八雲札幌拉麵

營業中

休息中

星期六做到5點，出到筲簊灣已經6點，倦到極點，想食碗麵，同朋友走入拉麵店。冷氣夠凍，地方也真寬敞，睇下餐牌，各式拉麵套餐及定食晚餐都是$90-100.都OK喎。我叫了鰻魚定食，麵豉湯是一般麵豉醬開水，有一兩粒小小百福豆腐粒，沒有什麼其他湯料，加番小小蔥花或海帶會開心D.白飯是一般貨色的珍珠米，有小小咬口，份量算多，一定夠飽。鰻魚有2大片，有炭烤味，洋溢醬油香，嫩口鮮惹味，唯獨若可比多D鰻魚醬汁，用來餸飯就無得頂。伴鰻魚的沙律是椰菜絲，我至憎，比晒朋友食。朋友叫了個牛油拉麵+餃子套餐，我吃了一件餃子，不過不失，豬肉新鮮冇渣吾嚡口，冇乜肥肉但依然嫩滑，餡料多菜感覺健康，皮也薄薄有微微煎過，不甚上色，也缺乏烤香，不算金香可口。牛油拉麵真的有大塊牛油鋪面，豐富了湯底濃度，朋友話湯底不油膩，但又沒有牛油香，麵底有彈性好咬口。這裡上菜也快手，即叫即做，大慨15分鐘啦。肚鵝可食雞旦充饑，毎檯一大籃，免費供應，朋友連氣食了2隻，我見size一般，賣相又無特別所以無理會，朋友話有旦香喎。

係筲箕灣東大街有好多食店，價錢又平到貴都有，最後揀左呢間拉麵店，主要因為價錢唔貴又有好多小食揀枱上擺左一小籃子熟雞蛋，凍既，可以任食，食左兩只，已好夠，味道係雞蛋味，不要有過多期望，不過呢個好貼心，係主菜黎前可以醫下肚先！叫左個拉麵餐，約八十元，一碗拉麵加一個小食我叫左豬軟骨拉麵，麵份量夠，豬軟骨入味，但料唔係好多，個湯咸左少少我地三個餐有三個小食，叫左炸豆腐，雞軟骨串同餃子。呢三個小食都好好食，熱啦啦，入味，最好食係豆腐，外脆內軟，剛炸起，仲好熱。可惜但餐唔包飲品，要另叫，有熱茶

今日情人節加人日, 聽講筲箕灣東大街好多好野食, 作為一個新界人, 係咁特別既日子, 都即管試下有乜發現.係東大街來回走左一轉, 友人話想食日本麵, 見呢間八雲札幌拉麵OK喎, 我又無所謂既, 即管試下.螃蟹拉麵: 蟹柳唔錯, 食得出係比較貴價既.豬軟骨拉麵: 豬軟骨一般OK水準.蟹子沙律: 比較失望, 似港式少少.煎餃子: 唔錯, 外脆內多汁, 什錦串燒: 呢個差少少, 唔知係咪格離檯都叫左碟, 我果碟覺得麻麻, 有D燒唔夠, 但肉又燒乾左喎, 燒大葱第一條燶左, 但最尾果條好生, 味道方面亦偏淡.燒牛舌: 雖然都係串燒, 但呢個比什錦串燒好得多.無料玉子(一籃子雞蛋): 無特別, 純普通全熟雞蛋, 唔好比人呃話好新穎, 神奇.朝日啤酒: 呢個唔關事掛.講咁耐我都無講過麵質同湯底, 原因我想特別話呢間舖係好正宗日本拉麵麵質同湯底.乜野正宗日本拉麵? 就係一般日本東京區麵店食到既拉麵, 我第一口飲湯及食第一口麵, 果種熟悉既味道, 回憶立刻浮晒出黎, 話說我十幾年前都係日本讀過下書, 第一次係日本橫濱吃第一個口拉麵就係呢隻味道, 日本讀書時既回憶, 做黑工(係, 日本都有黑工既)既辛酸

