光榮冰室 (厚福街) (已結業)

男朋友叫咗個茶餐配煎蛋，估唔到用嘅係我最鐘意嘅橙色蛋，再配合埋佢個半生熟狀態，蛋味超級濃郁。而多士亦烘得幾鬆化，叉燒通粉就正常野。反而我叫咗個快餐嚇咗我一跳，餐牌寫就係叉燒滑蛋飯，黎到我真係好大聲咁叫咗出黎！個滑蛋會唔會太誇張﹖仲要真係超級滑，仲好重蛋味！而半肥厚切叉燒仲略帶蜜汁甜甜地！最最最驚喜係滑蛋上面當我仲諗緊點解會有洋蔥汁時，原來係XO醬，(個樣似自製﹖) 望真D 以為係洋蔥，其實係大條嘅白飯魚乾，輕微辣辣地又夠惹味，再加埋個甜豉油差D想叫侍應拎多碗白飯畀我撈黎食~

-------📍滑捋捋叉燒炒蛋飯 -- 光榮冰室💛光榮冰室黃到金應該好多人都知㗎啦😳💛前排小編去開尖沙咀就同男朋友去懲罰下佢😎當日我地6：15去到門口都有兩三檯客等緊 好彩等咗10分鐘都用有得入座😆如果唔想等太耐記住早少少去食啦💛--------⭐叉燒炒蛋飯（$45）連熱飲小編係超級蛋控 嚟到呢度當然試下佢哋嘅招牌叉蛋飯啦😆賣相唔錯 炒蛋多到蓋住晒啲飯😍一路影相仲一路飄住蛋香😆炒蛋份量多 食落嫩滑唔會老 仲有蛋汁！加埋甜豉油真係撈飯真係好正💛叉燒係半肥瘦 食落唔會乾柴👍$45咁足料仲有埋飲品真係值得支持呀💛-------整體性價比高 水準都唔錯 店外亦都有連儂牆支持香港人呀💛-------價錢：$45------評分（10分滿分）賣相：8味道：8性價比：9回頭率：8-------餐廳資料名稱：光榮冰室地址：尖沙咀厚福街5-6號地下前往方法：尖沙咀B2出口

話說今日新年，朝早冇得打拳轉咗做瑜伽，上完瑜伽堂啱啱1:30 ，去K11兜咗個圈都唔知食乜，突然醒起厚福街，我就走過去行個圈……見到依間光榮冰室坐滿晒，膽粗粗行過去睇下有冇位，點知靚仔夥計話入邊電視機下面有位，仲要靠牆，即刻攝入去😀望望個午餐牌， A同D都想食，最後都係揀咗D依個靚仔哥哥侍應一啲都唔惡死，傳統感覺茶餐廳侍應都好鬼惡🤪其實依間冰室喺尖沙咀真係唔算貴，好少可以喺尖沙咀食碟飯唔使$50 ，早餐沙爹牛麵仲好似係2字頭，真係幾罕有😅主角叉燒滑蛋飯出場，我叫咗少飯，做完運動唔想食太多澱粉質，依個滑蛋真係滑蛋，係真正嘅滑蛋，炒滑蛋要用多啲油，中火快炒咁先會滑，加埋叉燒、豉油，其實好味道就係咁簡單😭總括來講，尖沙咀搵間茶餐廳中午食個飯連凍飲唔使$50 ，我仲未搵到第二間可以做到依個價又有咁好嘅質素👍🏻👍🏻👍🏻👍🏻👍🏻

聽說這兒的早餐很超值，沙嗲牛肉公仔麵配熱飲，只需22元，剛好在附近，就試一試。食物很快送上，公仔麵麵質較軟，牛肉本身沒什麼味道，但配上沙嗲汁後挺好吃。熱檸蜜有點過甜，奶茶則味道不錯。以22元的價錢來說，這早餐的性價比算是很高了。

經過多番嘗試，終於讓我品嘗到最近紅𠂆遍天下的光榮冰室了。星期天的下午茶時間，不用等候便可幫上入座，太幸運了。可選擇的款式實在花多眼亂，完全打敗了選擇困難症的我。最後叫了全日茶餐，蛋可自由選擇不同煮法，份量認真不少。多士十分香脆，牛油絕不缺少，送上來買未完全溶化。再來叉燒煮意粉，濃湯人味，意粉彈牙有口感，加上滿滿叉燒，啖啖肉滋味無窮。由於實在太受歡迎，大家要有心理準備座位有點窄，又難以抓到侍應生下單。不過既然良心小店，一定多多支持！

