八月居 (海港城) (已結業)

因為海港城有coupons，食市有折扣，所以選八月居飲茶，但今次給我感覺就一般般，由其五香牛什好似煲了幾日的隔夜餸又咸又霉身，蝦腸的蝦仁蒸過火好嚡又硬，其餘义燒包和燒賣正常但不是有水準，不知是否有折扣就將貨就價，点心水平就好一般。另外服務員態度就要改善，基本為客人加茶水，都不會主動，需要叫幾次才做但好不願的，雖然帶上口罩但都感覺到他們不友善的態度。其實這間八月居價格都略偏高，就算有折扣亦不會太便宜，但如果食物質素和服務好我願意付高價些，起碼覺得物有所值，希望佢地能改善一下。…查看更多

今日滿心歡喜想去城中鴨子🦆食嘢🥲 點知😫1830就：『輪候額已滿，取票服務暫停』我真係崩潰咗🥺 我琴晚已經諗定今晚食乜🥺唯有去八月居🥺 海港城coupon嘅驅使下，又係一次任嗌😎 慢烤脆香茶燻鴨 半隻 $198 - 好高質，食得出心機時間嘅味道，但荷碟餅(夾住舊肉嘅蒸包)得4塊，唔太合理炙燒松露黑豚肉 $198 - 可能因為自己好中意食黑松露，所以覺得呢嗰特別好食，加上佢嚟到再燒一燒更香口🥳加拿大龍蝦肉炒鮮奶 $198 - 技巧之作，相對來講都叫多龍蝦肉，炸鮮奶下面有啲炸物墊底，⼀齊食會令嗰口感更好😎 更有咬口🤩 龍蝦汁泡鴛鴦岩米飯 $168 - 嗰龍蝦汁🦞好濃郁😋 用熱鍋上再落湯/汁，啲飯又熱又好食🥰菠蘿咕嚕肉 $128 - 做到拔絲效果，皮外脆內軟是有技巧的，擺咗15分鐘後再食都keep到，好難得🥰夢幻紫羅 $68 - 一杯有薄荷、青檸、青桔、金柚、紫羅蘭同梳打嘅飲品真係幾好飲，我仲估唔到未洗叫待應嘅情況下佢主動識幫我拎4隻杯❤️ 仲問我係咪要影咗相先，好貼心嘅❤️ 呢嗰係上咗年紀，有啲白頭髮嘅叔叔，如果佢有掛名，我一定寫信讚佢😍同埋經理幫我落單時，同我講聲因為環保問題冇乾冰😂 如果嚟到我見到杯嘢飲冇乾冰，可能我會唔要😂 幾好😂嘢食真係有啲喜出望外，但八月居啲服務真係唔係咁好，不過老實講都係睇人，有6個人理過我哋，2個係好，4個係唔好，例如入咗座之後叫咗兩個人開茶，應咗我哋都無拎嚟，落單時嘅態度好差，講完一味餸，諗住停頓下俾佢寫/入單，佢用好差嘅語氣：『講吖』叫我繼續講😅 其實如果係海港城食嘢就真係唔係好接受到咁了🥲 只可以講好嘅好好😂 差嘅喺鄉村酒樓都不如😅埋單$1163.8都值嘅，減埋coupon係超級抵，但服務態度真係有待改善🥺 #八月居 #其實嘢食味道好 #尖沙咀 #廣東道 #服務質素唔好都會流失客人 #海洋中心 #希望公司正視呢個問題 #海港城 #muji隔離 …查看更多

朋友有張卡，有6折優惠，就試試這間高級餐廳站，這裡環境很高級，地方也很大，很舒服窩燒素珍菌，好多平時沒有食的菇，食左都唔知係咩菇，睇返餐牌先知個名，亦膠耳、白玉木耳、羊肚耳，不過總之好味就得花膠絲竹笙繪仿翅，忘記影原圖，但剛好足夠盛滿6碗，很好飲，而且很足料，每啖都有很多料，充滿口感花菇扣鵝掌，這個很多醬汁，很濃很好味我們＋多一碗飯一起食，成個飯都充滿汁，很好味這裡食物質素很好，不過就算有6折，我都覺得偏貴…查看更多

