八一蕃巴蜀烤魚店 (鱟地坊)

營業中

休息中

因为太耐无吃烤鱼，今日经过就想试下，结果吃到一肚气！！ 一坐低，店员就递过一份餐牌。OK, 然后就点菜啦，因店面得二个店员，所以叫了几次落单才有人写单。落单后店员上餐具，有D油光，碗内仲有哒渍，心里打个突，己经有小小预感，然后就叫她换个碗。因为一个人，点的烤鱼细边，上得尚算快。吃烤鱼无配菜感觉少咗D嘢，又加一份配菜，可乐同白饭。味道不过不失，解解馋还可以。因配菜有D慢，我又催下店员。可能她见我点得奇怪，就问另一位同事：“她不是套餐咩？”。厨房一位细声答：“唔是，散点嘅。价格都差不多。”因为我坐得靠近厨房，所以唔小心听到。当场心里打个突！ 后来邻台来客，一样递餐牌点菜。但佢哋应该是熟客，就问：套餐牌呢？拿过来～。我心入边即刻知道店员出蛊惑了，中招了！！等邻台点完，我叫她：“拿套餐牌比我看下。”看完即时明白了！！我散点嘅比套餐贵了五六十蚊！仲要少个小食同杯嘢饮，顿时感觉受到欺骗！呢种欺生的销售手法太低劣了！！！ 心里一肚气，都无心情吃了！埋单时忍不住投诉！刀光剑影一轮，店家最终收套餐钱再另加份配菜钱！钱收贵了，嘢吃少了，仲要一

點外賣條魚半生未熟，樓面同我講佢地嘅外賣全部都係唔熟嘅 大家唔好叫外賣！態度極差！仲要同我講要用屋企鍋再煮一煮，唔熟是佢哋鋪頭特色。我叫得外賣就係唔想係屋企煮啦。0分！

今晚同老婆二人世界，每次都必食呢個酸菜烏頭，魚質鮮甜又嫩滑，骨亦唔多，每次諗起都會不自覺咁流口水。好鐘意嗰種複雜嘅調味，入口又甜、酸、辣、香等等嘅味道，真係齒頰留香👍🏼

昨晚天寒地凍，一家人行過冧住食酸菜魚。人客唔算多等咗好耐先上菜，條酸菜魚一上來”梅”到好似浸咗一晚咁，啲肉全散，激鹹，酸菜冇味。冧住加棵菜，成三十蚊，得四五塊葉。真係冇下次。

之前一直都係深圳食烤魚，因為覺得香港烤魚唔夠正宗。係荃灣終於搵到間全港正宗烤魚！雖然叫了小麻辣，但味道係好夠。魚肉新鮮，辣味有層次，配料新鮮！以後食烤魚唔洗北上啦

陰公豬好失望。點了酸菜魚（鯇魚細邊）。魚非常不新鮮，有一陣陣氣味和雪味。魚煎得過火。湯底只是重香料水， 香料（籽）然同重胡椒，只有咸味。幸好，點了两串燒烤，正常味，但冷冷的。一個人serve整個樓上（閣樓）的客人，上上落落。很多時，叫天不應。

係荃灣開左勁耐既酸菜魚終於都去左試，食完魚可以再叫配料！今次試左個酸菜海鱸魚，係魚好大條！啲肉好實、同埋無咩骨，都幾好味。我地叫左酸菜小辣，岩岩食個時無咩辣味，叫佢額外比啲辣椒黎😂😂點知食食下愈滾愈辣，好過癮呀！之後配菜叫左涼拌金菇個味幾正，有少少似口水雞個汁！其實就唔算話好抵食，但間唔中食一次都ok，雖然間店細左小小，但坐都坐得算舒服！但如果多人黎食就最好 book位啦～～咁就確保一定有位😃😃

星期五晚book 了2位食惹味烤魚，店鋪細細環境尚算舒適，點餐點了惹味“椒刴鯇魚~大邊”、“薯粉”、“花甲”、“豬紅”、“涼拌鮮魚皮”2個人怕點原條魚食唔晒，點了大邊的魚，魚嚟到好大條，濃濃的香辣味已令人食慾大振，魚新鮮一點也不腥，魚湯辣湯底有魚的鮮甜味，辣味不太辣亦沒蓋過魚湯鮮味，香辣魚湯反而突顯魚的鮮味，是一絕配。除魚外再用魚湯底滾上薯粉、花甲、豬紅味道很不錯， 薯粉吸收了辣魚湯的精華好味無窮，花甲新鮮鮮甜，配上辣湯食完一粒又粒令人食唔停口👍👍豬紅滑而爽口，沒有豬腥味，質感新鮮，可口好味！涼拌鮮魚皮美味極品，入口彈牙，配上薑葱花生，伴上生熟油，既不腥又可口，令人食指大動，食完一口又一口，值得推介雖然只點了大邊魚，已感飽肚，食埋其它配菜，滿足又飽肚的一餐 店員亦好有禮貌細心，常會主動走來幫忙加湯，值得一讚 👍👍值得下次再光顧

