元祖和風食堂虎藏

營業中

休息中

Lee間日本野，賣相及價錢係一流，於是入去試下拉麵四件壽司定食。前菜係菠菜，超好食。但壽司水準好差，水準係完全唔ok.不過果碗拉麵個湯超好飲，义燒亦好食，但只得一塊。d麵都係一般貨仔。以$74嘅價錢配合此水準嘅食物已叫做交到貨 。

今日九龍區又有運動，不方便出去，所以就近近地去沙田搵食。十分想念虎藏 和風食堂。由於現在2人一枱，所以可以坐到6人 卡位，十分幸運。照燒雞肉飯 加 細和風醬油拉麵 $ 56 和 和風醬油拉麵 (大) $40。照燒雞肉飯，厚肉嫩滑 配上蛋絲，加點醬油和七味粉 非常美味。和風醬油拉麵是這家店的人氣美食，又平又抵食。 和風醬油拉麵，配半只雞蛋，大的跟兩片叉燒，細的跟一片。吃的時候加點拉麵胡椒，分外美味。這家店甜品，蛋糕都很出名，今次就點了芬達新地$18。大大杯很滿足。

今次同朋友夜晚經過禾輋 見到呢間日本野都坐得幾爆 就想試吓分別嗌左滑蛋豬扒飯 $38蛋就尚可都叫滑同嫩 但調味就比較淡重點個豬扒炸粉實在太厚 厚到一夾起身塊豬扒已經斷開左食塊豬扒好似食緊炸粉咁 完全唔多食到肉實在令成碗飯失色好多而朋友就叫左 拉麵四件雜錦壽司定食壽司食落認真麻麻🤢拉麵就係好普通嘅感覺 麵有少少淋 湯底有少少咸整體來講 呢間舖頭除左價錢比較平同吸引之外野食質素實在麻麻如果你唔追求質素 純粹為平同食得飽 呢間都不失為一個好選擇

今日又回到沙田其中一間浩楠食堂，虎藏和風食堂，好幸運咁岩有人食完，可以坐到共 9個卡位其中一個。今次當然要食點不同的，我們點了炸雞肉拉麵定食$62 和 豬肉醬汁炒麵 $48 再加了杯凍咖啡 $7。 共117元。炸雞肉拉麵定食，很抵食有飯有麵，雞肉是用碟上的，雞肉好吃得不得了，炸得香脆可口，裏面肉質嫩滑。飯當然超好吃，還有大大碗拉麵，值得重點推介。豬肉醬汁炒麵，來單時發現落錯左雞肉。搵服務員說說，服務員: 「同事落錯囉，我幫你跟跟」，我知他沒心說成這樣，可以改：「可能落錯左單，我幫你跟跟丫」，咁同樣說話，但就好聽好多了。豬肉醬汁炒麵大大碟，鐵板上熱辣辣，加上拉麵胡椒更野味。最後甜品點了軟雪糕$12。

今日坐火車去左沙田行街搵食，新城市一般比較多人又貴一點，所以平時都會行到沙田尾尾，去禾輋搵食，個到有間幾不錯的和風食堂。我個人比較貪心，又想食飯又想食拉面，虎藏就完全可以滿足我，多款定食有麵又有飯，今次我就點左照燒雞肉飯拉麵定食。定食都只係54。拉麵有三種選擇，和風醬油拉麵，味噌拉麵，豬骨湯拉麵，推薦和風醬油拉麵因為只有它會跟半個雞蛋。記得落拉麵胡椒 特別香特別好食。照燒雞肉飯 雞肉燒雞岩岩好夠彈牙，白飯加點醬油夠好味。如果想專一吃拉麵，大大碗和風醬油拉麵都只係 $38，行遠少少就有平民倉堂，真不錯。吃飽飽後 來一個飯後甜品，軟雪糕買一送一 $10元。

