公車泰國餐廳

營業中

休息中

見食係評唔差 諗住食下平日午市個場一啲都唔full 一人可以坐4人枱13:00叫左個炒金邊粉13:34先到 好有禮貌叫佢幫我跟下一句唔好意思都無性價比都唔高 $58得幾條肉絲 食到忟。

今日晚上，由於年三十晚關係元朗很多食肆都提早關門，我見到有間叫公車泰國餐館，就食泰國菜作團年。由於時間尚早大約是晚上六時入邊人流不算太多，好快就點餐我點了蒜蓉包，泰式黃咖哩豬肉，明爐烏頭，蒜蓉炒椰菜苗，還有泰式珍多冰。好快蒜蓉包上枱，蒜蓉包整得比較燶所以吃不到蒜蓉味只有一點點的苦味。之後上菜速度就非常之慢，等了25分鐘才上明爐烏頭，明爐烏頭肉質上可味道不錯，泰式黃咖哩味道幾好，咖哩味香濃也不辣豬肉片感覺像是火鍋片的一樣薄薄的，但可惜上菜時間太耐，到了枱上只感到微微的暖，蒜蓉炒椰菜苗味道不錯奇怪的事蒜頭是連皮炒的感覺奇怪。至於泰式珍多冰不知是否太忙的關係忘記加了糖水淡而無味，最後埋單要注意，因為要夠500元才能可以用信用卡簽賬，回頭率0。

團年飯冇着落，成八點先約個朋友周圍搵食，好多餐廳、餐館幾乎冇開，遠處見到呢間餐廳仲營業，於是入嚟一試，估唔到所叫佢每道菜都好惹味味美！呢晚我哋叫咗明爐烏頭魚、大頭蝦冬陰功湯、泰式肉碎炒飯、泰式咖喱炒豬肉，同埋兩杯泰式奶茶！本身冇諗住嗌明爐烏頭魚，但見到隔離對住個爐仔係咁烚吓烚吓，感覺非常滿足，於是叫左一份！最初驚個魚太青，但估唔到條魚咁有魚味，配合上泰式辣將、同埋加少少冬陰功佢撈嚟食，果真惹味！而個泰式肉碎炒飯更加係冇得輸！泰式肉碎十分入味，辣味恰到好處，加埋嗰隻煎蛋撈飯，食到停唔到口。而兩杯泰式奶茶亦十分正宗，另外呢個年三十晚，感覺十分有食神， 十分滿足！

公車泰國餐廳以公車為主題，裝修以墨綠色為主調，入到黎就似登上舊式火車車卡開始美食之旅 🚂 我同老公都好愛吃泰菜，一個唔小心嗌到成枱食物😂 一黎到試個小食拼盤先，無諗過咁大碟‼️有沙嗲串燒(雞、豬、牛)，肉質香嫩、蝦餅、蝦片、春卷，豐富多樣又惹味。青咖哩雜菜調味香濃，加上爽脆雜菜，非常開胃。老公食完白飯未夠喉，叫多份薄餅點咖哩汁吃，一滴都無浪費🤣我最中意係佢地嘅冬蔭功大頭蝦湯，原鍋開火滾住吃，熱辣辣😋湯底酸辣唔會好鹹，大頭蝦有肉地，冬天飲完個身暖曬。仲有泰菜必食嘅肉碎生菜包🥬 半肥瘦豬肉又滑又唔柴，食唔停口。兩個人食咁多嘢，真係有啲誇張🤪 最後歎返杯青檸梳打同星霞🍺 清清味蕾，為儲肥自己過冬邁進一步✨

