兩草 (白布街)

營業中

休息中

一到用餐時間 餐廳外都排著人龍留意到很多的都是遊客而食物價錢經濟 上菜也很快餐廳裝潢都很有懷舊香港的味道😋🍚香煎脆邊蛋肉餅飯 $42肉餅以半煎炸製作 所以很香口米飯淋上豉油及豬油 加上半熟脆邊蛋拌勻 簡直是米飯小偷啊🍜胡椒肉骨湯米 $45胡椒味為主 藥材味不太顯著 入口溫和適合不愛藥材味的人有幾件排骨跟上 整體正常 未算特別 😋🍗招牌炸雞翼 $27雞皮酥脆 雞肉保留肉汁蝦醬用作調味份量很恰當外層甜甜的 該是塗上了蜂蜜

小店裝修好有特色，好似幾十年前既大排檔咁，好有風味，入到去都忍唔住周圍望下，係個打卡嘅好地方！食物方面，每樣嘅份量都唔多，可以試多唔同款式！1. 胡椒肉骨茶 $38比較偏向新加坡風味，因為新加坡嘅肉骨茶都係以黑胡椒做湯底，而黑胡椒都可以辟走豬骨嘅臊味！排骨都煮到幾腍，一碗大概一至兩個人嘅份量。2. 小籠包胡椒湯 $40湯底同肉骨茶一樣，小籠包就有四個，味道不過不失啦！3. 滑蛋叉燒飯 $40呢個滑蛋叉燒飯幾好食，蛋真係炒得幾滑，叉燒以半肥瘦為主，但係成個飯真係偏油，油膩感幾重！份量大概係正常嘅一碗飯，再以滑蛋叉燒蓋面。4. 蛋炒豬腸粉 $27蛋嘅份量唔多，但係腸粉煎得好香，成個腸粉都比較油。

又來到兩草～ 終於冇晒大陸遊客，今次終於唔洗等，而且坐得舒服咗！胡椒肉骨湯米， 好鐘意胡椒味，少少辣，怕辣嘅朋友都食到， 不過d 肉就一般般香煎脆邊蛋肉餅飯，太陽蛋都真係有脆邊，肉餅肥瘦嘅比例啱啱好，香口好食～招牌炸雞翼，呢個一定要食～ 外層酥脆，好香口，調味用咗蝦膏，幾特別，覺得係最好食嘅小食！檸檬薏米水～ 好飲，酸酸甜甜，健康嘅感覺整體食物算不錯， 而且價錢合理，現在要食到平又好食嘅選擇真係唔多，裝修風格也很有味道

懷舊味十足的新概念茶餐廳形式
我住喺旺角，不過呢條街真係好少行
睇佢開嚟旺角專門去搵
12點剛剛開舖
不過12點已經有好多遊客排隊所以夜晚再早少少來排小籠包胡椒湯 - $40
皮唔硬亦唔厚，岩岩好啱
唔會一夾就爛
有好濃嘅胡椒味
小籠包咬開好多湯汁
肉味好濃郁胡椒肉骨茶 - $38
我同女兒都係湯泡飯愛好者
女兒可以食小辣
可以承受呢個辣度
心想如何係天氣凍嘅時候食一碗真係超正啊
因為唔係嗰種藥材味好重嘅肉骨茶
所以女兒好鐘意咖央多士 $25
包烘得香脆，有少少乾身。我女鍾意，我覺得就ok啦～
菜心正常發揮嘢飲👌下次要試試招牌滑蛋飯叉燒或者滑蛋叉燒三文治 

好耐冇黎食，同阿妹今日黎食，心心念念個肉餅飯，12點正排隊排到12點半，個侍應不停出黎問有冇3位4位，明明前面有幾批2人，入到黎又要等得耐，好食係好食，但又覺得冇以前甘好食，小紅書俾人傳到成個打卡點甘，香港特色餐廳香港人唔配食啦

