全記海鮮菜館

營業中

休息中

睇咗好多差評都係食300蚊一個人的套餐講真300蚊食海鮮你想食到啲咩海鮮吖仲要揀大瀨尿蝦, 成本都200蚊一隻, 點會1人畀到1隻你食300蚊想食花足蝦, 東星斑, 澳龍, 南非鮑嗎.....冇可能㗎嘛一定係畀草蝦, 黃立倉, 波龍, 大連鮑你食所以我去一定唔會叫套餐, 不過埋單1000蚊一個人, 但係好食嘅今次食咗車蠔288一斤, 東星500元一條, 長頸瀨尿蝦380一斤2隻, 奄仔蟹1隻服務幾好嘅, 花生食晒可以再添 (可能因為唔係叫套餐)結論: 要食海鮮就唔好慳錢, 唔好貪平食套餐

西貢系食海鮮出名地方老公放假就會得閒揸車入去飲茶😍最鍾意食海鮮嘅我😜油鹽水蝴蝶蚌系至愛，夠鮮甜👍👍椒鹽瀨尿蝦，喺屋企根本唔會整到嘅味道😋象拔蚌刺身超鮮超爽雖然價格係偏高，但係物有所值保持新鮮水準另外仲有點心都好食必食蝦餃，皮薄蝦爽👍仲要坐海邊，可以欣賞海景仲可以帶埋寵物去放鬆一下逢假日有機會都會去休閒💕

今日同屋企人到西貢走走，到埗後即到全記留檯，12 點 5 位到咗 12 點，門口知客個樣已經炆炆憎憎，然後問我哋係咪 12 位，我哋話 5 位 12 點，佢就粗聲粗氣個樣好滿意咁叫我哋入座-點咗 8 款食物，蝦餃大粒飽滿，蝦肉鮮爽；臘腸卷有濃郁肉香，包體幾鬆軟綿密，推介！芋頭腩肉芋頭夠粉；籠仔蒸飯龍躉雪白爽彈有鮮味；奶黃流沙包好香奶黃同鹹蛋黃味道；叉燒腸質感較濕同淋，叉燒冇蜜汁香同較乾柴，整體食物質素唔錯，係服務態度有待改善

成班舊同事約咗7:30入西貢飲早茶，坐喺戶外睇住個太陽慢慢升起真係大癲。同埋好鍾意佢有點心檔，可以喺出邊自己揀點心，細個時就係鍾意逐個逐個揭，睇吓有咩驚喜。蒸餃、蝦餃、粉果啲皮都做得夠薄，餡料都好飽滿。唔知係咪本身做開海鮮檔，覺得佢啲蝦餃真係特別飽滿。啲炸嘢都唔會食到成口油。排骨唔會剩係得啲骨。腸粉就正常發揮，反而幾鍾意佢個雞絲粉皮，個餡啲味調得幾好。不過個碎牛粥就有少少失望，似食碎左㗎牛肉球，唔係平時粥舖啲免治牛。最後要讚吓佢個咖喱土魷，真係掛到汁比起早排去其他酒樓食，呢度真係做得好好。同埋值得一讚啲員工，坐出面個太陽升緊嘅時候，佢就將啲太陽傘就住個太陽升到咁上下再移位，驚會曬到啲客，呢方面係幾窩心嘅。事次用餐為自費。

二人套餐差到可以鬧街，唔知點有勇氣開落去嘅，仲米芝蓮，好評邊度嚟嘅？ 海邊海鮮仲可以咁唔新鮮身，都冇我街市買嘅新鮮。 不知你哋嘅海鮮係邊度嚟嘅？ 冰櫃度新鮮攞出嚟嘅酒吧？ 龍蝦好苦，海蝦細到以為係北極甜蝦。 老闆侍應態度惡劣。👍👍👍👍店大欺客，附近好多分店，檔口都好大，但睇本地人都係喺食點心。 海鮮總之套餐千祈唔好食，食完你會覺得不如餓住。 同老闆反饋食材問題只收錢唔做任何表示，牛氣冲天🤷🤷🤷 食飯冇食飽氣飽咗

朋友由外國回港去西貢遊下，順便食海鮮，芝士龍🐲蝦伊麵，龍蝦酶唔新鮮！勺蝦有哋蝦唔新鮮！粉絲蒸帶子，用急凍帶子扮新鮮帶子，勁難食！椒鹽鮮魷味道差，椒鹽花竹蝦冇椒鹽。冇下次！！！

入得西貢行山梗係順便飲埋茶啦 🫖☕️天氣涼坐outdoor 嘆住茶睇下人放狗夠哂chill～難得仲有懷舊點心可以點：🥢雞絲粉卷少少似腸粉不過粉皮再厚實D，點甜豉油正🥢懷舊雞球大包有雞包仔嘅餡，再有咸蛋黃同一塊燒腩肉，好似福袋嘅感覺🥢臘味糯米包臘腸潤腸炒糯米飯再包住，兩至三啖食一個好滿足另外蜜汁叉燒腸，薑葱牛柏葉，魚翅灌湯餃，仲有最鍾意勁香口嘅鮮蝦腐皮卷、點喼汁👏🏻👏🏻👏🏻👏🏻最好味！