今日放工去左元朗覓食，揀左位於元朗老店B仔記附近既公車泰國餐廳。貪佢價錢公道，且店內環境光猛，坐位間隔闊落，令人覺得舒服。兩個人點左二個湯河同一碟咖喱，店員見天氣凍先送個東瓜胡椒肉碎湯作個開胃菜，肉碎非常足料，好開胃。泰式扎肉湯河外($68)有4大餅扎肉系個碗面上面，而且都有一定厚度，河湯頭飲落夠爽甜，湯粉量都唔少煮到淋曬。嫩滑可口。泰式豬頸肉肉湯河($78)4大塊成8吋長既豬頸肉，及一大舊白蘿蔔。旁邊有芽菜及蔥花，用上大量香葉配菜。材料豐富，料頭惹味。泰式咖哩炒雞($98)咖哩香味十分濃郁，一D都唔辣，裏面有豆角，洋蔥，青椒沾滿了咖哩汁，至於咖哩雞香滑有雞味，咖哩汁滲透雞肉，十分香口。總之叫埋薄餅跟餐，食埋D咖喱汁！菠蘿冰($28)+青檸梳打($28)總結:滿意呢間餐廳質素，有時間都會再黎！

臨近過年同屋企人去元朗辦年貨，下午茶時間餓餓去試咗西菁街呢間公車泰國餐廳碳燒豬頸肉，表面燒到焦香，裡面咬落有肉汁，上面撒上少少黑椒，配埋泰式酸辣汁夠哂惹味串燒（豬肉+ 雞肉）非常惹味，燒得岩岩好，沙嗲汁濃厚花生味見到人人都叫一碟就試下呢個香葉辣椒肉碎炒河，估唔到炒河份量咁多，而且非常有鑊氣，辣椒肉碎比得好重手，跟餐仲有湯送，CP值好高泰式炒金邊粉，呢款金邊河酸甜味為主，岩哂唔食得辣既朋友馬拉盞炒通菜，馬拉盞係經典泰國調味料，搭配爽脆通菜呢到做到鹹香惹味！

餐廳距離大棠輕鐵站有一段路，而附近也有不少食肆店舖很光明，地方空間也很足夠桌子與桌子有足夠距離餐牌有很多選擇，絕對令人花多眼亂可以嘗試很多不多種類而去到泰國餐廳一定要叫的是龍眼冰，內有很多龍眼肉，材料十分充足，而甜度也適中，很好飲而友人就叫了泰啤，週未要放鬆一下這個金幻翅好吸引，但因只有兩個人，所以留待下次一嚐我們叫了一個泰式明爐烏頭魚 $148比想像好食，基本上我自己一人都吃清整條魚份量是很足夠，而味道又酸又辣，很令人垂涎欲滴而材料有很多，有菜、粉絲等待應有額外再給湯予我們，我加熱後也有一併品嚐而魚質很滑，在遠處也氛香撲鼻炸蝦餅 $88份量略微較少，但溫度很熱，新鮮炸起肉質彈牙，蝦肉感覺上很多但份量即要留意黃curry雞$88份量很多，雞件也十分足夠而驚喜的是配料十分多，Curry不太spicy，適合大人小孩進食薄餅$48Curry絕對要配薄餅

成日都經過呢間餐廳每次都見到唔少人幫襯今日心血來潮 試下係咪咁正lakap 🙏🏻泰式乾炒豬頸肉河//..大大碟 咸道適中嘅闊身河粉 醬汁帶有少少甜 好惹味🤤豬頸肉厚身唔肥啖啖肉炭燒蜜糖味中又食到微微嘅香茅味馬拉盞通菜肉片配飯//..上枱時我以為自己可以食得哂但碟菜好多 可以開心share通菜夠嫩唔老 肉片都多又腍唔太咸 如果可以再辣啲就好😋香茅豬扒撈檬//..Hello~ Where the 檬粉??!!豬扒又多又厚 遮哂啲粉🫣肉質唔鞋又腍 食落有肉汁芽菜、炸乾蔥蒜頭等配料好足👍🏻撈檬嘅靈魂醬汁偏甜 酸啲辣啲會更開胃寶寶不行了……好飽呀！🤣🤣足料又夠大碟 真係食唔哂以一個Lunch連飲品黎講 抵食🤟🏻(以上食評 只屬個人意見)