而家少咗出街，最多都係去買下餸，所以今日就同老公去禾輋拍拖買餸順便食個午餐。出邊見到啲食物模型第一個感覺就係抵，見佢價錢非常經濟實惠，難得又唔多人，所以就試吓啦。餐牌眼花撩亂，大路嘅日式料理都搵得到。我哋兩個叫咗一個拉麵加迷你飯套餐、一個日式炒麵。一上菜嘅時候令我哋十分驚訝，因為個豬肉醬汁日式炒麵非常大份，用鐵板上熱辣辣望落吸引，唔食得都睇得！佢味道都唔錯，不過啲醬汁喺晒底，炒麵又非常大份，所以要小心翼翼慢慢撈勻先食。最鍾意佢有份荷包蛋，撈少少汁都幾好食。但因為仲有另一個餐，所以最尾係食唔晒打包夠我另一餐！另外拉麵加迷你飯其實一啲都唔小，每樣size平日嘅七成左右所以其實可以兩個人share再加啲小食。味道都可以，係拉麵湯底好濃（豬骨），所以食到似係濃縮湯底整成，感覺有啲味精。吉列豬扒都幾大份，不過乾身少少，比唔上沙田另一間style幾似專食吉列食物嘅另一間餐廳。當然，一分錢一分貨，最平40幾蚊有交易，仲要唔使加一，服務質素都唔錯㖭！所以食物質素性價比絕對高分！

早上要陪女兒回醫院覆診做檢查，早餐都沒吃，見完醫生後，同女兒食埋午餐，才送她回校。每次諗吃甚麼都覺得很煩惱，突然想起上次去禾輋試過元祖虎藏，印象尚算不錯，便與女兒再過來搵食。叫了忌廉蟹肉餅(好好味)，她自選拉麵魚生飯定食(上檯見到唔係魚生飯，係魚子熟三文魚飯，但、亞女沒說甚麼，即係冇上錯喇，我也沒理。仲有前菜及一碗拉麵，想餓都難😂。問女兒好吃嗎？她說還可以。)我叫了73G餐，有日式叉燒拉麵(整體都唔錯，味增湯底唔會太咸，麵煙韌有咬口，日式叉燒，我一直都不愛吃，冇食到。)仲有件抹茶意大利芝士蛋糕(甜度適中，但、底層蛋糕底不夠軟熟)，兩個餐都有一杯飲品，我們叫了凍檸茶及凍咖啡(兩者都屬正常，與一般茶餐廳出品無異)。 埋單$163，價錢Okay,今次叫的食物，整體上都唔算差，但、午市來，見到隔離檯有位男士食緊嘢，後來多咗另一位男士搭檯，做法與茶餐廳沒分別，想坐得舒服，還是下午茶時段過來較好。

已經係2點3， 又肚餓，入咗呢問間食，當時完全沒有顯示帶下午茶時間，估不到，一落單，就有人放下午茶餐牌。雖然即使帶我都啱岩食，但特覺得，而家情況，賺少一兩蚊，求多個熟客好過啦。我叫咗個套餐，有水供應，自己係櫃枱斟，得熱水同室溫水，出面同一隻機，通常係冷熱，連冷水都慳。見到個 都係個傳菜窗出咗好耐，因為兩位員工忙於傾計，只有收銀個位又抹枱，又落單，仲要拎埋比我，傾計二人組呢D員工，真係倒米。十成九老細在場就勤力，老細唔係度就蝦人啦。湯麵咸到不得了，另外個飯，牛肉煮好似一大盤，就咁夾上去，又乾又咸，但入飯入面完全冇汁，我最後用麵既湯黎送飯。我肯定唔會再去

今日有點事過來禾輋，隨便找間坐得舒服少少既餐廳，見到呢間餐廳，亞女話這間餐廳Lunch time總是爆曬場的，總是試唔到，家陣有位，當然要讓女兒還心願囉！打開Menu花多眼亂，見到這個73G餐-抹茶芝士蛋糕配拉麵餐，較啱食，有麵(麵質軟硬適中)，有飲品(凍檸茶&凍咖啡，味道正常)，仲有件cake(不會甜漏漏，味道剛好),哇！才$48蚊，買杯飲品加件Cake都唔止呢個價錢喇!抵!!兩母女叫埋同一樣的餐，只是一個叫豬骨湯底(有筍果款)，一個叫味增湯底(有粟米粒果款)，肉就只有一、兩塊，我唔好肉，沒所謂，還可以比埋亞女食。《總結:》抵食又好食!!超值!!

$48 有麵有甜品有嘢飲，味道算係咁，對得住個價錢。 拉麵湯底個人覺得醬油湯好過味增湯，啲麵質都唔錯。個蛋糕抹茶味雖然唔濃，但唔會好乾，可以一試。而個軟雪糕奶味幾重，夠滑！