最近大排長龍嘅光榮冰室，呢日獨自係尖沙咀覓食，一個人易搵位，就把握機會一探究竟，結果好有驚喜！材料簡單嘅一碟滑蛋叉燒飯，要整得好食都唔係咁易，光榮冰室貴為黃到金嘅黃店，從呢碟出色滑蛋叉燒飯上已反映到佢係名副其實良心小店。炒蛋生熟程度掌控得岩岩好，有蛋汁，十分滑。叉燒唔係隔夜賣唔哂個d乾柴柴剩菜，味道甘香，鮮嫩，未去到肥美，不過都算唔錯，加埋d蔥同醬汁，呢碟飯非常惹味。四十幾蚊，大大碟，食完大滿足，絕對係香港人嘅加油站。

成日幫襯光榮冰室都係食佢嘅午餐 今次的起心肝一定要食到煲仔飯😤星期五嘅晚上排咗大概半個鐘就有位坐啦🤪食得煲仔飯就預咗要等😊再等多半個鐘 我哋order嘅窩蛋牛肉煲仔飯同鹹蛋肉餅煲仔飯都到啦😍打開煲蓋 完全可以用香噴噴來形容😜加上佢熱辣辣 超級適合依加嘅天氣 食落勁滿足🤩肉餅好香 口感好軟😋牛肉係鮮牛肉片 份量都幾多下🤤肉質鮮嫩 完全唔會過熟而太韌😆隻蛋都唔會因為焗咗陣而流唔到心👍🏻煲仔飯嘅精髓一定係飯蕉 呢度嘅飯蕉都好香脆 但又唔會覺得佢太硬 口感一流 非常惹味～.Finally got to try the famous 光榮冰室 claypot rice! Went on a Friday night and let me tell u the line up was longgggggg, Which was expected because it usully takes a bit of time to make the claypot rice 🍚 got the classic egg and beef claypot rice and also a minced por

看過戲後已經九點半，我倆到了厚福街的一間茶餐廳晚餐。光榮冰室對香港人一點都不陌生，儘管這麼夜，我們都等了15分鐘。看到餐牌，一於試試煲仔飯。幸好我們早點到，還趕得上10點半前點餐。今日點了臘味煲仔飯和豉汁排骨煲仔飯，本身想點紅棗滑雞煲仔飯，可惜已沽清，跟餐可加點餐飲。臘味煲仔飯 $68 有膶腸，臘腸，臘鴨髀，臘肉，材料十足，再加上豉油，隔一會兒已有飯焦，好味道。豉汁排骨煲仔飯 $68 味道有少許似鳳爪排骨飯，哈哈，但排骨非常腍，冬天都是食臘味飯更佳。

6點鐘去到餐廳門口，竟然唔洗排隊，可以直入。入到去冰室充滿六，七年代既感覺，綠色既格仔樽，好懷舊！-原本想試蔥油雞扒飯架，可惜sold out哂😭，最後嗌左個叉燒滑蛋飯($45)同埋三眼仔扒飯($52)2個飯既蛋都做得好出色👍🏻炒蛋勁嫩滑，絕對冇炒到過熟，嫩蛋再撈埋叉燒同蔥，簡直係perfect match，淨係望個樣都流哂口水🤤 至於煎蛋🍳，蛋黃超香濃，蛋味濃郁，不過豬扒就略嫌韌左少少，如果鬆軟d就非常好喇-另外仲嗌左3個煲仔飯，菜心同湯。由上以下開始，油鴨脾煲仔飯($68)+窩蛋($8)+臘腸($15)，薑蔥鮮鯇魚煲仔飯($72)+窩蛋($8)，紅棗滑雞煲仔飯($72)+窩蛋($8)😍 一上枱就開蓋落豉油，琴蓋，焗一陣，咁先會有飯焦😌 3個煲仔飯既味道其實差唔多，油鴨脾油香味重d，不過有個煲仔飯煮得過熟，燶左d，不過整體都係好食既😋，窩蛋係必加🤩冬天食碗煲仔飯，飲埋碗熱湯，個胃即刻暖哂☺️☺️☺️-食飽飽，有心人可以拎張memo寫返句，支持香港🖐🏻👆🏻

