六十年代

營業中

休息中

星期日買早餐 麻辣肉碎米線居然撈咗通粉，賣相好難睇，唔夠米線可以同人講，唔出聲就加啲通粉，好難食啫，證明廚房煮食…好求其…亂加嘢比人食… 如果心情唔好會唔會加其他嘢比人食當發洩， 真係凳嚟緊會幫襯嘅人擔心。……………………………………………………………………

知道樓下開左新茶餐廳一段時間，終於係一個悠閑週日去試下。一直比佢走懷舊風既門面吸引😍用上THE GULU 機排隊，我地照按一張票等位，等左十分鐘，號碼根本無郁過，但明明入面仲有好多位，我地就拎票入去問人咩情況，點知，根本已經可以直接入座，所以排隊機既作用形同虛設。餐牌上面有形形色色既菜式，全日早餐，下午茶，精選午餐等都不俗多選擇。鳳爪排骨飯 ： 有趣是餐牌上沒有講明是跟飯🍚，還是以桶飯上？要問一問先知鳳爪排骨會另上。鳳爪排骨好焾身，呀婆都食得，不過一點都不夠豉汁味，基本上係用豉油撈飯。真係普通到不行。而且配送既合掌瓜餐湯竟然味道淡如水，唯有用湯撈飯食埋佢。🤨沙嗲牛肉公仔麵🍜+ 牛油🧈多士配3.6 牛乳炒蛋：份量不少，沙嗲吾會太咸，都有5-6片，公仔面吾夠煙韌，只能當係頹食。牛油🧈多士脆身夠熱，不過得半塊，好似有點姑寒。明明話用上牛乳炒蛋，一點都不滑身，真係好差🧐口感好差奶茶🥤： 茶底吾好，同M就無分別，一味死甜，難飲。總結：價錢吾便宜 服務態度差排隊機形同虛設

今晚共四人去食晚飯，見到這間開咗幾個月，就試吓，我們叫咗海鮮雜菜煲-$70、胡椒豬肚火腩煲-$75和鼓汁蒸倉魚-$98。每個小菜包一個白飯及例湯。海洋雜菜煲和胡椒豬肚火腩煲叫咗太約10分鐘已到，味道普通，份量少。之後條蒸倉魚等了超過半小時仍未到，叫樓面追單，佢竟然話廚房見冇魚就掉咗張單，冇通知樓面，所以冇人通知我們，食餐飯食到一肚氣，價錢又唔係平，今時今日仲要咁嘅服務態度，真係要好好檢討一下。下次唔會再幫襯。

今晚同男朋友喺東涌食飯，去咗逸東邨搵嘢食，見到呢間新嘅茶餐廳就入咗去食，裝修似懷舊色，唔使等位一入去就有位，我就叫咗個九層塔啫啫雞煲送碗餐湯，再叫咗杯凍檸茶少甜。男朋友就叫咗福建炒飯（食完先記得未影相），先講我個九層塔最最雞煲，好香九層塔味，好多配料，好多薑片同埋蒜粒，都唔算細碟，最搞笑係竟然有幾舊叉燒，總括嚟講個味幾好食，又唔係太濃味，送埋個飯，成個餐係$78連埋飲品。至於個福建炒飯，都唔錯啲飯炒得幾靚，個汁我就一般啦。侍應服務都係一般。

同男朋友去咗兩次食，一次係晚餐，一次係早餐，但分別兩次都被嘈到耳鳴， 目測全間茶餐廳人數不超過40人，但不知道為什麼會這麼吵，曾經幻想以為係有人特登播啲嘈吵聲音出來不斷重複又重複，但最後得出的結果應該係設計上的問題，就算喺牆角發出的聲音令一對球的牆角也聽得清清楚楚，所以整個茶几的聲音加起上嚟就係一片混亂「@^*¥　@》¥　？|～」實在一間太恐怖的茶餐廳了，另外都說說食物的質素，品質還尚可，不會感到難吃，但係熱奶茶的質素就好似M記一樣，沒有層次感，呢間野只可以被評為外賣嘅茶午中餐廳絕不能坐下來食飯的茶餐廳，

夜晚試新野叫左個扒餐 12oz 5成 好un 難食再叫左兩個餸牛仔骨同豆角豆角啲肉唔係肉鬆牛仔骨啲肉一係就骨一係肥肉送啲湯頌要係叔叔地只能叫填飽個肚只杯大話7可以埋單都未有叫個外賣肉燥飯 勁多油頌要咸到傻魚香茄子還可以

晚市的魚香茄子肉碎煲，價錢包括一碗例湯及白飯。例湯比想像中好。而魚香茄子煲的茄子份量也很多，以這樣的價錢來說算是過得去。另外還叫了咖哩牛腩煲，味道不錯，牛腩也很好吃，只是這道菜的份量太少了。而咖哩味也較淡。

Newly opened recently. Both dishes were okay. The stir fry beef w flat rice noodles were not oily but lacked taste. Could use a bit more seasoning on the beef and soy sauce for the noodles. The baked pork chop rice with tomato sauce was okay on balance. It came with one piece of fairly thick pork chop. It is of high quality and quite tender, and was seasoned well. The taste of tomato sauce could be stronger. The bill came to more than $130. Not cheap for an average lunch for two.Ambience-above

