八方米線

營業中

休息中

雞地有間米線未試過，叫做八方米線、3點鐘入來食個米線，叫左個招牌A bb酸辣米線，入面有肉碎，牛展，雜菌，海茸，腐皮，海菜，酸菜，芽菜，韮菜，配菜都尚算多，我仲加左豬腸同豬腩肉 ，淨係個米線都要54蚊、覺得貴左d 個米線湯底色澤幾靚但略嫌米線比較小，好似食5飽咁，同埋覺得海茸海菜有小小腥味、5襯個米線，但酸辣道足夠,而個腩肉都算淋

無咩胃口，諗住食碗麵，點知附近全部都係碟頭飯同雞煲，誤打唔撞就入左黎啦!老公要左麵餐A+雞翼我要左熱拌麵拌麵既醬汁幾特別，一般拌麵個汁都會好濃味，呢個清清地易入口不過個麵淋左啲，唔洗咬已經斷啦!好彩我個人中意食超淋麵，越淋越愛，如果係我老公叫呢個，大慨食一啖已經推比我啦！至於個湯麵，個湯底好清甜，平時我地都唔飲啲湯，因為一飲已經知飲左會好口渴，但係呢個比我地飲清禁制~連厭尖既老公都叫我唔好飲哂佢啲湯佢仲話啲送用料好新鮮，下次可以再黎喎

羊肉餃 48蚊十隻 soso地😏我又覺得ok豬頭肉 白木耳 辣豬腩肉 米線我個碗叫左多米線😂只限米線 唔洗加錢😁尋晚同朋友仔九點幾先食到晚飯 好多餐廳都已經last order😕依間好似收十點幾十一點咁上下🙈我呢本身就幾鐘意食羊肉 特別鐘情個隻酥酥香味兒😁不過好多都無乜酥味🙈依到有得食就一於試下🤘🏻餃子皮都幾薄幾滑 唔同風味😏酥味都有少少 朋友仔唔好羊都話接受到👌🏻我覺得一隻重味d一隻無咁重 同埋羊肉有d鞋😀不過 佢個湯底幾濃味🤗我幾鐘意豬頭肉份量好多 重點係無毛👏🏻👏🏻👍🏻又入味 仲有唔係好多地方有既白雲耳依到都有得食 口感其實同普通雲耳差唔多 個湯底我叫小酸辣 我建議嗜辣既人叫大辣 因為佢既小辣等如唔辣😂