八一蛋包の料理

營業中

休息中

成日聽朋友話太安樓有好多好野食😋今日去開附近就買返去做晚餐!八一蛋包の料理 - 好多街坊既飯堂💖晚飯時間去到已經見有幾個人點餐等餐👥食過之後就明白🥰果然好吸引又抵食!小店仲係餐單上表明不採用任何味精及增味劑!👍🏻岩晒我地要食外賣又想健康少少既年輕一族~🌟八一燒豬頸肉飯私心推介加配埋蛋包飯🩷 超滑! 🥚撈飯食真係一流!豬頸肉份量十足 🐷 味道同口感都唔錯~果然係招牌人氣之選💕🌟沖繩咖哩芝士豬扒飯🐽咖哩微辣，入面仲有好多料~重點芝士豬扒係拉絲添🧀記得趁熱食啦♨️🌟脆炸雞軟骨好香口超大碗! 真係超值既小食👍🏻就算路過口痕都好推介要返兜啊~

今日到西灣河既太安樓揾下食，見到一間主打蛋包飯叫八一蛋包の料理，一於試試佢，午市都好多人點外賣，即叫即做，份量多好味道好滿足😋 💠沖繩咖哩吉列芝士豬扒蛋包飯🧀吉列豬扒入面特色係內有濃郁既芝士，做到拉絲效果，配埋日式咖哩汁好惹味。 💠八一燒豬頸肉蛋包飯🐷啲燒豬頸肉油脂平均燒得好香，咬落去外脆內嫩，粒粒分明嘅飯同滑蛋夾埋一齊食好滿足 。 💠吉列炸生蠔🦪一客四件，生蠔炸得剛剛鬆脆內嫩，咬開也不乾身仍有鮮甜蠔汁，配沙律醬好夾好正。@81.omurice📍八一蛋包の料理西灣河太安樓第一街A15G #八一蛋包の料理 #太安樓美食 #太安樓必食 #太安樓搵食 #西灣河 #蛋包飯

好耐冇去太安樓掃街啦～🧐發現到一間專賣蛋包飯嘅小店～😍👍🏻即叫即整～熱辣辣～價錢仲好平😮✨平均$50就買到🤤✨@81.omurice 👍🏻八一燒豬頸肉蛋包飯💛 $50豬頸肉份量好多～肉質鮮嫩可口～✨配上香濃醬汁～仲有滑嫩的蛋包飯～✨沖繩咖喱吉列芝士豬扒蛋包飯🧡 $46吉列豬扒包住濃郁的芝士🧀仲有芝士拉絲嘅效果✨咖哩好惹味～撈飯食一流👍🏻脆炸雞軟骨❤️ $25炸得金黃酥脆～好香口😍✨

今次去咗西灣河太安樓食八一蛋包飯系列 野食夠晒足料味道又有驚喜係一場又暖又滿足嘅美食體驗八一燒豬頸肉蛋包飯燒豬頸肉外脆內嫩 油脂分佈啱啱好 咬落去超香口仲帶少少燒味 同滑蛋夾埋一齊食味道層次分明配埋粒粒分明嘅飯真係食落好滿足 滑蛋金菇牛肉丼牛肉夠嫩 醬汁香濃 滑蛋做得超細滑入口 仲有金針菇嘅清香整體 口感豐富係一碗充滿幸福感嘅丼飯 脆炸雞軟骨呢個炸雞軟骨係又香又脆 咬落去爽口仲有啲胡椒味吊味食落好爽 絕對係配酒一流之選😍

位於西灣河太安樓❣︎八一蛋包の料理❣︎係一間性價比高🤑嘅外賣小店，最平嘅雞扒飯只需$38咋，所有食物不含🙅🏻‍♀️味精，師傅用心製作👨🏻‍🍳食物質素唔錯👍🏻大家以後lunch/晚飯可以多一個選擇。❣︎八一燒豬頸肉蛋包飯❣︎$50豬頸肉超爽口彈牙😋👍🏻蛋皮超柔潤🤤蛋香味濃郁，仲有四款自選汁醬比你揀添。❣︎蒜香牛魔王炒飯❣︎$46🌟必食推薦😋👍🏻炒得超有穫氣，牛肉牛味香濃，配料有粟米，蛋同蔥花，非常滋味飽肚。❣︎脆炸雞軟骨❣︎$25炸得卜卜脆，份量多😋👍🏻記得沾埋佢跟嘅汁醬，酸酸甜甜更加惹味。

太安樓美食林立，今次又發現了一間新進駐不久的蛋包飯料理，小店有十多款美食選擇之外，價錢好親民，仲要即叫即煮！人氣「八一燒豬頸肉蛋包飯」，豬頸肉份量真係好多，肉質鮮嫩又惹味，配襯埋滑溜溜的蛋，食完好滿足，咁受歡迎係有理由的！和風料理又點少得「野菌雞肉親子丼」，半熟蛋漿包滿了鮮嫩雞肉、洋蔥及雜菌等，蛋漿、雞肉熟度控制得幾好，調味又適中，是熟悉好味的親子丼味道😍！小食「脆炸雞軟骨」，只需$25，但份量令人驚喜，口感酥脆得來又唔油膩，送啤酒絕配！去開太安樓搵食嘅朋友，記得不要錯過「八一蛋包の料理」呀！

