兩姊妹涼皮有限公司 (教育路)

營業中

休息中

有時熱到無胃口,但係又肚餓,咁食咩好？咁就食涼皮同冰粉啦！@兩姊妹涼皮有限公司,近年已在香港涼皮界出咗名收工去買元朗店買外賣,老闆好好,免費省多碗芫荽俾我呢個荽人 🔮兩姊妹招牌涼皮  這個涼皮真係一試難忘, 寛粉皮滑lu lu入口好彈牙有嚼口,涼涼地,花椒麻辣味好正,我叫咗少辣都食到,嗰種麻味仲會慢慢再滲番出來,仲有黑醋酸酸地勁開胃,上面仲有好多其他配料,蔥花,青瓜絲,碎花生,脆腕豆,同我最愛既芫荽,撈埋一齊食,勁正呀！ 🔮重慶涼麵 其實個汁底配料都係同涼皮差唔多,不過太后食麵,所以叫個涼麵俾佢.點咗BB辣,原來真係唔辣,不過依然有麻味.涼麵無涼皮咁彈牙,都算煙韌,個人都係鐘意涼皮多D 🔮椒麻雞 推,推,推!雞肉好嫩滑,醃得好入味! 入口又有冰涼感,個雞皮勁爽呀又唔覺得肥！麻辣味超正,後勁的更爽！份量仲幾多！我果晚好夜先去買,個椒麻雞仲特價,突然間覺得抵咗！very good! 🔮黑糖五彩冰粉 冰粉質地有D似台灣既愛玉,彈吓彈吓好得意!上面有青提子乾,芝麻,和黑糖漿！入口Q彈,又冰涼,黑糖香而清甜,恰好可以解咗之前既辣味！我覺得呢個甜品真係同之前既麻辣相映成趣呀！

《不負責任食評—兩姊妹涼皮》評分：🌕🌕🌕🌕總評：份量唔算多 定價高左少少但味道正宗川味濃🤭涼皮唔係平時葵廣見到白色個款佢個款有少少似唔黏既闊紅薯粉 質感滑嫩但唔易斷有少少似食凍湯粉咁個醬汁會比較酸爽帶甜 夏天食好岩🤭不過份量都真係幾少 仲要無餸都賣29蚊 椒麻雞（$52）係以花椒麻香為主底下有少少青瓜芯🥒叫左小辣都會有幾重既麻痺感 好爽快雞肉全部去左骨 但稍為嚡口 我諗得例牌份量 乘番一隻雞近200蚊都幾貴😂個人覺得無涼皮個汁咁特別老實講份量都係偏少但味道唔錯 又唔會好多紅油沖涼咁想食輕盈既川味小食都會再食😋

元朗 fat trip 第三站首先想讚吓個女仔staff同友人一齊嗌嘅時候笠笠亂，即時改泥改去，佢勁有耐性，仲要覺得我哋搞笑，一齊笑問佢拎多個兜泥share, 本身想比個蓋我，但發現有窿，就搵咗個細紙兜比我，仲好客氣滑嘟嘟嘅涼皮，超清涼同冰涼，夠soft同滑身，爽同彈口，食得好舒服好幸福嘅感覺😭調味恰到好處每吋涼皮都揹住適當份量嘅汁入口so far係食得我最興奮嘅涼皮!!兩姊妹涼皮有限公司涼皮 $29 + 豬肚絲 $10BB辣📍元朗站

相隔一個月後，家人主動提議再幫襯兩姐妹涼皮。家人叫咗招牌涼皮，微辣，加咗酸豆角及滷水牛柏葉。涼皮質感繼續保持，家人好鐘意食。我就都係支持冷麵，同埋再一次建議，男士叫2個麵餅會穩陣啲，因為辣辣地開胃。另外叫咗一份椒麻雞，及一份粒粒雞髀菇。椒麻雞重點推介大家試下，我地覺得好惹味，啖啖肉。粒粒雞髀菇可能吸收咗啲汁，食落好似更加惹味。我地只兩樣都只係叫微辣。提提大家，我地試過8點幾後叫外賣已經關咗店，可能係因為太好賣，賣晒就收舖。

