再來一煲 (好順景大廈1座)

營業中

休息中

鋪頭細細，座位有限，食前記得要預約，基本walk in 我覺得唔會有位比到你，不過多人食，起碼有信心保證先夜晚收工成9點，打去問10點有冇位，好好彩有位之前試過佢哋嘅胡椒豬肚雞湯，食完加湯再打邊爐，都好惹味，但個湯會愈食愈鹹今次試食招牌雞煲，可以加配菜，冇咁單調，味道偏甜，香辣味夠，唔係麻辣嗰種味道，一味得個辣打邊爐配菜唔多選擇，牛都係基本幾款，有手切牛，當然要一試啦，切得合格，起碼唔會碎濕濕，一片片，但比較厚身，好容易會淥得過熟，切得薄啲會更好，牛味濃，價錢348大份的，但大份的都好細份，我一個女仔都可以食得曬，對比附近的火鍋店差不多價錢，分量真的偏少咗椒鹽粟米算係招牌菜，當然水準保持，唔會炸到油淰淰，入口夠乾身，椒鹽鹹味加粟米甜味，反而好夾，唔錯唔錯如果大家去試，可以試下佢哋啲炒嘢，見到好多客都叫炒嘢食，應該都值得一試。

最近天氣轉涼，放工心癮起諗起食雞煲，下午5點幾 walk in 入內成為首位顧客，嗱嗱臨 order 招牌辣雞煲，店員知我首次光顧，耐心咁解釋我知佢哋係用「印度魔鬼辣椒」入饌，與坊間的指天椒辣度有別，如果平時在外食開小辣，在這叫 BB辣就夠了。於是我叫咗 BB 辣招牌雞煲（半隻）+ 啤酒。雞煲端上爐之後，員工會分時段去攪攪它（大約2-3次啦），以防痴低，ready之後就通知我食得。在煲緊等食期間已經聞到D香辣味，好正！😋好吸引！唔好忘記試佢哋自家製的瑤柱XO辣醬，都好好味㗎！地方整潔，店員有禮好招呼。

手工野，員工細心態度好！平時經過好多人等位！今日訂定位先試到！記住一定要訂位！味道夠，不過要小心辣度要叫平時低一級芝士控嘅朋友，芝士牛丸一定要試！！下次試其他煲先！

雖然遲咗寫，但都要寫返個食評！因為我太想食雞煲，所以同幾個朋友去「再來一煲」試吓！地方唔大，都坐得舒服，冷氣又充足我哋點咗幾樣食物，當然係要必點雞煲啦！同行朋友讚不絕口，雞夠入味，唔係淨係得個咸字！入面啲配料同樣都好出色，特別係啲洋蔥！好好味而且店員好好，幫我哋炒個雞煲，到差不多食得又會提我哋，讚另外，我哋點咗椒鹽粟米，呢個好惹味，送啤酒一流，推薦我呢就同啤酒無緣，所以就飲咗杯，我最愛嘅大大杯凍檸茶一定會「再來一煲」

食雞煲火鍋除左去連鎖店，有好多小店一樣值得支持，喺元朗Yoho附近既「再來一煲」就係其中一間，食過幾次，每次都keep到水準，無令我哋失望。雖然位置喺後巷內唔顯眼，但因為食材靚服務好所以我地都一食再食😋。黎到一定要試係 #招牌魔鬼雞煲，大大煲好多雞，店員話係用咖喱醬一齊炒，味道勁香辣勁惹味，最喜歡佢辣中帶甜，令辣味唔會過於搶喉，又食到雞既鮮味。配料仲有魷魚、雲耳等，好足料，份量又多，4-5個人都夠食。我地另外點多幾隻鮑魚加入雞煲一齊炒，韌度十足既鮑魚口感嚼勁十足，結實又彈牙，加雞煲炒都無蓋過鮑魚鮮味，推介👍食完雞煲就到火鍋啦，配料選擇極多，喜歡吃肉既一定要試下招牌 #牛魔王拼盤，一碟試齊唔同牛既部位：牛吊龍，牛小排、牛胸油，牛臉頰、封門柳、牛舌、牛筋丸。#牛小排 當然最岩一家大細口味，油花分佈全片牛肉，入口稔滑又有口感。#封門柳 相對瘦啲，嚼勁十足，肉味更見香濃。#牛胸油 最特別，唔好睇佢好似好肥咁，其實食落一啲油膩感都無，仲好爽口添。愛食豚肉可以試 #豬八戒拼盤 有五層白肉片、黑毛豬肉片、豬腳筋、肉眼爽和豬潤。#豬腳筋 膠質豐富，好養顏；#肉眼爽 有啲似豬頸肉，爽口肉味香濃。除左肉類

