八木橋日式燒肉

營業中

休息中

朋友帶我嚟試試連鎖店以外嘅日式燒肉放題，整體體驗好好，和牛質素同配料選擇都好充足。首先先食個和牛拼盤，有5種不同部位：A4黑毛和牛和尚頭、A4黑毛和牛牛肩、A4黑毛和牛三角腩、A4黑毛和牛後腰肉同埋A4黑毛和牛薄切。每個部位都有獨特口感，我自己就覺得三角腩有牛味得嚟油脂感適中。 另外有隻日本蛋，燒肉沾上蛋漿之後口感更滑。之後再食海鮮，有燒鮑魚、比目魚柳、雞泡魚乾同鰻魚。跟menu上嘅時間指示燒出嚟嘅鮑魚肉質食落唔靭，表面燒到金黃色。店員都好helpful，時不時嚟幫手燒下，仲示範拆鮑魚方法😆。其他食物例如牛油雜菌，菜類都仲有好多選擇。另外不同部位嘅澳洲和牛、牛舌，海鮮例如扇貝、廣島蠔同墨魚仔都可以無限refill.即食嘅天婦羅🍤正常發揮，一貫放題水準。出面都有自助吧有任飲飲品同雪糕。總括嚟講，和牛質素好，食物選擇多，係令人滿意嘅日式燒肉。

獨自一個人午餐唔知要食咩，都冇咩想法，早上因為公事忙到不可開交，下午就閒來冇事，覺得想食一餐勁嘅。喺openrice睇見推介呢間高級日式燒肉嘅放題，真係好吸引我，因為有好多平時食唔到嘅高級食 材，選擇多，而且好多都係任食，喺食呢方面絕對唔會客氣，所以毫不猶豫就打算午餐食buffet。呢度裝潢真係好優雅，就好似去咗日本高級料理店咁，而且仲有啲可愛嘅擺設! 我呢度係點咗【雨餐】，總共係$1108，需要注意一點就係雖然係放題，有啲肉係一次性唔係任食嘅 ，但係任食任攞嘅高級牛肉種類好多。【A5和牛西冷】係今次嘅主角，外觀睇落肉質細膩，油脂好多，產生嘅雪花好靚，肥而不膩，烤起嚟 香味十足，確實食得到同平時街市買嘅牛肉唔同嘅味道。呢度仲有【A4黑毛和牛】嘅各部位，有幾個部位我個人特別鍾意，就係【和尚頭】、【後腰肉】同【三 角腩】，各個部位嘅口感都畀你有唔同嘅享受，最鍾意嘅就係【和尚頭】嘅細膩，仲有【後腰肉】咀嚼 嘅勁道。【扇貝】非常新鮮，食咗油脂多嘅牛肉，再嚟一口海鮮，可以解膩又可以提鮮，胃口大開。午餐buffet我自己真係食得好過癮，大家都可以嚟試一試!!

一人下晝去旺角搵午餐，見到八木橋日式燒肉店特別多人，就好奇去睇菜單，結果發現咗雨餐，只需要$1108，任食任飲，重點系仲系我最愛嘅牛肉，必食🍽️我點咗【A5和牛西冷】，仲未烤就見到牛肉脂肪分佈均勻，特別誘人😍烤過之後，牛肉嘅肉香味撲鼻而來，特別多汁，太愛啦！仲有【A4黑毛和牛後腰肉】，肉質細嫩，咬落去特別爽脆，仲帶有肉香味，特別開胃🤤我仲叫咗【A4黑毛和牛牛肩】，牛肉特別多汁，每一啖都好鮮甜，真系太贊啦👍【A4黑毛和牛三角腩】，特別鮮甜，烤過之後再配上醬料，入口即化，太好味啦，忍唔住多點咗幾盤😍😍仲有我最愛嘅【扇貝】，特別有彈性，烤咗之後依然保留佢嘅鮮美多汁，口感特別豐富🤤一個人嘅午餐真系好享受，尤其系食材新鮮好味，價錢仲好合理，下次要拉埋男朋友一齊去！