好友兩年前知道我從未食過煲仔飯因而大表驚訝，但講左咁耐都仍然未帶我去食….適蓬今日係尖沙咀行街，一致決定再次支持良心店，順便試埋佢既煲仔飯!!!晚上未到6點到達，當時入座率已有八成。由於lunch食太多，未覺肚餓，所以點左個下午茶漢堡餐。雞扒漢堡餐 $38麵包烘到微焦，食落暖笠笠；半塊雞扒、芝士片、蕃茄片、生菜、沙律醬，入口都豐富，又唔會好乾，係一款平凡既港式漢堡。薯條就唔OK，應該放左一段時間，已經淋左又唔熱，如果肯返炸就好….窩蛋牛肉煲仔飯 $72雖然未到6:30，但職員表示已經可以落柯打，咁我地就揀左個人氣煲仔飯。等左大概3個字就有香噴噴既煲仔飯上枱~~流心蛋為白飯舖上黃金色，牛肉軟淋唔會過熟，最開心係成個底都係飯焦!!! 不過我地反得唔夠多，好多飯焦都變左炭…..😫朋友表示呢度既煲仔飯好有風味，話會再黎幫襯添!!~ 下次揀番個材料油份高少少既試下先，總覺得呢個牛肉飯少左D油香味😏。

#中意嘅請分享請點讚🍻----------💛 #黃店💛6/10免費飯比手足,義捐,派水,門外有連儂牆---------😋叉燒滑蛋飯 $45叉燒半肥瘦，個蛋勁滑，加埋香蔥同甜豉油，好快就可以食哂成碟飯。另外$45係連飲品，凍飲都唔洗唔洗加錢，好味又抵食。----------🔎光榮冰室🚩荃灣兆和街18號地下🚩尖沙咀厚福街5-6號地下6號鋪🚩九龍灣宏開道15號九龍灣工業中心地下4號舖🚩深井深井村54-55號地舖

立場清楚，勇敢表態，又義捐又免費食飯，一定要懲罰！本身光榮冰室裝潢比較簡樸，而家白色的外牆貼滿晒memo紙，別有風味。$45 快餐叉燒滑蛋飯 包杯野飲，凍飲唔駛加錢叉燒半肥瘦，滑蛋夠滑，醬油撈飯又惹味，好快就清晒成碟飯。

原本想試蔥油雞扒飯，點知晚市時段已經賣晒，誇張地好生意，個腦未諗好食乜，我已經叫咗叉燒炒蛋飯😆唔明點解我食極都唔厭😝第一個感覺係大碟夾抵食，十幾塊叉燒任你食，半肥瘦嘅叉燒醃得夠入味，雞蛋看似無乜特別不過食落蛋味香濃，炒得岩岩好，加埋個甜鼓油送飯，真正茶記風味，食得過😋

朝早係荃灣食完一次夜晚係尖沙咀同朋友再食多次因為朋友未食過又見唔算多人排隊～排左10分鐘左右就入得我嗌左义燒蛋飯 熱華田朋友想嗌葱油雞扒 點知慢左一步 賣哂嚕好滑呀個蛋 豉油份量剛剛好 唔會太咸朋友嗌左窩蛋牛肉煲仔飯 但唔得左影～份量夠大同好食既

昨晚同朋友去左排光榮冰室，排左15mins就有位。去得呢啲地方，大家其實都係想支持下黃色經驗圈，希望大家可以一直維持呢個heart。去到門口見到有煲仔飯餐牌，忍唔住叫左一個。由於冇我最愛嘅免治牛肉煲仔飯，只好叫第二最愛土魷肉餅飯。同朋友吹住水等，不經不覺就有飯到。煲仔飯熱辣辣上枱。啲飯係出奇地煲得唔錯，米飯粒粒分明，又有勁多飯焦。肉餅打得都幾好，唔會太水太薄，係啲土魷魚唔算太香。朋友嘅排骨同南乳雞煲仔飯都唔錯，一樣有好多飯焦。枱上有豉油樽俾你自己加，啲豉油都幾杰身。呢間舖頭出品唔錯可以回頭再食。