小店位於元朗西鐵附近嘅小巷，主打招牌嘅墨西哥魔鬼朝雞煲🐔 樓面雖小但五臟俱全，環境整潔而且座位都算舒適，唔會話坐到好迫🤣 服務態度更係餐廳嘅其中一大賣點☺️ 店員會主動翻滾雞煲，添加湯水，仲會主動幫手隔油添，俾人感覺好溫暖，人情味十足呀😛🥥 清甜四季椰子雞食之前店員建議先飲啖椰子湯品嚐下佢嘅味道，清澈鮮甜，飲完都唔會覺得口乾，不知不覺飲咗成碗🤣 OK後就可以冚蓋煲滾雞肉～ 雞件處理得幾乾淨而且唔會有碎骨，肉質嫩滑，帶點椰子香味十分清甜☺️ 裏面仲有椰子、蘿蔔同粟米等配料，份量十足，性價比甚高😍🐮 密椒薯仔牛柳粒估唔到火鍋店嘅小食可以做到咁出色😜 薯仔表面十分香脆，內裏軟腍🥔 牛柳粒幾juicy帶點嚼勁🥩 配上爽脆鮮甜嘅三色椒，五顏六色，當做前菜一流呀～ 🥗 蔬菜類田園雜菜藍有娃娃菜、油麥菜同唐生菜🥬 啱晒選擇困難症人士😆 另外仲叫咗冬瓜同鮮冬菇😋 整體價錢合理而且食材超級新鮮，唔錯！🍥 豆類0.03紙豆腐都係第一次見😳 放入鍋淥3秒就食得啦！質感有啲似腍版嘅支竹，豆味香濃，口感幾特別😇 山水豆腐都唔錯，清清地幾好食😗🥟 其他最後叫埋魚皮餃同手打烏冬作結尾～ 魚皮餃細細粒，煙煙韌韌咁幾得意😗

呢間元朗小店不得不讚，除咗食物質素優秀，服務更貼心！一邊打邊爐難免湯面會多出油，服務超加分位係有專人幫我哋去油。.醬料齊全烤魚（蕃茄湯）$268:同服務員傾偈先發現原來係鉗魚。肉質非常嫩滑，喺烤前有經過炸嘅工序所以面皮都好香。香港唔多地方有烤魚食，呢度做得非常出色！湯料豐富，有唔少番茄、金菇、雲耳、豆卜。蕃茄湯底鮮味十足～ 超級推薦烤魚必食！.椒鹽粟米 $58:賣相好吸引，食過更加吸引。粟米本身夠甜，同面頭嘅椒鹽造成對比，口感同味覺都非常豐富。欣賞佢將粟米切細細份，方便進食。.酥炸黑金墨魚滑 $108:第一次見呢種食法就即管試吓，發現都幾唔錯！墨魚滑口感煙韌，值得一試。.田園雜菜藍 $68:呢個藍有生菜、娃娃菜、油麥菜。本身以為會有多啲唔同菇類或者蔬菜。不過選擇既然都唔太多會建議大家單點自己特別想食嘅蔬菜。.安格斯封門柳（半份）$138.新鮮滑牛 $88:必點之選！牛肉肉質鮮嫩加埋滑蛋超正！

見人話好食，今日心血來潮去試，嘢食貴得黎太小份量，鋪頭細小，座一陣比服務員趕去另一張細台話要接新客我當然唔掉啦，食埋小小就埋單，兩個人叫左半隻雞加魚標，一份例牌牛小排，一個烏冬，兩支啤酒，一支飲品就係咁多，每人收$14醬油價再另加一服務費，我覺得唔值囉，埋單$650，呢個價我去其他可以食得更好更舒服，仲要為左接新客趕客第二張細台座最唔鍾意就係咁，你唔夠台接新客就麻煩唔好接booking,一係就排隊等一下，總知食得不愉快無下次唔會再幫襯

貴得黎份量小，趕客走，不愉快經歷$168一碟牛超小份量，仲要每位$14醬油價再加一服務費、兩個人叫左半隻雞加魚標，例牌小牛排，烏冬一個，兩支啤酒，一支飲品，埋單650