同事介紹咗一家喺旺角嘅日式燒烤店【八木橋日式燒烤】，話係任食任飲嘅燒烤店，啱啱今日有空就去試嚇😄服務員推薦咗【比目魚西京燒】，比目魚肉質細嫩，烤咗之後仲帶有淡淡嘅焦脆，魚肉鮮嫩多汁，口感特別豐富好食😋鮑魚新鮮，帶有甘甜嘅味道，細膩嘅甜味同鮮味相結合，味道清新。☺️同事仲推薦咗我【牛油粟米】，新鮮嘅粟米粒烤咗之後帶有甜美嘅味道，配埋牛油奶香，形成咗一種好獨特嘅風味，真係回味無窮😍不可錯過嘅【和牛三角腩】同【和牛外腿肉】，牛肉鮮嫩多汁，特別有嚼勁，每一啖都帶有濃郁嘅肉香味！和牛三角腩嘅脂肪分布均勻，入口即化，而和牛外腿肉有著豐富嘅肉味，烤咗之後散發嘅香氣真係令人難忘😋我點嘅$438套餐性價比好高，食材新鮮鮮甜，每一道菜都好啱我胃口🤩

晚上同仔仔喺旺角附近行下，發現咗一間日式燒烤，裝潢設計睇落唔錯，就諗住帶仔仔一齊去試吓！我哋兩個揀咗食回本之餐，雨餐，竟然仲畀你食一次性嘅高級牛肉【A5和牛西冷】😱當然唔可以錯過！我哋嘅最愛【A5和牛西冷】，切工細膩，每一片比例都特別好，烤起嚟更加酥酥脆脆，牛香味十足，再加埋牛肉多汁，口感特別豐富😍仲有我哋一直任點嘅【A4黑毛和牛薄切】，牛肉嘅脂肪分布特別好，烤後能夠嘗到特別鮮甜嘅牛肉汁，仔仔特別鍾意😘我哋仲試咗【A4黑毛和牛和尚頭】，牛肉滑嫩爽口，入口即化，再配埋【牛油香菇】，香甜嫩滑，搭配起嚟真係太完美啦😍呢份【A4黑毛和牛後腰肉】，帶有適當嘅咀嚼感，咬起嚟有彈性又唔失肉質細嫩多汁，食到我哋都停唔落嚟😋小食【章魚小丸子】，外皮脆內嫩，章魚特別有嚼勁，使每一口都特別彈牙，鮮味再沾上醬汁後帶嚟嘅咸甜口感，特別開胃🤤我同仔仔都食得好飽好滿足，食材準備新鮮，放題嘅配套真係非常抵👍推薦大家去品嚐👏

我同男朋友都係食肉獸，佢生日梗係要帶佢嚟呢度食肉食到飽~ 晚餐我哋嚟到呢度揀咗【雨餐】，只有A5和牛西冷係一次性嘅，其他食物都係任食！放開嚟食都可以食番本~A5和牛西冷：嗰個頭都有我兩隻手掌咁大！端嚟嘅時候我哋都嚇一跳！超巨型！🙀🙀🙀 A5和牛係和牛中最高等級嘅，肉質非常嫩滑，入口即化~ 烤得差唔多就剪開嚟食，嗰肉汁喺嘴裏爆開嘅感覺真係爽啊！A4黑毛和牛和尚頭：呢個部位嘅肉質比較緊實，咬落去有一定嘅韌性，但係都非常滑嫩~ 脂肪喺燒烤後融掉，食落去肉香四溢~A4黑毛和牛後腰肉：後腰肉嘅肉質烤熟後都係好嫩滑！脂肪分佈得好均勻，濃鬱嘅肉香味同牛肉味令我同男朋友都讚唔絕口！仲有小食都係任攞嘅，章魚小丸子同埋薯角都好脆口~ 哈根達斯都可以任食！食完肉解解膩真係人間天堂~ 😇