香港第一好食涼皮 兩姊妹涼皮有限公司推薦： 🍉🍉🍉🍉🍉 (5/5)  味道： 🍉🍉🍉🍉🍉 (5/5)  價錢： 🍉🍉🍉 (3/5)  打卡： 🍉🍉 (3/5)  位置： 🍉🍉 (2/5) 回訪： 🍉🍉 🍉 🍉🍉 (4/5)  兩姊妹招牌涼皮 (+金錢肚, 牛柏葉) 多麻 $56 呢篇真係要講明先，絕對唔係打手，亦都絕對無收錢😂涼皮好順滑，一吸好輕易就可以成條吸上嚟食哂，好似食緊好薄嘅啫哩咁 (唔知會唔會太over 但係真係我食過最滑嘅涼皮) 咬落比較有厚度同埋好彈牙，同其他舖頭嘅粉皮口感完全唔同！而且好掛汁，好易食到成口都係汁🤤涼皮好食，個醬汁都係主角，好彩有叫多麻！非常推薦！麻度適中，會feel到條脷麻麻哋，但係未去到痛，食落後期會feel到有啲甜，麻感又強又香，配埋落酸酸辣辣嘅辣汁，層次高咗幾個level，非常惹味😍配料好多😍青瓜絲同豌豆都係食到完都仲有，牛柏葉雖然有d薄/幼，但唔影響口感，好爽口，金錢肚大塊啲，煙韌有咬口，我選擇嘅2個餸都係超吸汁，一路咬一路有啲辣汁爆出嚟🤤唯一嘅缺點就係唔夠食，食到落底見到無哂涼皮都係撩嚟睇仲有無半條食淨，如果有加底option就好了😆真係好好

因為涼皮嘅口感，不論冬日定係夏季都喜歡買一碗翻去食。偶然行過元朗，原來 兩姊妹涼皮有限公司 開左係大渠溝旁邊，一直都無留意到佢係到開。可能近4點嘅時間，人流唔多，唔洗3，5分鐘，就可以點單。食品比較簡單，種類唔多。簡單點左一份涼皮。▩兩姊妹招牌涼皮涼皮感似有小小煙韌，似有加入木薯粉？配上黃豆﹑芫茜、青瓜絲，入口清爽，但非本人偏好嘅味道，太清涼，少左一份刺激感。（配料加左一份牛柏葉，太幼食唔到佢爽口嘅特點）

今日晚餐家人決定再次幫襯兩姐妹涼皮，有咗上一次的經驗，今次我地知道係較為辣小小，同埋叫多個麵或涼皮份量就啱啱好。家人叫咗個招牌涼皮，涼皮的口感唔錯，而且另加的爆豌豆及酸豆角亦好味。我叫咗一份重慶涼麵，雖然兩姐妹招牌係涼皮，但涼麵的口感亦幾好。我另外叫咗一份招牌涼皮，感覺涼麵及涼皮各有不同，但同樣美味。小食方面，椒麻雞，涼拌牛肚及粒粒雞髀姑都整得好好味，雖然我同家人都唔飲酒，但相信作為佐酒小食一定好正。係辣小小，不過真係好味！

最近最常吃的外賣一定是「兩姊妹涼皮」，酸酸辣辣又冰涼，好開胃。重慶涼麵（$29）本身已包含了青瓜絲、花生、豌豆等配料，亦可加錢添加料配，但我覺得就咁一碗已經幾豐富。可自選麻和辣的程度。粗切涼皮浸了酸醋汁晶瑩剔透，口感爽彈清涼，滑嘟嘟無負擔感，吃多了也不覺膩。涼拌金錢肚（$33）每片金錢肚都幾大塊，紋理清𥇦，嚼勁十足又唔韌，加上麻辣汁份外惹味。其實我最鐘情的反而不是主食部分，而是配料中的 #脆爆豌豆，每次都情不自禁一粒一粒擺入口。可見棒場客不少，所以特意獨立售賣，$12包，我就每次總會多買一包，個囡都超喜歡！

兩姊妹涼皮店之前喺九龍已經好想試但係因為地點係太子 而且係外賣店好唔就腳 😩所以就冇去過 好彩最近佢喺元朗開咗我即刻去試😗叫得涼皮店 呢度賣嘅涼皮果然名不虛傳同市面上嘅涼拌涼皮有啲唔同 呢度嘅涼皮係自家製顏色上比較透明 而且食落係滑du du 口感好特別🤣今次第一次試我只係嗌咗小辣 下次感覺可以再辣啲～份量就略嫌有啲少 我一個人食都唔係好夠飽 所以另外嗌咗個涼拌牛肚🤫一個字 好味！😙鍾意食麻辣川菜嘅人一定要試！😛不過因為係外賣店所以只可以買返屋企食住附近嘅人就比較方便如果住得遠就比較麻煩 如果有堂食就更好啦！Revisit: must✔️