喺‘‘食在元朗’’有不少人大讚呢間‘’再來一煲‘’今日終於記得嚟試吓😂😂😂七點幾嚟到等咗廿分鐘左右（我哋冇book位 ）第一次嚟試緊係試佢招牌啦🤭🔸招牌魔鬼雞煲👍🏻👍🏻👍🏻同平時食嘅雞煲好唔同佢哋冇用花椒八角而係用咗雞醬、印度魔鬼椒同檸檬葉（店員介紹）甜甜哋好好味，啲雞仲好滑😋🔸即炸黃金響鈴👍🏻👍🏻食完唔會覺得（漏）😛🔸椒鹽粟米👍🏻好食 爽口😋🔸紙豆腐😲真係紙咁薄🤣但冇想像中咁滑店員有善提醒我哋下次可以book枱介紹外賣

個人推介指數 9分 （10分為滿分) 記憶中也沒有給予9分給一所餐廳, 無論地點, 環境, 服務, 食材和味道也是相當配合和出色. 難得是我第二次再來一煲, 水準還能夠保持, 確是我心目中其中一間心水餐廳. 為了慶賀女兒考試績不錯, 我們一行四日決定再來一次光顧此街坊小點, 期望享受一個美滿的晚宴.這裡沒有特別的裝潢, 是平實整潔的格調. 坐位和枱子倘萛舒適, 不會感到擠擁. 先來是我心愛的醬料吧,  通常吃的時候如果湯底夠味的話我又很少沾醬, 不過我喜歡的是撈醬的感覺.這裡的特制XO醬, 比想像更辛辣, 更惹味, 可以帶出食材多一面層次實話實說, 不好辣的我也願意挑戰. 因為好味的辣才值得我去冒險.由於小女都有份吃的關係, 這個招牌雞煲我們就選擇了BB 辣 (有變態辣)據招待我們的負責人說他們是特別選用了地獄辣椒, 所以才有這又辛又辣又惹味的味覺效果.不過BB 辣確是岩我和小女, 我們大啖大啖地滋味地吃着鮮嫩的雞件, 又開胃又滿意. 太太就自行加了XO醬, 看見她一邊說辣一邊又不停地吃, 非常有趣.而雞的份量也不少, 我們四人叫了半只雞已經足夠大快朵耳了. 在胃部開動前, 飲料要準備

突然想食雞煲，見呢間〈再來一煲〉評價唔錯，就約埋朋友一齊去試下❤️餐廳位於巷仔入面，行過都幾容易miss咗~ 店面唔大，但坐落唔會話好逼，環境都幾乾淨企理~🔎 招牌雞煲（半隻：$198）我地叫左半隻雞，而辣度方面因為職員話佢地係用墨西哥魔鬼椒去煮雞煲，所以辣度會俾出面既辣，我地叫左BB辣～除左墨西哥魔鬼椒🌶，雞煲嗰醬汁仲落左檸檬葉去煮，所以好香同好惹味，食落味道甜辣甜辣。雞肉非常嫩滑，就算係雞胸都唔會話韌，雞煲入面有少少木耳、四季豆同豆卜做配菜，豆卜索曬雞煲嗰醬汁，非常正～食完雞煲，職員會加湯俾我地打邊爐，仲會幫手隔油，非常體貼～🔎 牛魔王拼盤（例牌：$348）牛控必食🐂，一次過可以食曬7款唔同牛既部位，包括：手切本地牛、安格斯牛小排、安格斯封門柳、本地牛胸爽 、牛臉頰片、牛脷托、新鮮滑牛，仲有2粒牛丸~ 非常豐富，全部都好好食，去到最後差啲食唔曬😆😆🔎 即叫即炸脆響鈴（$42）點必之一，響鈴上枱熱辣辣，職員仲會俾泰式辣醬我哋當小食咁點黎食，響鈴炸得香脆，豆味濃郁。之後我地將響鈴放左落湯底度打邊爐，索曬啲湯，正～🔎 鴨血（$52）呢款鴨血係我鐘意既鴨血，食落非常嫩滑，口感一啲都唔硬。下次