一入到嚟坐低，枱櫈都好污糟，張枱冇抹過，叫職員幫手抹佢係咁以抹左一下，仲係污糟🙄再望下原來張張枱都好污糟，真係見到都冇晒胃口。大頭蝦冬陰功湯，偏甜唔係好辣，有個鍋但係冇火慶住，飲咗幾啖已經凍晒，冬陰功要熱住飲先好飲，同埋隻蝦好腥，真係唔掂🤦🏻‍♀️紅咖喱雞，唔辣重椰子味，一上枱係暖吾係熱，而家係食緊冷盤？馬拉盞通菜，味道可以都大碟$68炸魚餅還好，偏冬陰功味，幾彈牙都有魚味白飯好乾身冇下次，唔值呢個價，環境食物都唔得🙄

呢間泰國野用了墨綠色做主色的裝潢 就好似坐在舊式火車車卡咁好有Feel 而且店舖都幾闊落 而且主要係綠色梳化坐位坐得幾舒適😙.🔸泰式菠蘿炒飯 $128原隻菠蘿咁上 好吸睛 佈滿了好多肉鬆炒飯呈金黃色 炒到乾身而且有好多海鮮 ~ 蝦 青口 魷魚圈 啖啖都充滿配料.🔸泰式青咖哩(牛) $88🔸薄餅 $42薄餅和咖哩是絕配 牛肉十分入味軟燸好足料 牛肉量很多 而且有豆角 食落爽口無論配多士 薄餅定係飯 都很夾.🔸泰式肥牛湯粉絲 $68轉了粉絲因為貪佢吸湯粉絲份量好多 相信有2個以上的粉絲落左去🤣湯底香濃 肥牛係半熟狀態 保持口感.🔸馬拉盞炒芥蘭 $78炒得唔油 芥蘭唔會林哂馬拉盞惹味 香口.🍹青檸茶 $18用了泰式紅茶 所以會較甜.🍹青檸梳打 $28梳打夠清爽.📍公車泰國餐廳 📌元朗西菁街2號興旺樓地下2-3號舖＃元朗美食 #泰菜＃泰國菜 ＃泰式生蝦 #泰式炒金邊粉 #性價比高

今日同朋友去元朗行街，晚餐時段見到呢間餐廳望落座位好闊落，而且係標榜正宗泰國菜，一於試下先餐牌都幾厚好多選擇，不過睇落二人套餐性價比好高！。二人套餐（ $198 ）奉送白飯2碗及2杯熱飲，可以係12項菜式入面間2款：有淨肉類有咖喱類有湯類仲有炒菜可以揀。1. 青咖喱牛由於我同友人都中意食辣同食得辣，所以幾款咖喱入面揀左青咖喱！本來晚餐唔想食飯淨係想食餸，點知個青咖喱汁超級有驚喜，入口椰香味突岀，口腔先係充滿香甜既味道同香料既香氣，後勁個辣味就湧上黎，辛辣刺激。個汁又香又辣超好味，搞到都係忍唔住用黎送飯，成大碗飯輕鬆食哂！牛肉都十分嫩滑，而且肉既份量都好多。2. 泰式肉碎煎蛋我同朋友都未食過呢個組合，所以試下。煎蛋外脆內軟，肉調味好香。整體好香口加上食落唔油膩！值得一提係層次超豐富，既食到蛋香同嫩滑感，又有粒粒肉碎既香氣同口感，原來肉碎同蛋係咁夾！。我個飲品加左$25轉椰青，椰青水超多而且勁清甜！肉又爽滑而且好易刮岀黎。泰式小食拼盤（細）（$128）串燒肉質嫩滑，沙爹汁非常香濃，微辣惹味！個汁用黎送飯又係一流！春卷炸到超脆，一咬落去友人坐對面都話聽到脆卜卜既聲蝦片都十分惹味，胡椒味好重！