家人提議晚飯用外賣平台叫兩姐妹涼皮送餐，我好奇係邊類型菜式？後來知道係四川重慶，即時擔心會太辣，家人未必可以品嘗到。不過家人堅持想試，最好都決定試下。打開食物包裝後，有2個即時感覺，第一係份量似乎唔係好夠食，第二係睇落好似幾辣。食落認為份量方面，如果單叫一個麵對於一個男人真係可能會未必夠飽，建議叫埋其他配菜就應該OK。至於辛辣的程度，以我地叫微辣來講，雖然較其他店舖的微辣會辣小小，但都仲算接受到。食品方面大致上都美味而且開胃

兩姊妹涼皮有限公司💛見好多都話好食 忍唔住走咗去試😋🌟 招牌兩姊妹涼皮加金錢肚/牛栢葉/中辣好。好。食🥰好鍾意佢地嘅調味 重慶酸辣涼皮好滑 凍食好正 仲有佢啲花生炸黃豆 好惹味越食越想食多啲 停唔到😋🌟 元朗國雞翼尖有。驚。喜麻辣好正 又係好惹味 推介👍🏻👍🏻🌟 脆辣蓮藕丁🌟 涼伴秋葵全部都好好味 😋最重要係佢地係良心小店💛所以更加要大力支持💪..已經好想返去再買嚟食，真係會令人食上癮🤣🤣

元朗美食: 兩姊妹涼皮有限公司食佢老味指數: 🌕🌕🌕🌕🌑-前排襯假期特登出元朗去搵好嘢食，就用左排花甲粉嘅時間去咗試呢個涼皮~ 想俾個大讚！-🔥招牌兩姊妹涼皮($28):🌕🌕🌕🌕🌑對我來講涼皮本身唔算話好有味，所以佢哋嘅汁同埋配料係精粹！呢個招牌菜真係比我想像中好食，我連佢啲汁都飲咗幾啖XD 另外我加咗肥腸($12)，夾埋一齊都唔錯，唔知係咪因為嗰陣時都有啲肚餓，所以識落去更滋味！-整體來講：去到先知原來太子都有間分店，個人覺得其實行吓街有啲口痕嘅話，真係可以一試！兩個人食一碗唔算話好飽，唔錯唔錯！😋

第一次食係元朗店好記得真係有驚豔嘅感覺😱但之後食太子店就感覺係差少少🤏🏻再食荔枝角店就覺得仲差d（雖然都仲係好食🤣)✨招牌兩姊妹涼皮✨ $28涼皮比平時食開嘅軟身好多🤤呈半透明嘅狀態帶微微煙韌感😘質感係超滑溜仲要凍冰冰👅食落真係好開心🥳個汁(其實好似湯咁)我通常叫微辣🌶少少麻好香唔太辣🥰越食越惹味好開胃真係食2碗都不是夢 💕

聽過好多次，終於有機會食到。第一次，當然先要試“招牌兩姊妹涼皮”，本來點了小辣，不過職員見我面帶猶豫，同我講怕辣的話可以先試bb辣，咁好啦，我試下bb辣先啦🤣。返到屋企打開個蓋，已經聞到好香，涼皮好滑，bb辣真係好少辣，但仍帶有香味，我諗下次我可以試小辣🌶。已經好期待再去買小辣涼皮🌶，另外仲想試其他小食，有好幾款都好吸引。

無咩胃口既時候，就會特別想食d酸辣野，食涼皮就岩哂😋 ⭐️招牌兩姊妹涼皮 / $28配料有芫荽，蔥，青瓜絲，爆脆豌豆，花生碎。簡簡單單用佢哋嘅秘製醬汁已經好惹味，微辣對我就剛好，酸酸辣辣好開胃。涼皮質地好滑嘟嘟，食落又涼浸浸，會好refreshing❗️唔怪得咁多好評😍店員友善有禮貌，大家經過多多支持下良心小店喇💛📍兩姊妹涼皮有限公司太子柏樹街15號地舖元朗教育路68號兆豐樓地下21號舖長沙灣青山道473號地下A號舖