再來一鍋

l作為屯門友，梗係第一時間速報新開既小店啦！呢間新開既濃湯米線店離屯門站超近，步行大約4分鐘就到🏃‍♂️。最吸引我既係佢地既湯底100%係真材實料熬製，料足湯鮮，食完一d都吾覺得口渴，食飽飽仲可以去對面睇場戲㖭🎬🍜。.豆腐肥牛鮮茄濃湯鍋米線 $68番茄濃湯夠香夠酸甜，帶出天然鮮味，豆腐好嫩幾乎入口即化，肥牛片帶油花，落湯一煮好滑嫩，木耳同金針菇增添口感層次，白菜仔保持爽甜。份量十足，整個小鍋放係小爐上keep住溫度，米線另上，浸落番茄濃湯先食最夠味，冬天食真係一流，暖笠笠又滿足🔥。.自選米線 $29揀左酸辣金湯底，酸酸辣辣好易入口，每條米線都掛住金湯汁，口感彈滑。配料加左魚肉春卷 +$12（外皮炸到香脆，裡面魚肉餡彈牙帶鮮味）、韭菜餃 +$12（韭菜香突出，餃皮薄而有彈性，咬落汁多）、芝士腸 +$12。金湯內仲有酸菜、木耳、杞子、白菜仔等，好養生又夠味，呢碗真係食落有層次🌶️🍲🧀。.脆嫩單骨雞翼 $32 外皮炸得香脆，肉質保持多汁，單骨設計方便食。雞翼上面灑左辣粉，帶出微微辛香，吾會蓋過雞味🍗🔥。.即炸墨魚腐皮卷 $28腐皮炸到金黃鬆脆，內裡墨魚餡鮮甜彈牙，有淡淡海味，外脆內彈既口感對比好好，真係一啖接一啖停吾到口🍤✨。.仙草招牌奶茶 $12仙草香同奶茶香完美平衡，奶味濃厚，甜度岩岩好，飲落有仙草既草本清香同順滑口感，食完熱辣辣既濃湯米線後用黎收口最好，清新又解渴🥤…查看更多

一直由佢開張至今都有幫襯，冇諗過而家12月幫襯既時候啲職員嘅服務態度勁差，入到嚟同個女職員講:「我地5位，唔該~」，佢勁冇禮貌話:「咪叫你喺出邊等囉！」然之後我再同佢講我哋啱啱先嚟嘅咋喎，跟住佢再話：「咁俾個Number你囉！」（重點係個樣又黑晒面咁樣又勁冇禮貌），自己搞錯誤會咗個客，一句對唔住都冇！你想幫你公司倒米都唔使咁樣嘅，咁嘅態度以後都唔會再嚟！啱啱開舖一年都冇，開始多啲客就咁樣對態度對啲客！…查看更多