🌶嚐辣者必試雞煲今次朋友帶我去一間真心隱世雞煲 位於元朗一條巷仔入面 但咁隱蔽嘅小店 閒日夜晚去都滿座 發覺店員同食客嘅關係維繫得好好 佢哋會好似朋友咁樣傾偈 😚我相信親切嘅服務同氣氛都係呢間店其中一個嘅賣點❤️🔸環境方面 雞煲來講好舒服 唔會好大煙好大陣味 座位都舒適寬敞🔸服務方面 受寵若驚地店員會主動幫手隔油 幫你翻滾雞煲 添加湯水 建議你雞煲辣度 人情味十足‼️19:00前離座$500-$80‼️20:00後入座$500-$100🐤招牌魔鬼雞煲半份 $198+魚標$58先自己調醬油配料先 雞件份量唔少 肉質多肉鮮嫩 我地叫左比BB辣更低lv既手抱嬰兒辣少麻少辣好啱我口味 味道豐富 好彩店員貼心提醒 因為BB辣對我地來說太辣加埋魚鰾 第一次食魚鰾 好正好好味 口感爽口得黎又好Q軟 似花膠 入味又好食 必點 ❣️🐮安格斯封門柳$138兩個人食分量剛剛好 油脂比例剛好 口感豐富 肉味濃郁❣️🍋珍寶檸檬茶 $38真心誠意之作 我哋怕辣嘅兩個人 巨大版檸檬茶解救左我哋 茶味濃郁 亦都完全滿足到我嘅要求少甜少冰 最緊要係夠大杯❣️🥠即炸黃金響鈴配甜酸醬$42店員介紹係招牌菜 跟埋甜酸醬俾你就咁點買嚟食

今次黎咗元朗國食雞煲+邊爐一坐低 店員會介紹餐廳推薦嘅款式👍🏻本身諗住叫雞煲小辣🌶不過店員就溫馨提示佢哋雞煲嘅辣度比出面鋪頭辣啲 所以我哋都係改咗BB辣🌶雞煲黎到只係三成熟 但店員會幫手炒到食得為止😋雞煲幾惹味 反而冇想像中咁辣 下次黎可以叫返小辣黎試試加上珍寶size嘅嘢飲🍺$38真係勁大杯 最後都飲唔曬😮‍💨諗住主攻牛肉 所以淨係叫咗半份雞🐥 不過雞肉幾惹味 叫一份都唔過份😋好快食完雞煲之後就叫咗店員加湯🫕 開始打邊爐～ 啲料都一次過上曬👍🏻完全唔洗等👍🏻今次叫咗牛魔王拼盤🐮大份有 牛脷托 牛面頰肉 滑牛 手切本地牛 牛胸爽 牛小排 封門柳 牛筋丸🐮 滿足曬所有願望🤭 特別係佢個牛筋丸真係幾好味 不愧係推薦款式👍🏻我哋仲額外叫咗一份手切本地牛 同黑毛豬肉片🐷除咗肉類 我哋仲叫咗 即炸黃金響鈴佢真係即刻炸起 話可以就咁食 不過我都係比較鍾意浸一浸湯 比較惹味🤪最後我哋仲叫咗一份紅薯粉佢嘅紅薯粉係闊條嘅🤭 又估唔到同邊爐幾夾 我哋仲encore多一份😋😋😋特別一提 店員會主動黎幫手隔油 唔洗我哋自己黎 呢啲加一服務費真係比得過👍🏻👍🏻

今日同朋友黎到雞地既再來一煲，呢頭餐廳係唔少，估唔到有間咁好食既雞煲我地首先叫左半份招牌魔鬼雞煲本身食開小辣，但店員好好，係落單既時候同我地講下有咩推介之外，仲同我地介紹原來佢地用既辣椒係墨西哥魔鬼椒，會香d仲會辣地，斤以我地最後決定bb辣。雞煲一上台大概會有7成熟，之後店員會幫你睇火幫你煮，唔洗自己煩，食得會話你知。食落同平時食到雞煲既味好唔同，如果要形容，就好似出面既雞煲會用好多醬好重口味咁令你覺得好惹味，而呢到反而唔會好重口，而係會運用香料令你覺得好香，d雞愈食愈好味即炸黃金響玲去食雞煲最鐘意叫即炸響玲，平時買唔到，即炸係可以就咁食又得，點少少雞煲汁食又得，浸少少湯食又得，隨你鐘意極上牛筋丸半份大大粒爽口彈牙，一咬落去會爆汁，好爽瀑布芝心牛丸半份第一次食芝心牛丸，姐係好似平時芝心丸咁，但外層轉左牛丸，食落同時有牛香同芝士香，下次黎都會再點，而且唔會到到都有牛魔王拼盤大份呢份簡直係必嗌，打邊爐一定要食牛，呢個拼盤可以試哂咁多款牛，側如牛小排、牛舌、牛胸爽、滑牛等等，每款份量都唔少，同枱唔洗搶。每款都好有牛味，雪花都好靚，唔會太肥但又易入口半份手切本地牛睇落個色澤好新鮮，有少少雪花邊