晚上10時半, 店子都要關了, 但店員說仍接受我們LAST一台客, 於是立即點菜, 一個拉麵+小吃餐才8X, 價錢很相宜啊~三文魚刺身: 38蚊有4大片厚切, 很新鮮, 抵~~雞肉棒: 即是雞軟骨+ 免治雞肉, 不會太乾, 醬汁味道不會太咸, OK~牛油拉麵: 麵上有一小塊牛油, 配料都挺多, 有幾塊叉燒和配菜, 湯底偏咸, 但其實可以揀清淡/濃一點, 只是我們沒有預先要求。最有趣是, 給我們一籃子的蛋, 2人有4隻, 我還以為是生雞蛋, 用來打進拉麵中, 打開, 原來是熟蛋, 可惜是凍的蛋, 而且不是糖心蛋, 是hard-boiled egg, 不過挺有趣, 不夠飽可以吃蛋飽啊, HAHHAHAHAkirin啤: 第一次喝, 原來好滑的,又不苦! 店內還提供熱的SAKE, 價錢OK, 下次想試試呢~

枱面有一籃全熟雞蛋（10隻）食曬可以 refill，呢個安排好新穎&神奇，正。豬軟骨拉麵同鰻魚飯好味，豬軟骨夠入味而且大舊，鰻魚好厚身。煎餃子就燶左啲，不過都好味。

第一次去到筲箕灣，諗唔到食咩，就用openrice app search 一下附近有咩好食！剛好就附近有間拉麵店，而且冬天嘛，都好想食熱辣辣嘅野！一坐抵就發現有一盤烚蛋，仲要係任食！之後睇menu 有2人set都係$188可以揀兩個主食（包括 拉麵 及 鰻魚飯「要另+$10」）及 可揀3款小食我揀左雜錦拉麵（+$10），見到佢地好有心煮，因為每碗麵嘅湯都係即煮，唔似其他煮定倒落面度！湯好濃，熱辣辣好好味👍我老公揀左鰻魚飯（+$10）一個長方合上枱，啲鰻魚好好味，燒得好香👍小食（3款）1. 炸雞- 炸得好脆，調味很好，每件都好大舊（因為平常的炸雞小食都好細粒）👍2. 煎餃子- 菜同肉都好均勻，仲有6隻，而家煎得好香，食落唔肥（利）👍3. 串燒- 鹽香好夠，連燒大葱都好好食，有驚喜👍整體都表現好好，連店員都好有禮貌，一定會再幫趁哦😊

去過八雲拉麵很多次，但都只限午餐，因為午市有套餐包括拉麵加小食及玻璃樽支裝汽水，才賣個七、八十圓，很相宜。下單後，店員會向開放式廚房的廚師用日語傳達，但我想這只是為求仿傚日本料理吧，因為我經常聽見廚師用廣東話和店員交談。其實是不是日籍廚師也不重要，味道好就行了。白烚蛋：每枱提供免費烚蛋，在等食物的時候可以先吃一兩個充饑。雖然不知道蛋的產地來源，但我姐姐說這些蛋不是下等貨。還說街市賣蛋的店主告訴她，吃蛋不可以貪大，愈細小的才愈有蛋香。這是主婦的智慧，我才不管那麼多，人家免費給你，還想要高檔貨嗎？雜錦拉麵：有叉燒、豬軟骨、半熟蛋、海帶、粟米及筍。湯底有三款: 鹽味、醬油和麵豉。如果沒有說明的話就會用上鹽味。另外還可以選淡或濃味，不過張貼在高處，很多人沒有留意這選擇。湯底是很濃的豬骨湯，但又不會像在日本吃到的那麼咸。拉麵夠彈牙；配料都好吃，只嫌那叉燒太瘦了。海鮮拉麵：我姐姐每一次來都只會吃這一款，喜歡它比較清淡和多菜。招牌牛油拉麵：我不太欣賞。覺得那片牛油只是多此一舉，不覺得加進湯裡有什麼特別吸引的變化。燒雞翼：燒得皮脆肉滑，我們點套餐時必選之小食。煎餃子：煎得不夠脆底，餡內有很多菜，吃起來