我媽襯我返緊學走去太安樓掃街自私食，買咗蛋包飯返屋企嘆完先接我放學😆食店標榜製作不含味精👍🏻而且即叫即整保証新鮮，今次就叫咗以下两款蛋包飯味道唔錯😋🐷八一燒豬頸肉蛋包飯豬頸肉肉嫩多汁，豬頸肉油脂加埋蛋飯一齊食口感一流🧀沖繩咖哩吉列芝士豬扒蛋包飯吉列豬扒入面係濃郁芝士，唔係即食都可以做到拉絲效果，咖哩味道有啲辣好惹味，食完一啖接一啖🦪吉列炸生蠔超酥脆炸衣包住軟嫩生蠔，一咬開鮮甜蠔汁湧出

早幾日同媽媽去太安樓掃街，順便買埋外賣🥡做晚餐- 我留意到一間售賣蛋包飯食店八一蛋包の料理媽媽即刻心動想試下，之後買咗2個主菜及1個小食😋師傅即叫即做，確保所有人食物🥘新鮮製造，所以等侯時間稍為耐少少😝😌店方都標榜所有食品係不過加味精同埋增味劑，健康之選🐽八一燒豬頸肉飯（轉蛋包炒飯底加沖繩咖喱汁）豬頸肉超級好食，肉質嫩滑，蛋包飯非常出色，蛋香味濃， 咖喱🍛汁不太辣，惹味濃郁🐟喜之味鰻魚炒飯超多鳗魚塊，肉質無人骨嫩滑，炒飯底蛋香超濃郁😛🐂吉列炸蠔推介呢款小食，炸得完全唔粉唔好錯過啊😌蠔🦪嘅肉質非常鮮味，外皮非常鬆化🏬餐廳資料地址：西灣河筲箕灣道57-87號太安樓地下A15G號舖（港鐵西灣河站A 出口，步行約4分鐘）預訂電話：57024393

昨晚掛起8號風球，媽媽說今晚沒準備好晚餐，唯有在西灣河太安樓尋找美食👅。經過見到有間蛋包飯，是爸爸至愛，便order了沖繩咖喱芝士豬扒蛋包飯$54給他，外賣等大約10分鐘，眼見吉列豬扒包住了濃厚的芝士，愛吃芝士的朋友一定會好滿足，而咖喱是少少辣的，很不錯！😚

大家好！我係好鍾意去旅行既艾文！今次黎到太安樓，我地分別去左魚旦佬、太安樓牛雜、八一蛋包の料理、小老板 。經過八一蛋包の料理，聽到有人叫鰻魚炒飯，平時艾文都好鍾意食鰻魚飯，就叫左一個試下。等左約10分鐘就有得食，食落味道偏淡，鰻魚肉都有唔少，HK$48算係抵食，飯炒得相當香，鰻魚粒又唔會太乾身。而味道就正正常常，又唔算出色，但係都會想試下佢地既招牌豬頸肉蛋包飯。

外賣自取6折所以試下但真係好難食 咖哩蛋包飯沒有給咖喱吉烈豬扒的肉像麥樂雞的內餡勁強油溢味唯一可取是珍珠米 永不錄用！！！！！！！！！！以前點解咁多人排隊？不過而家無人食就明啦

親子野菌雞飯啲雞勁大雪味，完全係垃圾😡😡😡搞到啲飯都有雪味，超級難食，我真係未食過啲咁難食嘅雞。食咗一啖已經扔咗。超級伏！警世，千祈唔好食呢個飯，你一定會後悔！

我食左八一燒豬頸肉蛋包飯，價格係$51。雖然我睇過OpenRice上面有啲負評，而且睇相都覺得一般，但試過之後發現今次外賣竟然有驚喜啊！豬頸肉好味，肉質鮮嫩多汁，蛋包飯就算放咗喺個飯盒入面都保持到滑溜溜嘅口感，真係令人滿意！同埋成個擺盤都唔錯！以外賣來講算係非常好！特別要提一提八一醬皇，味道獨特，同整個飯非常襯，真係一絕！我覺得下次可以再試吓其他添！雖然有人對八一有負評，但對我嚟講，呢次嘅體驗真係好正啊！推薦大家一試！！！

去隔離金樺餅店 見到呢間試下啦 明太子醬玉子串 等成廿幾分鐘都未有 問佢係咪整緊 個女人咸咸淡淡咁話要等架 就不再搭理 態度係愛理不理 佢個玉子燒 唔係即整 係雪櫃拎出黎去扒爐焗 其間不斷出其他扒 （都係同一個爐焗）拎到出黎完全無明太子醬味 得啲沙律醬咁 並且無玉子燒味 係食過最差差差既所謂玉子燒其間有人打黎落單幾間飯 知道一份玉子燒$20 店可能唔志在啦 但都唔係咁趕客 真係貼錢買難受 附近其他店 就連娥姐燒賣 服務態度都仲好一定會幫你地宣傳下

第一次試左個豬頸肉蛋包飯50蚊豬頸肉都多飯都多，好食👍個汁好香濃第二次買午餐5 蛋包豬扒 一樣有驚喜👍仲有可樂飲 42蚊 掂🫰有時間兜開港島果頭都會去幫襯下，小店嚟講，交足晒功課