放假睇戲前同朋友係旺角食晏，諗起兩草，之前想試不過好少行到白布街呢邊。因為我地咁岩12點，原來12點岩岩開鋪，一黎到已經有條長隊，前面有10幾人，開鋪順住條隊直入，原來餐廳內仲有上層。好在早到，如果1、2點時候應該都要排隊。▪︎香煎脆邊蛋肉餅飯▪︎$42面頭個煎蛋好靚仔，禁Qrcode落單時禁左多蔥，煎蛋同個名一樣個邊好脆，有賣相有實力。平時唔太食肉餅既我，今次比佢呢個推介吸引左，呢個肉餅係我鍾意既質地，肉質實淨唔會好似平時食個啲肉餅咁有肥肉同鬆散既感覺。肉餅飯配埋佢個豉油汁好惹味。▪︎小籠包胡椒湯▪︎$40小籠包發揮正常，一咬流湯，胡椒湯飲左些少但都幾胡椒有些少嗆喉，所以試一兩淡湯就夠。▪︎胡椒肉骨湯米▪︎$45呢個係友人點既，正常發揮唔算特別出色。個肉我試左少少都係普普通通，加上本身又麻麻地排骨類。個湯唔係好濃味個啲藥材味重肉骨茶，係輕口味帶點胡椒味既湯。整體黎講，旺角兩個人食，除返都係63.5左右

今日嚟到一間慕名已久嘅餐廳 @twogreens.hk ，佢以前喺大坑道小有名氣，搬咗過嚟之後人氣亦都不減。呢間餐廳主要係食馬來西亞菜，佢就勝在每樣嘢都細細碗，咁就算一個人嚟試到嘅嘢都會比較多。小籠包胡椒湯 $40呢個算係佢哋嘅招牌，我見好多枱都會叫。佢嘅胡椒湯係幾香，辣辣地咁。小籠包就中規中矩，唔算皮薄餡靚，但都未至於厚皮乾身，入面亦都有少少嘅湯汁。味道：6.7/10胡椒肉骨茶佢嘅湯底都係胡椒味比較重，基本上係冇乜中藥味。但比起小籠包湯會多咗肉味，而且佢會提供蒜頭辣椒，加埋落去會更加惹味。至於排骨都大大嚿，肉質軟淋，但又未至於霉，整體都唔錯。味道：7/10香煎脆邊蛋肉餅飯 $42呢個真係幾邪惡，燶邊嘅太陽蛋，配上香煎肉餅，基本上唔會難食得去邊。加埋佢哋嘅秘製醬油，就更加好味，甜甜地，帶油香，加埋蛋汁簡直一流。但佢嘅肉餅比較薄，口感唔算好豐富，勝在煎得香脆。味道：7/10滑蛋飯叉燒 $40佢嘅叉燒令人有少少愕然，因為佢係叉燒碎，好似蝦米咁樣，但食落都幾香口，有少少似臘腸邊咁，自帶油香，配埋滑蛋同甜豉油，其實又唔算太差。味道：6.5/10咖央多士 $25佢嘅麵包烘得非常之香脆，但因為麵包

兩草係小紅書爆紅一段時間。係老婆不斷推介之下，終於帶左我同朋友去食兩草！兩草據說靚靚同Chilam 都好鍾意去，咁真係滿心期待！下午2點左右都仲要排隊，前面排隊都係遊客，連姐姐叫位都直接用純正普通話問我：「幾位？」入到餐廳，發現大部分客人都係遊客。餐廳內部裝飾都富有懷舊風味，真係幾適合遊客打卡。所以，如果要排長龍嘅話，我都係建議將呢啲機會留俾旅客先啦。🌼菊花茶：其實淡淡地唔太甜，都幾啱我嘅口味。🍤鮮蝦胡椒湯：濃郁嘅胡椒味加上蝦嘅鮮味，確實都幾好味。不過就唔推薦俾唔食得辣嘅朋友啦。小籠包胡椒湯：雖然小籠包應該係預製品，不過味道都唔錯，配上胡椒湯一齊食，呢個組合都唔錯。咖央多士：咖央真係好薄，絕對係用心製作。椰香味都幾濃，加上脆脆地，都算可以。脆香魚餅：唔推薦大家食啦，因為口感真係好一般，唔太識得欣賞。蛋炒豬腸粉：味道無咩特別，腸粉有少少太油，所以都不太推薦。

旺角超級人氣店，主要提供港式懷舊菜色及星馬菜。店舖裝修充滿懷舊港式情懷，摺檯，照蛋紅燈，鐵皮等等，但座位坐得非常迫狹要有心理準備。🏮- 小籠包胡椒湯 HK$40 🥟🥣濃郁胡椒香!!胡椒湯味道香濃而不辣，口感滑順。小籠包浸泡在胡椒湯中，外皮吸收了胡椒香氣，肉餡調味惹味香口，肉感十足。- 香煎脆邊蛋肉餅飯 HK$42 🍳🥩🍚小時候的味道!!香煎脆邊蛋非常香脆，蛋黃半熟非常流心超正!!煎肉餅味道濃郁，肉味香濃。豉油咸香十足，有微微甜味，撈飯一流!!- 餐肉脆邊蛋豬油飯 HK$35 🍳🐷🍚邪惡豬油撈飯!!香煎脆邊蛋帶有脆脆口感，配搭咸香餐肉超香口。豬油微微香氣令到白飯更加油潤，可以一試!!