筲箕灣東大街確實係去搵食嘅最佳地點，大街兩旁、附近都有不同種類食店可選擇。 今次首次試八雲印象唔錯。 八雲店子雖少但都唔算擠迫，右手邊為卡位而左手邊有面對煮拉麵嘅吧枱，主要提供拉麵亦有小食、炒飯可點。今次坐吧枱可以清楚見到兩位日籍廚師非常合拍忙碌煮拉麵，而枱上驚喜發現無料(免費)熟雞蛋，幾特別老闆非常大方。要咗二人餐，可配多款組合。叉燒拉麵鹽湯：叉燒由於部位關係頗鞋身，不過拉麵彈牙鹽湯都幾鮮味。其他配料如芽菜、粟米、荀、溏心蛋都好多又好味。豬軟骨麵麵豉湯：豬軟過煮得入味而軟骨已程啫喱狀，肉鬆開晒但都係有少少鞋，麵豉份量剛好有味但唔咸。餃子：皮薄餡多賬卜卜，外面煎得香脆入面都有汁唔乾身。炸雞：估唔到好好味，雞槐大件醃得入味，外面有一層炸粉好薄身炸得脆鬆脆，雞肉嫩滑仍保留肉汁。串燒：有雞翼、大蒜、冬菇、雞軟骨各一串，最後上用頗長時間燒烤非常燙口，雞翼好味。一set二人餐份量好多，淨食拉麵都填飽肚子！俾起其他所謂人氣店論味道心思八雲確實唔錯、論價錢份量更加物有所值。

由於天氣凍, 特別想食D熱笠笠既晚餐, 所以走左入東大街既八雲醫肚我地坐低Order左2個拉麵, 分別係牛油拉麵同埋豬軟骨拉麵, 之後再補叫多個韭菜炒豬潤, 可能由於比較夜, 客人較少, 所以食物好快就到韭菜炒豬潤 - 豬潤炒得唔算爽, 但係都算新鮮又唔腥, 而且因為係open kitchen, 望住師傅即叫即炒特別有鑊氣, 讚喔!豬軟骨拉麵 - 淡淡的湯底加上一般的豬軟骨,感覺驚喜不大牛油拉麵 - 真係有大大片牛油遊緊水架!! 牛油融左落湯之後, 成碗湯拉麵既刻變左身咁, 又香又綿, 非常值得一試!經常覺得, 一碗拉麵好食與否, 好睇個人口味, 麵的軟硬, 湯既濃度, 配菜的多寡都好影響評價今次去八雲, 又係另一種口味既拉麵, 而且價錢亦比較相宜, 再去指數有80%!

再次光顧，很喜歡這裡的服務，態度&設置！所以這次為了拉麵而來，本來自己不是很喜歡吃拉麵的，現在都感覺這裡很不錯！湯底要趁熱喝，一冷了就感覺很咸！還有拉麵不能泡太久，不然就沒熱辣辣的時候那麼煙韌！韭菜炒豬潤，很好吃，香口的很，沒有腥味，豬潤很爽，可以再吃！雞軟骨就有點硬，很小顆，適合送酒。有時候外出用餐只是為了尋找一種感覺，感覺對了，吃什麼菜式都好吃！

想食拉麵，又唔想花成粒鐘排隊，同埋唔想花成舊水食碗麵，所以試左哩間餐廳。入到去環境都算唔錯，檯面又有D烚蛋比人客人任食，不過只係普通水烚既雞蛋，無咩特別。佢set lunch有幾款，我就揀左$58最平果隻，有一碗「普通拉麵」+「叉燒炒飯/咖哩飯/（好似係餃子）」，唔包野飲。最後我就揀左咖哩飯~~「咖哩飯」：係迷你版，D咖哩同出面D日式咖哩唔同，無咁甜同偏辣，不過無咩咖哩味，得個辣字；伴隨一兩粒紅蘿白同薯仔，同埋一小粒肉，麻麻地好食啦！「普通拉麵」：主角出場喇！碗麵都幾大碗，面頭有勁多蔥同昆布，多到遮住D麵。先飲啖湯，好彩唔太油亦唔太咸，不過我學唔到人地成碗湯飲哂喇；D麵就煮得幾好味，唔會太淋，又夠彈牙，食得出真係手拉麵；叉燒就有兩塊，切得好薄，勝在唔太肥，都OK~雖然無野飲，但佢會比杯茶你，咁都可以接受~~

