海洋公園都會舉辦「十月全城哈囉喂」活動，以恐怖為主題吸引遊客, 自認夠大膽的你，一定要去探訪令人毛骨悚然的六大詭異主題鬼屋，還有鬼間祭典和表演!

朋友生日去咗海洋公園玩。入咗呢間餐廳食dinner。我哋有六個人叫咗幾個款式。你見佢整體嘅份量都唔少，所以其實都幾抵食，主題樂園嚟講算係咁。經過都可以一試係唔錯嘅餐廳。

上星期阿仔響酷熱天氣底下去海洋公園親子旅行，我有重未出發先中暑的感覺🥵好彩去到冰極餐廳lunch,可以抖一抖。大家邊食邊睇企鵝，一大賞心樂事。阿仔每次叫海洋列車餐，然後要我執手尾，我都習以為常😅原來其他同學都係咁，個個家長最後坐響道食兒童餐，好好笑🤣忌廉汁帶子意粉忌廉味濃，配上煙肉，非常惹味，意粉煙韌，帶子彈牙，份量多點更好，推介👍🏻小企鵝兒童餐+果汁盒內芝士肉醬意粉，肉醬足夠，意粉煙韌，芝士是原塊上，未有溶入意粉中，味道不過不失。南瓜撻撻皮鬆脆，但南瓜蓉略淡味，粟米正常。水果沙律非常清新，一大驚喜，消暑佳品。😊果汁可選蘋果汁或橙汁。

由細到大都好鍾意海洋公園，真係童年回憶，已經不記得有多少次入園，去冰極餐廳，起碼六七次，有三次坐到呢個全場最靚位置🫶😍可以同企鵝一齊食野，食企鵝餅薄係指定動作🤤😂希望海洋公園永遠喺度！ ❤️🙏🏻 海洋公園 💕百去不厭！😍🤩🤣必定要叫企鵝造型的薄餅，因為用來打卡，雖然薄餅真係好薄，但係上面有好好味嘅海鮮，造型趣緻，每次我都會食佢個嘴先！另外就算我不是小朋友，我也一定要order一個兒童餐🤣🤣又係用來打卡，望住企鵝食企鵝薄餅真係好開心的，我真係好鍾意海洋公園！

好特別嘅企鵝親子餐廳，位置喺海洋公園企鵝館🐧隔離-冰極餐廳，可以用app the GULU 營業時間時進行預約。話說我哋真係好好彩，陰陰天，但係冇落雨，海洋公園唔算多人，即興情況下，唔使等位，侍應哥哥好好人，安排咗最近觀賞企鵝嘅位置，我哋食埋招牌企鵝薄餅，位置好闊落，一啲都唔迫，有小朋友高椅，好多隻企鵝喺度游來游去，每個人最低消費$100 ，用餐時間90分鐘。一個愉快嘅午餐，真係好難忘❤️❤️

🥗冰極特色沙律 $288: 呢款沙律佢有分大同細，而我哋嗌嘅就係細既特色沙律，佢裏面有煙三文魚🐟，西班牙火腿🐽，燒雞🐔，香草等，細份嚟講其實佢都幾足料，佢裏面有橄欖，都唔係到到都有，所有配料都非常新鮮，食落唔錯👍🏻🐧招牌企鵝形薄批 $288:滿心歡喜見到佢地嘅招牌企鵝薄餅就諗住叫嚟試下，點知嚟到真心失望，見到個款都唔想食，佢叫薄餅，但係個底係好似薯片咁薄，其實都唔會飽得去邊，佢裏面嘅材料有龍蝦，帶子，青口，芝士，不過都係偏少，至於味道都係一般，一味靠芝士蓋住啲配料🍹企鵝舞曲 $70: 呢款特飲其實都冇咩特別，賣相有啲普通，入面主要係菠蘿汁，檸檬汁，雪碧，佢只係將呢幾款溝埋一齊再加幾粒藍莓就係，不過喺裏面食嘢都差唔多咁嘅質素🍹香橙特飲 $60 : 呢杯其實係橙味soda，都係果句非常普通，賣相好少少，但味道都係麻麻純粹係個境較為特別，可以望晒整個企鵝館，裝修座位都唔錯，比較闊落，但唔知係咪唔夠職員，所以都係嗌極都冇人🤷🏻‍♀️