每次嚟八月居一定會叫海哲球點知今次嚟竟然話晚市冇提供但叫set嘅話個set就會有每人兩舊見啲餸都岩食 又唔洗諗食咩好咁就叫咗呢個「龍蝦套餐」～前菜有4款🔸海哲球。乳豬。鮑魚。鴨舌海哲球唔洗講 係唯一嚟食嘅原因🤣鮑魚都好夾口 少少酒味 幾清新乳豬略肥 但皮都十分之脆鴨舌cm唔到因為我唔食🤣🔸龍蝦仿翅湯唔會太咸 都好多龍蝦肉🔸蒸龍蝦肉質唔夠爽有啲偏林可能唔太新鮮？麻麻地🔸北海道元貝呢個有驚喜！炸得好香口但唔油膩～🔸花膠扣鵝掌花膠幾厚身 唔錯🔸鮑魚荷葉飯好香荷葉味，又唔會太大份好味嘢食貴精不貴多🤣套餐仲包埋甜品同餐飲甜品：🔸燕窩杏仁茶🔸楊枝甘露可以揀白酒，整體嚟講真心抵食！…查看更多

一點多去排隊2:45才有枱，門口小姐好冇禮貌，叫我哋掃安心出行，我哋話掃咗，跟住好冷咁叫我哋直入去，裏面啲員工可能做得太忙，又好冇禮貌，好多點心都冇，佢哋話落單都唔知，要等廚房通知才知，我們改點心，侍應姐姐說不要打亂她思緒，要等她搞掂其他單，才會接我們改的點心。…查看更多

元旦日約了好朋友去尖沙咀看燈飾, 到了晚飯時間才找餐廳, 結果找到海港城 八月居, 不用等位, 於是決定在此吃晚飯.看過餐牌,有散叫菜式和套餐多款, 都幾吸引.  我們四位選了超值共享宴$1, 548,  套餐包括有白雪燕窩燴龍蝦湯,  龍蝦湯味好濃郁.慢煮茶香鸭配荷叶餅.  賣相吸引.  用木盤子盛載.茶燻鴨, 已去骨, 鴨肉有茶燻味, 好食.   用荷叶餅包著食, 真滋味.   鮑汁扣原隻花膠    厚切的花膠, 膠質豐富.   鮑汁鮮味濃郁, 冬菇也好味. 份量足.香茅炆原條海斑：熱騰騰用瓦鍋上檯.   魚肉滑, 肉質嫰又入味.翡翠苗上湯浸瑤柱.  吃得健康.炒飯, 用上蟹稃及蛋,  好滿意.套餐無甜品.   我們最後加了四碗, 燕窩杏仁茶,  滿滿的燕窩配上濃郁的杏仁茶, 香滑又順口. 價錢中肯, 食物 OK.  會再來.…查看更多

八月居係開咗好耐，但係第一次黎食。 環境裝修靚，坐得舒服，寬敞。但服務令人意外的普通，明顯樓面人手不足。叫張bb櫈，要自己搬走原本既櫈去換張bb櫈，因坐既係2張4方枱喺一個corner，個位係要抬張櫈入去埋邊,要客自己搬，喺海港城，係預計唔到。點心燒味方面，都有著高質素，燒鵝價錢實惠，皮脆，肉仲係暖的。 叉燒就半肥瘦，有咬口，2款都值得推介。其他點心都正常水平的味道，係咖哩魷魚個汁略為杰了點。但點了咁多野食，只係人均150，喺海港城算係平。…查看更多