海鮮晚飯出名貴,早茶冇特別,唯一服務太差,試過同朋友去飲茶,坐室外,大約一個鐘後,侍應過來密密收碗碟, 正常啦,跟住過來收埋筷子碗碟,枱上剩下兩隻茶杯,最後都收埋,剩下枱布😡我問佢做乜,佢話有人等位,我話飲茶咁耐未試過限時,你又冇貼張紙話限坐幾耐,同一時間隔離枱兩老夫婦都一樣,大家起身大罵侍應,點知佢回一句,你咪唔好嚟囉,今時今日咁嘅服務,好難想像。另一次又係佢嘅茶餐廳,和朋友叫兩個午餐,餐牌上寫四款蝦炒飯,來到只有三款,朋友問佢,商品說明條例好似還欠一款蝦,點知其中一個侍應不停口係咁講,又話朋友呢樣嗰樣,最後朋友發火鬧佢鬧夠未？之後都唔食走了,唔好成日話人北上食飯冇曬生意,自己檢討下先啦😤

周末直接来是有位置的，不过位置并不多，也许是我运气还不错，理论上可以只喝茶吃点心（这样应该是便宜一些，性价比会高一点），海鲜套餐相比起港九都算便宜，其实绝对数字并不少，比起深圳应该是贵不少啦。不过还是推荐试试海鲜套餐。服务员会给主动加水，就这一条在香港餐厅里算牛逼的了。

全記係西貢非常之出名嘅海鮮酒樓舖，有港式點心同新鮮嘅海鮮，而地方同位置都非常之容易話係海皮邊。住西貢㗎，我哋都成日會出你呢間全機度得閒坐低飲下茶食吓呢度個點心。呢度點心全部都係即叫即整，非常新鮮，呢啲炸嘅嘢食都係新鮮炸嘅，非常之脆卜卜。呢度蒸嘅嘢食都係新鮮蒸嘅，係非常值得欣賞，唯一一個問題就係，呢間酒樓，非常之昂貴！但係食物質素真係無可否認係非常之唔錯，呢度嘅滷水鴨翼都係非常之出色！非常值得大家是我每次嚟食都會叫兩碟

好多人到西貢都會考慮食海鮮，但我喜歡到西貢飲早茶。沿海傍行首先見到有洪記及全記都有做茶市，但洪記冷清清而再行過些的全記却坐滿人，除了它連續十三年榮登米芝蓮最佳食府外，同行友人也經常幫襯推薦這家的點心在西貢市算好吃，整體環境及食物水準都不錯，我當然選了後者啦！原來海鮮街同海傍廣場兩間全記都屬同一老闆，而海傍廣場這家門面大裝修靚。酒家亦有室內冷氣房，亦可以坐岀面嘆住海景吹下海風，環境都幾好，好舒服。酒家外擺放滿滿的水族箱，排列整齊的玻璃漁池裏是品種多樣的鮮活海鮮，客人可按喜好挑選要吃的海產後交給菜館處理。茶點質素都算不錯，不過不失，早茶有雙拼選擇，不用一款點心吃太多，最合適一兩個人飲茶。我最欣賞是姐姐服務好好，好細心，照顧周道，有種街坊feel!文章及更多圖片https://sunny1948.blogspot.com/2024/05/blog-post_31.html

西貢全記海鮮，2人餐，極差，非常之失望。第一次食蒜蓉蒸扇貝比用急凍帶子，龍蝦伊麵份量極細得啖，白灼蝦完全冇蝦味，薑蔥蟹係水蟹，絕對冇下次，海鮮全部都無味，超難食。

Came here due to social content and most websites recommended. It turns out to be another tourist trap. Food was poor, crab and lobster not fresh, veg not washed properly and lots of black stuff in it. We had scallops and sweet and sour pork, and those were good. Spent 600hkd, but we had to have another dinner after as we don't want to eat anything left. Think twice if you are thinking of going here.

What Michelin star?? How does this restaurant even get selected!? Apathetic staff and as soon as we entered the restaurant the manager said don’t give them the set menu hoping that we would order the expensive a la carte dish.We went for the set menu for two. And as soon as the dish arrived we were so disappointed with the lack of effort cooking/presentation and it doesn’t even taste good. The only tasty dish was the sweet and sour pork - which was crispy with tangy sauce.The lobster noodle with

I had a wonderful dining experience at this restaurant! The seafood was absolutely delicious, and the fact that we could sit outside and enjoy the sea breeze made it even more enjoyable. One unique aspect of this place (Sai Kung) is that you can choose the seafood you want from the fish tank and even suggest how you'd like it to be cooked. Some people might have reservations about whether the dish they receive matches what they selected, but personally, I didn't have any doubts. On that particul