嚟八木橋之前已經好期待，好開心質素同預期一樣咁高！今晚點咗雨餐，做緊半價推廣，質量同性價比都好高A4和牛油脂分布極平均，牛味香濃，口感入口即溶，極高質A4黑毛和牛不同部位，個人最鍾意薄切同後腰肉，油脂勁香，另外幾款牛味都好香濃，口感一流，簡單點少少鹽已經好惹味，無論原味食、點酸汁、燒肉汁定山葵汁都好好食鱔、比目魚、鮑魚同牛筋，食材本身質素高，簡單燒熟同調味都食得出鮮味同香味刺身級別生蠔，好乾淨，完全唔腥，蠔味香濃，入口即溶其他海鮮選擇好多，虎蝦特別好食，蝦肉厚實，爽口彈牙，蜆、青口同魷魚等等都好新鮮火爐火力好夠，可以燒到食材外脆內亂，套餐仲有好多唔同嘅熟食比客人揀，好抵食好欣賞呢幾款日式和菓子，口感煙靭，餡料足得嚟唔會太甜好最驚喜係最尾有大大杯Häagen-Dazs雪糕，好滿足有兩大個飲品櫃，有唔同嘅茶、有汽飲品等等，選擇好多，甜品櫃仲有雪條八木橋環境好舒適，座位好闊落，亦都好乾淨，一路播住日文歌，感覺猶如置身日本，食材亦有日本當地質素，絕對值得回頭

晚餐我哋就book咗呢間八木橋日式燒肉去同一班朋友聚餐。呢間餐廳就係旺角一個好方便嘅地方，每款食材都好新鮮，而且服務親切有禮，坐位好多！💠 A4黑毛和牛三角腩 💠 呢個真係我的最愛，香氣撲鼻，可謂極品燒烤，又香又嫩。💠 A4黑毛和牛後腰肉 💠 肉質嫩滑，口感豐富，食落去就係一種幸福感。💠 A4黑毛和牛牛肩 💠 牛肉質地肥美，充滿了獨特和風味。💠 A5和牛西冷 💠 吃落去肉質鮮嫩，好香好滿足。 我同朋友食嘅時候都非常之有驚喜，大家都好愕然點解呢一間任食嘅餐廳竟然會有咁靚嘅牛肉，果然係冇介紹錯! 嘅牛肉味從入口嘅感覺到而家依然係由齒頰留香嘅feel!💠 海鮮拼盤 💠 從鮑魚到鮮蝦，新鮮程度唔使多講， 而且基本上攞嚟做燒肉放題嚟講，絕對係系新鮮嘅，真係冇諗過一間日式嘅燒肉放題都可以食到咁多款式嘅海鮮，相信鍾意食海鮮嘅一定會食到驚，哈哈哈！

老公話想帶啲細路去食日式燒烤，就喺旺角嗰間【八木橋日式燒烤】餐廳，有任食任飲嘅套餐，真係好抵食🤭 【多春魚】魚肉好嫩滑多汁，帶有淡淡嘅海洋味，啲細路都好鍾意食。烤咗之後，入口即化，外皮酥脆，香脆嘅口感，特別吸引😍【鮑魚】鮑魚好Q彈，肉質緊實，咬落去特別有嚼勁，鮮甜嘅味道喺口腔度溢出，食落真係超級美味🤤 【和牛三角腩】牛肉嘅香氣十足，略帶一絲堅果味，非常特別嘅味道👍由瘦肉到肥肉，層次分明，每一口嘅咀嚼感都唔同，口感特別豐富🤭 【和牛嫩肩肉】肉質細嫩柔軟，帶有甜甜嘅味道，再配埋醬料，味道更加好食😋烤咗之後嘅肉汁依然保持，直接喺口腔爆開，嗰一瞬間真係太幸福啦👏 【和牛崩沙腩】味道特別濃郁，牛肉特別滑嫩，入口即化，仲有適當嘅嚼勁，特別爽口，鍾意食牛肉嘅朋友絕對唔可以錯過😆 【味淋魚乾】甜咸交替嘅味道，再配埋金黃酥脆嘅外皮，仲有滑嫩嘅內餡，食落嘅口感非常豐富，啲細路都搶住食🤩最後我哋仲攞咗雪糕做甜品，特別清涼，啲細路都鬧住下次仲要再嚟😆