鍾意八月居坐得舒服，服務大致都係親切殷勤，不過今次去有小小插曲，可能近排有商場coupon人流多咗，經理心情欠佳兩次加水茶壼放落枱時都會傾水而出，倒瀉水一啲都唔知，話佢都無講句唔好意思，好在無淥親，佢可能要再培訓或者放下假先得。食物質素保持水準，茶燻鴨好好味，連骨都入哂味。肉鬆脆魚皮，有咸蛋黃加肉鬆已經夠惹味再加上魚皮非常酥脆，可以一個人食兩碟。龍蝦汁泡駌鴦岩米飯，龍蝦湯上枱先加上岩碗，所以特別香，鮮味特別出。十年陳釀花雕雞，以為係凍食原來係熱食，真係大鄉理花雕汁好香，好濃，可惜雞肉入唔到花雕味，肉質尚算滑。…查看更多

最近見到八月居推出咗本地優質沙巴龍躉孖寶🤩$198就有兩食！我梗係要去試吓啦😋🥦翡翠炒龍躉班球大大件既龍躉好鮮甜嫩滑，尤其係個充滿骨膠原同埋好有彈性既魚皮，實在太好味了😋🖤黑蒜粉絲蒸龍躉呢個做法都幾特別，黑蒜嘅香味好突出，龍躉蒸得啱啱好，肉質超滑！底層仲有粉絲索盡晒啲精華，超正呀！近期都好流行新豬肉，一樣咁好味又健康所以我哋都試咗幾款。🥬生菜包素肉崧賣相好靚，新豬肉配埋啲脆脆米粉菇粒，再用生菜包埋一齊食，好味程度拍得住豬肉呀！🤍銀絲粉絲蒸素肉崧粉絲上面有腐皮同埋新豬肉，每一啖口感層次都好豐富，啱晒鍾意食粉絲嘅我😋🍑蜜桃糖醋小丸子酸酸甜甜嘅炸素肉丸，仲有粒粒爽甜口感，伴菜蜜桃賣相靚又好味！👍🏻極品醬油炒飯呢個炒飯好惹味，每粒珍珠米都粒粒分明咁被秘製極品醬油包裹住，炒飯裏面仲有粒粒姜蔥蓉，啱晒而家咁凍嘅天氣可以暖暖胃！…查看更多

✨錢價大眾化 好食之餘又坐得舒服✨行到海港城好多間都食過， 同屋企人食飯又想食下中餐，就揀左八月居食。好耐無食過，上一次好似已經係4,5年前😂 唔知變成點呢？~~~~~~~~~~~~~~~~~~~~~~🔷肉鬆黃金脆魚皮大大塊嘅魚皮充滿咸蛋黃同肉鬆，非常邪惡，又好鬼好食wo! 肉鬆增加左口感而且吸左蛋黃嘅油令魚片會乾身d 無咁易淋左！🔷洛神花黑豚骨酸酸甜甜好開胃，特別係食完炸魚皮之後。 佢同咕嚕肉做法一樣，但係佢比較甜d 同埋佢用黑豚肉，令肉香味更濃。🔷十年陳釀花雕雞一打開煲蓋勁香花雕酒味！ 原本我以為係凍食😂😂隻雞煮得好滑一d 都唔鞋！ 平時少食雞皮今次我都食埋！我同屋企人食唔晒，打包拎走第二日帶飯凍食都一樣咁好味！值得一試！🔷加拿大龍蝦肉炒鮮奶龍蝦肉爽口彈牙，龍蝦肉唔係得1,2舊，每嗒都有肉！而炒鮮奶做得香軟滑溜，多重口感集於一身。另外一提，員工嘅態度一般，而速度較慢😅~~~~~~~~~~~~~~~~~~~~~~~~👅味道 🌕🌕🌕🌗🌑🌻環境 🌕🌕🌕🌑🌑🐋服務 🌕🌕🌕🌑🌑👛抵食 🌕🌕🌕🌗🌑🔄回頭率 70%~~~~~~~~~~~~~~~~~~~~~~~~📍 八月居 (海港城) (尖沙咀)尖沙咀廣東道3-27號海港城海洋中心4樓401號舖📞 29920232 ~~~~~~~~~~~~~~~~~~~~🔰新手廚娘👩🏻‍🍳試食員👩🏻‍🏫純分享不定期更新…查看更多

