冰室小菜館

營業中

休息中

今日忙裏偷閑諗住嘆個早餐點知原來轉咗餐牌價錢又加咗，早餐火腿通粉由$37變$40，一加加咗3蚊，咁都算方包多士又要冇咗特有嘅麥多士同麥方包通粉嚟到係差到唔知點形容，係嗰隻完全唔識索水、擺極都係好細粒，食落好似食糊仔咁，一pat pat嘅口感😵‍💫😵‍💫😵‍💫個姐姐仲要同我講，啲通粉係咁，冇得淋冇得爽杯凍鴛鴦又係差，嗌咗兩杯，一杯就冇乜啡味一杯就好多啡味，個水吧沖嘢嘅質素完全係好參差衛生就唔使講啦，成日都有啲小曱甴出現簡直就係燒鵝價錢，蔗渣質素，蔗渣服務

依家啲雜扒意粉，有腸仔，火腿，豬扒，雞扒。跟蒜蓉汁。上面有半粒車厘茄。意大利麵粉粉地。五十幾蚊。另外叫咗個涼瓜豆豉炒牛肉，因為雜扒入邊冇牛肉。份量都幾少，不過平呀嘛。佢哋六點後有九折。

自己住太埔，有時想食白灼蝦就會諗起佢，呢度出品唔算特別出色，但係就有別家所無嘅 $45 白灼蝦，雖然冇一般酒樓飯店咁大碟（有十幾隻），但係一個人食就好滿足，而且仲可以飲住奶茶食白灼蝦 😋 你話幾高興呀🤷🏻

夜晚行過經開附近見到呢間餐廳就入去食叫佐個豬扒，雞扒雙扒意粉餐一上抬我真係嚇佐一跳，唔係吧豬扒完全係放佐好耐，又乾又柴，而且好膿雞扒得半塊，意粉完全冇味問佐著白色衫個女經理佢話佢地個出品就係咁，雞扒只有半塊我完全0咀，真係好野，服務唔敢有要求但個態度真係都幾差，比錢受氣而且整個餐好似廚餘咁樣都可以上餐比客人食有心去支持香港飲食業，但原來飲食業完全唔憂做，老實講，見到呢個出品同態度好難會再去食，見到都怕

話說星期六，同客戶去長沙灣睇吓樓咁樣，lunch都冇時間食，好肚餓希望搵一間好少少嘅茶餐廳，唔想食嗰啲元x冰室,因為見過有疑似老鼠屎，兜咗個圈嚟到依間，見佢燈光火着，又有幾多客，於是入嚟試吓啦，打開個餐牌，一部份小菜係有飯嘅，但係大部份都係要加$10先至有飯同埋餐，見到絲瓜炒牛肉或者豬頸肉，諗住牛肉應該都冇衰啦，咁有中湯，同埋叫咗杯即磨咖啡，冇幾耐個餸就到啦，見佢應該走過油，一直落去成口都係揸吐返出嚟，我都再繼續落去，點知得一嚿可以吞到，全部吐返出嚟，其實茶餐廳冇乜要求，正常就OK 㗎啦，點知原來係有難食嘅嘢，淨係攞啲牛肉嚟送飯，真係陰公，早啲食個$50嘅快餐算數，諗住小菜會好啲，其實都係經過啫，我諗一係生客，一係街坊貪方便，行遠兩步都唔會特登過嚟食囉！仲衰過隔籬左右冇裝修嗰啲，冇下次！！！拜拜

叫咗個清蒸盲曹同鹹蛋蒸肉餅飯，蒸魚要等20分鐘。味道一般，但唔算太肥膩。晚市有小菜，豉椒通菜炒牛肉，椒鹽豬扒，烚蝦等等都食過都唔錯。價錢亦都合理。效率亦都好快。

叫咗條精盲曹。用佢個電子下單平台落嘅連埋杯熱檸水。等咗20幾分鐘先至有。不過附近一大都好難搵到有蒸䱽魚，盲曹，鯇魚等等。亦都食過佢嘅安格斯牛腩麵都好好食。呢間嘢多元化，貴多不貴精。

