八〇

星期一的一個晚上我自己一個人大概九點進入餐廳跟侍應說我一位，跟住他很有禮貌的說請入裏邊隨便坐。呢間餐廳之前食過一次，我覺得係旺角區來說是還好的一間Cafe，入到去右手邊坐左兩台客，左手邊完全冇人坐，起初我揀咗一張二人枱坐低，但覺得有啲大風，所以坐咗過隔離張四人枱。然後叫我隨便坐的嗰位男侍應攞咗一張QR code請我落單，繼而說幫我搬走其中一張枱，我未出聲嘅時候其實佢已經搬緊，聽到嗰下有啲odd, 但我都說好啊冇問題！因為我都係諗住食完就走，唔係想霸住佢張四人枱，況且當時係成個area都係空枱。跟住準備落單嘅時候，佢又話叫我坐去另外一張二人枱話呢度想清場，嗰下真係好嬲，我冇食就走咗。如果你係覺得唔想我一個人坐你張四人枱，我入去嘅時候第一唔好叫我隨便坐，第二可以指示我坐邊張枱，唔係我坐低咗又話要搬走我一張枱又話要我坐另外一張枱，認真好不被尊重。唔好再話自己幾用心做餐，唔好打著香港人小店嘅旗號去咁樣經營一間餐廳，搞再多嘅應援但咁小家嘅服務點樣叫人幫襯？…查看更多

難得一間好好招呼，味道好好的小店，劃碟好特別，打卡氣氛一流，門口好似綠化森林咁，老闆有人情味，仲要在旺角，地點方便，朋友聚餐傾偈，環境清靜，so good👍🏻…查看更多

同朋友約食飯，原來撞正做緊韓星嘅應援主題，所以現場有好多fans😂舖頭氣氛唔錯，適合同朋友慢慢吹水不過座位安排有待改善，喺OpenRice book咗位，但係去到現場話要等多兩張，諗住都好快，結果等咗半個鐘😥主食唔錯，叫咗黑松露雞胸意大利飯，因為見到張相好靚所以試吓，雞胸肉非常有驚喜！份量多，而且肉質唔嚡，好好食😋飲品嗌咗抹茶鮮奶，非常貼心地可以嗌走甜😚，抺茶味道濃郁，都幾好飲甜品係黑糖麻糬窩夫同Tiramisu ，窩夫幾好食，入面有啲麻糬，甜甜地，又軟綿綿，令口感更豐富，配埋雪糕好夾👍🏻但tiramisu 就唔推薦～好膩🥹好似食緊一坨cream多過食緊Tiramisu，味道都係死甜，唔算好好食🫣…查看更多

食過好幾次佢嗰個all day Breakfast，好食！薯條都好好味，好脆。雞胸沙律好好味，適合減肥人士食。環境幾好，因為我每次都是早午時段食，人唔係好多，坐得舒服同埋容易傾計。…查看更多

Cp值高$498既2人晚餐，無論同朋友子或者男友子去，都真心十分推薦比大家🫶🏻餐湯係南瓜湯，都好重南瓜味，唔會過淡🎃前菜和牛薄切配青醬同沙律菜，青醬帶微辣，和肉肉質嫩口，我好欣賞依個前菜，因為好適合唔鐘意沙律醬既朋友子食👻黑松路和牛粒珍珠米十分重黑松路味，炒得乾身加上珍珠米口感煙韌，配埋和牛粒令成個香味提升👍🏻牛骨髓配法包+西冷依個實在太震撼我眼球👀份量多多，牛骨髓比想像中唔太油膩，配外脆內軟既法包再配一啖黑松路薯蓉，好滿足🥴西冷就3成熟，呈粉嫩肉質嫩口，有埋莎莎醬、海鹽同青色既芥末（😂？）沾黎食，不過本人愛沾海鹽，更吊到牛既香味，仲有西蘭花苗、粟米仔、瓜，又有菜又有肉😆Tiramisu 甜品係大大杯既tiramisu ，口感比較實在，都唔錯既餐飲水果茶，味道都好清新，完全解到食物既膩，仲有生果粒可以食👍🏻…查看更多