🎀屯門。暖笠笠平價熱鍋粉麵店🍲🎀🪄店名* #再來一鍋🔮地址* 香港屯門河傍街146號美基樓地下B號舖 🔮🗾分店地區🗾 沒有分店💰價錢$172 (2人)➖➖➖➖➖➖➖➖➖➖➖➖➖想睇更多同區推介👉地區搜尋🔍🗾#pickyme_屯門剩系食呢一類👉食物類型搜尋🔍🍜#pickyme_港式➖➖➖➖➖➖➖➖➖➖➖➖➖🎵餐廳環境🎵餐廳位於屯門巷內、近屯門站的新開平價粉麵店。店內裝修簡樸，環境乾淨企理，店內設的月球燈裝飾背景，可以打卡📷🍽️食物質素🍽️餐廳主打真材實料的濃湯粉麵鍋，招牌湯底如花膠雞湯、番茄濃湯等，均以真材實料湯底，熬製5小時以上不加味精。食物會連同小熱爐上桌，保持溫度，尤其適合秋冬天享用。此外，餐廳也提供多款即叫即炸的平價小食，非常惹味。如學生穿校服光顧更可贈送可樂👍👀評分💖💖💖💖🪄酸菜魚片金湯鍋配米線$62 加$8招牌奶茶店舖招牌要試試～湯底金黃，微辣中帶酸香，非常開胃。魚片切得薄身，口感滑嫩，大概有8-10片，幾足料。最貼心是附上小火爐持續加熱，秋冬天食全程熱辣辣。米線份量驚人，吸飽湯汁後超飽腹。加配的招牌奶茶甜度剛好，奶味香濃，膠樽包裝精緻，方便攜帶。👀評分💖💖💖💖🪄養顏花膠雞濃湯鍋配白飯$68 加$12奶茶凍凍冬日滋潤首選！雞件份量多，肉質肥美滑嫩，雞味濃郁。花膠口感中規中矩，但湯底確是真材實料熬製，飲完成身暖。配白飯撈湯一流。特別推薦奶茶凍凍，基底是清香茉莉奶綠，加入滑溜冰粉，口感豐富又有特色，個人非常喜歡！👀評分💖💖💖💖🪄即炸墨魚餅 $22即叫即炸，上桌熱辣香脆。一客四件，墨魚味鮮明，外脆內彈牙，作為小食或伴鍋都夠滋味。價錢親民，性價比高。(5個💖為最高)✴️✴️✴️✴️✴️✴️✴️✴️✴️✴️✴️✴️✴️⚜️整體評級⚜️🎈味道評分*😋😋😋😋🎈環境質素*🎇🎇🎇🎇🎈抵食程度*💰💰💰💰💰🎈服務態度*💌💌💌💌💌…查看更多

工作日放假又四圍覓食，鎖定咗呢間「再來一鍋」。入到去睇完餐牌有選擇困難症，靚女樓面姐姐好好人，主動推介佢哋嘅招牌「胡椒豬肚雞湯米線」，一於信佢啦！果然無介紹錯！個湯底一上枱已經聞到好香嘅胡椒味，飲一啖，湯底好鮮甜，胡椒嘅辛香好溫和，唔會嗆喉，飲完成個胃即刻暖笠笠，好舒服。豬肚清洗得乾淨，完全無異味，咬落爽口；雞肉都幾嫩滑，唔會鞋烚烚。今次我嘅明智之舉係加錢配咗「竹笙」呢個索湯神器！竹笙吸滿晒啖啖精華湯汁，一咬落去，嗰種爆湯嘅感覺真係無得頂，大大提升咗成碗米線嘅層次。份量方面都好足料，一個女仔食絕對夠飽，男仔都唔使擔心要加底。總結嚟講，今次體驗好滿意，由服務到食物質素都抵讚！下次再嚟會試吓花膠雞湯底，順便encore呢個竹笙！👍…查看更多

呢間店真係要瘋狂推薦！招牌養顏花膠雞濃湯鍋簡直係女生福音，湯底熬得奶白濃郁，入口滿是膠質，花膠厚身彈牙，雞肉嫩滑唔柴，配埋米線吸晒湯汁精華，每一口都鮮到舔脷～ 胡椒豬肚雞鍋都好出色，胡椒香氣夠晒霸道，驅寒又醒胃，豬肚爽脆無腥味，雞肉同豬肚嘅鮮味完全融入湯底，米線掛住湯汁，食落暖笠笠好舒服！即炸墨魚腐皮卷一定要試！外皮酥脆到咬落「沙沙」聲，入面墨魚餡彈牙多汁，鮮味十足，完全唔油膩～ 墨魚餅都好有誠意，墨魚粒肉眼可見，彈牙爽口，原汁原味好正！飲品方面，奶茶仙草凍茶味濃郁，茶底滑溜唔澀，仙草凍QQ彈彈，甜度岩岩好；洛神花茶酸甜解膩，清香開胃，配濃湯鍋簡直絕配！整體出品有水準，食材新鮮，味道正宗，無論係想養顏定想食得暖笠笠，呢間都好值得二刷，廣東人表示食得好滿意！…查看更多