本呢個鐵板餐係38蚊, 一紅左就加左10蚊48蚊什扒餐, 跟飯或薯角加紅豆冰加10蚊,即係58蚊食扒餐,但唔係特別平但起碼可以坐低食,唔似夜市咁買幾條腸都98蚊一隻蛋,2扒一腸仔一雞翼 如果跟多碗湯就抵食D~#冰室小菜館  Ice Restaurant長沙灣青山道156-162號永基商業大廈地下A號舖Shop A, G/F, Wing Kee Commercial Building, 156-162 Castle Peak Road, Cheung Sha Wan #元州牛肉麵 #旺角美食 #台式美食 #開心香港 #HAPPYHK#HELLOHONGKONG #你好香港#EOSRP #35MM18 #canonphotography #BLOG #blogger #HKBLOG #hkblogger #HKFOOD #HKFOODBLOG#hkfoodblogger #HKIG #HKIGFOOD #HKIGFOODBLOG #hkigblogger#foodie #foodiehk #hkfoodie #香港美食 #香港自由行 #香港旅行 #香港探店

我覺得係最超值下午茶.我講你都未必信.但事實就是這樣.長沙灣《冰室小菜館》我記得上一次嚟都應該有成大半年.因我唔係住喺呢頭.無嘜事都唔會過嚟.惜逢今日有啲事情辦.又得一個人.等我嚟探吓班.唔知有無變動或者更新.一到下午茶時間.座無虛席.搵咗個位坐低.睇吓個餐牌.比較上次嘅都無嘜分別.落單係用QR.我得一個人就叫咗個 冰室熱狗 X1 $22元.再嚟一個餐蛋公仔麵X1 $12元.一杯餐飲熱鴛鴦走糖多奶（免費）🚶🏻‍♂️👉📌冰室小菜館 (長沙灣)長沙灣青山道156-162號永基商業大廈地下A號舖

大隻仔今次覓食嘅店舖就係💥 冰室小菜館 💥 大隻仔今日介紹呢間餐廳「冰室小菜館」，價錢真係平到你唔信，而且份量夠多，食物質素唔差，大隻仔覺得好抵食，真心推薦。而且員工有禮貌，每個客人走入餐廳都會主動招呼。果日大隻仔影餐廳menu 時，估唔到員工主動送份外賣Menu俾我拎走。👍👍⋯⋯⋯⋯⋯⋯⋯⋯⋯⋯⋯⋯⋯⋯⋯5⭐️ 超班3⭐️ 一般1⭐️ 差味道 ⭐️⭐️⭐️⭐️抵食 ⭐️⭐️⭐️⭐️⭐️服務 ⭐️⭐️⭐️⭐️環境 ⭐️⭐️⭐️⋯⋯⋯⋯⋯⋯⋯⋯⋯⋯⋯⋯⋯⋯⋯⋯🔥 下午茶餐-咖喱薯仔雞髀飯 $28 （包熱飲）賣相好吸引，份量夠多，飯一啲都唔少，唔會因為下午茶餐份量而減少。咖喱汁有椰漿味，比較似葡國汁，味道調校得好好，唔辣，配菜仲有薯仔🥔、粟米粒🌽，至於炸雞髀夠大隻，但唔算有好多肉汁。🔥 下午茶餐-冰室熱狗 $20熱狗包🌭️有烘過底，麵包鬆軟，熱狗材料好豐富：有生菜絲，蕃茄片，仲有兩條香腸。沙律醬甜甜酸酸，加埋茄汁配搭得出奇地好，味道極佳。估唔到咁簡單嘅熱狗咁好食。😋😋🔥 餐蛋公仔麵 $12 （下午茶餐追加）午餐肉唔會好鹹而且厚切，煎蛋正常，公仔麵🍜夠爽身，湯底唔會好味精，食完冇口乾，價錢超

平日嘅夜晚，經過長沙灣，搵下有咩抵食嘅地方叫小菜食，發現呢間冰室小菜館，招牌光猛，非常吸睛。- 冰室白灼蝦（半斤）$48大約有十六隻，體型屬中等偏細，肉質尚算飽滿彈牙，味道新鮮，配上辣椒豉油更惹味。- 清蒸盲鰽$56 跟餐有白飯餐飲蒸嘅時間剛剛好，肉質新鮮可口，口感一流，配薑蔥蒸腩部位置都唔太腥，骨都唔算多，同埋骨肉分明，唔識食魚/唔識lun骨嘅朋友都可以一試。- 紅燒火腩豆腐煲$96上菜時熱辣辣，個煲發出滋滋聲響，聽聲都知有幾熱，除咗字面嘅材料外，都會有蔥條蒜子同埋菇，增加味道層次同口感，醬汁調味適中，唔會太鹹。- XO醬楊洲炒飯$42 跟餐飲菜如其名楊洲炒飯配XO醬，有三隻蝦落鑊一齊炒，份量相當大碟，飯粒都分明唔會一舊舊，細食嘅朋友記得少飯，咪做大晒鬼。- 冰室咕嚕肉$42平時咕嚕肉係用肉排，呢度似係用豬柳做嘅，點解？因為真係啖啖肉無骨，有三色椒同洋蔥做點綴，份量都相當大份，失色嘅可能係佢上菜嘅溫度，真心唔夠鑊氣唔夠熱。賽後檢討：服務都冇咩特別，記得用手機下單可享$2優惠。飯同小菜份量相當大碟，味道屬於中等，但睇埋價錢絕對係糧尾恩物，細食少少嘅呢度一個飯絕對可以分兩餐，想食海鮮而又