好耐冇一家四口食飯了！難得仔仔早放學，就一家大細近近地去尖沙咀「八月居」食個飯！我哋點咗四人套餐，有齊5餸1飯！四人套餐菜式 ：🧆蜜桃糖醋小丸子〰️仔仔嘅最愛，佢好鍾意糖醋汁，所有食物配糖醋汁，佢都會清晒一碗飯😂而呢個小丸子仲要做到脆脆嘅外皮，內裡肉丸係軟軟的，比糖醋骨易吃，啖啖肉😋小朋友食啱晒！
🥗銀絲鮮竹蒸素肉崧〰️仔仔就好鍾意食粉絲，啲汁煮埋連鮮竹，入晒味落去，真係會食唔停！🥬生菜包素肉崧〰️呢個老公就比較喜愛，crunchy嘅生菜放埋素肉崧包住食，食多2件都唔會心虧！而素肉崧更係我呢期最啱食啦！
🐟翡翠炒龍躉球 配 黑蒜粉絲蒸龍躉頭腩 〰️呢個絕對係我喜好！因為我要乖乖食，而魚係減磅人士嘅佳拍檔🥰「本地優質龍躉」切到夠一寸厚，細膩嫩滑、炒出嚟唔會散，又唔油膩👍🏻帶到上等鮮味、口感豐富！用本地優質龍躉頭腩夠啖啖肉、仲有佢充滿骨膠原嘅厚厚魚皮，香綿軟滑🤤🤤蒸出嚟嘅魚油鮮香，相配黑蒜嘅獨特香氣，可以令魚肉口感更滑之餘，可令黑蒜多一份層次感！無得輸😋🍘極品醬油炒飯 〰️炒飯炒得粒粒分明，而且食到香蔥同薑粒嘅味道，令呢個冬天帶嚟暖笠笠感🥰最後甜品食埋楊枝甘露同杏仁茶，楊枝甘露裡面加咗球芒果雪糕，好配！而杏仁茶唔會太甜，又夠滑，真係好完滿！…查看更多

為左要6人一台，都無咩選擇。大多都係酒樓，所以今次去左海港城美心旗下的八月居,同埋最緊要梗係要用埋海港城coupon la,門口都好嚴謹要對晒針卡同安心出行先俾我地六人一台，佢俾左張大台，應該係十二人台黎。野食比較細碟我地叫左好多，叫左黃金炸魚皮，但感覺上唔係即叫即炸，黎到都唔夠熱，叫左黃金豆腐，呢個反而比起炸魚皮好食d，仲有咕囉肉，不過不失正常合格，叫左咸魚雞粒豆腐煲，幾好送飯，惹味，仲有燒味都係有保證的，差燒好食，叫左半隻雞都唔錯，幾滑…查看更多

有coupon $200-$100，星期日同屋企人黎飲茶，好彩有得上網拎定飛！叉燒，都幾多，但係比較瘦唔錯幾好正常呢個就差左D人手唔係好夠..叫人加水都要舉幾次手。半價黎抵食！…查看更多

兩人晚餐點了乳豬半隻四百幾蚊，樟鴨半隻，菜苗，豆腐，共四餸，首先所有菜都唔熱，乳豬唔脆，醬料要叫先俾你，豆腐炸嘅都唔熱，粉漿有啲厚，菜苗味道ok係只係微微暖，鴨味道還可以，全晚最熱只有跟鴨上嘅包，似係即蒸，上菜無次序，上晒豆腐，菜，差不多食晒先上兩碟肉，埋單9XX, 我可以話廣東燒味嘅乳豬好食過佢囉。食一模一樣嘅嘢，响第二度食應該五百內，算，體驗完，無下次。…查看更多

貨不對板，明明圖片夢幻紫蘿是有乾冰煙幕效果，來到都吾出聲。投訴後竟然話因為環保就走左去。竟然當沒事情發生，你如果真環保就問客人是否需要乾冰，不是當你無需要。成間野都吳系做生意，人地要這個是要有煙幕效果，你沒有我叫來幹嗎？你估你個飲品真係好好味？…查看更多