六合棧海鮮火鍋酒家

經過呢間門口，望望招牌，見到火鍋酒家就諗住睇吓有咩嘢食，點知望極都唔見火鍋配料，剩係得小菜。問吓知客先知原來已經無做火鍋😅好啦！小菜就小菜。有卡位座，算是一個角落，可靜靜的食個晚飯😄羊腩煲(送生菜)味道其實夠濃，但應該係上枱前用水開過，所以味道爭啲鹹豬手，因為係現醒貨關係，所以味道中規中矩，但入口時只是微温炸豆腐，無難道的原味豆腐吧！班腩煲，可能又係唔夠熱嘅關係，無煲仔嗰種撲鼻之香，但味道都可以魷魚鬚，炸得太乾，un到有啲似橡筋成晚最驚喜反而係呢個送嘅豆腐花，夠滑口又有黃豆香味😋另外，待應姐姐嘅服務態度要讚👍🏻有禮貌，主動幫忙分菜，勤換骨碟👍🏻為今餐晚飯爭返唔小分數😅…查看更多

小小的我，已聽過上帝做人的故事！對呀，以單純小孩們來說，這是一個既活潑又生動，兼可打開心中疑團的故事。甚至長大，撇除宗教、生理常識，這個上帝做人的故事依然可愛與動聽！陪老爸覆診的日子，是我們兩父女最能享受獨處的時光。老爸總是很隨意，每次午餐都由我發辦，這趟我硬要他從我三個選擇中挑一個：清真菜、港式粥品、廣東點心，老爸二話不說挑了點心，結果出乎我的意料！不太喜歡嘈吵擠迫的中式酒家，當然還有工場製作的劣質點心，於是利用 OpenRice 在佐敦區搜尋，我大膽的決定到主打火鍋的「六合棧」嚐點心。或許過了繁忙時間，用餐的客人不多，尚有多張桌子空著。裝潢不算華麗，但環境整潔及安靜，跟這區一般中式酒樓的煩囂，氣氛截然不同。我們坐到寬闊的卡座，一個小小的獨立空間，感覺舒適！午市備有二至六人的套餐，也有特式粉麵，不過老爸未為打動，還是忠於點心！以六合棧為名的蝦餃皇，肯定是必選的款式。餃皮不算太薄，質感帶點韌性，感覺還好！放嘴邊輕咬，即感到餃內飽滿的蝦肉。一咬透出蝦香，而蝦肉卻不是坊間碎碎小小的，反之厚大而爽彈的蝦肉，嚼感明顯及自然，相信所選用的蝦隻質量不錯，老爸則以鮮來稱讚這道六合棧蝦餃皇。還以為生煎糯米雞是迷你版本，原來是懷舊的大版。外層沾上了雞蛋來煎，口感微脆、富有蛋香。糯米對我來說有點過軟，不過效果絕對可接受。饀料多汁，保持糯米有足夠的滋潤，調味亦不過於濃烈。份量對老爸和我而言，是有點過剩了，因為糯米飽肚感十足！豉汁蒸鳳爪亦有水準。醬汁不會過於濃稠，而甜、鹹與辣味做到足夠的惹味，而不會有著重口味的膩意，入口較為舒暢可口，恰如其份的豉汁蒸鳳爪。這道紅紅的點心，有著甜品的視覺效果。實際是愛吃蕃茄的老爸，選來的鮮茄魚湯鮮竹卷。鮮竹卷被兩片蕃茄掩蓋，碗子底部實藏著三條鮮竹卷。自從鮮竹卷變得偷工減料，入口只是帶有零星的蔬菜和糊糊的口感後，我便不太愛它了。但「六合棧」的鮮竹卷較為扎實，除了感應得到脆口的蔬菜外，還有具靭性的豬肉，用料實在，很自然地便對它產生好感！湯底是魚湯，入口帶有自然酸清的蕃茄味，味道完全不商業化，令人感意外！本來欲嘗試的檸蜜雞蛋散，因肚子撐得緊緊的，當天實在無「能力」一試，唯有期待下次的機會。雖未能如願以償，幸得經理給我們送來豆腐花和喳咋作安慰！其後得知老爸選擇點心的原因，就是可以無拘無束地喝水 (茶)，這真令我發笑！兩父女之間一向有著微妙而相似的地方，就連愛灌水的情況也一模一樣，莫非上帝做我們的時候，所用的泥土欠缺滋潤，以致兩父女在世後亦要多多灌水，補充不足？！「六合棧」的點心有二十多款，選擇不算豐富，唯以傳統和平實的作招徠，如鵪鶉蛋燒賣、北菇雞包仔、黃沙豬膶賣、古法馬拉糕及淮山雞扎等。當天初試後，水準確實於一般的集團式酒樓之上，至少調味自然恰好，用料與手功皆認真，在競爭劇烈的市場中，足見「六合棧」鮮有可貴的經營態度。加上環境寧靜，下次老爸再要吃點心 (灌水) 的話，必再光顧。…查看更多

天氣真喺明顯凍咗好多，星期六有家庭聚會，長輩話食蛇宴喎。 依間酒家，喺婆婆家附近，平時佢飲開午茶，之前同佢嚟過，感覺唔錯，因為有我鐘意食嘅豬潤燒賣，唔好話我變態，我喺好鐘意食豬潤嘅人，豬潤燒賣好難整得好食，豬潤好易過"老"架。講番嗰晚蛇宴！屋企人到齊，即上菜，一嚟先上蛇羮。哈哈，蛇羮要配埋"脆脆"先好食，重要埋檸檬葉絲！蛇羹肉多夠濃、杰度適中，大家都話熱騰騰食幾啖已經額頭冒汗。 再嚟酥炸五蛇丸，香口！屋企有人唔喺好食蛇，話依度菜ok，唔錯。重有一度菜要提係，個名叫「輕煎燒腩肉」，爸爸叫個時，問部長咩嚟，話燒腩肉包住蛋液輕煎。因為欠一個菜先夠八道菜，爸爸就話試下。可能大家未試過，諗住無詳特別，竟然喜出望外。雖然煎過，但燒腩肉依然夠「淋」，我們一家人一致推界。真係好耐冇食蛇，諗番起，以前細個每逄冬天都經常跟阿媽參加ｄ乜乜福利會食蛇宴，有ｄ懷念當年嘅FEEL。今晚都唔錯，整晚一家人有講有笑，真開心！…查看更多

朋友請食lunch，大家已經厭倦公司附近既茶餐廳，今日一行6人坐的士去咗六合棧(當然係請客果位朋友介紹啦)最令我哋意想不到既係 - 豬潤燒賣，塊豬潤完全咁將粒燒賣遮住，佢雖然大，但係內裡好溫柔~~ 而咸水角亦係新鮮炸出黎，絶對唔係唔係返炸﹗…查看更多