行過見環境唔錯,就入去一試啦,因為拉麵都係我至愛呀坐底見枱面有無料蛋同日本一樣,正呀餐類都有好多,有拉麵,有飯定食.我點了豬軟骨拉麵餐,有個蝦餃子添.濃湯,湯夠晒熱,豬軟骨入味,正蝦餃子皮脆,油都算多,我都可以接受用餐加$8有汽水,加$10有特飲,加$18有啤酒最後叫多個雜錦串燒,冇太大驚喜喇

約左友人係附近食飯, 突然想食拉麵係東大街只想起八雲.將近8時店內唔算多人被安排坐到卡位, 座位都幾舒服.每張枱都提供一藍熟雞蛋, 只要大家喜歡食幾多都可以完全免費.我選左牛油拉麵; 友人點了咖哩吉列豬扒飯套餐我既拉麵附上一大舊牛油, 當牛油遇上熱湯慢慢溶入湯中, 飲湯時會帶點輕微牛油香.麵質都算軟硬適中, 但湯底就偏淡如喜歡食濃味既人士這個湯可以未能滿足.材料都算豐富, 有大量粟米粒, 海帶及筍, 再加上二大片肥瘦適中既又燒, 以$58來講都算合理價錢.至於友人既咖哩吉列豬扒, 友人都算覺得唔錯, 是日式帶甜既咖哩香味而豬扒肉質都算鬆化炸得甘脆而不油.整體上食物及服務都算唔錯

中午帶狗狗剪毛, 經東大街, 東大街好似好多嘢食, 但合心水的不多.八雲拉麵舖面像樣, 午餐不太貴, 入內一試. 叫了牛油拉麵配細鰻魚飯, 送樽裝汽水. 加一後七十五元.本身不太喜歡吃拉麵, 因為怎樣熬煮的豬骨湯, 都只是鹹鹹的, 沒有越南牛肉河的層次感, 但吃得出這碗拉麵頗用心煮, 麵的質可以, 算是不錯了,內有叉燒一片, 芽菜及粟米. 我較喜歡的是那細的鰻魚飯, 鰻魚燒得焦香,加上鰻魚汁和日本米飯, 很好味, 最怕吃到那些三不像的鰻魚飯, 鰻魚外觀像膠塊, 不好吃. 埋單還送COUPON一張, 所以晚上再來和外子開餐.外子叫了炒和牛粒定食, 我就叫了我至愛的鰻魚定食, 外子話味道頗好, 定食有沙律, 麵豉湯及椰菜絲, 不錯. 柴灣揾食難, 又可以有一個就近的開飯地方了.

先聲明，此店已光顧多次，但每況愈下，今晚更加食到把幾火！兩公婆order個$188二人套餐, 四款麵或飯揀兩個, 另外再揀小食三款.主菜飯麵當中, 包括有普通拉麵, 叉燒炒飯, 咖喱飯, 同鰻魚飯.如要揀鰻魚飯的話, 要加$10, 如拉麵想轉做其他款式拉麵, 又係加$10.餐牌所示如下:點知, 盒飯嚟到係咁樣既!唔係期望你一模一樣, 但都唔好咁離譜! 仲要我加$10換件咁既嘢!?我忍唔住嘩咗一聲, 同個女侍應講, 件鰻魚係咁"大件"?佢竟然話: 係!我忍唔住話: 咁你唔該換過餐牌張相, 張相完全唔係咁樣!連我老公加錢轉的拉麵, 都係同張相差九里! 粟米唔見咗, 塊牛油又唔見咗! 侍應竟然話塊牛油溶咗, 好, 虧你講得出. 咁粟米呢? 佢竟然話可能沉咗底. 我真係忍唔住窒佢, 沉底? 沉咗落枱底呀!!!???永不會再去, 好過份! 我祝你早日結業! 唔好嚮度繼續呃人!