最鍾意食泰國菜🇹🇭搬咗元朗都可以食到正宗泰國菜🤩元朗公車泰國餐廳提供多款正宗泰國菜😛種類好多,好似泰式小食、沙律、湯、小菜、蔬菜、海鮮、飯、咖喱、粉麵、湯粉等等🤩勁多選擇🥳🐔泰式海南雞配油飯公車泰國嘅海南雞飯遵循傳統製法,雞肉肉質細緻軟嫩滑🐔食起嚟無過多嘅油脂,連埋醬汁後一齊食更有風味😚連油飯都粒粒分明並夾帶雞油香🐓每一個美味細節都藏著功夫👍🏻🍢串燒沙爹有豬肉同雞肉選擇🐷🐔餐廳把肉切成塊丁狀,烤炙到逼出油脂🤤表層有啲微脆焦香,肉質嫩口,滿滿肉汁💦🐷燒豬頸肉豬頸肉質地爽口,外層燒過嘅脆焦香口惹味😛好有泰式風味🇹🇭會跟埋醬汁,點埋一齊食更滋味😚🍞蒜蓉包每次食泰國菜一定要叫蒜蓉包😛麵包整得香脆👍🏻蒜蓉味夠濃🧄勁香口😛🥬馬拉盞炒椰菜苗馬拉盞味道非常濃郁😋辣辣地帶有鹹香,非常惹味🌶 椰菜苗口感爽脆入味🥬

今晚去了元朗交車給客戶後。想順路去女朋友家煮個靚飯仔給她驚喜。點知俾驚喜的人是我女朋友。她要陪老闆見客。咁唯有自已係元朗找來美食。見到一間比較光亮座位較闊的菜館。泰式明爐烏頭魚。泰國名菜。明爐烏頭絕對是香港人必食。這條泰式明爐烏頭魚。配料好多。令到入口味道感覺可口。肉質嫩。黃咖喱雞加蒜蓉包。咖哩配飯或蒜茸包更是一絕。黃咖哩入口略帶甜。雞肉鮮嫩多汁。彈牙蒜蓉包的脆口更勝過以前食過的泰國菜。再配以咖哩汁的恊調更可口

呢間之前有同屋企人食過，記得啱啱開業嗰陣啲水準都唔差。但而家唔知做咩事，質素同服務都差咗好多😓落Order個陣見到佢個午餐Menu有脆皮海南雞飯，我哋就同個店員講想要呢個，點知嗰店員話：我哋冇脆皮海南雞飯，不嬲都冇。跟住我就心諗，咁你又寫落去？仲要話午餐Menu喎，仲要店員個態度好差🥴於是我叫咗海南雞飯，個飯一上到嚟，望到啲雞嘅顏色已經覺得唔對路，好似擺咗好耐咁，仲要一食落去係凍嘅，啱啱喺雪櫃拎出嚟？跟住啲肉偏鞋，雞一啲味都冇，個飯仲要偏乾，有少少結焦咁🤯懷疑茶餐廳都好食過佢😓泰式肉碎飯，呢個就中規中矩冇乜特別，起碼好過個海南雞好多😓

去元朗行山，行完下午茶時間，去了落車附近的公車泰國菜食下午茶。餐廳環境不錯，燈光充足，座位闊落，全部梳化卡位，坐得舒服。下午人唔多，我們四個人坐六人坐。下午茶時間有148元套餐，有兩個菜和飲品，好抵！店員說星期一至日都都得食，真係元朗睇完紅葉下午茶首選。***下午茶套餐（148元）--燒豬頸肉 --冬陰功大頭蝦湯 --泰國奶茶--泰國姜汁奶茶--肉碎生菜包(套餐加58元) 午市快餐（55元）--東波肉飯--青檸冰單點：--炸蝦餅88 --炸醬炒通菜 68 --薄餅42豬頸肉豬頸肉切得比較厚身，有口感，炭燒味道唔錯。冬陰功大蝦湯濃郁冬陰功味道，大頭蝦的蝦頭好大隻，多膏。肉碎生菜包清爽感覺，但碎肉分量比生菜多，有剩。東坡肉飯肉炆得嫩，肉汁送飯正！炸蝦餅我的最愛，蝦肉彈牙，好味！蝦醬炒通菜蝦醬濃郁，非常惹味，送飯一流。泰式薑汁奶茶有淡淡薑汁味，濃郁奶味，唔錯。