老公突然話要帶我去食放題燒肉餐廳喎，我問點解又唔係咩大日子，他就話普通日子都可以食餐 勁嘅嘛😂 喺open rice睇到呢間評分都唔錯，最緊要係抵食!A5和牛西冷：可以睇到牛肉嘅脂肪分佈均勻，肉質非常鮮嫩，烤熟後放入口中根本唔使咬就融喺嘴裡 口裡 都充滿咗濃郁嘅牛肉香味~A4黑毛和牛牛肩：牛肩嘅部位我好少食，但係呢個真係令我一試難忘!!肉質柔軟適中，咬落去牛肉嘅汁液仲會喺 嘴裡🤩即刻爆出嚟，每一啖都令人回味無窮~A4黑毛和牛三角腩：三角腩部位嘅肉質相對比較結實，但係仲係非常嫩滑!一口落去可以感受到獨特嘅嚼勁，仲散發 出非常濃郁嘅牛肉香氣!牛油金菇：小食、炸物都可以任食~ 我攞咗金菇加埋牛油。牛油嘅奶香味同埋金菇嘅搭配真係絕配!金菇脆 嫩嘅口感加埋牛油嘅香氣，每一啖都係咁爽口而且充滿層次感~

朋友介紹，今日同屋企人食肉獸黎到旺角TOP4樓 八木橋日式燒肉餐牌有雪、雲、霞、雨4款選擇，其中雨係最高檔，見到有A5和牛西冷已經流晒口水🤤而家有半價優惠添！同一般放題一樣，飲品雪糕都係自助區雪櫃入邊任取。首先一定要order泡菜同辣青瓜🥒，清清口腔同增加食慾😋。青瓜好爽脆，辣度適中，好岩小朋友食。A5和牛西冷上枱，粉紅色肉質夾埋雪花，靚到即時舉起相機影相打卡，西冷都有一定厚度，兩邊燒至微蕉，大約5成熟度，入口即溶，油花香氣充斥味蕾，真係食牛最高享受😋。四品和牛燒肉盛 - A4黑毛和牛薄切、和牛牛肩、和牛三角腩、和牛後腰肉。和牛薄切最上勝，輕輕兩邊燒幾十秒，放入香蔥同蒜粒，入口氛香撲鼻，其他都好有質素，我最鍾意係牛肩，又香又有咬口。燒鮑魚只燒肉的一面約7分鐘即可，入口軟嫩新鮮。比目魚應該以味噌醃製，加油在鐵板，慢火燒至兩邊微微金黃，入口鬆軟甘香。厚切鱔片，呢個要比啲心機去燒，因為呢個用燒汁醃過，魚皮比較容易燒蕉，金晴火眼𥄫到實😆，鱔片厚實彈牙，非常鮮味。今晚最鍾意又不停refill係牛舌，薄切易燒，入口爽滑。

放假就約咗班朋友去食燒肉，餐牌上面我哋見到有雪、雲、霞、雨四款唔同嘅套餐。揀咗「 雨之套餐」 - 主打日本A4和牛任食，4款部位無限追加 《A5原塊和牛西冷》 - 呢款牛肉係一次性，所有其他食物都係任食。正呀！特別揀咗幾款和牛同大家分享。 “A”係代表高級別，而“5’就代表優秀嘅評級，呢款推薦！！豐富嘅霜降脂肪賣相吸引，入口更加感受到完美嘅潤滑感，肉質細緻，入口即化，同時都有一定嘅彈性仲有完美嘅嚼勁，Perfect !～《 A4黑毛和牛和尚頭 》油花分佈均勻，口感有啲鮮嫩，都帶咗少少嚼勁，燒到表面微焦，鎖住肉汁，美味！《 A4黑毛和牛三角腩 》肉面佈滿清晰嘅網狀油花，燒烤嗰陣滿滿嘅香味撲鼻，入口即化，牛味鮮味十足，肉質非常細嫩，肉汁喺口腔入面滑滑咁流出嚟，滋味～《 有殼生蠔 》肉質肥美，再配埋檸檬汁及醬汁提鮮十分可口～大滿足～