本身見到推介啲相好似好正就去試下去到個環境係好逼 明顯係想用盡所有位但令到客人坐得好唔舒服見到連侍應行過都有困難食物方面就正正常常份量偏少會推介胡椒湯小籠包個湯好暖胃 小籠包就正常水準但個位坐得太唔舒服自在都唔會想再去

諗番起對上一次去既時候都仲係大坑店既時候～突然間好掛住佢地個肉餅飯🤤就衝左出去旺角食！店面都比以前大左好多👍🏻食物質素仍然同之前一樣keep到😋 宜家係旺角區實在太方便啦～可以經常去食🥰-🍳香煎脆邊蛋肉餅飯 / $42 -🥟小籠包胡椒湯 / $40 -💛蛋炒豬腸粉 / $27 -🍞咖央多士 / $25-🐔招牌炸雞翼 / $27-🤎羅漢果水 / $25📋埋單$186～ 人均$93！抵食又好食😋唯一缺點就是人氣店經常要排隊⋯🥲

見到佢嘅脆邊蛋有啲吸引就去試左的確出嚟個蛋係有脆邊，而個肉餅都有少少脆口，整體黎講係會再去食，食完都幾好味，啲豉油味道剛好帶點甜😋而且價錢唔貴，仲冇收+1 ，抵佢排晒隊。

兩草相信好多人都食過，睇過好多唔同嘅post都話好好食，但係食完自己覺得冇大家講到咁特別😗不過佢嘅環境真係行懷舊風，影相係幾靚嘅我哋叫咗豬油渣飯，豬油渣炸到好趣，味道都好食，佢仲有啲秘製嘅豉油，令到成個飯嘅甜味增加👍除咗豬油渣飯，仲叫咗肉餅煎蛋飯，呢個就真係好普通…肉餅外層煎得唔脆，肉又唔彈口我食咗佢嘅小籠包加胡椒湯，胡椒湯有濃烈嘅胡椒味，湯係好飲，我哋額外再嗌多個肉骨茶就係想飲佢嘅胡椒湯，但係佢嘅肉骨超級唔好食😟肉好似平時飲湯嘅湯渣，肉好韌….而湯入面嘅小籠包就普通，有啲似超級市場冰櫃入邊俾人自己返熱嘅小籠包 🤔最好食就係佢嘅kaya多士，不過多士好薄，如果厚啲就更有口感

夜晚7:00去到都有成10幾人排隊，最後都唔係等咗好耐，因為食完就知咩原因。裝修係幾靚嘅好似以前啲大排檔咁。QR code點單冇耐，$25嘅咖映多就到啦，係將一片麵包打橫切，搽一層好似1mm咁薄嘅漿，食落口食到麵包嘅香味，都未見過連少少綠色都見唔到。之後就係煎蛋肉餅飯，隻蛋係煎得幾靚嘅嗰邊，豉油係好食，肉餅都有啲肉味，當三餸飯咁食。最後就係肉骨茶胡椒湯，完全冇肉骨茶味，好似屋企煲麵食咁，肉都勉強可以。好快食完過隔離食甜品算。

喺香港物價高企嘅地方，要食平啲真係唔容易🥹旺角呢間平民馬來西亞菜「兩草」主張「用兩草嘢嘅價錢可以食到」🙌🏻🍚香煎脆邊蛋肉餅飯 $42太陽蛋煎得好靚😍真係名副其實嘅「脆邊」✨肉餅厚實，肥瘦嘅比例啱啱好🫶🏻🐷豬油渣溫泉蛋撈飯 $38撈飯舖滿豬油渣同蔥花💚而溫泉蛋就收埋咗係豬油渣下面🙈豬油渣炸到脆卜卜，撈埋溫泉蛋同埋飯一齊食真係好正🥰🍳蛋炒豬腸粉 $27豬腸粉好滑溜，加埋蛋一齊炒真係好邪惡😈鑊氣十足！🍞咖央多士 $24咖央多士好香脆，內裡嘅咖央醬甜而不膩☺️