今日唔知食咩好落街見到多人排隊又順便排下試下點解甘多人排隊估唔到屋邨商場既餐廳都有取號機 雖然門口好多人等位 但都好快安排都入座店入面燈光光猛 環境都算乾淨 食日式野但價錢唔貴既日式快餐 而且選擇都唔少 有定食 有壽司 有拉麵 有炸物 有甜品虎藏牛肉飯拉麵定食 $54黎個set又有牛肉飯又有拉麵 真係一次過滿足兩個願意 拉麵就揀左味增湯 湯底濃郁鮮甜但叉燒得兩舊 牛肉飯d牛肉就多肉汁燒鯖魚弁當 $65黎個set就比較一般 鯖魚聞落好腥 雖然食落無腥味既但好多骨 玉子仲有冰咬落仲出水推薦指數: 3/5

第一次幫襯禾輋廣塲地下的虎藏和風食堂。扺達的時候已過一時，所以便要拿號碼等位了。五分鐘後終於可入座，店内只有四人或以上的枱，所以我們二人便要搭枱了。餐牌內的選擇亦算多，有拉麵、定食、日本弁當、鉄板等等。最後我們決定吃一個快餐。滑蛋豬扒飯 （$38）賣相顏色不錯，不過吃下味道只是一般。飯面的洋蔥和蔥花較生，豬扒不算韌，不果包著豬扒的粉槳較厚而且已經不脆了。豬扒下的飯亦較乾，而且並不是日本的珍珠米般晶瑩，幸好蛋不會過熟。總括來説，不到四十元便可吃到一碗滑蛋豬扒飯已是難得。

呢間日本便當🍱餐廳係沙田區算係難搵既平價之選 選擇性亦算多但服務態度極為欠佳 我同朋友兩個黎食野 朋友叫兩個餐 問都唔問下我就走左去 我地叫返轉頭話佢知我未落單 仲可以駁返一句 你地叫左兩個餐 以為我地叫晒 依家唔知以為你餐廳只限定客人只可以叫一個餐享用

黎間日本餐廳有別於正規日本餐廳 應該可以算係快餐店個類 好似大x樂 大x活個種 無論價錢選擇份量都算得上 性價比高首先店內環境都算唔錯 位同位之間又唔太迫 不過侍應姐姐態度就唔太好 唔休做甘不過野食又真係性價比高 又無加一服務費 味道唔算得上話超好食 就普通餐廳水準甘 拉麵仲有3款湯底可以揀 (和風醬油/豬骨/味增) 抹茶蕨餅配豬骨湯拉麵 $48(好味指數: 😋😋😋)黎個價錢食到拉麵 甜品又有埋野飲 真係仲想點呀 拉麵湯底都好正 不過對抹茶蕨餅期望太大有d失望虎藏牛肉飯配味增拉麵定食 $54(好味指數: 😋😋😋😋)黎個餐就係前菜 拉麵 牛肉飯 岩晒d心大心細又想食飯又想食拉麵既人 份量都算適中 我家男人食完都話飽餐廳仲有好多抵食既套餐選擇 除左配飯 拉麵 甜品 仲可以配小食 真係好多選擇嫁(為最高)整體食物質素: 性價比: 推薦指數:

商場地下連街市大裝修後, 點都要嚟幫襯下, 終於見到有返間日本嘢食(唔計元氣), 當然要優先品嘗啦~佢响其他地方都有分店, 但我就未試過, 見佢有d餐又有拉麵又有甜品, 好似幾抵食, 又可以一間食埋甜品, 都唔錯丫~ 抹茶雪芳蛋糕配拉麵+凍檸茶先嚟個蛋糕+拉麵+飲品, 等你食哂之前, 就要叫侍應上埋個雪糕, 咁就唔驚唔知食邊樣先啦~拉麵選咗味噌湯底, 配菜係粟米粒, 味道講唔上係好食, 真係唔知佢係味噌定味精? 拉麵就當然唔係好彈牙, 不過都預咗, 一分錢一分貨, 如果係彈牙好食果d, 真係非常驚喜囉~ 叉燒好薄, 又唔係太入味, 不過好在冇雪味, 已經覺得賺咗~個抹茶蛋糕又唔錯, 好鬆, 又好有抹茶味, 呢個真係驚喜~雪糕最衰唔係抹茶味, 只係普通牛奶味, 不過都幾奶下, 個人不太受~凍檸茶就已經預咗佢有乜味, 果然不出所料, 冇檸味又冇茶味, 如果唔係跟餐包埋, 我真係唔會加錢叫囉~ 吉列豬扒拉麵定食明太子紫菜飯, 原來係一大塊紫菜蓋住冇乜明太子的白飯, 冇乜味道可以發表~吉列豬扒拉麵, 選咗豬骨湯底, 配菜又係紫菜, 老公話一丁麵果個豬骨湯仲好味過佢~反而個豬扒個粉漿唔厚, 又幾