之前我哋就嚟過呢間試過佢哋嘅燒肉，非常令人難忘！今日就帶Friend一齊嚟品嚐烤肉·盛宴！我哋最後揀咗【霞餐】，雖然套餐入面冇A5和牛但係對我哋嚟講已經足夠~ 好多款式嘅肉類、小食、天婦羅同埋海鮮可以任攞，食唔夠嘅朋友仲可以點麵食搭配~頭盤就端嚟咗澳洲四品和牛盛，擺盤都幾精緻下！可以睇得出雪花分佈均勻，烤一下就可以送入口中~ 感受到牛嘅油脂喺嘴入面融化嘅感覺，唔需要任何調味料就已經令人讚不絕口！🤤🤤 我最鍾意嘅部位就係和牛三角腩啦，呢個部位嘅肉質非常嫩滑，入口即化！🥹🥹【霞餐】套餐入面仲包括咗鮑魚（唔係任食）、扇貝、虎蝦、多春魚等可以任食任叫，雖然係烤肉店但係海鮮都冇敷衍客人！食材都非常新鮮，扇貝燒烤後十分鮮甜~ 鮑魚都係好有嚼勁，冇異味嘅海鮮味🤩🤩食飽仲可以攞個牛奶公司嘅雪糕當作甜品，為呢一餐畫下完美句點🙌🏼

今日媽咪生日 🎂我帶左兩老去旺角T.O.P八木橋食日式燒烤餐牌上有四款套餐而我揀咗性價比高嘅霞餐呢個套餐有多款部位既肉包括牛板腱,肩脊肉同牛胸腹都係任食好適合鍾意食肉嘅朋友嚟食🙌🏻韓風🇰🇷瓷壺醬油牛肋肉 表面燒到微微嘅焦香加上牛肋用秘製嘅醬油醃過多肉汁同好入味 肉質仲好細嫩帶有嚼勁😋Mozzarella芝士雞腿肉 雞腿燒完之後配埋芝士一齊食夠哂邪惡仲有拉絲效果🧀比目魚西京燒 燒烤時外層有輕微嘅焦香魚肉好滑溜帶鮮甜感食落唔會好油膩💯章魚小丸子 外皮好脆每一粒丸子入面都有彈牙嘅章魚咬落有嚼勁加上美乃滋醬味道好香好味和牛三角腩 好靚既網狀油花軟嫩嘅肉汁 咬落好爽口👍🏻

旺角T.O.P.嘅八木橋日式燒肉放題店，商場指示清晰，好易搵！經網上平台訂座，驚喜優惠一籮籮！「雨」日本A4和牛燒肉放題 半價 $554/位最高級別嘅放題Set，預早訂座會有半價優惠，仲免費升級做4小時，正！日本A4和牛燒肉盛頭盤A5和牛西冷肥美＋超大塊嘅A5和牛西冷，出面最少賣$500up，八木橋就用嚟做頭盤，以甘香嘅和牛牛脂，震撼一下味蕾！四品和牛燒肉盛｜香蔥薄切和牛包含可以任食嘅五款日本A4岩手和牛部位，和尚頭、肩胛肉、後腰肉、三角腩、肥牛，油花比例各有不同，試啱邊款就可以瘋狂encore！鮑魚｜味淋魚干｜韓風瓷壺醬油牛肋肉｜比目魚西京燒｜鰻魚軟淋鮮甜嘅鮑魚、佐酒恩物味淋魚干、醬香甜美嘅壺漬牛肋肉、入晒味嘅比目魚西京燒、仲有爽口鮮美嘅鰻魚，「雨」set都係任叫任食，爽！刺身級生蠔即叫即開嘅生蠔，可以直接生食感受蠔味同埋海洋氣息！亦都可以加入蒜蓉辣椒自製生蠔殼燒！澳洲和牛崩沙腩｜外腿肉｜嫩肩肉澳洲和牛同樣高質，肉味同埋脂味會平衡d！炸物八木橋嘅炸物都幾好，炸蝦多士、一口炸芝士、仲有天婦羅系列，都值得encore！甜品可任食名廠雪糕，泡芙同埋Brownie都幾正！