今次嚟食下午茶，幾抵食既:叫咗西多士同埋迷你乾炒牛河，雖然佢話迷你但係份量都OK幾大碟，牛河炒得夠乾身，不過用嘅份量就唔係好多得四五塊，牛河偏淡，不過清清地幾好食，但係西多士就。。。。入邊嘅餡係花生醬，不過查咗好似冇查咁，大大塊既蛋漿麵包。。。

今午第二次與同事午膳，叫了虫草花蒸鷄午市套餐，$46+凍欲＄３，附送例湯。味道可以！同事點了串燒肉撈麵，對於男士而言份量太少了，相信他也要再吃下午茶。２人取票等位用了8分鐘左右，算快了！

這間60年代，新開的時候，天天都大排長龍，非常旺場，但其實，看餐牌，都只覺得是普通茶餐廳，只不過你開在東涌區最偏遠的屋邨之一，就會比較吸引，即使住在附近的居民不吃，在這邊工作的市民還是會試試。🤷🏿‍♂️看到午餐分別有40多元去到50多元，都不太便宜，經常感覺到，吃完午飯之後，下午都會有點兒眼瞓，也沒有需要吃那麼大的飯，因此，這次來到，也是算是它的全日常餐就算了。常餐有幾個選擇，有一個是豬扒，但是恐防豬扒又乾又鞋，還是叫了最穩陣的沙嗲牛肉麵，反正都很久沒有吃了。沙嗲牛肉麵，不會等太久，麵條的份量不算少，應該都有整個公仔麵，不會太軟林，當然也不會像自家煮的那麼有嚼勁。牛肉的份量亦都不算太少，應該都有6至8件，沙嗲醬汁不會冷冰冰一團的放在麵條上邊，雖然不算是牛肉味道香濃，但最少不算是又乾又老又鞋啲牛肉。餐牌上寫上有寫北海道3.6牛乳的炒蛋，但其實又有什麼特別呢？即使寫上是3.6，我感覺到這樣的炒蛋也不算太滑，而且味道欠奉，我還要在旁邊的調味架來一小包鹽，才能提升蛋的味道。多士亦都偏向普通，可以吃到它的牛油，味道不覺得特別香，非常之淡味的牛油，烤得都有點兒香脆，但可能太厚，而不算烤得完全透徹香脆

新店開張好多人排隊，係呢個長期冇嘢好食既逸東邨真係要入去試下新口味。聽講呢個德國黑椒鹹豬手係必食之選，就等我叫一隻嚟試吓。晚飯小菜跟白飯同例湯重點係呢間餐廳好多選擇，唔想食中菜小炒可以食焗飯或者意粉。選擇多多，唔怕同枱食飯有分歧啦！叫咗個海南雞飯，不過係凍食既，平時食慣熱辣辣食凍嘅感覺麻麻地，但份量同味道可以接受既。小菜奉送例湯，多料好飲既！鹹蛋蒸肉餅好味，不過稍為鹹左少少，但係啲肉好滑，份量少左d,雖然面積大，不過好薄身。登登登登，德國鹹豬手，因為本身豬手都鹹，所以叫咗黑椒汁另上心急得滯切左先影相菠蘿咕嚕肉好食！因為用豬頸肉整，所以一啲都唔硬！正！呢味口水雞堅好食，唔算好辣，不過六十幾蚊呢個份量少左d,整體來講都OK嘅

餐廳仍在試業期間 本人於9/6光顧此餐廳 叫了兩客海南雞飯 但內有鐵線 向餐廳經理反映 但只被掉下一句不好意思 就此作罷 沒有任何解釋及跟進行動 反映食物安全意識差極 相片看附圖

是日無飯夫婦選擇了東涌呢間新開ge餐廳食dinner.例牌新開排到成條龍，入到去餐廳員工打仗咁忙。兩個人ordered兩個小菜送餐湯。一個係黑椒牛仔粒，另一個係粉絲蒸鮮魷。餐湯類似合掌瓜，幾好飲。飲品order左熱奶茶，水準一般。牛仔粒明顯用鬆肉粉乸過，食落口感麻麻，但呢碟菜味道係炒得ok ge. 薯仔就好食。另一碟粉絲蒸鮮魷 麻麻，粉絲我食曬，但鮮魷蒸得太耐，（銀）咗啲，無食曬。牛柳粒70左右我覺得算便既因爲份量比普通餐廳係多，但鮮魷差不多100就唔太抵食。可能新開忙啦，水準有待改善。

我叫外賣啦，等待嘅時間ok👌🏻，都可以接受到🤷🏻‍♀️，但係我叫嘅係芝士雞扒撈麵，係芝士撈呀🙃！！！返到屋企打開，我睇到嘅麵係一滴芝士都冇😐，雞扒仲要轉咗做豬扒☹️。我即刻再去間餐廳，去叫員工幫我轉返啱佢啦，諗住唔會再有錯，點知再次打開，你估我見到咩？冇錯，汁係加咗，但係豬扒仲係嗰舊豬扒囉，佢竟然一錯再錯。雖然但味道係ok，但錯完再錯好離譜。🙄😐😐😐😐😐😐😐😐😐😐