這天朋友相約於荃灣吃飯，這次我安排了一同前往吃烤魚，全因為我想念於深圳吃烤魚的味道，朋友之前已經嚟過，充滿內地的感覺，重口味的感覺， 聽到他這樣說，使我更加期待。食物方面，當然點選的就是香辣味烤魚，辣度方面，更可選擇自己喜愛的。 我最欣賞的就是他和內地吃的時候一樣，也是一個爐端上，完全可以保持食物的溫度，又不會把食物烹調過度，另外，鮮魚方面，鮮嫩可口，配合烤魚獨有醬汁，真是充滿風味。沒空回內地，而想吃烤魚的朋友，又多了一個新選擇。

心血來潮想食烤魚，近近地係荃灣食啦！見到有好多唔同魚同味道揀，仲有辣度！因為朋友食唔到辣，最後揀左酸菜味烤魚...大大條魚食到勁飽，魚肉好嫩滑又冇骨，酸菜味配魚肉好夾又入味唔駛返大陸都食到正既烤魚

在國內，烤魚就吃得多，而且味道也大致都好，今天來試試位於荃灣的這家烤魚店，店家不算大，但整齊乾淨，一走進店內，烤魚的香氣撲鼻而來，特別是那股特有的川香，已經讓人垂涎欲滴......我們兩個叫了細邊，一大盤鋪滿了香辛料的魚，在燉鍋里噗噗噗的冒著熱氣，伴著香芹、青瓜、洋蔥、蒜頭食材豐富，品嘗起來也層次豐富。先夾一兩根配菜試試味，一放進口裡，就已經享受到它獨有的滋味，再吃一口魚，雪白的魚肉被醬汁包裹著，又嫩又辣，又香又麻，我連吃了好幾口，魚新鮮，肉質鮮甜，主要是這特有的醬汁，把烤魚帶入更高的境界，香、濃、麻、辣，一流！

烤魚我好少食大多數打邊爐，巧合相約舊同事她好喜歡食魚，她預約了位於荃灣一間叫「八一蕃巴蜀烤魚店」我樂意試試，一般我所揀烤魚是鯇魚但今次揀了多寶魚，對我來說幾特別！我怕辣所以同事遷就我點了酸菜魚，魚肉質感很滑啖啖肉滲入湯汁更鮮味更醒胃而且配料又多！我同學起初擔心只得我和她食唔晒，她太睇少我！我們不但食得下還要追加其他配料，由於我們是魚痴所以追加了魚鮫及魚滑仲有薯粉，它配上了湯汁簡直是一絕！不得不提關於侍應的工作態度，她們笑容常掛面，很多時候都積極工作很主動服務我們，這樣的表現令到作為食客的我們食得很開心，一定俾過like👍佢地！

星期六全日都落住雨都令到人唔太想出街，再加上呢排減肥要諗下有D咩菜係健康D。諗下諗下就不如去#荃灣八一蕃啦… 呢間係我在香港食過咁多間烤魚煲個人覺得係最好食，而今次我地就叫左酸菜鯇魚(大邊)，🐟好鮮同滑，食落一d都唔會有泥味，重有加左孜然令果🐟更加香**食呢個烤魚我一定會叫果全份配菜 (內有芹菜、金菇、秀珍菇、大豆芽、芫荽、雞髀菇等)因為D菜索左果魚湯勁正。夫妻肺片廚師👨‍🍳今日落料重手左偏鹹，整體都唔錯。

話說都有一陣子沒返到內地食烤魚好耐啦今日又發開神經突然又好想食下烤魚但夜晚晚行街又唔會返內地食啦所以就上網搵到呢間係香港食烤魚的地方原來好近好方便荃灣近近就有一間仲要都唔難就去到咁我就緊係事不宜遲地出發去八一食烤魚啦好彩我食個段時間係6點D人好多都未開始食飯所以都係等左一陣就有位啦我本身唔係好食得好HOT所以呢就選左酸菜味的多寶魚啦之後就選左D 火鍋配料估唔到又真係幾多配料價錢仲係幾親民飲品我就非常欣賞佢地自家味道的共廚家作生津李乾蘋果茶飲落都好清新魚皮好脆呀午餐肉就正正常常生粉皮就之前未試過落落去估唔到落去又幾好食啊彈牙又滑幾過癮最後緊係個主角 酸菜魚啦多寶魚的質感真係好好呀魚味就唔算好濃但就同酸菜魚好MATCH埋單兩個人價錢都正正常常

前陣子在深圳試了一家酸菜魚，所以回到香港之後一直念念不忘，直到今天來到這家荃灣 近戴麟趾後面街 的八一番 巴蜀烤魚店 ，到來回味一下烤魚的滋味。 我們先看了一條 ( 鉗魚 )原條 $268。因為我們不能吃辣，所以就沒有加辣椒。烤魚的肉質非常鮮味，而且口感也十分好，魚肉有點微微的甜味，配起酸菜魚來非常下飯。 可惜 原條魚的 size 份量 普通 。但烤魚的味道很足夠，另外再點了一份餛飩，餛飩裡面也有鮮蝦， 餡料 的味道 適中，吃起來也很滋味，還有吃他們家的醉雞， 醉雞的雞肉 皮薄嫩滑。整體下來我們都覺得這家店的烤魚很好吃，還有很好的用餐環境，讓我們可再次享受到 烤魚的滋味。