今日喺長沙灣食冰室，叫咗個咖喱牛腩飯， $53 ，有個湯，有杯嘢飲，同埋有個飯。點解$53平少少？因為用咗佢個Apps落去買，咁就有九折。自己都覺得晚餐來講都算係抵食，同埋都幾好味。我自己就揀咗一個咖喱牛腩飯食。牛腩都算林，咖喱有椰香，個咖喱唔算太辣，我自己都唔係太食得辣，所以都啱我嘅口味。如果外賣嘅話，強烈建議係需要用Apps下載，之前我試過直接喺餐廳落單，然後喺外邊等咗一d 時間，外邊係青山道又多人又多車。。。所以用app晒定， 然後可以直接去到拎，咁就係最方便同最慳時間嘅選擇。

下午茶外賣安排，有九折都吾掂之前系油麻地分店食過下午茶，覺得抵食，所以來長沙灣點買外賣。再睇翻之前食評，原來之前來過買小菜，已經吾掂，今次自己真系傻瓜去之前5分鐘打電話去，啊姐聽了一句就掛住埋單，聽到兩個啊姐系度entertain 其他客。去到睇到又系有客人埋單，收銀啊姐原來吾多熟悉，又要問另一個幫忙。去問有得摟未，佢搵曬現在已經包裝好的幾袋都話未有，叫我坐低等，系櫃檯附近坐了5分鐘都無野摟出來眯再問，佢係剛才那些袋再搵，原來已經系到。返到屋企，所有野都凍曬，吾掂嘍。北海道紅豆西多士（$38）3分- 本來打開個盒以為只有表面幾粒紅豆，切開原來個心都有，味道吾錯。- 表面炸得幾金黃，- 因為凍左，所以”淋”曬- 價錢好似貴左D.冰室熱狗（$22）2分- 睇返系油麻地分店食的熱狗，腸仔好似大條D - 都系因為凍左，食落無乜味，- 個飽就幾軟熟朱古力（3分）- 好處系兩杯居然系有個座，比普通茶餐廳隨便放系什麼倒曬好好多-無乜朱古力味

海鮮超吾抵食系油麻地食過兩次下午茶都OK，見長沙灣開新店眯試下。第一次聽電話女士真系好冰，話一定要12點至落得小菜單，第二次先生禮貌就好好多，可惜，落單15分鐘後通知，最抵食同最普通的咕嚕肉同班塊都無，4個餸無兩個最抵食嘅，離譜，擺明吾賣便野。清蒸沙巴（$100）（3分）- 比較細條但蒸得火侯幾好同幾有魚味。上湯菜膽雞（70）（3分）- 例牌真系幾細碟- 雞幾滑同有雞味黃金蝦（$130）（1分）- 蝦好細同”梅梅”地，無蝦味- $130蝦仔數量真系少- 蛋黃味炒得就OK京都鴛鴦骨（$88）2分- 份量就好夠但肉質有幾多根- 好奇怪，有幾舊有辣味，好似將椒鹽豬扒加酸汁例湯（2分）- 湯料就好多，但無味。

現今社會百物騰貴.打工仔喺疫情關係.收入比之前少.食個早餐都要三至四拾元.喺長沙灣區有間餐廳.能夠做到下午茶.咖喱薯仔雞脾飯$28元.食個足料熱狗$20元.餐蛋公仔麵$12元.我相信是空前絕後.無人能出其右.今天特意來到長沙灣（冰室小菜館）享受全城最平宜.CP值最高之美食餐館.我和太太兩人在下午茶時段到達.我哋坐的是兩人對坐的餐枱.但餐枱比正常的細.坐位還好.唔會好迫.呢度可用QR或者侍應落單.兩者都可以.侍應都很熱誠協助.有問有搭.點餐如下：1. 咖喱薯仔雞髀飯跟餐熱飲X1 $28元2. 冰室熱狗跟餐熱飲 X1 $20元3. 餐蛋公仔麵 X2 $24元4. 跟餐熱飲轉凍鴛鴦 X1 $3元5. 跟餐熱飲轉凍檸檬茶X1 $3元